ဦးေၾကာင္ၾကီးမြန်မာပြည်တွင် ဘဘဂျီးဦးသိန်းစိန် ကျေးဇူးဖြင့် နိုင်ငံရေးရာသီဥတု ပွင့်လင်းလာရာ အမေရိကန်နိုင်ငံရောက် ဦးခိုင် ပါတီထောင်ရန် အလျင်အမြန် အိမ်ပြန်သည်။ သဂျီးကား လူလည်ပန်ကာ၊ ပါတီကို ရိုးရိုးသားသား အစမှ မထောင်လို၊ လူသိများပြီးသား အမည်ကို အသုံးချလိုသည်။ အန်အယ်လ်ဒီခမောက်လည်း သူများ ယူသွားပြီ၊ ခွပ်ဒေါင်းမှာလည်း ပွစာကြဲနေပြီ၊ ၈၈နာမည်လည်း မသုံးရဲ..ဤသို့ဖြင့် စဉ်းစားရင်း မည်သူမှ မတို့မထိရဲသော မြန်မာ့သမိုင်းဝင် ဗမာပြည်ကူမြူနစ်ပါတီအား ပုံတူရိုက် အသုံးချ လေတော့သည်။ ရှေးဦးစွာ မြန်မာ့နိုင်ငံရေး သုခမိန် ဦးကြောင်ကြီးအား ပါတီထောင်ရန် စည်းရုံးပြီး ရွေးကောက်ပွဲကော်မရှင်တွင် ဗမာပြည်ကြောင်ပါတီ (ဗကပ) Burmese Cat Party (BCP) တည်ထောင်ခွင့် လျောက်ထားလိုက်သည်။ ကော်မရှင်မှာ အစတွင် အင်တင်တင် ဖြစ်သော်လည်း ကြောင်များဆူပူ သောင်းကျန်းကြမည် […]
မြန်မာပြည်တွင် နေ့စဉ်ထုတ် သတင်းစာများ ပုံနှိပ်ခွင့် ပေးလိုက်ရာ သတင်းစာအများအပြား ထွက်ပေါ်လာရာ အမေရိကန်အခြေစိုက် စကိုင်းဘီလူးသတင်းစာလည်း အပါအဝင်ဖြစ်သည်။ လွတ်လပ်ခွင့် အပြည့်အဝရှိသော ကမာ္ဘ့ထိပ်သီး ဒီမိုကရေစီနိုင်ငံထွက် ဖြစ်ရကား အများနှင့်မတူ ကိုယ်ဗိုင်အတွေးအခေါ် အရေးအသားစစ်စစ်ကို လွန်စွာအားပေးသည်။ စစခြင်း မျက်နှာဖုံးသတင်းမှာ စက်တင်ဘာ ၄ရက်နေ့၌ ကျင်းပသော ဆာမိတေးဂီတပွဲ စင်မြင့်အထက် မီနီစကပ်အတိုလေးဝတ် သီဆိုနေသော အဆိုတော်မိုးစက်အား အောက်မှပင့်ရိုက်ထားသော ဓာတ်ပုံနှင့်ဖြစ်သည်။ ကာလသားအပေါင်း ကြိတ်ကြိတ်တိုး ဝယ်ယူအားပေးကြသည်မှာ ရောင်းမလောက်၍ ရဲဖြင့်အတော်ထိန်းယူရသည်။ မမ်းဂဇက်သတင်းစာမှာ အတော်ပေါက်သွားလေပြီ။ ဟိတ်တလုံး ဟန်တလုံးဖြင့် သတင်းဈေးကွက်ထဲ နေရာယူထားသော မန်မြာတိုင်းမ်စ်၊ အလဲဗျင်းသတင်းစာတို့မှာ ထိုနေ့က ကွမ်းယာဆိုင်၊ မုန့်ဆိုင်တို့တွင် အထူးလျော့ဈေးဖြင့် လက်သိပ်ထိုး ရောင်းချခဲ့ရသည်။ အယ်ဒီတာချုပ် စကိုင်းဘီလူး ဦးခိုင်၏ တကဲ့အကြံအစည်ကား အတည်အခန့် […]
အကျွန်ုပ်ကြောင်ကြီး ဤနေရာမှ တရားဝင် ကြေငြာသည်၊ မြန်မာပြည် စစ်အုပ်ချုပ်ရေးအဖွဲ့ အဆက်ဆက်နှင့် ပတ်သက်နေသော စစ်ဗိုလ်ဂျီး၊ သေး၊ ဟောင်း၊ သစ်များအားလုံးကို ဥပဒေချိုးဖောက်မှု၊ အာဏာအလွဲသုံးစားမှု၊ နှိပ်စက်ညှင်းပန်းမှု၊ မျိုးတုံးသတ်ဖြတ်မှု တို့ဖြင့် တရားစီရင် အပြစ်ပေးရန် တောင်းဆိုမည်ဖြစ်သည်။ ၁၉၆၂ခုနှစ် မှစ၍ နိုင်ငံဒေါ်အစိုးမရ အဆက်ဆက် မသမာသူများ လက်ချက်ဖြင့် အိမ်မွေးကြောင် ထောင်ပေါင်းများစွာ ဟင်းစားခံရမှု၊ အပြစ်မဲ့ ကြောင်ပေါင်းများစွာ ခွေးဆိုးများ ကိုက်သတ်ခံရမှု၊ ပြာသိုလ၏ သာယာနာပျော်ဖွယ် ကြောင်အော်သံအား နားငြီးသည်ဆိုကာ ခဲပေါက်နှောက်ယှက်ခံရမှု၊ ဟင်းအိုးအဖုံး ကြောင်အိမ်တံခါး လုံခြုံစွာ မပိတ်ဘဲ ကြောင်ခိုးစားသည်ဟု အသရေဖျက်မှု၊ အိမ်တွင် ငှက်၊ ငါးအလှမွေးပြီး ကြောင်များ ပြစ်မှုကျူးလွန်ရန် ဖြားယောင်းသွေးဆောင်မှု၊ ကန်ထရိုက်တိုက်တွင် ကြောင်မွေးပြီး အပြင်ထွက်ခွင့် ပိတ်ပင်မှု၊ အိမ်မွေးကြောင် […]
ကြေးမုံဂျီး လူလိမ်ဂျီးပါဗျို့…………….. ဟေ့….ကြေးမုံဂျီး လူဆိုရင် ပြောစကား မှန်ရတယ်ကွ။ လူတွေ တရားမစောင့် လိမ်ညာခဲ့ကြလို့ ကမာ္ဘဦး တည်ခဲ့တဲ့ နွယ်မြက်သစ်ပင် ဆေးဖက်ဝင် သစ္စာစကား ပျက်ယွင်းခဲ့တယ်။ အမှန်တရားဆိုတာ အမှားတရံ အမှန်ဖြစ်ဖို့ အမှားမကင်းပေမဲ့ မှားလို့မှားမှန်းမသိ အမှားကိုဖက်တွယ်နေရင်တော့ မှားလွန်းမက မှားနေပြီ ကြေးမုံဂျီး။ လောကမှာ ချစ်ခြင်းမေတ္တာဆိုတာ အရေးကြီးဆုံး တန်ဖိုးအထားအပ်ဆုံး အရာတခု..ဒါကို တရုတ် ကူမြူနစ်ပါတီ အမာခံကေဒါဆိုတဲ့ မာန်မာနနဲ့ တငါငါစွဲပြီး ချစ်သူကြင်သူ နှစ်ဦးအကြား သွေးခွဲဖို့ကြံစည်တယ်။ ဘာတဲ့ ရှာရာပိုဗာ ဒီနှစ်ကုန်ရင် လက်ထပ်တော့မယ်တဲ့၊ သူ့လင်က ဆားဗီးယားလူမျိုး ဘက်စကတ်ဘောလ် အားကစားသမားတဲ့၊ အမေရိကန် အန်ဘီအေလိဂ်မှာ ကစားခဲ့ပြီး အခုလက်ရှိ တူရကီမှာ ကစားနေတယ်တဲ့။ သူ့ရို့ဖာသာသူတို့ ရိုးရိုးသားသား အဖြူထည် သူငယ်ချင်းလိုခင်တာကို […]
Sugarpova သကြားလုံးအသစ် ဈေးကွက်ထဲ ရောက်လာပါပြီ။ သကြားလုံးနှစ်သက်သူ ရှာရာပိုဗာကြောင်ကြီး နာမည်ပေးထားတာမို့ နာမည်နဲ့ကုန်ပစ္စည်း သိပ်လိုက်ဖက်ပါတယ်။ ရွာထဲမှာ ကြေးမုံဂျီးလို့ ကြားလိုက်ရရင် ရွာသားများ ကြက်ဟင်းခါးသီးနဲ့ တမာရွက် သွားမြင်ကြသလို နေမှာပါပဲ။ နိုက်ကီနဲ့ ကိုးဟန်း အမှတ်တံဆိပ် ဖက်ရှင်ဒီဇိုင်း ပစ္စည်းများအတွက် ရှာရာပိုဗာဂလေး ကြော်ငြာပေးနေခဲ့ပေမဲ့ အခုသကြားလုံးလိုတော့ အစကနေအဆုံး ပါဝင်ထားတာ မဟုတ်ပါဘူး။ ရှာရာဂလေးခမျာ သကြားလုံး ဈေးကွက်ထဲရောက်ဖို့ အစကနေအဆုံး ၁၈လတိတိ အချိန်ပေးခဲ့ရပါတယ်။ သူ့အတွက် ကိုယ်ဝန်နှစ်ခါ (ဦးကြောင်နဲ့တခါ၊ အောင်ကြူးနဲ့တခါ) ဆောင်ခဲ့ရသလိုပါလို့ ဟာသလုပ် ပြောပါတယ်။ သူမနဲ့တွဲဖက် စီးပွားလုပ်ရောင်းချမည့် ကမာ္ဘတလွှား နေရာ၄ဝ ဆိုင်ခွဲများဖွင့်လှစ် ရောင်းချနေတဲ့ It’Sugar လက်လီအရောင်းဆိုင်ထဲက sugerpova သကြားလုံး ၁၂မျိုးရှေ့မှာ တနင်္လာနေ့က ရှာရာပိုဗာလေး မတ်တပ်ရပ် […]
အေဘီအက်စ်ဒီအက်ဖ် ကျောင်းသားတပ်ဖွဲ့ တပ်ချုပ်ဟောင်းများဖြစ်တဲ့ ကိုမိုးသီးဇွန်၊ ကိုထွန်းအောင်ကျော် တို့အပါအဝင် ပြည်ပရောက် အေဘီအက်စ်ဒီအက်ဖ် ခေါင်းဆောင်ဟောင်းများ ဒီနေ့ရန်ကုန်လေဆိပ်ရောက်မယ်လို့ သတင်းများမှာဖတ်ရတယ်။ ဒေါက်တာနိုင်အောင်၊ ဒေါက်တာသောင်းထွန်း၊ ကိုညိုအုန်းမြင့်တို့လည်း ရောက်နေပါပြီ။ ကိုတပ်ခေါ်တာ လူခြင်းသိလို့မဟုတ်ပါဘူး၊ အသက်သိပ်မကြီးသေးလို့ပါ၊ သမဒဂျီးက ကျန်နေသေးတဲ့ ပြည်တွင်းပြည်ပ အတိုက်အခံများအားလုံးကို ရှစ်လေးလုံးလှုပ်ရှားမှုမျိုးဆက် တခုလုံးအနေနဲ့ တွေ့မယ်နဲ့ တူပါတယ်။ တော်လှန်ရေးမှာ မှတ်ကျောက်အတင် ခံပြီးသူများ အရည်အချင်းရှိသူများဖြစ်လို့ ဝမ်းမြောက်ဂုဏ်ယူပါ၏။ တဆက်ထဲမှာပဲ သူတို့နဲ့ ပုဂ္ဂိုလ်ရေး မရင်းနှီးလိုက်တာ ဝမ်းနည်းလို့ မဆုံးပါ၊ အခုမှတော့ နောက်ကျသွားပြီ၊ အစောတုံးကလည်း သိဘူးလေဗျာ၊ အဘစိန်ဂျီး ဒီလောက်မြန်မယ်လို့.. 😛 ကိုမိုးသီးနဲ့ ဒေါက်တာသောင်းထွန်းတို့ကု ဒီမိုကရေစီရေး လှုပ်ရှားမှုပွဲတွေမှာ အနီးကပ် တွေ့ဖူးပြီး ကျန်လူများကိုတော့ အခွင့်ကြုံမှ မြင်ဖူးပါတယ်။ ကိုမူးသာ ပျောက်ကျားစစ် […]
အစိုးရ ဝံကျီးအပြောင်းအလဲတွေတော့ လုပ်ကုန်ပြီ။ ကောင်းသလား ဆိုးသလား ဘယ်ဖက်ကို ဦးတည်သလဲ ရေရေရာရာမသိပေမဲ့ ကျနော့်ကိုယ်ပိုင် ခံစားချက်အရ အရွေ့ကနေ စွမ်းအင် ဖြစ်ခြင်းသဘောကို လက်ခံတာမို့ နှစ်ခြိုက်ပါတယ်။ ပြောင်းတိုင်းလားဆိုတော့လည်း မဟုတ်ပါဘူး၊ အရင်ကလည်း ရာထူးနေရာ အပြောင်းအလဲ များစွာရှိခဲ့တာပဲ၊ ဒီနေရာက ဟိုနေရာ၊ ဒီလူပြီးနောက်လူ ညီလေးအကိုဂျီး ချစ်တမ်းကစားနေကြတာများတယ်။ အနှစ်သာရအားဖြင့် ပြစရာနတ္ထိပါ။ ဒီတခေါက်ရော ဘယ်လိုလဲ၊ စောင့်ကြည့်ရပါအုံးမယ်။ လက်ငင်းပြောနိုင်တာ ၉ဂဏန်း ကိုးနဝင်း အစဉ်အလာ ဆက်ထိန်းပါတယ်။ ထားပါတော့ သူ့မြင်းသူ့စိုင်း စစ်ကိုင်းရောက်ရောက်၊ နိုဗွီလေးလည်း အဲဒီမှာနေတော့တာ မဟုတ်ဘူး။ သတင်းပြေးထားတဲ့အတိုင်း ပြန်ကြားရေးဝံကျီးရာထူးကို ဦးအောင်ကြည်၊ ထိပ်တန်းဝံကျီးအချို့ သမတရုံးသို့ ပြောင်းပါတယ်။ အမျိုးသားပြန်လည် သင့်မြတ်ရေးအတွက် ဆွေးနွေးဖို့ သမတလက်ထောက်အဖွဲ့ စိတ်ကြိုက်ရွေးသလား သို့မဟုတ် တိုင်းမှူးများအထက် […]
ဂရင်းစလင်းချန်ပီယံ အိုလံပစ်ငွေတံဆိပ်ဆုရှင် ရုရှားသူနုနုထွတ်ထွတ် ရှာရာပိုဗာကြောင်ကြီး နေမကောင်းသဖြင့် ဝင်ရောက်ယှဉ်ပြိုင်ခြင်း မရှိသော စင်စင်နာတီအိုးပင်း တင်းနစ်ဗိုလ်လုပွဲတွင် ကြေးမုံဂျီးအမျိုး တရုတ်နိုင်ငံသူ နလီမှ ပြိုင်ဖက် ဂျာမနီနိုင်ငံသူ ကဗာအား 1-6 6-3 6-1 နှစ်ပွဲတပွဲဖြင့် အနိုင်ရ ဗိုလ်စွဲသွားသည်။ တနင်္ဂနွေနေ့က ပြလုပ်သော ဗိုလ်လုပွဲ အနိုင်ရလိုက်ခြင်းကြောင့် ယခုနှစ်အတွင်း သုံးကြိမ်တိုင်တိုင် ဖိုင်နယ်ဗိုလ်လုပွဲ အရေးနိမ့်ခဲ့ရမှုများ အဆုံးသတ်လိုက်နိုင်ပြီ ဖြစ်သည့်အပြင် ယခုလနှောင်းပိုင်း ကျင်းပမည့် အမေရိကန်အိုးပင်း ဂရင်းစလင်န်ပွဲအတွက်လည်း တွန်းအားဖြစ်သည်။ ယမန်နှစ် ပြင်သစ်ဂရင်းစလင်န်အိုးပင်း ချန်ပီယံဖြစ်ပြီးနောက် ပထမဆုံး အနိုင်ရဗိုလ်စွဲခြင်းလည်းဖြစ်သည်။ အာဂျင်တီးနား နည်းပြအသစ် ကားလို့စ်အား ငှားရမ်းလေ့ကျင့်နေသော နလီ(၃ဝနှစ်)သည် စုစုပေါင်း ပြိုင်ပွဲခြောက်ပွဲ အနိုင်ရဗိုလ်စွဲထားသည်။ ဂေဇက်ရွာ အားကစားသတင်း ပင်တိုင်ဆောင်းပါးရှင် ဦးကြောင်ကြီး (ပျိုလှန်ခြစ် ပလက်တီနမ်ဆုရှင်)
ဦးကြောင်ကြီးအား ဒေါက်တာဘွဲ့ ချီးမြင့်ရန်ရှိကြောင်း တိုင်းနိုင်ငံတဝှန်း အုတ်အော်သောင်းနင်း ဖြစ်နေသည်။ ဦးကြောင်ကြီးကား အသူနည်း..နှယ်နှယ်ရရမဟုတ် ဆယ့်နှစ်ပိဿခွဲအလေးချိန်စီးကြောင်း အတွင်းသိများက ဆိုသည်။ သူစိတ်ဝင်စားသော အပျိုချောဂလေး ရှိပါကာ ဆယ်ထပ် ကန်ထရိုက်တိုက် အမြင့်ဆုံးအထပ်သို့ပင် ရောက်အောင် တချက်ထဲနှင့် ခုန်နိုင်သည်။ အနံ့၊ အကြား၊ အမြင် အာရုံအစွမ်းများမှာလည်း ရှားမှရှားဖြစ်သည်။ ထိုမျှကြောင့်တော့ ဒေါက်တာဘွဲ့ ပေးခြင်းမဟုတ်တန်ရာ၊ တိုင်းကျိုးပြည်ပြု ဆောင်ရွက်ချက်များကြောင့်သာ ဖြစ်ပေမည်။ ကြောင်ကြီးဘာလုပ်သနည်း၊ ဘာမှမလုပ် ဘေးထိုင် ဘိုင်ကျ ဘုတော ဒီလိုနဲ့ ဘွတ်စမံ အပေးခံရ၊ ဤကား အခြေအမြစ်မရှိ သိက္ခာချ စွပ်စွဲချက်များဖြစ်သည်။ ကြောင်ကြီးသည် သတ္တိဗျတ္တိ ညဏ်ပညာ ပြည့်စုံသူ ရဲရဲတောက် အတိုက်အခံ ဖြစ်သည့်အပြင် ယူဂျီများလို လူသူမသိ အနစ်နာခံ လှုပ်ရှားပေးနေသူလည်းဖြစ်၏။ ဤသည်ကို […]
နိုင်ငံဒေါ်သမဒဂျီး ဦးသိန်းစိတ် ဂေါင်းခြောက်နေသည်၊ သူအာဏာရလာပြီးခထဲက ဒေါ်စုမှစ၍ ယခုနောက်ဆုံး တိုင်းရင်းသား နိုင်ငံရေးပါတီများနှင့်ပါ တွေ့ဆုံခဲ့ပြီးလေပြီ၊ တိုးတက်မှုကား ထင်သလောက် မရသေး။ ဗေဒင် ဟူးရားပညာရှင်များနှင့်လည်း ဓာတ်ရိုက်ဓာတ်ဆင် ယတြာနည်းလမ်းပေါင်းစုံ လုပ်ထားသည်၊ အခြေအနေက ဒုံရင်းကဒုံရင်းပင်..။ အဘယ်ကြောင့်နည်း.. ဟူးရားဖြူ ဟူးရားညိုများ အဆိုအရ မိမိမျှော်မှန်းထားသည်များ အောင်မြင်ထမြောက်စေလိုလျင် သုံးဆဲ့တဘုံ ဝေနေယျများအားလုံးနှင့် ထိတွေ့ဆက်ဆံရမည် သေချာပေါက် အတတ်ဆိုထားသဖြင့် လူပုဂ္ဂိုလ် အဖွဲ့အစည်းများသာမက နတ်များကိုပါ ဗလိနတ်စာကျွေးခြင်း၊ ဂြိုလ်တိုင်များ ဆီမီးပူဇော်ခြင်း၊ နာနာဘာဝ ဝိနာဘာဝများအား ခေါစာကျွေးခြင်း ပုံမှန်ပြုလုပ်ရသည်။ ဒါလည်း ဟုတ်တိပတ်တိ ဖြစ်မလာ၊ အရေးထဲအရာပေါ် ရခိုင်ဘင်္ဂါလီ အဓိကရုဏ်းပင် ဖြစ်လိုက်သည်။ တခုခုတော့ မှားယွင်းပေသည်။ ထို့ကြောင့် အစိုးရအဖွဲ့အတွင်း ဗေဒင်ဟူးရားအတတ် အထူးကျွမ်းကျင်သော ရထားဝံကျီး ဦးကြောင်မင်းအား […]
ပြည်သူ့လွှတ်တော်တွင် တရားဥပဒေစိုးမိုးရေး၊ တည်ငြိမ်ရေးကော်မတီ အသစ်ဖွဲ့ပြီး ဒေါ်စုအား ဦးဆောင်စေရာ လွှတ်တော်အမတ် ဦးကြောင်ကြီးမှ မကျေနပ်ကြောင်း လွှတ်တော်ငှက်ကထ ငါမရ ဥငွေငန်းအိမ်နား ညတိုင်း အော်ဟစ်ဆူပူ ဆန္ဒပြသဖြင့် လှုပ်လှုပ်ရွရွ မြင်မြင်သမျှ အကုန်ဖမ်းကော်မတီ ထပ်မံဖွဲ့စည်း ပေးလိုက်ရသည်။ သူနှင့်တွဲဖက်လုပ်လိုသူ ရှာမရ၍ ကော်မတီတွင် ဦးကြောင်ကြီးတဦးတည်းသာ ဥက္ကဌ၊ အတွင်းရေးမှူး၊ အဖွဲ့ဝင် ထိန်းချုပ်သူမဲ့ အာဏာရှင်အစစ် ဖြစ်နေပေတော့သည်။ ကော်မတီဥက္ကဌသစ် ဦးကြောင်ကြီးမှလည်း ငှက်ကထ ဥငွေငန်းနှင့် ဒုငှက်ကထ ဥနံနံပင်ကြော်စားတို့အား အဖိုးအနဂ္ဂထိုက်သော ကြောင်ကတိုးချီးတုံး ဆယ်ပိဿာစီ ကျေးဇူးသိတုံ့ပြန်သည်။ ထို့နောက်တွင်ကား ကော်မတီအသစ်လုပ်ငန်း စတင်ရာ လွှတ်တော်ခန်းမထဲ ဒူးနန့်သူ၊ ခါးကြောဆန့်သူ၊ ခေါင်းအငြိမ်မနေသူ၊ ခြေလက်ငြိမ်ငြိမ် မထားနိုင်သူမှန်သမျှ ဒုက္ခနှင့်လှလှ တွေ့လေသည်။ ပထမနေ့တွင်ပင် ကြောင်အကုတ်၊ အကိုက်ခံရသူ လွှတ်တော်အမတ် […]
လွှတ်တော်မှာ ဒေါ်အောင်ဆန်းစုကြည်ကို ပြည်ထောင်စုအဆင့်ရှိတဲ့ တရားဥပဒေစိုးမိုးရေးနဲ့ တည်ငြိမ်ရေးကော်မတီ အုတ်ကထခန့်အပ်လိုက်ကြောင်း သတင်းများ ဖတ်ရတယ်။ အပြောကတော့ ဥပဒေစိုးမိုးရေး၊ နယ်မြေတည်ငြိမ်ရေး၊ ပြည်ထောင်စုဝံကျီးများအပါအဝင် ပြည်သူ့ကိုယ်စားလှယ်၊ ဝန်ထမ်းများ စည်းကမ်းလိုက်နာရေး လွှတ်တော်ငှက်ကထနဲ့ ပူးတွဲကြပ်မပ် ဆောင်ရွက်မယ်ပေါ့လေ။ ထားပါတော့ အပြောက ရွှေမန်းဖြစ်ဖြစ် ငွေငန်းဖြစ်ဖြစ် ဘာဆိုတာ များမကြာခင် သိရမှာပါ။ မရှင်းတာ အဲဒီပြည်ထောင်စုအဆင့်ဆိုတာ ဘယ်သူက သတ်မှတ်တာလဲ။ သတင်းများမှာတော့ လွှတ်တော်ငှက်ထ အမိန့်နဲ့ အတည်ပြုပုံရတယ်။ လွှတ်တော် နောက်ဆက်တွဲ ကြေငြာချက်မှာ ပြည်ထောင်စုအဆင့် ကော်မတီသတ်မှတ်တယ် ဆိုတာကိုး။ တလောကတင် ဖွဲ့စည်းစည်းပြီးသား ၂၄ခုသော လွှတ်တော်ကော်မတီများသည် ပြည်ထောင်စုအဆင့် တန်းမဝင်ကြောင်း အခြေခံဥပဒေဆိုင်ရာတယားရုံး စီရင်ချက်ရှိတယ်။ အဓိပ္ပါယ်က ပြည်ထောင်စုဝံကျီးများအနေနဲ့ သက်ဆိုင်ရာကော်မတီများရဲ့ စုံစမ်းမေးမြန်းမှုများမှ ကင်းလွတ်ခွင့်ရတယ်။ အခုဒေါ်စုဦးဆောင်တဲ့ ဥပဒေစိုးမိုးရေးနဲ့တည်ငြိမ်ရေးကော်မတီကို ပြသနာအရှာခံရတဲ့ […]