မွန်လေးတို ့လိုရုံးသမားတွေကတော့ရုံးပိတ်ရက်ဆိုတာ.ဆန်းဒေးပဲရှိပါတယ်။စနေကလည်းနေ ့တစ်ဝက်တက်ရနဲ ့ဆိုတော့ တကယ်တမ်းနေ ့ချင်းပြန်ခရီးသွားနိုင်တာလည်းဆန်းဒေးပဲပေါ့။အဲတော့ဒီတစ်ခေါက်သွားဖြစ်ခဲ့တဲ့နေရာလေးကတော့သဘာဝအလှအပများနဲ ့အေးချမ်းလတ်ဆတ်မှုကိုအပြည့်အဝခံစားလို့ရအောင်လှည်းကူးအကျော်ပဲခူးရောက်ခါနီး၊(၁၀)မိုင်ကုန်း မရောက်ခင်လေးမှာရှိတဲ့Shwe Pyi Resort လေးပါ။ #ထူးခြားတဲ့ခံစားမှု သဘာဝရဲ  ့အရသာကိုကြိုက်လို့လားတော့မသိဘူး။ကားပေါ်ကဆင်းတာနဲ ့လေအေးအေးကိုဖြတ်ခနဲခံစားလိုက်ရတဲ့ အခိုက်တန် ့မှာအသက်ရှုဖို ့တောင်မေ့သွားခဲ့ပါတယ်။ပြီးတော့မြင်လိုက်ရတဲ့ရှုခင်းတွေကြောင့်လည်း”အိုး…အရမ်းကိုလှတာပဲ…….မိုက်တယ်”လို ့ပါးစပ်ကနေမထွက်ထွက်ချင်လာအောင်ပြောမိတဲ့ခံစားမှုမျိုးကိုခံစားရပါတယ်။ #ဘာတွေရှိလဲ   အစားအသောက်အရမ်းကောင်းတဲ့အပြင်ဈေးလည်းမကြီးတဲ့ဟိုးအဝေးကိုလှမ်းမြင်ရတဲ့ရှုခင်းရှိတဲ့စားသောက်ဆိုင်ရယ်၊ဘဲ ငန်းဘုတ်ကြီးစီးလို့ရတဲ့ရေကန်ဖွေးဖွေးလေးရယ်၊ပြီးတော့selfieအသေဆွဲလို့ကောင်းတဲ့အပြင်စက်ဘီးလည်းလျှောက်ပတ်စီးလို ့ရတဲ့ မြက်ခင်းစိမ်းစိမ်းကွင်းပြင်ကျယ်ကြီးတွေရယ်၊တံတားတွေရယ်၊အမိုးပါတဲ့ တဲလေးတွေ အပြင် ထိုင်ခုံငယ်လေးတွေ ရယ်၊(Buggycar တွေလည်းငှားစီးလို့ရတယ်)၊တည်းစရာဘန်ဂလိုအခန်းလုံးချင်းလေးတွေရယ်၊သိပ်လှပြီးလက်ရာမြောက် တဲ့ မြန်မာမှု သစ်သား ပန်းပုရုပ်ထုတွေရယ်(not for sale)၊နောက်ဆို နေပြည်တော်မှာရှိတဲ့လေယာဉ်ပျံကြီးပေါ်မှာပါ စားသောက်လို့ရတဲ့စားသောက်ဆိုင်ပါရှိတော့မှာဖြစ်ပါတယ်။ဆောက်နေတာတွေ ့ခဲ့ပါတယ်။ လမ်းလျှောက်ပီးကြည့်မယ့်သူဝင်ကြေး ၁၀၀ဝကျပ် Buggy စီးခ -၁၀၀၀ဝ ကျပ်(၉ယောက်ထိရတယ်) စက်ဘီး၊ဘဲလှေခ – ၂၀၀ဝ ကျပ် (၁နာရီ) #ဘယ်လိုသွားလဲ ရန်ကုန်ကနေဆိုလမ်းလည်းမပိတ်၊တောက်လျှောက်အမြန်မောင်းသွားမယ်ဆိုတကယ်ကို(၁)နာရီပဲသွားလိုု ့ရတဲ့ခရီးပါ။( တကယ်ကိုအဲ့အတိုင်းရောက်ခဲ့တာ)။ပထမအကြိမ်သွားတုန်းကလိုင်းကားနဲ ့သွားကြည့်ခဲ့တာ။အိမ်ကနေစော်ဘွားကြီးကို တက္ကစီစီး၊အဲ့ကနေလိုင်းကားတက်စီးသွားကြတာ။ဒုတိယတစ်ခေါက်ရောက်တော့သယ်ရင်း(၃)ယောက်ကားအတူတူစုငှား […]