မောင်မိုးညိုကတော့ဒီလိုတွက်မိပါတယ်… (၁) အမျိုးသားလွှတ်တော်နဲ့ပြည်ထောင်စုလွှတ်တော်၊ ပြည်နယ်နဲ့တိုင်းဒေသကြီးလွှတ်တော်အဆင့်တွေမှာဝင်အရွေးခံတဲ့ ကြံ့/ဖွံ့ပါတီဝင်တွေကမဲအပြတ်အသတ်နိုင်ပါလိမ့်မယ်။ ဘာဖြစ်လို့လဲဆိုတော့မဲလိမ်လို့သိပ်အဆင်ပြေလို့ပါ။ (၂) ခရိုင်၊နဲ့အထူးသဖြင့်မြို့နယ်နဲ့ရပ်ကွက်ကျေးရွာတွေမှာရှိတဲ့ကြံ့/ဖွံ့တွေကတော့အခက်အခဲနဲနဲပါးပါးရှိမယ်။ ဘာဖြစ်လို့လဲဆိုတော့မဲလိမ်ရင်လဲပေါ်တင်ကြီးဖြစ်နေမှာမို့ပါ။ (၃) ရန်ကုန်မှာရှိတဲ့သံတမန်နဲ့ကုလသမဂ္ဂနဲ့စာနယ်ဇင်းတွေကိုဖိတ်ကြားပြီးဖြစ်လို့သူတို့ကိုလုပ်ဇာတ်တိုက်ထားပြီးဖြစ်တဲ့မဲရုံတွေမှာ၊ စစ်တပ်နဲ့ကြံ့/ဖွံ့ကကြည်ခြေနီ/မီးသတ်ဝတ်စုံတွေခါတော်မှီလဲထားကြတဲ့လံကြုတ်တွေနဲ့မဲထဲ့တာကိုပြပြီးအတင်းဓါတ်ပုံတွေရိုက်ခိုင်းပါလိမ့်မယ်။ မဲထဲ့တာတွေ၊ မဲဆန္ဒရှင်တွေကိုငွေမြက်မြက်ကလေးပေးပြီး “လွတ်လပ်ပြီးတရားအမျှတဆုံးမဲထဲ့ရလို့ဂုဏ်ယူပါတယ်”ဆိုတာပြောခိုင်းပါလိမ့်မယ်။ ပြုံးပြုံးရွှင်ရွှင်ရယ်မောတဲ့ပုံတွေဓိတ်ပုံရိုက်ခိုင်းပါလိမ့်မယ်။ မဲရေတွက်တာ၊ မဲပုံးကိုသွန်မှောက်ပြတာတွေဓါတ်ပုံရိုက်ခိုင်းပါလိမ့်မယ်။ ပြီးတော့သူတို့အသင့်ပြင်ထားပြီးတဲ့သတင်းကိုထဲ့ခိုင်းပါလိမ့်မယ်။ ဒါပေမဲ့အခြားမဲရုံတွေကိုတော့သံဝန်ထမ်းအပါအဝင်စာနယ်ဖင်းသမားတွေသွားခွင့်ရမယ်မဟုတ်ပါဘူး။ အကြောင်းပြချက်ကတော့ရှင်းပါတယ်။ မဲဆန္ဒရှင်တွေရဲ့လွတ်လပ်စွာမဲပေးခွင့်ကိုမထိခိုက်စေရဆိုတဲ့ဥပဒေနဲ့ကိုင်ပေါက်ပါလိမ့်မယ်။ (၄)နောက်တနေ့သတင်းတွေမှာကြံ့/ဖွံ့ကအပြတ်အသတ်နိုင်ကြောင်းတွေ့ရပေမဲ့၊ ဗိုလ်သိန်စိန်အပါအဝင်ထိပ်တန်းရွေးကောက်ပွဲဝင်ဗိုလ်ချုပ်များရဲ့မျက်နှာမှာသိပ်ထူးခြားတဲ့စိတ်လှုပ်ရှားမှုတွေတွေ့ရမယ်မထင်ပါဘူး။ ဘာဖြစ်လို့လဲဆိုတော့သူတို့ကအလိုအလျောက်နိုင်ပြီးသားဆိုတာအပိုင်စီစဉ်ထားပြီးဖြစ်သလို၊ အလိုအလျောက်ရခွင့်ရှိတဲ့အခွင့်အရေးလို့သူတို့ကိုယ်သူတို့သတ်မှတ်ထားကြလို့ပါ။ အောက်ပိုင်းအဆင့်မှာနဲ့ဒေသတွေမှာအရွေးခံကြသူတွေသာအောင်ပွဲခံကြမှာပါ။ (၅) ရွေးကောက်ပွဲဝင်တဲ့အခြားအတိုက်အခံပါတီများကတော့ရွေးကောက်ပွဲရလာဒ်များကိုကန့်ကွက်ကြောင်း၊တရားရုံးမှာတင်မှာဖြစ်ကြောင်း၊ ကော်မရှင်ကိုကန့်ကွက်မှာဖြစ်ကြောင်း၊ ကုလသမဂ္ဂနဲ့နိုင်ငံတကာကိုတိုင်မှာအသိပေးမှာဖြစ်ကြောင်းအသံသေးအသံကြောင်တွေနဲ့ထအော်ကြရင်းကြာတော့မောသွားပါလိမ့်မယ်။ ရွေးကောက်ပွဲပြီးတာနဲ့ရုံပုံငွေကိုင်တွယ်တဲ့ကိစ္စတွေနဲ့စကားစများကြပါလိမ့်မယ်။ အနစ်နာခံကြသူတွေအချင်းချင်းကွဲကြပြဲကြဖြစ်ကြပါလိမ့်မယ်။ သူတို့ရဲ့နိုင်ငံရေးလုပ်ကွက်တွေကသူတို့ရဲ့နောက်ကြောင်းနိုင်ငံရေးကြိုးပမ်းအားထုတ်ချက်အားလုံးကိုဖျက်ဆီရာရောက်သွားစေမှာပါ။ ပြီးတော့တပ်မတော်လုံခြုံရေးကညဘက်လာတံခါးခေါက်တဲ့ဒုက္ခကိုစတင်ကြုံကြိုက်ကြရပါလိမ့်မယ်။ (၆) နယ်စပ်တိုင်းရင်းသားဒေသတွေမှာတော့စစ်ဗိုလ်ချုပ်များနဲ့စီးပွားရေးအလွမ်းသင့်ပြီးသားတွေလဲမဲနိုင်ကြပါလိမ့်မယ်။ ယှဉ်ပြိုင်ဘက်တွေမရှိတာလဲပါပါတယ်။ (၇) လုံခြုံရေးကြောင်းရွေူကောက်ပွဲမလုပ်တဲ့ပြည်နယ်ေးသတွေမှာစစ်တပ်ကကိုယ်စားပြုတဲ့စစ်ဗိုလ်တွေကအလိုအလျောက်ကိုယ်စားလွယ်တွေဖြစ်ကြပါအုံးမယ်။ (၈) ဒေါ်စုလွတ်မြောက်လာပြီး၊လူထုနဲ့နီးစပ်ခွင့် ရက်(၉၀)လောက်တော့ရပါလိမ့်မယ်လို့ထင်ပါတယ်။ထင်ပါတယ်။  မသေခြာ(၅၀/၅ဝ % ပါ) ဘာဖြစ်လို့လဲဆိုတော့ရက်(၉၀)အတွင်းမှာအစိုးရဖွဲ့ရမှာမို့၊ စစ်အစိုးရကနိုင်ငံတကာကိုနောက်တကြိမ်သဘောထားကြီးကြောင်းပြဘို့လိုပါတယ်။ (၉) နောင်တက်လာတဲ့ အစိုးရကို(ရက် ၉ဝ အကြာမှာ) ကုလသမဂ္ဂနဲ့နိုင်ငံတကာ(မြောက်ကိုရီးယား၊အီရန်။တရုတ်စတဲ့နိုင်ငံတွေကစပြီး)ကဝမ်းမြောက်ကြောင်းသဝဏ်လွှာတွေသတင်းစာတွေမှာနေ့စဉ်ရက်ဆက်ထဲ့တာတွေ့ရမါလိမ့်မယ်။ (၁၀) […]