ဒီဇင်ဘာ အလွမ်း… ဒီဇင်ဘာရေ…နှင်းတွေ ဝေသလား… ရင်ဘတ်ထဲမှာ မိုးတွေ စွေသွားတယ်… တစ်ရက်ပြီး တစ်ရက်..တစ်နှစ်ပြီး တစ်နှစ်… ပြက္ခဒိန်တွေလည်း…သစ်ပြီးရင်း သစ်နေဆဲ… မနေ့ကိုပြန်ကြည့်လိုက်တော့… အတိတ်ဆိုတာ ပစ္စုပ္ပန်ကို လွှမ်းမိုးသလား… အနာဂါတ်ဆီ ခရီးသွားဖို့… အားနည်းနည်းတော့ လိုတယ်… အလင်းရေ…မလာပါနဲ့အုံး… အိပ်မက်က ကောင်းနေတုန်းလေ… အပြင်မှာ နှင်းတွေ သည်းသည်းမည်းမည်း ဝေနေပြီ… လေပြည်တစ်ချက်ခတ်သွား… နှလုံးသားဆီ တိုးပွားလာတာ… အလွမ်းတဲ့လားဟင်… မနက်ဖန်ကို မြင်ရတော့မယ်… အရုဏ်မတက်ခင်လေး… ငါ့ကို နွေးနွေးထွေးထွေး နှုတ်ဆက်ပါ… ဟိုမှာ ရောင်နီလာနေပြီပဲ…. သက္ကရာဇ်တွေထဲ တဝဲဝဲလည်ရအုံးမယ်… နာရီကို လှမ်းကြည့်တော့… ဟင်…မနှစ်က ဒီအချိန်…. အဲဒီတုန်းကလည်း နှင်းတွေ ဝေနေတာပဲ… မှန်ထဲက ပုံရိပ်က ရင့်အိုသွားသလား… ငါရော… ဘယ်လောက်များ ရင့်ကျက်လာသလဲ… အတွေးထဲမှာတော့ […]

သွေးသောက် ကာရန် သွေးသောက်တွေဆို ဘေးရောက်စေလိုသလား သခင်မရယ် ရင်မှတွယ်ယှက် နှောင်ကြိုးဖျက်ခြွေ ဘယ်ဆီသွေခွာ နွေလာမှီချဉ်း ရင်မီး တွင်းလျှံ မြိုထားအန်ထွက် အဆိပ်တက်ဆို မငိုရဲဘဲ မျက်ရည်ဝဲတက် မိုးစွေလျှက်နွမ်း နှလုံးကျွမ်းမြေ့ အသိမေ့ချင် မတွေ့မြင်လွမ်း တွေးထင်မှန်းဆ အိပ်ပျက်ညအို သန်းခေါင်ကြိုလင့် နေခြည်မြင့်တက် တစ်မနက်ကူး အာရုံမူးဝေ မွန်းတည့်နေပြင်း နေဆယ်စင်းလို ရင်လှိုက်ဖိုကျွမ်း နေဝင်နွမ်းလျ အေးမြလရိပ် တမှေးအိပ်စဉ် အိပ်မက်မြင်ဆဲ စိတ်ထင်စွဲသည် လွမ်းတမြည်စိုး ဘဝင်ညှိုးခွေ ညလေပြေဆိတ် ပြတင်းပိတ်မှ အိပ်ခန်းကကျဉ်း သူလာချဉ်းကပ် မျက်ဝန်းဟပ်မီး ရေနှယ်စီးယို ချော်ရည်ဆိုလည်း သွန်ထုတ်ဆဲမှာ ပါးပြင်သာစို ထီးကျန်ငိုချင်းအက်ဆစ်ပြင်းလား သခင်အားရ ကျေနပ်မှလျှင်…။။ (သက်ဆုံးထိတိုင်ပျော်ရွှင်ချင်…။။) တောက ကိုရင် ၀၅.၀၈.၂၀၁၂

မိုး အတွက် မိုး မိုးရိပ်ဆင် မိုးထင်မှ မိုးကျလွန် မိုးသွန်ဆဲ မိုးသည်းနေ မိုးလေပြင်း မိုးမင်းရွာ မိုးလာခို မိုးညိုမှောင် မိုးရောင်သန်း မိုးဖြန်းစေ မိုးစွေလျှက် မိုးစက်မှုန် မိုးတုန်ဟီး မိုးသီးကြွေ မိုးလေထန် မိုးမာန်တင်း မိုးညှင်းကဲ မိုးသည်းစိမ့် မိုးသိမ့်တုန် မိုးဟုန်ပျံ့ မိုးနံ့သင်း မိုးဝင်းလက် မိုးသက်ဆင် မိုးသွင်မှန်း မိုးတမ်းဖွေ မိုးတွေညို မိုးပြိုနိုး မိုးကြိုးလက် မိုးသက်တန့် မိုးလန့်ငို မိုးဆိုမုန်း မိုးတုန်းမှ မိုးညထဲ မိုးသည်းပျော် မိုးမျှော်ငေး မိုးဝေးလို့ မိုးသို့ထံ မိုးပြန်တမ်း မိုးလွမ်းတုန်း မိုးသုဉ်းပျက် မိုးစက်သွေ မိုးကြွေလွင့် မိုးသင့်ဆောင်း မိုးနှောင်းမှ မိုးကညို မိုးစိုရွှဲ မိုးထဲမှာ မိုးလာပြန် မိုးသံကြား မိုးခါးစွေ မိုးမြေလူး […]

မိုင်တိုင် 17/10 အောက်တိုဘာ တစ်ဆယ့်ခွန် အချိန်ကာလတွေ လွန်မြောက် ဒီမွေးနေ့ တစ်ကြိမ်ထပ်ရောက်ပြန်ပြီ…။ ရက်ကို လ,စား .. ခုနှစ်တွေသာ များလို့ ပြက္ခဒိန်တွေ ဟောင်းသွားပေမယ်­့ ငါကရော ဘာတွေ ပြောင်းလဲသွားခဲ့ပြီလဲ…။ တိုးတက်ခြင်းနဲ့ဆုတ်ယုတ်ခြင်း အောင်မြင်ခြင်းနဲ့ ကျရှုံးခြင်း လောကဓံ ဖြစ်ပျက်ခြင်းတွေနဲ့လည်း ရင်းနှီးပြီးသား…။ အတ္တတွေ များများလာတာ မာနတွေ ခါးခါးလာတာ ဒီသံသရာ ခရီးကြမ်းမှာလေ…။ မနေ့က အတွေးဟောင်းတွေကို လွှင့်ပစ် မနက်ဖန်ကို စိတ်ကူးအသစ်တွေနဲ့ ထုဆစ်ဖို့ အနာဂါတ်ကို အားမာန်တွေနဲ့ ရွက်လွှင့်ဖို့ အမေ… ကျနော့်ကို မွေးဖွား ခွန်အားတွေ ပေးထားခဲ့တာ ဦးခိုက်ပါတယ် အမေ…။ တစ်နှစ်ပြီး နောက်တစ်နှစ် သက္ကရာဇ်တွေကို ကျနော် ဖြိုဖျက် လောကကြီးထဲက အခက်အခဲတွေ ရဲရဲ ရင်ဆိုင်… […]

ပာရီလဲ့မှုန်… ပြာရီလဲ့မှုန် မြိုင်ရဂုံတွင် လင်းထုံပြက်လက် အုံ့ဆိုင်းလျက်သား သစ်ခက်ဝါးနွယ် နေခြည်ကွယ်လု ပင်ထက်နုသစ် ဖူးပုရစ်ဝေ ပန်းချစ်လိပ်ပြာပျံဝဲကာဖြင့် နံ့ထုံလွင့်သင်းလေပြည်ညှင်းက တောင်ထိပ်မှသည် တောင်ခြေဆီခို ရွက်အိုရွက်ဝါ မြေလွှာဆင်းသက် အထက်ရှုပ်ချင် အောက်ရှင်းမြင်သည် တွယ်ရာဖိတ်စမ်း အေးမြသည်…။ ရာသီဖွဲ့တုန် မိုးနွေကုန်ဟောင်း သည်ချိန်ဆောင်းညချမ်းမြလှိုက်မော ဖော်ဝေးတောတွင် မိုးကြိုးဆင်လျက­် နေပြင်းသက်ဝေ မိုးနွေ နွေမိုး နှင်းကိုခိုးလွမ်း မြူမှုန်လွှမ်းခြုံ စိတ်ဝယ်ကြုံနိုးဘဝင်စိုးထိတ် လှောင်ပိတ်ဝန်းကျင် နှင်းကိုမြင်မှ နှင်းကျနံနက် နေပျော်လျက်လေ တွေးခက်ပိုဝေး ရောက်နိုင်သေးပြ­ီ ဘယ်ခါစိတ်ဝမ်း နွေးရမည်…။ ဌာနီလှည့်ကြုံ တစ်ကြိမ်ဆုံခွင်­့ ပြန်ချိန်သင့်နိုး မျှော်ကိုးကြာရှည် နာရီမိနစ် နေ့သစ်နှစ်ဟောင်း ချိန်ခါပြောင်းလဲ တမ်းတမြဲတိုင် ဆုံနိုင်ဝေးကွာ ဆွေမျိုးညာတိ ကြင်မိသက်ထား လွမ်းနေလားလို့ နေခြည်ပျို့အန် ရောင်ခြည်ပြန်နှင့် မှာဆင့်လေပြေ ကျန်းမာစေကြောင်း ဆုခြွေတောင်းရင်း […]

အချိန်မနှောင်းမှီ   ကြယ်တာရာတွေ စုံလင်စွာနဲ့ လင်းလက်တောက်ပ ထိုနေ့ညဝယ် ကောင်းကင်တခွင် ကြည်လင်အရောင်ထွက် ထွန်းလင်းခဲ့ရာ လပြည့်ညပါ။   ကြယ်တာရာတွေ ပြိုးပြိုးပြက်ပြက် လင်းအားလျော့လျှက် လမင်းကြီးက တဝက်ကယ်ပုန်း တစ်ခြမ်းပြုံးနဲ့ ကြည့်သည့်အလား ထင်မှတ်မှားသည် လဆုတ် ၈ ရက် ဆိုရမည်၊   ကြယ်တာရာတွေ ဘယ်ဆီကိုပျောက် ကောင်းကင်းယံလည်း မှောင်ရီနေမြဲ လမင်းကြီးရှာ မတွေ့ပါကော မှောင်ထုစိုးမိုး လကွယ်မျိုးက ငိုချင်လှပြီ ထိုညသည်။   ကြယ်တာရာတွေ မှေးမှိန်ကာလင်း ကောင်းကင်းအလင်းအား ဖျော့တော့သွားလည်း တင်စား စာဆို ဆိုကြပုံက သုံးရက်လနယ် ခုံးမျက်စသဖွယ်တဲ့။   ကြယ်တာရာတွေ လင်းလက်လင်းလက် ကိုယ်စီခတ်တော့ လမင်းကြီးကမနေသာ တခြမ်းလေးထွက် ချောင်းကြည့်တတ်ပြီ လဆန်းလလည် ဆိုရမယ်။   ကြယ်တာရာတွေ […]