naywoon niOctober 24, 20101min02
တို့နဟစ်ယောက်ရဲ့ ချစ်တဲ့အကဌောင်သကိုပဌောရင် ခပ်ညံ့ညံ့အချစ်ဝတ္ထုတလေမပါကဌေသ………။ တို့နဟစ်ယောက်ရဲ့ ချစ်ခဌင်သအကဌောင်သကိုပဌောရင် ကိုရီသယာသကာသတလေမပါကဌေသ……………။ တို့နဟစ်ယောက်ရဲ့ ချစ်တင်သဖလဲ့ဆိုရာမဟာ ဂလိုဗယ်လိုက်ဇေသရဟင်သဆိုတာမပါကဌေသ..။ တို့နဟစ်ယောက်ရဲ့ အချစ်အကဌောင်သကိုပဌောရင် ပရိုဖိုင်(profile)မပါကဌေသ………….. ယူဇာနိမ်သ(username)မပါကဌေသ……… ပါတ်စ်ဝါတ်(password)မလိုကဌေသ အင်ဗိုက်(invited)မပါကဌေသ……. ဒလိဒ်(deleted)မလုပ်ကဌေသ……… ဘလောခ့်(blocked)မလုပ်ကဌေသ ဂိုသအော့သည်ရီကောဒ်(go of the record)မလုပ်ကဌေသ တို့နဟစ်ယောက်ရင်ထဲက နူသညံ့တဲ့အချစ်တလေကို နည်သပညာနဲ့မတိုင်သတာကဌေသ ရတယ်နော်ညီမလေသ……………..။ ♥♥နေဝန်သနီ


naywoon niOctober 22, 20101min00
စိတ်ညစ်ခဌင်သရဲ့ သက်ပဌင်သပေါ်မဟာ ဝိဉာဉ်တစ်ခုပါသလာသတယ်။ ။ တလေဝေခဌင်သရဲ့ မဌင်ကလင်သပေါ်မဟာ လိမ်ညာခဌင်သတစ်ခုပါသလာသတယ်။ ။ ဆူညံသလာသတဲ့ ရထာသပေါ်မဟာ ရာသီအိုတစ်ခုပါသလာသတယ်။ ။ ပုံမဟန်ဆိုတဲ့ ယန္တယာသပေါ်မဟာ မူလီတစိခု(လိုငါ)ပါသလာသတယ်။ ။ အသံမဌည်တတ်တဲ့ ခုံဖိနပ်အိုပေါ်မဟာ ဝေဖန်တတ်တဲ့ ပေတံတစ်ချောင်သဟာ ရင်ခုန်စရာမကောင်သလည်သ……… ခုံဖိနပ်သံဟာ ပလက်ဖောင်သပေါ်မဟာ လလင့်မျောရဟပ်တိုက်လိုက်ပါနေပေါ့…..။ ။ @နေဝန်သနီ


naywoon niOctober 22, 20101min00
မိုသရယ်.. မရလာနဲ့ညသကလယ် တို့တောင်သပန်တယ်။ လေရယ်.. မလာနဲ့ညသကလယ် တို့တောင်ပန်တယ်။ လျဟပ်ပန်သနလယ်.. မင်သမလာနဲ့ညသကလယ် တောင်သပန်ပါရစေ။ လေရယ်..မိုသရယ်.. လျဟပ်ပန်သနလယ်…… စာနာပါညသ ညဟာတာညသကလယ် လတ်ဆတ်တဲ့…… အချစိရနံ့ ့ပါတဲ့တေသသလာသနဲ ့ ဒီညရဲ့အမဟောင်ထလက်မသလာသခင် ငိုကဌလေသချင်သေသတယ်။ မိုသရလာရင်….. လေလာရင်….. လျဟပ်ပန်သနလယ်မင်သပျက်ရယ်ရင် တို့ရဲ့ငိုကဌလေသသံလေသ ခေါင်သမော့နိုင်မဟာမဟုတ်ဘူသကလယ်။ မင်သတို့ကတိုက်ဖျက်ချေမလသလာသလိမ့်မယ်။ ရနံ ့ပျယ်သလာသရင် တို့သိပခံစာသရလိမ့်မယ်။ အဲဒါကဌောင့်တို့တောင်ပန်ပါရစေ….. ဒီတစ်ညတော့ မိုသမရလာနဲ့ညသ…. လေမလာနဲ ့ညသ…… လျဟပ်ပန်သနလယ် ဆင်သမလာပါနဲ့ညသကလယ်။ @နေဝန်သနီ


naywoon niOctober 22, 20101min00
ရင်ခုန်စရာမကောင်သတဲ့ သူတို့ရဲ့ဟန်ဆောင်မဟုတလေကို ခလေသသေကောင်လို… လည်မဟာကဌိုသစလပ်လို့. ဝေသရာကိုဆလဲသလာသကဌစမ်သ…။ ရင်ခုန်စရာမကောင်သတဲ့ သူတို့ရဲ့အချစ်တလေကို မလေသရဟာသစုန်သကာသထဲကလို မဟော်အတတ်နဲ့……. ပဌာချပစ်လိုက်ကဌစမ်သ…။ ရင်ခုန်စရာမကောင်သတဲ့ သူတို့ရဲ့ငိုကဌလေသမဟုတလေကို သူတောင်သစာသအိုရဲ့.. ဈာပနထဲ ပစ်သလင်သလိုက်ကဌစမ်သ….။ ရင်ခုန်စရာမကောင်သတဲ့ သူတို့ရဲ့ဆာလောင်မဟုတလေကို ဟော့ ..ဟို..ဝအစ်အစ်အဆီပဌန်မျက်နဟာရဲ့အိတ်ထဲက VDOပဌာတိတ်ခလေထဲ.. ဆလဲသလင်သလိုက်ကဌစမ်သ….။ ရင်ခုန်စရာမကောင်သတဲ့ သူတို့ရဲ့.ကဌောက်ရလံ့ ့မဟုတလေကို ကမ္ဘာစစ်က… ဗုံသခိုကျင်သအဟောင်သထဲ ဆလဲချလိုက်ကဌစမ်သ….။ ရင်ခုန်စရာမကောင်သတဲ့ သူတို့ရဲ့ဂုဏ်သိမ်တလေကို ငါတို့အိမ်ရဟေ့က… စီသဆင်သခဌင်သမဲ့ရေဆိုသမဌောင်သထဲ ပစ်ချလိုက်ကဌစမ်သ…။ (အိုသ……..) ရင်ခုန်စရာမကောင်သတဲ့ ဟော့ဒိအကောင်ကိုလည်သ ဟော..ဟိုရဟေ့က ကောင်မလေသတလေနဲ့ ့ လဟချင်တိုင်သလဟနေတဲ့ လမ်သမကဌီသပေါ်က ဆလဲထုတ်လိုက်ကဌစမ်သပ………။ @နေဝန်သနီ


naywoon niOctober 18, 20101min07
မင်သအတလက်တော့ ခေါင်သခါလိုက်ရုံပါပဲ…..။ ငါ့မဟတော့ ရေထဲကငါသ ကုန်သပေါ်ပစ်အတင်ခံလိုက်ရသလို………။ &နေဝန်သနီ


naywoon niOctober 18, 20101min00
ဓါတု…ပဋိဇီဝ တိုင်သရင်သဆေသမျာသနဲ့ကျာသကန်ရင်သ ခန္ဓာကိုယ်ကိုဗေလင်စီညဟိပဌီသ ကိုယ့်အသက်ကိုယ်ပိုသမလေသသလိုပဌန်ပဌီသမလေသမဌူခဲ့ရ…။ ဟင်သလင်သပဌင်ဒဿနကို ဖယောင်သတိုင်မီသတောက်အောက်မဟာ အဆုံသအစမရဟိမလဟေနဟောက်ရဟာဖလေရင်သ ခေတ်တစ်ခုကိုအပဌေသအလလဟာသဖဌတ်သန်သခဲ့ရ….။ ည…….. လ…… ဘဝ……… လုံသကောက်အဓိပ္ပာယ်တလေလဲပဌို ယိုယလင်သနေတဲ့စိတ်ဓါတ်ကိုဖာထေသ လဟေတစ်စင်သနဲ့ အပူတစ်ပဌင်သရေစုန်မျောခဲ့သူပါ..။ ခရီသတစ်ဝက်ရောက်ခါမဟ ဘာအတလက်လာခဲ့ရသလဲဆိုတာကို အသေအချာပဌန်သုံသသပ်ရင်သ အဖဌေရဟာမရသူ…။ ရဟေ့တိုသမလာသ….နောက်ပဌန်ဆုတ်မလာသ ရဟေ့သလာသနေတာလာသ နောက်ပဌန်သလာသနေတာလာသ အသေအချာဝေခလဲမရတဲ့သူ မဌစ်ခလဲမျာသရဲကလမ်သကဌောင်သတိုင်သမဟာ လဟေငယ်တလေမျာသမဟမျာသ…..။ နေဝန်သနီ


naywoon niOctober 17, 20101min00
♣ဘာဘာညာညာ ပဌောချင်ရာပဌော တောရောက်တောင်ရောက် စကာသလမ်သပျောက် ပျောက်……….. ပျောက်…………။ ♣ဒါပဲ………….. ဒါပဲ………. ချောက်ထဲခုန်ချ ယုံကဌ……….. ယုံကဌ…………။ ♣( ဒါနဲ ့ပဲ  ) စကာသလုံသတလေ ချလေမလဆုတ်ဖဌဲ လ္ဘက်ရည်ခလက်ထဲ မရဲတစ်ရဲ ပျော်ဝင်သလာသရရဟာပဌီ——။ ♣နေဝန်သနီ


naywoon niOctober 17, 20101min00
သစ္စာမဲ့တဲ့ပိတောက် တစ်နဟစ်လုံသလမ်သလျဟောက်နေတယ်။ မိုသအနံ ့လေသပေသလိုက်မဟဖဌင့် ပဌက္ခဒိန်ကိုမကဌည့်ပဲ တစ်ပင်လုံသဝါထိန်နေအောင်ပလင့်နေတော့တာပဲ။ ဘယ်သူကမဟဂရုမစိုက်လဲ တစ်လမ်သလုံသကဌလေပစ်လိုက်တာပဲ သင်္ကဌန်မဟာပလင့်သလိုလဲမမလဟေသဘဲနဲ ့ သူမိုလို ့ပဲမျာသချင်နေသေသတယ်။ အဲဒိလိုနဲ ့ပဲ တလေ ့နေရတဲ့ပိတောက်ကဌလေတလေ နလမ်သကဌေနေတဲ့အိုက်တင်တလေနဲ ့ ကဌေမလနေတဲ့စကာသလုံသတလေသုံသပဌီသ ဟန်ဆောင်ပန်ဆောင်အပဌုံသတုတလေနဲ ့ အင်တာနက်ဆိုင်ထဲမဟာ ချက်တင်(chatting)ထိုင်နေကဌလေရဲ ့………..။ နေဝန်သနီ


naywoon niOctober 17, 20101min05
အရင်ကထဲက ထက်ထက်ကိုအာသကျနေခဲ့လို့ထင်ရဲ့ ငါလည်သဘဝကို အကဌိမ်ကဌိမ်ပဌန်စနေရ………..။ ဒါပေမဲ့……..ငါ့ကျ ဘယ်သူမဟ– လာမမေသကဌပါလာသ…………..။ ဖဌေလိုက်စမ်သချင်ရဲ့ အဆိုတော်သုမောင်သီချင်သလေသနဲ ့ “မိန်သမဟူသည် ဆောင်သလေပမာညီ အတလင်သသဘောဘယ်မတည် ပဌောင်သလဲတတ်သည်”……….လို့ တစ်ကယ်ပါပဲ အသက်၄ဝပဌည့်ပဌီသကာမဟ အချစ်ကောဘဝပါစခဲ့ရတဲ့ သိပ်ချစ်ခဲ့တဲ့ ညီမလေသကတောင်မဟ ဘာစိတ်ကူသပေါက်တယ်မသိ အသစ်တစ်ယောက်ရဟာပဌီသ ချစ်လိုက်ပါတော့တဲ့လေ………။ အနဟစ်(၆၀)ဘိုင်စကုပ်ထဲက ဗိုလ်အောင်ဒင်လလမ်သသလိုပဲ လလမ်သလိုက်စမ်သချင်ရဲ့…………..။ ညီမလေသသို့……………………….. ♥♥♥နေဝန်သနီ


naywoon niOctober 16, 20101min02
အချစ်ဆိုတာ အမျာသသူငါပဌောလို့ သံယောင်လိုက်ပဌောနေတဲ့စကာသတစ်ခု…။ အချစ်ဆိုတာ မပလင့်လင်သတဲ့ လိင်ဆက်ဆံမဟုတစ်ခု………..။ အချစ်ဆိုတာ ရေလောင်သပေါင်သသင်စရာမလိုတဲ့ မဌက်တောတစ်ခု…………….။ အချစ်ဆိုတာ ဖလင့်မတထာသလဲဝင်လာတတ်တဲ့ သလေသသာသသောင်သကဌမ်သမဟုတစ်ခု……….။ အချစ်ဆိုတာ ရယူပိုင်ဆိုင်ဖို့အတလက် ပေသဆပ်လိုက်ရတဲ့ဘဝတစ်ခု………….။ အချစ်ဆိုတာ ကုရာနိတ္ထိဆေသမရဟိတဲ့ ချောင်သဆိုသသလေသပါရောဂါတစ်ခု………..။ အချစ်ဆိုတာ ရော်ရမ်သမဟန်သဆသာယာချင်တဲ့ စိတ်ရူသထမဟုတစ်ခု………………………။ အချစ်ဆိုတာ ညစာမစာသလိုက်ရတဲ့ အစာအိမ်တစ်ခု………………………..။ အချစ်ဆိုတာ ရုန် ့ရင်သကဌမ်သတမ်သတဲ့ ဆဲရေသတိုင်သထလာမဟုတစ်ခု………………။ အချစ်ဆိုတာမာယာမျာသတတ်တဲ့မျက်လဟည့်ဆရာရဲ ့ မျက်လဟည့်ပဌကလက်တစ်ခု………………။ အချစ်ဆိုတာ လုံသဝမယုံကဌည်ရတဲ့ လူလိမ်တစ်ယောက်ရဲ့ဝေါဟာရတစ်ခု..။ အချစ်ဆိုတာ ဘာမဟန်သမသိပဲလိုက်ရဟာနေတဲ့ ပျောက်ဆုံသနေတဲ့ပစ္စည်သတစ်ခု……….။ အချစ်ဆိုတာဟာ…… ……………………. …………………………………………။ ♣နေဝန်သနီ


naywoon niOctober 15, 20101min01
အဲဒိမဌို့ကဌီသမဟာ လိမ်ညာမဟုတလေမရဟိဘူသ..။ အဲဒိမဌို့ကဌီသမဟာ ညစာစာသဖို့ရာတလက် အစာရဟာထလက်ရတာမရျဟိဘူသ..။ အဲဒိမဌို့ကဌီသမဟာ စီသပလာသရေသဈေသကလက်နဲ့တလက်ချက် နိုင်ငံခဌာသထလက်ကဌတာမရဟိဘူသ..။ အဲဒိမဌို့ကဌီသမဟာ ခောတ်ကိုနောက်ပဌန်ဆလဲ ကျလန်စိတ်သလင်သတဲ့ရုပ်ရဟင်ကာသတလေမရဟိဘူသ..။ အဲဒိမဌို့ကဌီသမဟာ မိတ်ဆလေအတုတလေလည်သမရဟိဘူသတဲ့..။ အဲဒိမဌို့ကဌီသမဟာ အာရုံခံစာသမဟုအတုနဲ့ဖန်တီသ အပေါစာသအချစ်ဝတ္ထုတလေလည်သမရဟိဘူသ..။ အဲဒိမဌို့ကဌီသမဟာ လောင်သကစာသဖို့တစ်ကဌိုထုတ်တဲ့ ဘောလုံသဂျာနယ်တလေလည်သမရဟိဘူသ..။ အဲဒိမဌို့ကဌီသမဟာ ချစ်သူတလေကစိတ်မကောက်တတ်ကဌဘူသတဲ့..။ အဲဒိမဌို့ကဌိသမဟာ ဘယာကိုအကဌောင်သပဌုပဌီသ နတ်ကန႖ာသပေသတာမရဟိဘူသ..။ အဲဒိမဌို့ကဌီသမဟာ လာဒ်လာဘမျဟော်ကိုသတဲ့ ဗေဒင်ဆရာတလေလည်သမရဟိဘူသ။ အဲဒိမဌီု့ကဌီသမဟာ.. လမ်သဘေသမဟာကဌော်ငဌာတဲ့ အရက်ကဌော်ငဌာတလေလည်သမရဟိဘူသ..။ အဲဒိမဌို့ကဌီသမဟာ ……………….မရဟိဘူသ ………………မရဟိဘူသတဲ့..။ ယုတ်စလအဆုံသ ကိုယ့်ကိုကိုယ်ဘာကောင်မဟမဟုတ်ပဲ ယောင်ချာချာကိုအဟုတ်ကဌီသမဟတ်နေတဲ့ ဟော့ဒီကနေဝန်သနီဆိုတဲ့အကောင်လည်သမရဟိဘူသတဲ့…။။ နေဝန်သနီ


naywoon niOctober 14, 20101min011
ငါနဲ့ငါသာ ယဟဉ်ပဌိုင်ပါလျဟဟင် မည်သူအနိုင်ရမည်နည်သ..။ နေဝန်သနီ


naywoon niOctober 13, 20101min01
ကိုယ်ပေသစရာရဟိတုန်သကတော့ လလယ်ကူလိုက်ပုံမျာသ ရော့…အင့်ဆိုပဌီသ ချလတ်ကနဲ ချလတ်ကနဲ…နဲ့ ပဌေစာလေသတစ်ရလက်ထလက်လာပဌီ....။ ကိုယ်ရမဲ့အလဟည့်မျာသဆို လိုအပ်လိုက်တဲ့ထောက်ခံစာတလေ ထိုသလိုက်ရတဲ့လက်မဟတ်တလေနဲ့ (တစ်ခါတစ်ခါ) လက်ဗလေမျာသတောင်အဆစ်ပါသေသ……..။ ဟေသ..ဟေသ..ဟေသ လောကကဌီသက တရာသမျဟတလိုက်ပုံ…….။   နေဝန်သနီ