ပြည်ထောင်စုမြန်မာနိုင်ငံ ကုန်သည်များနှင့် စက်မှုလက်မှုလုပ်ငန်းရှင်များအသင်းချုပ်အနေဖြင့် ယခုအချိန်၌ ရွေးကောက်ပွဲဝင်ရန် အစီအစဉ်မရှိသေးကြောင်းအသင်းချုပ်ဥက္ကဋ္ဌ ဦးဝင်းမြင့်ကပြောကြားခဲ့သည်။ “ကျွန်တော်အနေနဲ့ရော အသင်းချုပ်အနေနဲ့ပါ တစ်သီးပုဂ္ဂလအနေနဲ့လည်းကောင်း၊ ပါတီနဲ့ဖွဲ့ပြီးလည်းကောင်း၊ ရွေးကောက်ပွဲဝင်ဖို့အစီအစဉ်မရှိသေးပါဘူး” ဟုဦးဝင်းမြင့်ကပြောကြားခဲ့သည်။ ပြည်ထောင်စုမြန်မာနိုင်ငံ ကုန်သည်များနှင့် စက်မှုလက်မှုလုပ်ငန်းရှင်များအသင်းချုပ်၏ (၁၈)ကြိမ်မြောက် အသင်းသားစုံညီအစည်းအဝေး၌ အသင်းဝင်တိုင်းပါတီနိုင်ငံရေးကင်းရှင်းရမည်ဟူသည့် အသင်းအဖွဲ့စည်းမျဉ်းကိုပယ်ဖျက်ခဲ့သဖြင့် အသင်းချုပ်အနေဖြင့် ရွေးကောက်ပွဲဝင်မည်ဟူသော ကောလာဟလများ ထွက်ပေါ်လာခဲ့သည်။ ပြည်ထောင်စုမြန်မာနိုင်ငံကုန်သည်များနှင့် စက်မှုလက်မှုလုပ်ငန်းရှင်များအသင်းချုပ် ဥက္ကဋ္ဌ ဦးဝင်းမြင့် အပြင် ညီနောင်အသင်းအဖွဲ့များမှ ဥက္ကဋ္ဌ အများစုသည်လည်းရွေးကောက်ပွဲဝင်ရန် အစီအစဉ်မရှိကြောင်း ၂၀၁ဝခုနှစ် မေလ ရရက်နေ့ထုတ် Bi Weekly Eleven ဂျာနယ်တွင်ဖော်ပြထားပါသည်။

နာရေးကူညီမှုအသင်း( ရန်ကုန်) ကပါတီနိုင်ငံရေးလုံးဝမပြုလုပ်ကြောင်း မေလ ၅ရက်နေ့က ပြုလုပ်သည့် အသင်း၏ အစည်းအဝေးတွင်ထုတ်ပြန်ကြေညာလိုက်သည်။ အသင်းအနေဖြင့်သော်လည်းကောင်း၊ အသင်းဝင်တစ်ဦးချင်းအနေဖြင့်သော်လည်းကောင်း ပါတီတည်ထောင်၍ ရွေးကောက်ပွဲဝင်ခြင်း၊ အခြားပါတီများတွင် တစ်ဦးချင်း ပါဝင်ဆောင်ရွက်ခြင်း၊ ရွေးကောက်ပွဲဝင်ခြင်းနှင့် မိမိသဘောဖြင့် တစ်သီးပုဂ္ဂလ အမတ်အဖြစ် ဝင်ရောက်ရွေးချယ်ခံခြင်းစသည့် ကိစ္စရပ်များအပါအဝင် ရွေးကောက်ပွဲနှင့်စပ်လျဉ်း၍ လုံးဝ ပါဝင်ပတ်သက်ဆောင်ရွက်ခြင်းပြုလုပ်မည်မဟုတ်ကြောင်း ၂၀၁ဝခုနှစ် မေလ ရရက်နေ့ထုတ် မြန်မာတိုင်း(မ်) ဂျာနယ်တွင်ဖော်ပြထားပါသည်။

ယခုနှစ်တွင် ကျင်းပသွားရန်စီစဉ်ထားသော ရွေးကောက်ပွဲများအတွက် သက်ဆိုင်ရာက ထုတ်ပြန်ခဲ့သော ရွေးကောက်ပွဲဆိုင်ရာ ဥပဒေများကို အင်္ဂလိပ်ဘာသာဖြင့် ပြန်ဆိုထားသော စာအုပ်များကိုစတင်ထုတ်ဝေရောင်းချလျက်ရှိကြောင်းသတင်းရရှိပါသည်။ အဆိုပါစာအုပ်များကို ဧပြီလ ၂၃ရက်နေ့မှစ၍ စတင်ထုတ်ဝေရောင်းချလျက်ဖြစ်ကြောင်းရန်ကုန်မြို့ကုန်သည်လမ်းမကြီးရှိ စာပေဗိမာန်စာအုပ်အရောင်းဆိုင်မှ အရောင်းဝန်ထမ်းတစ်ဦးကပြောကြားခဲ့သည်။ ယခုထွက်ရှိလာသော အင်္ဂလိပ်ဘာသာပြန်စာအုပ်များမှာ ပြည်ထောင်စုရွေးကောက်ပွဲကော်မရှင်ဥပဒေ၊ နိုင်ငံရေးပါတီများမှတ်ပုံတင်ခြင်းဥပဒေ၊ ပြည်သူ့လွှတ်တော်ရွေးကောက်ပွဲဥပဒေ၊ အမျိုးသားလွှတ်တော်ရွေးကောက်ပွဲဥပဒေ၊ တိုင်းဒေသကြီးလွှတ်တော်သို့မဟုတ် ပြည်နယ်လွှတ်တော် ရွေးကောက်ပွဲဥပဒေစာအုပ်များဖြစ်ကြသည်။ စာအုပ်များ၏ ဈေးနှုန်းမှာကျပ် ၂၀ဝနှင့် ကျပ် ၅၀ဝဖြစ်ကြောင်း ဝယ်ယူရရှိသူများ၏ ပြောကြားချက်အရသိရသည်။ ရွေးကောက်ပွဲဆိုင်ရာဥပဒေများကို မတ်လ ၉ရက်နေ့မှစ၍ နေ့စဉ်ထုတ်သတင်းစာများတွင် အချပ်ပိုအဖြစ် ထည့်သွင်းဖော်ပြခဲ့ပြီး စာအုပ်များအဖြစ်လည်းပုံနှိပ်ထုတ်ဝေဖြန့်ချိခဲ့သည်။ အဆိုပါ ရွှေးကောက်ပွဲဆိုင်ရာ ဥပဒေစာအုပ်များကိုလည်း တစ်အုပ်လျှင် ကျပ်၂၀ဝနှင့်ကျပ် ၅၀ဝစသည့် ဈေးနှုန်းများဖြင့် စာပေဗိမာန်စာအုပ်အရောင်းဆိုင်တွင်ရောင်းချခဲ့ခြင်းဖြစ်ကြောင်းသိရှိရသည်။ မြန်မာနိုင်ငံတပ်မတော်အစိုးရသည် ယခုနှစ်အတွင်းလွတ်လပ်၍ တရားမျှတသောရွေးကောက်ပွဲများကျင်းပသွားမည်ဟု ပြောကြားထားသည်။ ကျင်းပသွားမည့် ရွေးကောက်ပွဲများသည် မြန်မာနိုင်ငံတွင် နှစ်ပေါင်း […]

နေပြည်တော်သို့ လေကြောင်းမှ ခရီးသည်များ သွားလာမှုနည်းပါးသောကြောင့် ပုဂ္ဂလိကလေကြောင်း လိုင်းများသည်ရန်ကုန်- နေပြည်တော် ခရီးစဉ်ကိုခရီးသည်ရရှိမှသာ ပျံသန်းပေးနေသည်ဟု သက်ဆိုင်ရာလေကြောင်း လိုင်းတာဝန်ရှိသူများက ပြောသည်။ ရန်ကုန်အဲဝေးနှင့် အဲပုဂံတို့သည် အပတ်စဉ် လေယာဉ်ပျံသန်းအချိန်ဇယားတွင် နေပြည်တော်ခရီးခဉ်ကို ထည့်သွင်းထားပြီး ခရီးသည်ရှိလာပါက ပျံသန်းပေးကြောင်း တာဝန်ရှိသူများကပြောသည်။ ရန်ကုန်အဲဝေးလေယာဉ်ပျံသန်းအချိန်ဇယားအရ အပတ်စဉ် အင်္ဂါနေ့တိုင်းနှင့် အဲပုဂံသည်လည်း အပတ်စဉ်သောကြာနေ့တိုင်း နေပြည်တော်သို့ ပျံသန်းပေးနေသည်။ သို့သော် ရန်ကုန်အဲဝေးသည် အောက်တိုဘာလမှစတင်၍ ထိုခရီးစဉ်ကို ပျံသန်းခြင်းမရှိကြောင်း နှင့် အဲပုဂံသည်လည်း ဇန်နဝါရီလမှစပြီး ရပ်နားထားကြောင်း ရန်ကုန်ရှိလေယာဉ်လက်မှတ်အရောင်းအေဂျင်စီအချို့မှ သိရသည်။ အဲမန္တလေးလေကြောင်းလိုင်းသည် ပြည်တွင်းခရီးစဉ်များအတွက် လေယာဉ်တစ်စင်းတည်းဖြင့်သာ ပျံသန်းအသုံးပြုနေရခြင်းနှင့် နေပြည်တော်သွားရောက်သော ခရီးသည်နည်းပါးမှုကြောင့် ၂၀၀၈ခုနှစ်လောက်ကတည်းကနေပြည်တော်ခရီးစဉ် ပျံသန်းမှုကိုရပ်နားထားကြောင်း ၂၀၁ဝခုနှစ် မေလရရက်နေ့ထုတ်မြန်မာတိုင်း(မ်) ဂျာနယ်တွင်ဖော်ပြထားပါသည်။

FAME ဆေးဝါးထုတ်လုပ်ရေးလုပ်ငန်းမှ နိုင်ငံတကာအဆင့်မီ ဓာတ်ခွဲခန်းတည်ထောင်ရန်စီစဉ်လျက်ရှိကြောင်း FAME ဆေးဝါးထုတ်လုပ်ရေးလုပ်ငန်းမှ မန်နေးဂျင်းဒါရိုက်တာ ဒေါက်တာခင်မောင်လွင်ကပြောကြားသည်။ အဆိုပါ ဓာတ်ခွဲခန်းကို ရန်ကုန်မြို့တွင်တည်ထောင်မည်ဖြစ်ပြီး ဓာတ်ခွဲခန်းအတွက် ဓာတ်ခွဲခန်းပညာရှင်နှစ်ဦးအား အစ္စရေးနိုင်ငံသို့ ပညာတော်သင်စေလွှတ်ထားသည်။ ဓာတ်ခွဲခန်း ပညာရှင်များကို အစ္စရေးနိုင်ငံသာမက အင်္ဂလန်၊ ဂျာမနီ၊ ဂျပန်နိုင်ငံများသို့ ဆက်လက်စေလွှတ်မည်ဖြစ်ပြီး ယင်းနိုင်ငံများမှ နည်းပညာများရရှိပါက ဓာတ်ခွဲခန်းတည်ထောင်သွားမည်ဖြစ်ကြောင်း ၎င်းကဆိုသည်။ ကမာ္ဘ့အသိအမှတ်ပြုဓာတ်ခွဲခန်းမှ တစ်ဆင့် ကမာ္ဘ့အသိအမှတ်ပြုထောက်ခံချက်များထုတ်ပေးနိုင်မည်ဖြစ်ကာ အများအတွက် အသုံးပြုနိုင်ကြောင်း ၎င်းကထပ်လောင်းပြောကြားသည်။ ဓာတ်ခွဲခန်းတည်ထောင်ပြီးပါက ယခင်ဆေးဝါးများကိုလည်း နိုင်ငံတကာနည်းအတိုင်း စနစ်တကျစမ်းသပ်နိုင်မည်ဖြစ်ပြီး၊ သုတေသနလုပ်ငန်းများ၊ ဆေးဝါးအသစ်ထုတ်လုပ်ရေးများအတွက် စမ်းသပ်လုပ်ဆောင်သွားမည်ဖြစ်ကြောင်း ၎င်းကဆိုသည်။ လက်ရှိအနေအထားဖြင့် ဓာတ်ခွဲခန်းကို အဆင့်တိုးမြှင့်သွားမည်ဖြစ်ကြောင်း၊ ဓာတ်ခွဲခန်းကို နိုင်ငံတကာအဆင့်မီ ဓာတ်ခွဲခန်းပြုလုပ်သွားမည်ဖြစ်ကြောင်းသိရသည်။ FAME ဆေးဝါးထုတ်လုပ်ရေးလုပ်ငန်းကို ၂၀၀၂ခုနှစ်မှစတင်၍ သဘာဝဆေးဝါးများကို ထုတ်လုပ်လျက်ရှိပြီး ဆေးအမျိုးပေါင်း ၇ဝကျော်ထုတ်လုပ်လျက်ရှိကာ ပြည်တွင်းဈေးကွက်သာမက ပြည်ပဈေးကွက်သို့တင်ပို့လျက်ရှိကြောင်း […]

ဖိုင်ဘာဆက်ကြောင်းတစ်ခုတည်းပေါ်တွင် ပြည်တွင်းပြည်ပတယ်လီဖုန်းဆက်သွယ်မှုများနှင့် ရုပ်သံလိုင်းများကိုပါ ဖမ်းယူကြည့်ရှုနိုင်တော့မည့် အင်တာနက်ဝန်ဆောင်မှုဖြစ်သော Fiber to the Home နည်းစနစ်ကို လာမည့်ဇူလိုင်လဝန်းကျင်တွင် ရန်ကုန်မြို့၌ တပ်ဆင်ပေးတော့မည်ဟု အဆိုပါဝန်ဆောင်မှုကို ဆောင်ရွက်နေသော ရတနာပုံတယ်လီပို့ကုမ္ပဏီလီမိတက်မှ တာဝန်ရှိသူတစ်ဦးက ပြောသည်။ ဆက်သွယ်ရေးနှင့် ဖျော်ဖြေရေးဝန်ဆောင်မှုသုံးမျိုးကို အသုံးပြုနိုင်မည့်အဆိုပါ Fiber to Home စနစ်အား ရန်ကုန်မြို့တွင်းစတင်တပ်ဆင်ပေးမည်ဆိုပါက လူနေမထူထပ်သော ကွန်ဒိုများ၊ အိမ်ရာများတွင်ဦးစားပေးတပ်ဆင်ပေးသွားမည်ဟု ၎င်းက ဆိုသည်။ “ရန်ကုန်မှာစပြီး ဖိုက်ဘာစနစ်ကိုတပ်ဆင်တော့မယ်ဆို လူနေထူထပ်မှုသိပ်မရှိတဲ့ အိမ်ရာတွေ၊ ကွန်ဒိုတွေမှာ အရင်တပ်ဖြစ်ပါလိမ့်မယ်။ ဘာဖြစ်လို့လဲဆိုတော့ ဖိုင်ဘာဆက်ကြောင်းတွေကို သုံးစွဲမယ့်နေရာဆီ အရောက်ဆွဲဖို့က နေရာတိုင်းသိပ်အဆင်မပြေတော့ လူနေမသိပ်သည်းတဲ့နေရာတွေကို ရွေးရတာပါ။ လိုချင်တဲ့နေရာကိုဆွဲဖို့ကျတော့ လျှပ်စစ်ရုံးတို့၊ ဆက်သွယ်ရေရုံးတို့နဲ့ ပူးပေါင်းလုပ်ကိုင်ရတာဖြစ်လို့ အချိန်ယူရပါတယ်။ ဒါကြောင့် အမြန်ဆုံးရမယ့်နေရာကိုရွေးရတာပါ”ဟု ၎င်းကဆက်လက်ပြောသည်။ Fiber to the […]

သုံးပွင့်ဆိုင်ဗဟိုအဖွဲ့၏ လုပ်ပိုင်ခွင့် ဇူလိုင်လတွင် ကုန်ဆုံးချိန်၌လူမှုဝန်ထမ်း၊ ကယ်ဆယ်ရေးရေးနှင့် ပြန်လည်နေရာချထားရေးဝန်ကြီးဌာနက နာဂစ်သင့်ဒေသပြန်လည်ထူထောင်ရေးအတွက် ညှိနှိုင်းဆောင်ရွက်မှုတာဝန်ကိုလွှဲပြောင်းတာဝန်ယူသွားမည်ဖြစ်ကြောင်း နာဂစ်လွန်ပြန်လည်ထူထောင်ရေး လုပ်ငန်းများအတွက် အာဆီယံအတွင်းရေးမှူးချုပ်၏ အထူးကိုယ်စားလှယ် ဒေါက်တာဝီလီယံဆဘန်းဒါးကပြောကြားခဲ့သည်။ နာဂစ်မုန်တိုင်းဒဏ်သင့် ဒေသများအရေးပေါ် ကယ်ဆယ်ရေးနှင့် ပြန်လည်ထူထောင်ရေးလုပ်ငန်းများအတွက် သုံးပွင့်ဆိုင်ဗဟိုအဖွဲ့ကို ၂၀၀၈ခုနှစ် မေလတွင် ဖွဲ့စည်းခဲ့ပြီး ယင်း၌ မြန်မာနိုင်ငံအစိုးရ၊ ကုလသမဂ္ဂနှင့် အာဆီယံမှ အဆင့်မြင့်အရာရှိကြီးများပါဝင်ကာ အဖွဲ့၏ လုပ်ပိုင်ခွင့်သက်တမ်းမှာ ယခုနှစ်ဇူလိုင်လအထိသာဖြစ်သည်။ နာဂစ်လေဘေးသင့်ဒေသတွင်တိုးတက်မှု အချို့ရှိသော်လည်းအရေးပေါ်နေထိုုင်စရာ နေအိ်မ်များဆောက်လုပ်ပေးရေး၊ သန့်ရှင်းသည့် သောက်ရေရရှိရေး ဆောင်ရွက်ပေးနိုင်ရေးနှင့် ရပ်ရွာအသိုင်းအဝိုင်းနှင့် အိမ်ထောင်စုများအတွက် ကိုယ့်အားကိုယ်ကိုး ရပ်တည်နိုင်ရန်နှင့် ဝင်ငွေအခွင့်အလမ်းများရရှိနိုင်ရန် အသက်မွေးဝမ်းကျောင်းဆိုင်ရာလုပ်ငန်းများကို တိုးမြှင့်ဆောင်ရွက်ပေးရန် လိုအပ်နေသေးကြောင်းသိရသည်။ သုံးပွင့်ဆိုင်ဗဟိုအဖွဲ့၏ လုပ်ပိုင်ခွင့် ဇူလိုင်လတွင် ရပ်ဆိုင်းမည်ဖြစ်သော်လည်း လေဘေးသင့်ဒေသပြန်လည်ထူထောင်ရေးလုပ်ငန်းများကို ၂၀၁၁ဒီဇင်ဘာလအထိ ဆက်လက်ဆောင်ရွက်သွားမည်ဟုသုံးပွင့်ဆိုင်ဗဟိုအဖွဲ့ ဥက္ကဋ္ဌ ဦးကျော်သူက မတ်လ၁၂ရက်နေ့တွင် ရန်ကုန်မြို့၌ ကျင်းပခဲ့သော […]

မြန်မာတစ်နိုင်ငံလုံးတွင်ရှိသော စွမ်းအင်ဝန်ကြီးဌာန မြန်မာ့ရေနံထွက်ပစ္စည်း ရောင်းဝယ်ရေးလုပ်ငန်းမှ စက်သုံးဆီအရောင်းဆိုင် ၂၄၆ခုကို ပုဂ္ဂလိကပိုင်ပြုလုပ်ရာ၌ ဆိုင်အားလုံးကို ကုမ္ပဏီအစုအဖွဲ့ ၂ဝကျော်မှ လုပ်ကိုင်ခွင့်ရရှိထားကြောင်း သိရှိရသည်။ ဈေးကွက်အနေအထားများအရဆိုပါက ဈေးနှုန်းမှန်ဖြင့် ဝယ်ယူသုံးစွဲခွင့်ရရှိရန် ဈေးထိန်းညှိခြင်းကို လုပ်ဆောင်ထားရမည်ဟုလည်း လုပ်ငန်းရှင်များက သုံးသပ်ကြပါသည်။ ယခုလက်ရှိ စတင်ဖွင့်လှစ်ရောင်းချနေပြီဖြစ်သည့် ပုဂ္ဂလိကစက်သုံးဆီဆိုင်အချို့မှ ရောင်းဈေးများမှာလည်း အစိုးရစက်သုံးဆီဆိုင်များမှ ရောင်းချသည့် ဒီဇယ်ဈေးထက် တစ်ဂါလန်လျှင် ၁ဝရာခိုင်နှုန်းမြင့်လျက်ရှိနေပါသည်။ “ကျွန်တော်တို့ဆီမှာ ကုမ္ပဏီအနည်းအကျဉ်း၊ အစုအဖွဲ့အနည်းအကျဉ်းပဲလုပ်ကိုင်ခွင့်ရထားတဲ့ကဏ္ဍတွေမှာ အမြဲတစေကြုံတွေ့ခဲ့ရတာက ဈေးကွက်ချုပ်ကိုင်လုပ်ဆောင်မှုပဲ။ အများပြည်သူအတွက်လည်း သက်သာ၊ လုပ်ငန်းရှင်အတွက်လည်း မနာတဲ့ဈေးမျိုးနဲ့ ရောင်းချဖို့အတွက် ဈေးနှုန်းထိန်းညှိပေးတာမျိုးရှိဖို့တော့ လိုအပ်ပါတယ်”ဟု စီးပွားရေးပညာရှင်တစ်ဦးက သုံးသပ်ပြောပြခဲ့သည်။ “ပုဂ္ဂလိက စက်သုံးဆီဆိုင်တွေပေါ်လာတဲ့အခါ စက်သုံးဆီဈေးတွေကို အမြတ်ကြီးစားရောင်းတဲ့ဆိုင်ရှိလာရင် ဖော်ပြမှာဖြစ်သလို မှန်ကန်တဲ့ဈေးနဲ့ ရောင်းတဲ့ပုဂ္ဂလိကဆိုင်တွေကိုလည်း အများပြည်သူသိရှိအောင် လမ်းညွှန်ပေးသွားမှာပါ”ဟု ဂျာနယ်လစ်တစ်ဦးကလည်း ရှင်းပြခဲ့သည်။း “စင်ကာပူမှာ ဒီဇယ်တစ်ဂါလန်ကို […]

ကျပ်ငါးသိန်းတန် ဖုန်းများအားလုံး ရန်ကုန်မြို့၌ မြို့နယ်ကန့်သတ်ချက်မရှိဘဲ ခေါ်ဆိုခွင့်ရတော့မည်ဖြစ်ကာ လျှောက်ထားပြီး နေ့ချင်းဖုန်းရရှိသည့်စနစ်ကိုပါ ပြုလုပ်သွားရန်အစီအစဉ်ရှိကြောင်း သတင်းရရှိပါသည်။ ရန်ကုန်မြို့၌ ကျပ်ငါးသိန်းတန်ဖုန်းများ လျှောက်ထားလိုပါက တိုင်းအေးချမ်းသာယာရေးနှင့် ဖွံ့ဖြိုးရေးကောင်စီသို့ လျှောက်ထားစရာမလိုတော့ဘဲ မြန်မာ့ဆက်သွယ်ရေးလုပ်ငန်းသို့ တိုက်ရိုက်လိပ်မူ၍ လျှောက်ထားနိုင်ကြောင်း သိရသည်။ ထိုသို့လျှောက်ထားရာတွင်လည်း လျှောက်ထားပြီးသည်နှင့် နေ့ချင်းဖုန်းရရှိနိုင်သည့်စနစ်ကို ပြုလုပ်သွားရန် အစီအစဉ်ရှိကြောင်း သိရှိရသည်။ “လျှောက်ထားပြီးတော့ နေ့ချင်းဖုန်းချပေးတာကို မန္တလေးမှာ သင်္ကြန်ကာလအတွင်းက လုပ်ပေးခဲ့တယ်။ နောက်ပိုင်း ဒီလိုလုပ်ဖို့ကတော့ သေချာမပြောနိုင်သေးပေမယ့် အစီအစဉ်တော့ရှိတယ်။ သက်ဆိုင်ရာတာဝန်ရှိသူတွေရဲ့ ဆုံးဖြတ်ချက်ပေါ်မှာပဲ မူတည်ပါတယ်”ဟု မြန်မာ့ဆက်သွယ်ရေးလုပ်ငန်းမှ တာဝန်ရှိသူတစ်ဦးကရှင်းပြခဲ့ကြောင်း ၂၀၁ဝခုနှစ် မေလ ရရက်နေ့ထုတ် Bi Weekly Eleven ဂျာနယ်တွင် ဖော်ပြထားပါသည်။

လတ်တလောအချိန်တွင် ပြည်ပသို့ဆန်တင်ပို့ခွင့်ကို ယာယီရပ်ဆိုင်းထားပြီး မိုးစပါးစတင်ထွက်ရှိချိန်မှသာ တင်ပို့ခွင့်ပြန်လည်ခွင့်ပြုပေးဖွယ်ရှိကြောင်း မြန်မာနိုင်ငံဆန်စပါးအသင်းမှ တာဝန်ရှိသူတစ်ဦးက ပြောကြားခဲ့သည်။ “သင်္ကြန်တွင်းမှာ စားသုံးသူတွေက သိုလှောင်ထားတဲ့ဆန်ကုန်သွားတဲ့အတွက် အင်္ကြန်အပြီးမှာ ဆန်ထပ်ဝယ်ကြတယ်။ အဲဒါကြောင့် ဝယ်လိုအားတက်လာတယ်။ ပြီးတော့ ဒီရာသီကဆန်ထွက်ရှိချိန်မဟုတ်သေးတဲ့အတွက် ဈေးနှုန်းအနည်းငယ်ပြောင်းလဲမှုရှိတယ်။ အခုဈေးနှုန်းတွေက သင်္ကြန်မတိုင်ခင်ကဈေးနှုန်းတွေထက် နည်းနည်းပိုလာပါတယ်” ဟု ဘုရင့်နောင်ပွဲရုံမှ ဆန်ကုန်သည်တစ်ဦးက ပြောပြခဲ့ပါသည်။ မိုးစပါးစိုက်ပျိုးရန်ကာလသို့ရောက်ရှိလာတော့မည်ဖြစ်သော်လည်း ယခုနှစ်တွင် လက်ရှိအချိန်ထိ အယ်လ်နီညိုကြောင့် မိုးရွာသွန်းမှုမရှိသဖြင့် လာမည့်မိုးစပါထွက်ရှိချိန်တွင် စပါးအထွက်နှုန်းမှာလျော့နည်းကောင်းလျော့နည်းဖွယ်ရှိသည်။ “တကယ်လို့ မိုးခေါင်ခဲ့ရင် မိုးစပါးစိုက်တာနောက်ကျရင် ထွက်တာလည်း နောက်ကျသွားမယ်။ ဒါပေမယ့် ဆန်ဈေးအရမ်းကြီးတက်သွားတာတော့ မဖြစ်နိုင်ပါဘူး။ ဘာဖြစ်လို့လဲဆိုတော့ လက်ကျန်စပါးတွေရှိနေတဲ့အတွက်ဖြစ်တယ်။ ဈေးနှုန်းပြောင်းလဲမှုတွေ အရမ်းကြီးမဖြစ်နိုင်ဘူးလို့ထင်ပါတယ်”ဟု ဘုရင့်နောင်ပွဲရုံမှ ဆန်ကုန်သည်ကြီးတစ်ဦးက ပြောပြပါသည်။ လက်ရှိအချိန်တွင် ဧရာဝတီတိုင်းမှ ဆန်များပုံမှန်ဝင်ရောက်နေပြီး တစ်ရက်လျှင် အိတ်ရေငါးသောင်းဝင်ရောက်မှုရှိနေကြောင်း ၂၀၁ဝခုနှစ် မေလ ရရက်နေ့ထုတ် […]

အစိုးရစင်သုံးဆီဆိုင်းများကို လွှဲပြောင်းလုပ်ကိုင်သော ပုဂ္ဂလိကစက်သုံးဆီအရောင်းဆိုင်များတွင် ဒီဇယ်ဈေးနှုန်းအတက်အကျမှာ ပို့ကုန်ရငွေတန်ဖိုးနှင့် ကမာ္ဘ့စက်သုံးဆီပေါက်ဈေးနှုန်းပေါ်တွင်သာ တိုက်ရိုက်ဆက်နွယ်ပတ်သက်မည်ဖြစ်ကြောင်း စက်သုံးဆီဆိုင်ဖွင့်လှစ်လုပ်ကိုင်မည့် လုပ်ငန်းရှင်တချို့ကပြောသည်။ အလားတူသ ပုဂ္ဂလိကဆီဆိုင်များတွင် ဓာတ်ဆီရောင်းချပါက ဓာတ်ဆီဈေးနှုန်းမှာ ပုဂ္ဂလိကမှ တင်သွင်းခွင့်မရှိခြင်းကြောင့် စွမ်းအင်ဝန်ကြီးဌာနမှ ပုဂ္ဂလိကသို့ ပြန်ရောင်းချပေးသည့် ဈေးပေါ်တွင် မူတည်နေကြောင်း အစိုးရစက်သုံးဆီဆိုင်ကို လွှဲပြောင်းလုပ်ကိုင်ရန် ပြင်ဆင်နေသောလုပ်ငန်းရှင်တစ်ဦးကပြောသည်။ ဓာတ်ဆီမှာ ပင်လယ်ရေကြောင်းမှ သယ်ယူရာတွင် လုပ်ငန်းခွင်အန္တရာယ် မကျရောက်စေရန် အထူးသတိပြုရ ပုဂ္ဂလိကကိုယ်ပိုင်အစီအစဉ်ဖြင့် သယ်ယူရန် မလွယ်ကူကြောင်း သိရသည်။ သက်ဆိုင်ရာအစိုးရ စက်သုံးဆီဆိုင်များကို လွှဲပြောင်းလုပ်ကိုင်ခွင့်ရသော ကုမ္ပဏီများအား မေလထဲတွင် စတင်ဖွင့်လှစ်ရောင်းချနိုင်ရန် မှာကြားထား၍ ဆိုင်အများစုမှာ မေလလယ် နောက်ပိုင်းတွင် ဖွင့်လှစ်ရန် ပြင်ဆင်နေကြကြောင်း သတင်းရရှိသည်။ ထိုအချိန်တွင် ပို့ကုန်ရငွေတန်ဖိုးမှာ မာနေ၍ ဒီဇယ်ဈေးနှုန်းကို လက်ရှိဈေးနှုန်းများအောက် လျှော့ရောင်းရန် မလွယ်ကူကြောင်း လုပ်ငန်းရှင်တစ်ဦးကပြောသည်။ ပို့ကုန်ရငွေတန်ဖိုးမာနေခြင်းမှာ […]

ပုခုက္ကူတွင် မိုးသက်လေပြင်းကျရောက်ခဲ့၍ လူအသေအပျောက် မရှိခဲ့သော်လည်း ပျက်စီးမှုများရှိခဲ့ကြောင်း သတင်းရရှိသည်။ ယင်းမိုးသက်လေပြင်းတိုက်ခက်မှုကြောင့် ရပ်ကွက်အချို့တွင် အိမ်အမိုးလန်ခြင်းများ၊ သစ်ပင်များ လဲပြိုခြင်းနှင့် ဓာတ်တိုင်လဲပြိုခြင်းများ ရှိခဲ့ကြောင်း မြို့ခံတစ်ဦးကပြောသည်။ မိုးသက်လေပြင်းတိုက်ခတ်မှုသည် ယခုလ ၂၆ရက်တွင် တိုက်ခတ်ခဲ့ခြင်းဖြစ်ပြီး လေပြင်းကျချိန်သည် မိနစ်(၂၀) ဝန်းကျင်ခန့်ကြာမြင့်ခဲ့ကြောင်း၊ ပခုက္ကူမြို့တွင် ယခင်တိုက်ခတ်ခဲ့ဖူးသော လေပြင်းများထက် ပိုမိုကြာမြင့်ခဲ့ကြောင်း မြို့ခံတစ်ဦးကပြောကြားသည်။ ပခုက္ကူဒေသအပြင် မိုးသက်လေပြင်းများသည် အောင်လံ၊ ဆင်ပေါင်ဝဲ၊ နန်းယွန်း၊ ကွန်ဟိန်း၊ ကျိုင်းတုံ၊ တန့်ယန်း၊ ဘုတလင်၊ ကသာ၊ ဗန်းမောက်၊ ကောလင်း၊ ဝန်းသို၊ တီးတိန်၊ ကျောက်မဲ၊ ပခုက္ကူ၊ ညောင်ဦးမြို့နယ်များတွင် တိုက်ခတ်ခဲ့ခြင်း ဖြစ်သည်။ နန်းယွန်းမြို့နယ်ကြိုင်ရိုင်ကျေးရွာတွင် အိမ်လဲပြိုမှုကြောင့် လူတစ်ဦးသေဆုံးခဲ့ကြောင်း၊ နေပြည်တော်တပ်ကုန်းနှင့် ဘုတလင်မြို့နယ် တို့တွင် ခိုင်းနွားနှစ်ကောင်သေဆုံးခဲ့ကြောင်း သတင်းရရှိသည်။ လေပြင်းတိုက်ခတ်မှုသည် ဧပြီ […]