ဆရာတက္ကသိုလ်စိန်တင်ကို စောစံဖိုးသင်စာအုပ်ဖတ်ကတည်းကစိတ်ဝင်စားမှုရှိခဲ့ပါတယ် မြန်မာ့သမိုင်းနောက်ခံတဲ့အထုပ္ပတ္တိတွေရေးလို့ပါ၊ဆရာနဲ့တွေ့ဘို့အကြောင်းဖြစ်လာတာကတော့ကျွန်တော့် ဦးကြီးဝတ်လုံတော်ရဦးထွန်းစိန်အကြောင်းဖတ်လို့ရနိုင်မယ့် စာအုပ်တွေသိချင်လို့ပါ ပြီးခဲ့တဲ့နှစ်နိုဗင်ဘာမှာ စာအုပ်တိုက်ကဆရာဖုန်းနံပါတ်တောင်းပြီးပြီးဆရာ့ဆီဖုန်းဆက်ဖြစ်ပါတယ် ‘ဘဘကြီးက တက္ကသိုလ်စိန်တင်ပါလားခင်ဗျာ’ မေးတော့’ ဟုတ်ပါတယ် မင်းကဘယ်သူများလဲလို့’ပြန်မေးတော့ ကျွန်တော်က ကျွန်တော် ဝတ်လုံတော်ရဦးထွန်းစိန်ရဲ့တူပါ ကျွန်တော့်ဦးကြီးကွယ်လွန်ချိန်မှာ ကျွန်တော်တို့ငယ်တော့ ကျွန်တော့ဦးကြီးသမိုင်းကို ပြည့်ပြည့်စုံစုံ သိခွင့်မရခဲ့ပါဘူးသခင်တင်မြရေးတဲ့ ဘုံဘဝမှာဖြင့် စာအုပ်မှာ အနည်းအကျဉ်း နောက် အပေါင်းအသင်းရောင်းရင်းများ၏ကျော်ရင်မှာ တစိတ်တပိုင်းဒို့ဗမာအစည်းအရုံးသမိုင်းကြောင်းမှာ တကြောင်းတလေ နောက် အိုးဝေမဂ္ဂဇင်းအဟောင်းတွေမှာနဲနဲပေါ့လေ ကျွန်တော်တွေ့ရပါတယ် ကျွန်တော်ကတော့ တော်လှန်ရေးကောင်စီအစိုးရဟာ ဦးကျော်ငြိမ်း တို့နဲ့ခင်တဲ့ကျွန်တော့်ဦးကြီးကိုမုန်းတီးခဲ့တယ်လိုသိရတယ် နောက် ဦးထွန်းစိန်က ကျောင်းသားသမဂ္ဂဥက္ကဌ ဖြစ်ခဲ့တာဆိုတော့လေ ကျောင်းသားကိုသမိုင်းရောလူပါသတ်တဲ့တော်လှန်ရေးကောင်စီကြောင့် သူ့သမိုင်းတွေပျောက်ခဲ့ရတယ်လို့ထင်ပါတယ် ဘဘကြီးအနေနဲ့ဘယ်စါအုပ်တွေမှာများ ပါတယ်ဆိုတာလမ်းညွှန်ပေးပါခင်ဗျာ’ လို့ပြောတော့ အေး ငါရေးတဲ့ မြန်မာ့လွတ်လပ်ရေးတိုက်ပွဲနှင့်သခင်ဗစိန် မှာပါတယ်အားမာန်သစ်စာပေမှာရှကြည့်လို့ဆိုပါတယ်။ ကျွန်တော် ပြီးခဲ့တဲ့နှစ် ဒီဇင်ဘာမှာရန်ကုန်ရောက်ပေမယ့် သခင်တင်မြကိုကော တက္ကသိုလ်စိန်တင်ကိုမတွေ့ခဲ့ရပါဘူး ကျွန်တော်တို့က ဝမ်းရေးခက်တဲ့သူတွေဆိုတော့ အလုပ်ကိုဘဲဦးစားပေးရတာပေါ့ […]