ပြည်သူလူထုအတွင်းအလွယ်တကူနှင့် ဖျောက်ဖျက်၍မရနိုင်သေးသော ဆေးပညာနှင့် ပတ်သတ်သည့် အယူအဆအမှားများ များစွာရှိပါသည်။ ထိုများစွာသော အယူအဆအမှားများမှ အချို ့ကိုဖော်ပြသွားပါမည်။ အင်္ဂလိပ်ဆေးနှင့်သံပုရာရည် အင်္ဂလိပ်ဆေးနှင့် သံပုရာရည် ၊သို ့မဟုတ် အချဉ်လုံးဝမတည့်ဟူသော အယူအဆအမှားမှာ လူ ၁၀ဝ တွင် လူ ၉ဝ ကျော်၏ စိတ်၌စွဲမြဲစွာ ယုံကြည်လျက်ရှိသည်။ အချဉ်စားမိလို ့ ဆေးမသောက်ဖြစ်ဘူး အချဉ်စားထားမိလို့ ဆေးမထိုးပေးပါနဲ့ဆရာ အချဉ်စားပြီး ဘယ်လောက်ကြာ ဆေးသောက်ရမလဲ စသည့်စကားမျိုးမကြာခဏကြားရသည်။ မည်သူမည်ဝါဖြင့်ဆေးထိုးပြီးသံပုရာရည်သောက်မိလို ့ဆေးရုံတင်လိုက်ရတယ် ။ သေသွားပြီဆိုသော ကောလဟာလများပင်ကြားရတတ်သည်။ ရှေးနှစ်ပေါင်းများစွာက အင်္ဂလိပ်ဆေးအချို ့သည် အချဉ်နှင့်ဓာတ်မတည့်တာမျိုး ရှိကောင်းရှိခဲ့နိုင်သည်။ ယနေ ့အချိန်တွင် အချဉ်နှင့်မတည့်သောဆေးဟူ၍ လုံးဝမရှိပါ။ ကုမ္ပဏီအမျိူးမျိူးမှ ထုတ်လုပ်လျက်ရှိသော သောက်ဆေးထိုးဆေး အမျိုးမျိုးတွင် အချဉ်နှင့်မတည့်ပါဟု တားမြစ်ချက်ရှိသောဆေးဟူ၍ မရှိပါ။ […]

ငယ်ရွယ်စဉ်တွင် စိတ်ဖိစီးမှုများလျှင် မျိုးဗီဇပြောင်းသွားနိုင်ကြောင်း ဂျာမနီနိုင်ငံ၊ မက်ပလန့်စိတ်ရောဂါ ကုသမှု ပညာတက္ကသိုလ်မှ သိပ္ပံပညာရှင် ခရစ္စတိုဖာမာဂါထရွိုက် ဦးဆောင်သော အဖွဲ့ကလေ့လာတွေ့ရှိခဲ့သည်။ ယင်းသိပ္ပံပညာရှင်များသည် မွေးကင်စကြွက်ကလေးများကို ကြွက်မိခင်နှင့် ခွဲခွာထားရှိ၍ စမ်းသပ်ခဲ့သည်။ ခွဲခွာထားခံရသော ကြွက်ပေါက်စကလေးများသည် နောက်ပိုင်းတွင် အပြု အမူပိုင်းဆိုင်ရာပြသနာများရှိလာခဲ့သည်။ ကြွက်ကလေးများနှင့်လေ့လာစမ်းသပ်မှုအရ ငယ်စဉ်က စိတ်ဒဏ်ရာနှင့်စိတ်ဖိစီးမှုများသည် မျိုဗီဇများကို ပြောင်းလဲစေပြီး အပြုအမူပိုင်းဆိုင်ရာ ပြသနာများအား ဖြစ်ပေါ်စေနိုင်သည့်လမ်းစများတွေ့ရှိခဲ့သည်။ ကြွက်ပေါက်စလေးများတွင် ကာလကြာရှည်သည် အထိ စိတ်ဖိစီမှုများ ဆက်လက်တည်ရှိနေသည်ဟု သိပ္ပံပညာရှင်များက Nature Neuro science ဂျာနယ်တွင် ရေးသားဖော်ပြခဲ့သည်။ စိဖိစီးမှုဖြစ်ပေါ်နေသော ကြွက်ကလေးများတွင် မျိုးဗီဇပြောင်းလဲစေသော ဟော်မုန်းများထွက်ရှိပြီး ၎င်းတို့၏ ဘဝတစ်လျှောက်အပြုအမူများအပေါ်တွင် ထိခိုက်မှုများရှိလာခဲ့သည်။ ယခုလေ့လာမှုကို မော်လီကျုးများဖြစ်စဉ်အထိ အသေးစိတ်လေ့လာခဲ့ပြီး ငယ်စဉ်ဘဝက စိဖိစီးမှု ခံစားရသော အတွေ့အကြုံများသည် ကာလတာရှည် […]