ကျနော် ပေဖူးလွှာဆိုတဲ့ မဂ္ဂဇင်းလေးကို အခုတလောမျက်စိကျနေမိပါတယ်။ သူ့မှာ စာဖတ်သူများနဲ့ငြင်းခုန်းခြင်းဆိုတဲ့ ကဏ္ဍလေးပါဝင်ပါတယ်။ ဒီကဏ္ဍမှာ ဗဟုသုတဖြစ်စရာ ဆောင်းပါးလေးတွေကို ခေါင်းစဉ်နဲ့အညီ ထောက်ပြထားတာပါ။ နောက်တစ်ခုကတော့ ကဗျာကဏ္ဍပါ။ ကဗျာတိုင်းတော့ မကောင်းပေမယ့် တစ်ချို့ကဗျာတွေကတော့ ထိထိမိမိရေထားတာကို တွေ့ရပါတယ်။ ဒါကြောင့်ကောင်းမယ်ထင်တဲ့ ကဗျာလေးတွေ ကျနော် တင်ပေးပါရစေ။ ပိုးကိုက်ခံရတဲ့သစ်သီး ဘာကြောင့် ငါတို့တောတွေက သူတို့သစ်ပင်ဖြစ်သွားရတာလဲ ဘာကြောင့် ငါတို့တောင်တန်းတွေက သူတို့မြေကြီး ဖြစ်သွားရတာလဲ ဘာကြောင့်ငါတို့အိမ်ရှင်မတွေက သူတို့လိင်ကျွန် ဖြစ်သွားရတာလဲ ဘာကြောင့် ငါတို့ကလေးတွေက သူတို့အခိုင်းအစေဖြစ်သွားရတာလဲ ဘာကြောင့်ငါတို့ခံစားခွင့်တွေက သူတို့ရဲ့လုပ်ပိုင်ခွင့်ဖြစ်သွားရတာလဲ ငါတို့စားသုံးခွင့်မရတဲ့ ငါတို့ရဲ့ပင်လယ်စာတွေနဲ့ သူတို့ဝဖီးနေကြ ငါတို့ကြည့်ခွင့်မရှိတဲ့ ငါတို့ရဲ့အလင်းရောင်နဲ့ သူတို့ထိန်ထိန်ညီးနေကြ ငါတို့သုံးခွင့်မရှိတဲ့ ငါတို့ရဲ့လောင်စာတွေနဲ့ သူတို့ ဟီးဟီးထနေကြ ငါတို့စွန့်ပစ်တဲ့ကော်စုတ်တွေနဲ့ ငါတို့ဘဝကို “ဖာ”လို့“ထေး”လို့ သူတို့ပို့လိုက်တဲ့အရည်အသွေးညံစားသုံးကုန်တွေနဲ့ ငါတို့အသက်ကိုအထိတ်တလန့်ထိန်းကျောင်းလို့ ဒိတ်အောက်နေတဲ့သူတို့ရဲ့စက်ရုံကြီးတွေထဲ […]

အသက် ၅ဝ ကျော် အထိ အဖေကတော့ ဘဝ အကြောင်းပြောလို့ကောင်းတုန်း ကျွန်တော် က၂၄ နှစ် ဘဝ အကြောင်း ဘယ်အထိပြောရဦးမလဲ..။ ပန်းကလေးတွေ ဖူး…ပွင့်….ဝေ…ကြွေ သွားတာဘဝလား…။ ကျွန်ုပ်တို့ရဲ့ ရည်မှန်းရာဘဝများက ဘာပါလဲ..။ အကောင်းစားကားနဲ့ အကောင်း စားဖုန်း တစ်လုံး ဟာ လူသားတစ်ဦးရဲ့ ဘဝလား..။ ဆန့်ကျင်ဘက် လိင် တစ်ယောက်ရဲ့ ချစ်ခြင်းဟာလည်း ဘဝ လား..။ ကလေးတစ်ယောက်ရဲ့ လိုချင်မှု ငိုငြီးသံက ဘဝလား..။ အာဏာပင်ထက် အသီးအပွင့် ဝေစေနိုင်တာကရော ဘဝများလား..။ ငါလိုချင်တဲ့ ဘဝကရော ဘယ်လိုဘဝ မျိုးလဲ သေချာတာကတော့……….။

သူမမြင်အောင် တမင်ရှောင်တိမ်း ရင်ဝေဒနာ အစဉ်သာထိန်း ခပ်ခွာခွာ အနေယိမ်းလို့ စိမ်းမှာလား မေ ။ သူမဟုတ်သလိုပေါ့ အပူရုပ်ကို မျက်နှာလွှဲ တစ်သက်စာကွဲတဲ့ သံယောဇဉ် ဆက်ကာ ချည်ငင် ထုံးပေမယ့် မုန်းစေလှဲ့လို့ ထားရက်တယ် ။ အများထက်ဝယ် ဒီလူရှုံးစေပေါ့ ထုံးလေ မြဲတဲ့ သံယောဇဉ် ဓါးထက်ကွယ် သူပင် ယူငင်ဖြတ်လေတော့ ပြတ်မှာပေါ့ကွယ် ။ သံယောဇဉ် နွယ်ပင်ဖြတ်ပေမယ့် သည်းထက်၌ အသစ်ပျိုး အချစ်မျိုး ကိုးဆယ့်ခြောက်ပါးက ဒီရင်ခွင် ပျောက်သွားအောင် တိုးလှဲ့ ဖောက်ပြား ။ @ လူစိုး 15.june.2013 ( 11:38 Am )

♦ ဆုတောင်း ♦ ••••••••••••• အဝေးဆီက ဇာတိဖွား Malay ပြည်မှ မြန်မာများ ဘေးမသီ ရန်မခ အန္တရာယ်ကင်းလို့ ငြိမ်းချမ်းကြပါစေ ။ ဒို့မေတ္တာစွမ်း ကမ္ဘာလွှမ်း အေးချမ်းကြပါစေ ။ ပြည်သားကောင်းတွေ လွင့်လို့ကြွေ မလေးမြေမှာ ကြက်အလား ငှက်အလား ။ ရေနောက်စွန့်ခွာ ရေကြည်ရှာ ဒို့ပြည်မှာပင် ကြီးပွားမှာလား ။ မျက်ရည်စက်လက် ဖုန်းဆက်ကာ သားကောင်း မိခင် ဝမ်းနည်းနေရ။ မိခင်မျက်ရည် တစ်စက်ဟာ တိုင်ပြည်တွေရဲ့ အသက်ပါပဲ ။ စောင့်မပေးပါ အဖရာ ဒို့ပြည်သူတွေ တောင့်တနေကြ ။ တိုးတက်လိုသည် မြန်မာပြည် ဒို့ပြည်သူတွေ အသက်ဆက်ဘို့အရေး ။ # လူအချင်းချင်း နှိပ်စက်ခြင်း ကင်းရှင်းကြပါစေ # @ […]

လွမ်းခြင်းသိုဝှက် ရင်သို့သက် လှမ်းရင်းပြိုပျက် အငိုခက်ပေမယ့် စိုလျှက်ပါပဲ မိုးစက်ပြာ ။ တစ်သက်မှာ တစ်ခါလန်း ရင်နဲ့ပျိုးတဲ့ ပန်းက ရေလောင်းပေါင်းသင်ဘို့မလို ငါ့မျက်ရည်စိုရုံနဲ့တင် အလိုလို ရှင်သန်နေခဲ့တာ အသိမဲ့ခဲ့လို့လား မိုးစက်ပြာ ။ ရင်အလွမ်းက တိုးထွက်ခါ ဆိုးလျှက်ပါပဲ မိုးစက်ပြာရယ် မြင်မြင်ရာ အရာရာတိုင်း ငါ့အတွက် လွမ်းကဗျာတွေလား လွမ်းစရာတွေလား လှမ်းကာမပြေးခင် အဖြေရှာတွေး အလွမ်းတွေ ပြေမဲ့ဆေး မင်း ပေးခဲ့ပါလား မိုးစက်ပြာ။   @ လူစိုး