စိုင်ကော်လို့ခြုံပေါ်ရောက် ခြင်္သေ့ဟောက်သံနဲ့ဖါးသူငယ် မင်းအရွယ်ငယ်ပါသေး။ ဒေါင်းယောင်ေဆောင်တဲ့ကျီး အမြီးဖြန့်ကာမှ ပြစရာတစ်ကွက်မှမရှိ အားလုံးဓါတ်သိတွေချည်း။ မုဆိုးခြေထောက် ဆူးမကြောက်ခဲ့ပေမည့် အာဖဂန်ကမိုင်းမျိုး အဖြစ်ဆိုးမှာတော့ကြောက်ရှာသား။ ရေများရေနိုင်မီးများမီးနိုင် မီးကိုမနိုင်တဲ့မီးသတ်ကား အထူးအဆန်းလုပ်နေရော့သလား။ မင်းရဲ့စကား မိုးကြိုးသွား ရောင်းစားလို့ရမှတော့ မိုးကြိုးသွားနဲ့ပီယဆေးဖေါ် ပေါက်ဖေါ်ကြီးကကြိုက်မှကြိုက်။ ကောသလမင်းအိမ်မက် တစ်ဆယ့်ခြောက်ချက် အခုခေတ်မှာအသက်ဝင် အဲဒီရှင်ဘုရင်ရှိသေးရင် ခေါ်လို့ပင်ပြလိုက်ချင်သေး။ ရေနစ်သူ ဝါးကူလို့ထိုး အဖြစ်ဆိုးလှချည့် တရားမရှိ နတ်မသိအောင် ခပ်ပြောင်ပြောင်မျက်နှာထား ကျံကျောင်းရဲ့ဒါးနဲ့ခုတ် မျက်နှာမွဲပေါင်ချိန်အစုတ်ကို အရေးလုပ်မယ်တောင်မထင်။ မင်းခယောက်ကျား ကမ်းနားသစ်ပင် စည်ပင်က ဒါးနဲ့ခုတ်လို့ အပင်တွေမရှိတာကြာပါပကော။ သစ်ငုတ်မြင့်တုံ မြက်မြင့်တုံတဲ့ သစ်ငုတ်ကိုမျက်ဖုန်းလို့ လူလုံးမပြရတာကြာပါပကော။ ကြာကြာဝါးမည့်သွား အံကပ်သာတပ်လို့ထား ကြမ်းကျွံရင်နှုတ်လို့ရ စကားကျွံရင်နှုတ်လို့ရအောင် တရားခွင်မှာ ကျမ်းမကြောက် ဘယ်သဘောက်မသားလဲ ကိုယ့်ကိုကိုယ်ဖေါ် မသူတော် တစ်ရာ့တစ်ပါး မင်းဖြစ်လေမလားလို့ ပေါ့နော်ပေါ့နော်ပေါ့နော်

နာလိုက်တာဗျာ ရင်ဝမှာဒါးလှံစူးသလိုပ မြင်ရတာအဆင်မချောလေဘူး ဘူးချက်ကမသေး။ အရွယ်လေးကဂေါရီရယ် အသက်ငယ်ငယ် မြစ်အရွယ်လေးနဲ့မှ ဖေါက်ပြန်ရက်သေး။ ငွေရှိရင်ဘာမဆိုဖြစ်တာမို့ ဆိပ်ကွယ်ရာဥပဒေမမှီနိုင်လို့ ကွန်ဒိုခေါ်ဒီတိုက်ခန်းတွေက လူမိုက်အားပေး။ မိုးထက်ဝလ္လာ တိမ်သိလ္လာဟိုအထက်ဆီက သိကြားရာ မမြင်အမှတ်မှားနေလို့ နတ်သဘင်အစည်းအဝေးတွေကြောင့် ဖေါက်ပြန်သူအခွင့်အရေးပိုရ ခက်ခက်လှသေး။

ရှေ့မျက်နှာနောက်ထားလို့ ဖေါက်ပြားတဲ့မသူတော် လော်မာတဲ့စိတ်ထား ဖုတ်သွင်းရထားဆိုက်မလားလို့ မိုးပေါ်ကိုမျှော်ကြည့် မထိတထိကလိလိုက်သေး(သိကြားမင်းကို) ငါဟဲ့မင်းလောင်း ရွှေထီးကိုဆောင်းလို့ ဂေါက်ကွင်းက ကယ်ရီမလေး ပညာရေးခက်ရေးမကြွယ်စေလို့ ကုသိုလ်လေးပြုလုပ် ရွှေနှုတ်ကမြွက်ကြားလို့ ငါသနားသဟဲ့ လက်ကြားမှာ s4 ညှပ်စေရော့ တက်နေဘို့တိုက်ခန်းရှာပေး လက်မနှေးတဲ့ဘဘပါ ညအခါလသာသာမို့ အပျိုကညာအရွယ်မလင့်ရအောင် ပန်းဦးဆက်သေး။