ကြောင်တို့မည်သည် ကြွက်ဟူသောသတ္တဝါကို စားရန်စားဖွယ်အဖြစ်လည်းကောင်း၊ ဆော့ရန် ကစားစရာအဖြစ် လည်းကောင်း ထင်မြင်ယူဆထားကြသည်။ တကယ်ဆိုပါလျှင် ကြွက်ဟူသောသတ္တဝါမှာ ကိုက်ဖဲ့စားသောက်ရ မည်ဆိုလျှင် သစ်သားပင်မချန်ထားတတ်သော သတ္တဝါဖြစ်သောကြောင့် အနှီအကောင်သည် ကျွန်ုပ်တို့ကြောင် မျိုးကြောင်နွယ်များအတွက် ကျွေးမွေးစောင့်ရှောက်ချစ်ခင်တတ်သောလူသားတို့အား ပြန်လည်ကျေးဇူးဆပ်ရန် သဘာဝမှဖန်တီးလာသော ကျွန်ုပ်တို့၏မွေးရာပါတာဝန်ဖြစ်ပေါ်လာပေတော့သည်။ ကြောင်နှင့်ကြွက်၊ ဝက်သားနှင့်တရုတ်၊ ရခိုင်နှင့်ငရုတ်သီး ခွဲခြားမရသကဲ့သို့ သမိုင်းဝင်လက်တွဲဖော်ဒွန်တွဲလာ သည့် နေနှင့်လ ရွှေနှင့်မြကဲ့သို့ အဖက်အဖော်များဖြစ်ပေါ်လာခဲ့ပေ၏။ ကြောင်တို့မူလအစခေတ်တွင် ကြွက်များအား ပြေးပြေးလွှားလွှားသွားသွားလာလာ ဖမ်းယူစားသောက်ခဲ့ရသော ခက်ခဲ့သည့် ကြောင်တို့ခယောင်းလမ်းများရှိခဲ့ဖူးပါသည်။ ကြွက်နှင့် ငါးကြော်၊ ပုဇွန်ကြော်ဆိုသည်မှာ ကြောင်တို့ အတွက် အဖိုးမဖြတ်နိုင်သော စားသောက်ဖွယ်ရာကောင်းများဖြစ်ခဲ့ပါသည်။ လူသားတို့မှ ချစ်ခင်နှစ်သက်ဖွယ် ရုပ်ရည်ပိုင်ဆိုင်သော ကြောင်မျိုးနွယ်တို့အား အဖော်မွန်များမဖြစ်စတင် မွေးမြူသည့်အချိန်မှစတင်ကာ ကျွန်ုပ် တို့ကြောင်များကား လူသားတို့အတွက်လွန်စွာ အကျိုးမပြုသော ကြွက်သတ္တဝါတို့အား နှိမ်နင်းခြင်းဖြင့် လူသားတို့၏ […]