ဘီစီ (722-481) လောက်ကတရုတ်ပြည်မှာ တိုင်းပြည်တစ်ခုလုံးအကျင့်ပျက်၊ချစားမှုများ ပြည်ထောင်စုအချင်းချင်းသွေးကွဲပြိုကွဲနေချိန်၊ တစ်တိုင်းပြည်လုံးမငြိမသက်ဖြစ်နေတဲ့အချိန်ပေါ့ အဲဒီလိုဖြစ်ပေါ်ရတဲ့အကြောင်းကတော့မင်းကမင်းလို မကျင့်၊မှူးမတ်များသည်လည်းမှူးမတ်လိုမကျင့်သော ကြောင့်ဖြစ်တယ်လို့ကွန်းဖြူးရှပ်ကပြောကြားခဲ့..   မင်းသည၊်မင်းဘဲဖြစ်ပါစေ မှူးမတ်တို့သည်မှူးမတ်ဘဲဖြစ်ပါစေ ဖခင်သည်လည်း၊ဖခင်သာဖြစ်၍ သားသည်လည်းသားဘဲဖြစ်ပါစေ (ကွန်ဖြူးရှပ် ဘီစီ 722-481) (ကွန်ဖြူးရှပ်)

မြစ်ဆုံ၊မေခ၊မေလိခ၊မြစ်ညာမြစ်ဝှမ်းရေအားလျှပ်စစ်စီမံကိန်းနှင့်ပတ်သက်၍ နိုင်ငံတကာ နှင့်ပြည်သူလူထုအထင်မှားအမြင်မှားဖြစ်စေရန်အချို့ပုဂ္ဂိုလ်/အဖွဲ့အစည်းများ ကမဟုတ်မမှန်လုပ်ကြံရေးသားလုပ်ဆောင်လျှက်ရှိ နေဟုအစိုးရပိုင်သတင်းစာပါဆောင်းပါးရှင်(လျှပ်စစ်ဝန်ထမ်းတစ်ဦး)ဧ။်စွပ်စွဲချက် ကိုတုံ့ပြန်လိုက်ခြင်း။  (10.8.2011 ရေးသားတုံ့ပြန်ခဲ့သည်။)   (9-8-2011)နေ့စွဲနိုင်ငံပိုင်မြန်မာအလင်းသတင်းစာတွင်ဖော်ပြခဲ့သောဆောင်းပါးရှင် လျှပ်စစ်ဝန်ထမ်းတစ်ဦး၏မြစ်ဆုံရေအားလျှပ်စစ်စီမံကိန်းနှင့်ပတ်သက်သည့်ဆောင်းပါးက mediaတွေကဘဲမဟုတ်မမှန်သတင်းကိုလုပ်ကြံပြီးရေးသားပြီးပြည်သူကိုAlarmist လုပ်နေတဲ့သဘောပြောဆိုရေးသားထားတာဟာမီဒီယာလောကကိုစော်ကားလိုက်ခြင်းဖြစ်တယ်လို မြင်မိပါတယ်။အဲဒီဆောင်းပါးရှင်ရဲ့ဆောင်းပါးများကိုကောက်နုတ်ချက်ချကြည့်ရင် ကောင်းကျိုး(advantages)များသာထုံစံအတိုင်းသတင်းစာဆောင်းပါးပုံစံရေးသားထာတာတွေရပါတယ် ။မြစ်ဆုံရေကာတာ(MyintsonDam)ကြောင့်လတ်တလောပြည်သူတွေခံစားရမဲ့ဒုက္ခများနှင့် တစ်နိုင်ငံလုံးနောင်ခံစားရဦးမည့်ဆိုးကျိုးများ(Disadvantages)ကိုရေးသားဖေါ်ပြထားခြင်းမတွေ့ရပါဘူး။   (၁)Impact areaမှာပြည်သူတွေဘယ်လောက်ထိခိုက်ဆုံးရှူံးပြီးလူတွေစိတ်ဒုက္ခရောက်ရတယ်ဆိုတဲ့လူအခွင့်အရေး ကိုဥပေက္ခာပြုထားခြင်း၊ဖြစ်လာနိုင်တဲ့နောက်ဆက်တွဲဆိုးကျိုးတွေကြောင့်လူတွေဘယ်လောက် ဒုက္ခရောက်ဦးမယ်ဆိုတာကိုလစ်လျှူရှုထားခြင်း   (၂)ရေကာတာစီမံကိန်းကိုတရုတ်CPIကော်ပိုရေးရှင်းက3.6ဘီလီယံရင်းနှီးမြှုပ်နှံတည်ဆောက် လုပ်ကိုင်နေခြင်းဖြစ်တယ်လို့ပွင့်လင်းစွာရေးသားခြင်းမရှိပါ။   (၃) ရေကာတာမှထွက်ရှိမဲ့အကျိုးအမြတ်ဧ။်၇၀%ကိုတရုတ်ကရရှိမှာဖြစ်တယ်လို့ပြည်သူအများကိုချပြမထားခြင်း။ (၄)ထွက်ရှိမဲ့ရေအားလျှပ်စစ်ဧ။်၉၉%ကိုတရုတ်ကယူမည်၊၁%သာပြည်တွင်းမှာသုံးစွဲသွားမည်ဆိုတာဖော်ပြထားခြင်း မရှိပါ။ (၅)တရုတ်အစိုးရနဲ့မြန်မာအစိုးရနှစ်ဖက်စလုံးကရေကာတာကြီးကြောင့်ပတ်ဝန်ကျင်ထိခိုက်မှုမရှိစေရဟုအာမခံထား ခြင်းမရှိ (၆)ပတ်ဝန်းကျင်ထိခိုက်မှုဆိုင်ရာအစီရင်ခံစာတွင်၊ရေကာတာကြီးသည်စစ်ကိုင်းပြတ်ရွေ့ကြောလိုခေါ်တဲ့ငလျှင်ကြောအ နီးအနားမှာရှိတယ်ဆိုတာကိုဖော်ပြထားခြင်းမရှိ။   (၇)ပညာရှင်များသည်2009ခုနှစ်ဇန်နဝါရီလမှဇူလိူင်လအထိသာလေ့လာဆောင်ရွက်လို့သာဖော်ပြထားတာကိုတွေ့ရပြီး ပတ်ဝန်းကျင်ထိခိုက်မှုဆိုင်ရာအစီရင်ခံစာရဲ့လိုက်နာရမည်အဓိကစည်းကမ်းချက်(၁၀)ချက် အနက်(၁)ချက်သာလေ့လာရသေးတယ်ဆိုတာဖေါ်ပြထားခြင်းမရှိပါ။   (၈)ရေအားလျှပ်စစ်စီမံကိန်းကြောင့်ဒေသခံပြည်သူများအလုပ်အကိုင်အခွင့်အလမ်းများ ရရှိမှာဖြစ်တယ်လို့ဖေါ်ပြထားတာကိုတွေ့ရပါတယ်။ဒေသခံပြည်သူတွေရရှိတဲ့လုပ်အားခနှင် ့တရုတ်ပညာရှင်များနဲ့အလုပ်သမားရရှိခံစားရမည့်အခွင်အရေးတူနိုင်သလားဆိုတာထည့်မတွက်ပြထားဘူး၊ ဘာလိုဒီလိုပြောရသလဲဆိုရင်ကျောက်ဖြူရေနက်ကွင်းစီမံကိန်းမှာတရုတ်အစိုးရကတင်သွင်းလာတဲ့ တရုတ်အလုပ်သမားတွေနဲ့အဲဒီမှာအလုပ်လုပ်နေတဲ့မြန်မာအလုပ်သမားတွေရဲ့အကျိုးခံစားခွင့်နှင့်နေရထိုင်ရတာ ဘယ်လောက်ကွာခြားသလဲဆိုတာကိုသွားရောက်လက်တွေ့ကြည့်ကြပါ။   (၉)စီမံကိန်းဧရိယာနှင့်မလွတ်ကင်းသောရွာများကိုသက်ဆိုင်ရာစံပြကျေးရွာ အသစ်များတည်ဆောက်၊အစားထိုးပေးထားတဲ့အတွက်ကြောင့်မှုလနေထိုင်ခဲ့သောအဆင့်ထက်များစွာ သာလွန်အောင်ဆောင်ရွက်ပေးထားကြောင်းဖေါ်ပြထားပါတယ်။ကျွန်တော်အနေနဲဆောင်းပါးရှင် ကိုမေးလိုက်ချင်ပါတယ်။ဆောင်းပါးရှင်အနေနဲ့ဒေသခံပြည်သူတွေများကို စာနာနားလည်စိတ်မရှိသူ၊ဆောင်းပါးရှင်သည်၊လူတွေရဲ့နေရာအစွဲ၊ဒေသအစွဲ၊ ကိုနားလည်းမှုမရှိသူဟုယူဆရပါတယ်။ဒေသခံပြည်သူများအနေနှင့်မိမိကျင်လည်ကျက်စားတဲ့နေရာ၊ မိမိလုပ်ကိုင်စားနေကြနေရာ၊မိမိရဲ့ဇာတိချက်မြေ ၊ယဉ်ကျေးမှုများကိုဘယ်လောက်တန်ဘိုးထားတဲ့ဆိုတာထည့်သွင်းမစဉ်းစားရင်တော့ လူအခွင့်ရေးချိုးဖောက်ရာရောက်တယ်ဆိုတာဆောင်းပါးရှင်နားမလည်းဘူးလားဆိုတာသိတာထင်ရှားပါတယ်။ […]