သူကြီးနှင့်တကွရွာသူရွာသားအားလုံးကိုခင်မင်လေးစားစွာဖြင့်စာရေး လိုက်ပါတယ်။ ရွာသူရွာသားအားလုံးကျန်းမာကြတယ်မဟုတ်လား။ကျွန် တော်ရွာမှာတုန်းကသိခဲ့တာက အများအကျိုးဆောင်ရွက်ရမယ်အများ ကောင်းစားရေးကိုလုပ်ရမယ်လို့နားလည်ခဲ့ပါတယ်။ ခုတော့အဲလိုမဟုတ်ပဲ ကိုယ်ကောင်းစားရေးကိုလုပ်ရမယ်ဆိုတဲ့အသိအမြင်တွေရလာခဲ့ပါတယ်။ ဒါလေးကိုရွာသူရွာသားတွေကိုစာရေးပြီးအသိပေးတာပါ။ ကိုယ်ကောင်းစားရေးမလုပ်ပဲ အများကောင်းစားရေးဆိုတာ လုပ်လို့မရပါဘူး။ကိုယ်ကောင်း စားရေးမလုပ်ပဲအများကောင်းစားရေးလုပ်ခဲ့မယ်ဆိုရင်…အဲဒီအများ ကောင်းစားကောင်းစားရေး ကောင်းတဲ့ အကျိုးဖြစ်ထွန်းမှုတွေနည်းမှာပါ။ ကျွန်တော်တို့ ရွာမှာ သီးနှံတွေစိုက်တာဟာ..ကိုယ်ကောင်းစားဖို့… ကိုယ့်မိသားစုကောင်းစားဖို့စိုက်တာဆိုပေမယ့်…. အဲဒီသီးနှံကထွက်တာ တွေကို..မြို့ပို့ပြီး တနိုင်ငံလုံး …ကောင်းစားဖို့ဆောင်ရွက်လိုက်တာပဲ မဟုတ်လား။ လမ်းဘေးမှာ ကိုယ့်စားဝတ်နေရေးအတွက် ဓာတ်ဆီလေးရောင်းနေတာ လဲ ကိုယ့်အတွက်ရောင်းတာလို့ဆိုရပေမယ့် အနားကဖြတ်သွားသူတွေ ဆီပြတ်ရင် အဆင်ပြေအောင်ဆောင်ရွက်ပြီးသားဖြစ်မနေဘူးလား။ တကယ်တော့ ကိုယ်ကောင်းစားရေးလုပ်လိုက်တာနဲ့ အများကောင်းစား ရေးဆိုတာ အလိုလိုလုပ်ပြီးသားဖြစ်သွားပါတယ်။ ကျွန်တော်တို့ရွာထဲက ကိုကြီးကြောင်ဆိုရင်…အမြဲတမ်းသောက်စားမူးရူး နေတယ်။ ညညဆိုဆူညံနေလို့တရွားလုံးစိတ်ညစ်ကြရတယ်။ တခါတလေ ရဲစခန်းပါ အလုပ်ရှုပ်တယ်။ ဒါဟာ ကိုကြီးကြောင်က သူကောင်းစားရေးပါ မလုပ်တော့ အများကောင်းစားရေးလဲမလုပ်သလိုဖြစ်နေတာပေါ့။ ဟော ခုတော့ ကိုကြီးကြောင် အရက်ဖြတ်သွားပြီ။ သူ့ဘဝကောင်းစားဖို့ […]