ကိုေပါက္(မႏၱေလး)6 ဦးပိန်ကို တောင်ဘက်ကနေ ဆော်ထည့်လိုက်တာ “တောင်သမန်က အလွမ်းမင်းသားကြီး” တောင်သမန်မှာဓါတ်ပုံရိုက်မယ်ဆိုရင် ဟိုးရှေးကတည်းကရှိတဲ့ သစ်ခြောက်ပင်ကြီးက မပါမဖြစ်။ အဲဒီသစ်ပင်နဲ့ဓါတ်ပုံတွဲရိုက်ထားတဲ့သူတွေလဲများမှများ.။ ကျနော်ကိုယ်တိုင်လဲဒီအပင်ကြီးကို သဘောကျ။ အရင်က တော့ ဟိုးအဝေးမှာရှိတဲ့ဘုရားက။ တံတားပေါ်က၊ တံတားအောက်က ပုံစံအမျိုးမျုးိနဲ့မှတ်တမ်းတင်ခဲ့ဘူးပါတယ်။ ဒီတစ်ခါတော့ အနီးကပ် သစ်ပင်ကြီးအောက်ထိရောက်ခဲ့ပါတယ်.။ အရင်ကအဲဒီနားသွားမယ်ကြံရင် လူတွေအမြဲပြည့်နေတော့ မသွားဖြစ်ပါဘူး။ ရက်ဆက်ပြီးတောင်သမန်ပါတ်ဝန်းကျင်ပုံတွေတင်တယ်ဆိုတော့ ပုံတွေထပ်ချင်ထပ်သွားနိုင်ပါတယ်။ ဒါပေမယ့် တစ်ပုံနဲ့တစ်ပုံ အမြင်နည်းနည်းလေးစီကွာပါတယ်။. ကြည့်လို့ ကြည်နူးတယ်ဆိုရင်တော့ ကျေနပ်ပါတယ်လို့ပြောရင် က က က ပေါ့နော်။ ကိုပေါက်လမ်းသလားရင်းလက်ဆော့ တော့ရလာတဲ့ အတွေးပါးပါးလေး (12-3-2012)
“အထူးအချိန်မှာမြင်ရတဲ့ ဦးပိန်” အမှန်တိုင်းပြောရရင် ဦးပိန်တံတားအောက်ကို ကျော်ပြီး သစ်ပင်တွေဘက်ကို အရင်ကမရောက်ဘူးပါဘူး။ မနှစ်သင်္ကြန်တတွင်းလုံး တောင်သမန်မှာရှိပေမယ့် ဒီဘက်ကိုမရောက်ခဲ့ပါဘူး။ တံတားအောက်ကိုရောက်ပေမယ့်လဲ သစ်ပင်ကြီးနားထိမသွား။ ဒီနေ့ကတော့ တံတားအောက်မှလဲရေမရှိ.။ လူကလဲရှင်းတော့ ဓါတ်ပုံရိုက်ဘို့အခါအခွင့်အကောင်းဆုံးပါဘဲ။ အဲဒါနဲ့ဆိုင်ကယ်ကိုတံတားအောက်ကနေစီးပြိီးသစ်ပင်ကြီးနားမှာရပ်လို်က်ပါတယ်။ အရှေ့ဘက်ကောင်းကင်ကိုလှမ်းကြည့်လို်က်တော့ နေနည်းနည်းမြင့်နေပါပြီ။ ဒါပေမယ့် အနီရဲရဲ။ အဲဒီအချိန်လှေကလေးက တံတားအောက်အဖြတ် မှတ်တမ်းတင်နိုင်ခဲ့ပါတယ်။ နောက်တော့ လဲ ဟိုနားကရိုက်လဲလှ ဒီနားကရိုက်လဲလှ ဆိုတော့ ထိုင်ရက် ထရိုက် လှဲရိုက် ရိုက်နည်းပေါင်းစုံနဲ့ရိုက်လိုက်တာ ဘေးလူကြည့်ရင်တော့ ရူးနေတယ်ထင်လောက်ပါတယ်။ ဖြစ်ချင်တော့ကင်မရာထဲမှာ အဖြူအမဲရိုက်လို့ရတာပါတော့ အဖြူအမဲရိုက်။ ငါးမျက်လုံးနဲ့ ပုံခုံးခုံးလေးတွေရိုက်. ရိုက်……….ရို်က်…………….ရိုက်လို့မဝနိုင်အောင်ပါဘဲ။ အဲတော့လဲရိုက်ခဲ့သမျှကို ပြန်လည်လို့ မျှပေးလိုက်ပါတယ်။ ကိုပေါက်လမ်းသလားရင်းလက်ဆော့ တော့ရလာတဲ့ အတွေးပါးပါး (11-3-2012)
“အင်းကြီးတောင်သမန်ရဲ ့ နံနက်ခင်း …………” တပေါင်းလပြည့်နေ့မနက်ထုံးစံအတိုင်းလမ်းလျှောက်ထွက်ခဲ့ပါတယ်။ လမ်းလျှောက်ရင်း ကောင်းကင်မှာတိမ်အရောင်က ရဲသထက်ရဲလာပါတယ်။ ဒါနဲ့ဘဲ ဒီအချိန်တောင်သမန်က ဦးပိန်ကို နှက်လိုက်ရရင်အိုကေဘဲဆိုတွေ့းမိတော့ ဆိုင်ကယ်ပြန်ယူပြီး တောင်သမန်ကိုပြေးပါတယ်။ မနက်ခြောက်နာရီတိတိ။ တောင်သမန်ကို မြန်မြန်ရောက်အောင် ကပ်ကျော်ဘုရားကနေ ထောက်လှမ်းရေး 16ဘက်က လမ်းကြမ်းကနေ တောင်သမန်ဘေးကလက်ပန်ပင်နားရောက်အောင် အမြန်မောင်းပါတယ်။ တောင်သမန်အင်းအနောက်ဘက်ကန်ဘောင်ရောက်တော့ လှတပတပုံတွေရိုက်။ ကိုရင်တွေ့ရိုက်။. ဆွမ်းခံတဲ့ဦးဇင်းရိုက်။ လှေတွေရိုက်။ တွေ့သမျှအကုန်ရိုက်ရင်း ဦးပိန်တံတားအောက်ရောက်သွားပါတယ်။ အဲဒီမှာ အင်မတန်မှလှပသော တောင်သမန်အင်းနဲ့ဦးပိန်တံတားတို့ရဲ့ အတွဲအစပ်ကတော့ ရင်သပ်ရူ့မောစရာ။ ကဲ ခံစားကြည့်လိုက်ပါအုံး။ ကိုပေါက်လမ်းသလားရင်းလက်ဆော့တော့ရလာတဲ့အတွေးပါးပါး (11-3-2012)
“ဆောင်းအကြွင်း နွေအဝင် သဘာဝပန်းချီ ညနေခင်း” (7-3-2012) တပေါင်းလပြည့်နေ့ရတော့ ကျနော်အတွက် ခရီးယာယီများတဲ့ရက်လို့ပြောနိုင်ပါတယ်။ မနက်ထုံးစံအတိုင်းလမ်းလျှောက်ရင်းကနေ တောင်သမန်အင်းကို သွားချင်စိတ်ပေါက်တာနဲ့ မနက်ခြောက်နာရီခွဲလောက် တောင်သမန်အင်းဘက်ထွက်လာလိုက်ပါတယ်။ 8နာရီကျော်ကျော်လောက်တော့ ပြန်လာ။ ရေမိုးချိုး ကိုးနာရီလောက်ရောက်တော့ မရောက်တာကြာတဲ့ ပေါ်တော်မူဘက်ကိုရောက်သွားပါတယ်။ အဲဒီကနေ နေ့လည် ဆယ်နှစ်နာရီလောက်ပြန်လာ.။ အိမ်ရောက်ထမင်းစား အင်တာနက်ဆိုင်သွားလို့ ဓါတ်ပုံတွေကို ပြန်ကူးရပါတယ်။ ဘာဘဲပြောပြော အတော်စိတ်တိုင်းကျတဲ့ဓါတ်ပုံလေးကို ရလိုက်ပါတယ်။ ညနေစောင်းရောက်တော့ မြို့သစ်ဘက်သွားမလို့ ထွက်အလာ အနောက်ဘက်ကိုလှမ်းကြည့်လိုက်တော့ ကမ္ဘာမြေကြီးကို နုတ်ဆက်နေတဲ့တပေါင်းလရဲ့ ဝင်လုဆဲနေမင်းကို ရင်သပ်ရူ့မောဘွယ်ရာတွေ့လိုက်ရပါတယ်။ ထန်းပင်စုစု၊ရေနည်းနေတဲ့တက်သိမ်းအင်း၊အပင်စုစု နဲ့ တိမ်ရောင်စုံခြယ်သလို့ ထားတဲ့ကောင်းကင် အင်မတန်လိုက်ဖက်လှပါတယ်။ အဲဒီမှာခဏရပ်ကြည့်နေရင်း သွားစရာရှိတဲ့ မြို့သစ်ဘက်ကကို ဆက်သွားပါတယ်။ သိပ္ပံလမ်းကနေဆိုင်ကယ်မောင်းလာရင်း 73လမ်းအရောက်တောင်ဘက်ကိုကွေ့လို်က်ပါတယ်။ တောအုပ်ကလေးလို သစ်ပင်တွေနဲ့အုံ့ဆိုင်းနေတဲ့လမ်းလေးအတိုင်းစီးလာရင်းက အနောက်ဘက်ကောင်းကင်ကိုလှမ်းအကြည့် အင်မတန်မှလှပသောမြင်ကွင်းကိုတွေ့ရပါတယ်။ […]
“သံစဉ်မဲ့ လရိပ်ည ” ဒီည ………လပြည့်ညလေ………………. ဖယောင်းတိုင်မီး၊ ဘတ်သီးမီး၊ ဖလော့ဆင့်မီး၊ ဘက်ထရီမီး၊ နီယွန်မီး၊ မာကျူရီမီး။ ရောင်စုံမီး ရှိသမျှမီးအားလုံးမှိတ်။ ရင်ထဲမှာရှိနေသမျှ အချစ်မီး အမုန်းမီး လောဘမီး“ဒေါသမီး မောဟမီး တဏှာမီး အပူမီး အပျော်မီး မာနမီး ရှိသမျှ မီးအားလုံးလဲပိတ်၊ အေးမြတဲ့လအရိပ်ကို ခံစားရင်း ငြိမ်းချမ်းစွာနေမယ်။ ဒီည တိတ်ဆိတ်တဲ့ လပြည့်ညလေ……………….. တရို့ရို့နဲ့ အော်တဲ့ ဟစ်ဟော့ ဝုန်းဒိုင်းကြဲတဲ့ အော်လတာ ဗြူးဗြူးဗြဲဗြဲ့ ဟဲဗီးရောခ့် မဟော့တဟော့ ဖောစ်ထရောခ် ပျင်းရိပျင်းတွဲ ကန်းထရီးလဲမလာခဲ့နဲ့။ အရက်မူးမှအော်တတ်တဲ့ ဆင်းရဲခြင်းလွတ်ကင်းအောင် လမ်းပြဆောင်တဲ့“နဂါးနီ”လဲနားထား။ လူများများနဲ့သံစုံအော်တဲ့ အသက်ကလေးရဲ့ရှည်စေလို ရေညိုညိုရစ်ခါသန်းရွှေမန်းတောင်ရိပ်ခိုတဲ့ မြနန္ဒာ အဲဒါလဲ မလိုချင်ဘူး။ ချစ်သူဟောင်းတမ်းတ ကွဲသွားတဲ့အသဲကို အရက်စိမ်ထားတဲ့သီချင်းသံလဲမကြားချင်ဘူး။ မူန်ဝါးဝါးရှေးဟောင်းရုပ်ရှင်ကြည့်ရသလို မောင်ရယ် […]
“ပေါ်တော်မူ အပိုင်းနှစ်” ပေါ်တော်မူဘုရားဝင်းက ကျယ်ပြန့်ပါတယ်။ ဘုရားဝင်းထဲမှာ ဆိုင်ကယ် ကား ကြိုက်သလိုရပ်။ ဘာရပ်နားခမှပေးစရာမလို။ ဘိနပ်ဦးထုပ်ထားခဲ့ ပန်းရောင်းတဲ့သူများက ဝယ်ဝယ် မဝယ်ဝယ် မပျောက်စေရ။ ဘုရားအရှေ့ဘက်မှာ ဇရပ်တွေရှိပါတယ်။ နောက်တိုးတွေပေါ့။ ဘုရားတောင်ဘက်မှာ စည်ကြီးတလုံးတင်ထားတဲ့ ပဟိုရ်စင်။ သူ့ဘေးမှာတော့ ရှမ်းတိုင်းရင်းသားအဆက်အနွယ်နတ်နန်းလေးတစ်ခု။ အဲဒီထဲမှာတော့ နတ်ချော့နေတဲ့ ဆို်င်းသံများကလဲလွမ်းစရာ။ အဲဒီကနံဘေးမှာတော့ ဒေသထွက် ဇီးသီးခြောက်နဲ့သရက်ပြင်။ သရက်ပြင်ကတော့ မှည့်နေတဲ့သရက်သီးကနေလုပ်ကြတာပါ။ သရက်သီးမှည့်ချိန်ရောက်ရင်အဲဒီနားက ခြံတွေမှာသရက်ပြင်လှမ်းထားကြတာ အိမ်တိုင်းပါဘဲ။ နောက် တရုပ်ပြည်ကိုတင်ပို့တဲ့ထိုင်ဝမ်ဇီးသီးကလဲ ဒီပေါ်တော်မူနားကခြံတွေကနေ ထွက်တာပါ။ ဇီးသီးပေါ်ချိန် စိန်တလုံးသရက်ပေါ်ချိန်ဆိုရင် မန္တလေးကနေ တကူးတကလာပြီး အပင်ပေါ်ကအသီးကို လတ်လတ်ဆတ်ဆတ်ခူးပြီးဝယ်ကြတာပါ။ ပျော်စရာကောင်းပြီး ဈေးလဲသက်သာပါတယ်။ နောက်ဒီပေါ်တော်မူစေတီမြောက်ဘက်မှာ ရေကန်သေးသေးလေးရှိပါတယ်။ အဲဒီရေကန်ထဲကပျဉ်ပြားပေါ်မှာ ဘုရားဆင်းတုလေးတွေတင်ထားပါတယ်။ ရေသပ္ပါယ်လို့ရပါတယ်. ထူးခြားတာက […]
15 ဖူးမြင်ရတဲ့ စေတီတော် “စဉ့်ကိုင်ပေါ်တော်မူ အပိုင်းတစ်” ပြီးခဲ့တဲ့တပေါင်းလပြည့်နေ့ရောက်တော့ ရွှေစာရံဘုရားပွဲကလည်းလူစည်တော့ မသွားချင်။ မေမြို့တက်ပြန်ရင်လဲ လူကျပ်မှာစိုးပါတယ်။ အေးအေးဆေးဆေးသွားချင်တာ လူစည်ရင် စိတ်ပင်ပန်း အစားအသောက်ဈေးကြီး။ အဲဒါနဲ့လက်ဖက်ရည်လဲသောက်ပြီးရော မရောက်တာကြာတဲ့ စိန်တလုံးသရက်ပေါတဲ့ ဇီးသီးပေါတဲ့ သရက်ပြင်ပေါတဲ့ ပေါ်တော်မူကို သွားဘို့ ဆုံးဖြတ်လိုက်ကြပါတယ်။ ဒီအချိန်ဆိုမြစ်ငယ်တံတားကျော်တာနဲ့ ပေါက်ပန်းပွင့်တွေဝေနေတာကို မြင်ရမယ်လေ။ ဟိုအရင်ကတော့ ဒီပေါ်တော်မူဘုရားသွားဘို့ခက်ပါတယ်။ ပုလိပ်နဲ့စဉ့်ကိုင့် မြို့နှစ်မြို့အကြား တောလမ်းအတိုင်းဝင်သွား ဒုဋ္ဌဝတီမြစ်ကမ်းနံဘေး မှာရှိတဲ့ နည်းနည်းခေါင်တဲ့ဘုရားပေ့ါ။ အခုတော့ ရန်ကုန် မန္တလေး လမ်းမအသစ်ဖောက်လိုက်တဲ့အခါ ပေါ်တော်မူဘုရား အဝင်လမ်းက ကားလမ်းဘေးဖြစ်သွားတာရယ် လမ်းမကြီးက ကျယ်လဲကျယ် ဖြောင့်ဖြူး နေတော့ အလွယ်တကူရောက်နိုင်ပါတယ်။ မန္တလေးက နေဆိုင်ကယ်ပုံမှန်စီးသွားတစ်နာရီလောက်မောင်းလိုက်ရင်အဝင်ဝရောက်ပါတယ်။ အဲဒီကနေကျောက်လမ်းသေးသေးလေးအတိုင်းသရက်ခြံတွေကို ဖြတ်ပြီးသွားလိုက် ဆယ့်ငါးမိနစ်လောက်မောင်းလိုက်ရင် ပေါ်တော်မူဘုရားအဝင်ဝ […]
“ဖြေသိမ့်ကောင်း၏ မကောင်း၏(မိမိကိုယ်မိမိ အဆုံးစီရင်ခြင်း)” အခုနောက်ပိုင်းမန်းလေးမှာကောင်းလာတာလေးတစ်ခုကတော့ လက်ဖက်ရည်ဆိုင် ဆံပင်ညှပ်ဆိုင်နဲ့ဘဏ်တော်တော်များများမှာ ကိုယ်ဆီလာတဲ့ဖောက်သည်များမပျင်းရအောင် ဂျာနယ်လေးတွေချပေးထားကြတာပါ။ ဂျာနယ်တွေကလဲ ဖတ်မနိုင်ဝယ်မနိုင်လောက်အောင်ထွက်ပါတယ်။ အဲလိုချပေးထားတော့ ဘာဘဲဖြစ်ဖြစ် ဖတ်ဖြစ်သွားတာပေါ့ဗျာ။ ဟိုတစ်ရက်က ဘဏ်မှာငွေသွားထုတ်တော့စောင့်နေရင်း ခုံပေါ်ရှိနေတယ်ဂျာနယ်တစ်စောင်ယူဖတ်ဖြစ်ပါတယ်။ အဲဒီထဲမှာ သတင်းတပုဒ်က လေးရက်အတွင်း လူသုံးယောက် ကိုယ့် ကိုကိုယ်သေကြောင်းကြံတဲ့သတင်းလေးပါလာပါတယ်။ တစ်ယောက်ကတော့ ဆေးလိပ်ခိုးသောက်တာကို အမေကဆူလို့ဆိုပြီး သတ်သေတာက အရွယ်မရောက်သေးတဲ့ယောက်ျားလေး။ ဘာကြောင့်လို့ ဖော်ပြမထားဘဲသတ်သေတယ်ဆိုတာလောက်ဘဲ ရေးထားတာက အရွယ်ရောက်ပြီးမိန်းကလေး၊ နောက်တစ်ယောက်ကတော့ အရက်ကြောင်ကြောင် ပြီးသတ်သေပါသတဲ့။ လူ့အသက်တစ်ချောင်း အလဟဿ ဆုံးပါးသွားတာ နှမျှောစရာကောင်းလှပါတယ်။ အဲဒါဖတ်မိတော့ ဟိုတစ်လောက နိုင်ငံခြားမှာ သတ်ေသေသွားတဲ့ကောင်မလေးကတော့ မသေခင် ဖေစ်ဘုတ်မှာစာတွေရေးသွားတော့ အင်တာနက်မှာရော ဂျာနယ်တွေမှာရော ဒီအကြောင်းကတော်တော်လေးကို ှ ပျံ့နှံ့လို့သွားခဲ့ပါတယ်။ ဒီလို ကိုယ့်ကိုကိုယ်အဆုံးစီရင်တာတွေ ဖတ်ရသိရတော့ ကိုယ့်မိတ်ဆွေအသိုင်းအဝို်င်းထဲမှာလဲ ဒီလိုဖြစ်ခဲ့ […]
“လမ်းကျဉ်းကျဉ်း ယာဉ်များများ စည်းမဲ့သော……………….သို့သော်………………….” တစ်ရက်မြို့သစ်က ပြန်လာတော့ ဘုရားကြီးအရှေ့မုဒ် လမ်းကနေပြန်လာပါတယ်။ အဲဒီလမ်းက ဝမ်းဝေးပါ။ အရှေ့ကနေ အနောက်ကို သွားရတဲ့လမ်းပါ။ ဒါပေမယ့် အဲဒီဘုရားကြီးအရှေ့မုဒ်ကို ဝင်စရာ လမ်းက ဒီတစ်လမ်းဘဲရှိပါတယ်။ အနောက်ကနေ အရှေ့ကိုလာမယ်ဆိုရင် ဟိုးမြောက်ဘက် (42)လမ်းကုန်းကျော်တံတားကနေသွားမှရမှာပါ။ အဲဒါက အနီးဆုံးလမ်းပါဘဲ။ လမ်းကျဉ်းတယ်ဆိုပြီးတော့ ဒီလမ်းကို အရှေ့ကနေ အနောက်တစ်လမ်းမောင်းလုပ်လိုက်ပါတယ်။ အဲတော့ ဝမ်းဝေးချင် ဝေး မဝေးချင်နေ အနီးဆုံးလမ်းကနေဘဲ ပြောင်းပြန်စီးပါတော့တယ်။ 42လမ်းလည်းထို့အတူပါဘဲ။ အရှေ့ကနေ အနောက်ကိုဘဲဆင်းလို့ရပါတယ်။ ဒါပေမယ့် ဆိုင်ကယ်ကား စက်ဘီး တော်တော်များများက ဝမ်းဝေးကို ပြောင်းပြန်စီးပါတော့တယ်။ လူတော်တော်များများ က စည်းကမ်းဖောက်တာ မဖောက်တာထက ်လွယ်တာကိုဘဲစဥ်းစားလို့ ပြောင်းပြန်စီးကြပါတယ်။ လမ်းမှားမှား မှန်မှန် အတို်က်မခံချင်တဲ့ကောင်က ဘေးဖယ် ပြောင်းပြန်စီးသူကတော့ […]
“ဒါဆိုရင် ဘယ်နားမှာသွားပုံရမလဲနော်……………..” 1997ခုနှစ်မှာ “တဲထဲကလူ တိုက်ပေါ်ရောက်ရေး “ဆိုတဲ့စီမံကိန်းကြီးပေါ်လာပါတယ်။ စစခြင်းနောင်ကျရင် မန်းလေးကန်တော်ကြီးလို့နာမယ်တွင်လာမယ့် တက်သိ်မ်းအင်းရဲ့ မြောက်ဘက်မှာရှိတဲ့ ဒေါနခြံရပ်ကွက် (သံလျှက်မှော်တောင်ရပ်ကွက်ကြီး)မှာစပြီး အကောင်အထည်ဖော်ပါတယ်။ မန္တလေးမြို့တော် စည်ပင်သာယာ ရဲ့ အုပ်ချုပ်မူ့အောက်မှာ ရှိတဲ့တိုက်ခန်းတွေပါ။ စည်ပင်သာယာက ဘဲ တာဝန်ယူဆောက်ပေးထားတာပါ။ အဲဒီနေရာက အရင်က ကန်စွန်းခင်းတွေ စိုက်ခင်းတွေရော လူနေအိမ်တွေပါရှိပါတယ်။ ပထမနေတဲ့သူတွေထဲက အိမ်ထောင်စုဇယားရှိတဲ့သူကို တိုက်ခန်းတစ်ခန်းပေးမယ်။ တိုက်ခန်းခ ေငွေသွင်းပေါ့။ တိုက်ခန်းတစ်ခန်းအတွက် တသိန်းခွဲကို အရစ်ကျနဲ့သုံးရစ်ခွဲသွင်းရပါတယ်။ တစ်ထပ်ကို အခန်းဆယ်ခန်းပါ တဲ့ သုံးထပ်တို်က်တွေဆောက်ပါတယ်။ တိုက်ခန်းတွဲ စုစုပေါင်း ရှစ်တွဲဆောက်ပါတယ်။ အဲတော့ အခန်းပေါင်း240 တိတိပါ တာပေါ့။ တစ်ခန်းစီမှာ ရေမီတာ လျှပ်စစ်မီတာ အခန်းပိုင်ရှင်နာမည်ပေါက်နဲ့ တစ်ခန်း စီသီးသန့်ထားပေးပါတယ်။ ကိုယ်သုံးသလောက်ကိုယ်ဆောင်ပေါ့။ […]
ကုသိုလ်ယူတော်မူကြပါ…………………..ခင်ဗျား မနက် 5နာရီ ကျော်ကျော်လောက် ကျနော်လမ်းလျှောက်ထွက်ချိန်မှာ ဆွမ်းခံထွက်လာတဲ့ သံဃာတော်တွေ ကိုရင်လေးတွေကို တွေ့ရတတ်ပါတယ်။ လပြည့်လကွယ်လို့ နေမျိုးမှာ ဆွမ်းလောင်းကြတဲ့ အဖွဲ့တွေလဲရှိတတ်ပါတယ်။ တစ်ရက်မှာ ဆွမ်းလောင်းအဖွဲ့က ဆွမ်းလောင်းနေတာလေးတွေ့တော့ မှတ်တမ်းတင်မိပါတယ်။ ဒီဆွမ်းလောင်းနေတာမြင်တော့ အဝေးဖိတ်နဲ့ အနီးဖိတ်နေ့များမှာ စစ်ကိုင်းဘက်ကနေ မန်းလေးဘက်ကူးလို့ ဒါနဆန် မေတ္တာရပ် ကြရှာတဲ့ မယ်သီလရင်များကို သတိရမိပါတယ်။ စစ်ကိုင်းကနေ မနက်အစောဆုံးထွက်လာတဲ့ကားများမှာတော့ မန်းလေးကိုလာကြတဲ့ မယ်သီလရင်တွေဘဲ တကားလုံးအပြည့်။ တစ်ခါတစ်လေတော့လဲ စစ်ကိုင်းကနေမန်လေးကိုလာတဲ့ကိုယ်ပိုင်ကားတွေက မယ်သီလရင်တွေကို ကားပေါ်ကိုခေါ်လာပါတယ်။ ဒီမယ်သီလရင်လေးများမှာ မန်းလေးမြို့ကကိုယ်နဲ့ဆက်မိတဲ့အမြဲလှူဒါန်းတဲ့ အိမ်တွေကို ဒါနဆန်မေတ္တာရပ် ရရှာပါတယ်။ သူတို့အလှူခံခွင့်ရှိတာကတော့တစ်ပါတ်နှစ်ရက်။ ဆန်ခံခွင့်ရတဲ့နှစ်ရက်မှာသာ ရာသီဥတုဖောက်ပြန်လို့ကတော့ သေပေတော့ပါဘဲ။ အလှူခံလို့ရတဲ့ဆန်တွေကို တစ်ပါတ်စာချန် ပိုတာရောင်းပြီးမှာ လိုအပ်တာကိုဝယ်ရခြမ်းရပါတယ်။ ဒါကတော့ သာမန်မယ်သီလရင်များရဲ့ တကယ့်ဘဝပါဘဲံ။ ဆွမ်းခံထွက်လာတဲ့ နေ့များမှာဆိုရင် […]
“ဆွမ်းတော်ဗျို့” ကျနော်မနက်လမ်းလျှောက်ထွက်ချိန်ဆိုရင် သံဃာတော်များ ဆွမ်းခံထွက်ချိန်နဲ့ဆုံတတ်ပါတယ်။ တစ်ပါးစီတွေ့တဲ့အခါတွေ့ နှစ်ပါးသုံးပါး တစ်တွဲတွေ့တဲ့အခါတွေ့ပေါ့။ နည်းနည်းလေးနောက်ကျတဲ့နေ့များဆိုရင်တော့ ဆွမ်းတန်းနဲ့ဆွမ်းခံကြွလာတဲ့ သံဃာတော်များကိုတွေ့ရတတ်ပါတယ်။ ရှေ့ဆုံးက ကိုရင်လေးက ကြေးစည်လေးရိုက်ပြီး နိဗ္ဗာန်ဆော် လုပ်ပါတယ်။ တစ်ခါကတော့ထူးထူးခြားခြား အော်လံလေးကိုင်ပြီး နိဗ္ဗာန်ဆော်လုပ်တဲ့ကိုရင်လေးကို တွေ့ရတော့ အတော်သဘောကျပါတယ်။ ဒါကြောင့်လဲမှတ်တမ်းတင်မိပါတယ်။ ဒီပုံလေးတွေကတော့ မြို့မကျ တောမကျ နံနက်ခင်းလေးရဲ့ ဆွမ်းခံချိန်အမှတ်တရပါဘဲ။ ကျနော် အခုနေတဲ့အရပ်ကလဲ မြို့မကျ တောမကျကိုးဗျ။ ကိုပေါက်လမ်းသလားရင်းလက်ဆော့တော့ ရလာတဲ့အတွေးပါးပါး (6-3-2012)
“ဝမ်းတစ်ထွာ တစ်” ကျနော်က ချမ်းသာအသိုင်းအဝိုင်းက ပေါက်ဖွားလာတဲ့လူမဟုတ်ပါဘူး။ အဲတော့ကျနော်ငယ်စဉ်ကတည်းက နေထိုင်ရာ ပါတ်ဝန်းကျင်ကလူတွေက အလုပ်နဲ့လက်နဲ့ ဇယ်ဆက်သလိုလုပ်နေမှ ထမင်းနပ်မှန်သူတွေများပါတယ်။ ကျနော်ငယ်စဉ်က နေရတဲ့ပါတ်ဝန်းကျင်မှာ ပုလင်းခွံ အိတ်ခွံ သတင်းစာအဟောင်းတွေဝယ်တဲ့သူ.။ အိတ်အသေးသုးံလုံးကို နှစ်လုံးဖြစ်အောင်ပြန်ချုပ်သူ။ စက္ကူအိတ်ချိုးတဲ့သူ။ သတင်းစာပို့သူ။ စာစောင်လက်ပွေ့ရောင်းသူ။ စာအုပ်အဟောင်းရောင်းသူ။ အကြော်သည် စုံလို့ပါဘဲ။ ဒါပေမယ့်ရိုးသားစွာ ဘဝကိုမောင်းနှင်နေသူတွေဖြစ်ပါတယ်။ ငယ်ကတည်းက ဘယ်လိုလုပ်ကိုင်စားသောက်ကြတယ်ဆိုတာကို စိတ်ဝင်စားပါတယ်။ အဲတော့ အခုအချိန်ရောက်လေရာရာမှာ လူတွေရဲ့ ဝမ်းတစ်ထွာကို ဖြည်တင်းဘို့ အလုပ်လုပ် နေကြတာတွေကို မှတ်တမ်းတင်မိပါတယ်။ ဖြန့်ဝေပေးလို်က်ပါတယ်။ လေးစားစရာလို့ ခံယူပါတယ်။ ကိုပေါက်လမ်းသွားရင်းလက်ဆော့တော့ရလာတဲ့အတွေးပါးပါး။ (2-3-2012)