၂၀၁ဝ ကြိုးကြာတောင်ပံခတ်သံထဲက မိုးယုစံ

ခဲ့ကြရပါတယ်။သူ့ ရဲ့  ရိုးစင်းပြီးစွဲမက်ဖို့ကောင်းတဲ့အပြုံးတွေကို အများစုက နှစ်သက်နေကြဆဲပါ။ ၂၀၁ဝထဲမှာလည်း မိုးယုစံရဲ့ လှပတဲ့ပုံရိပ်တွေကို ဆက်လက်ပြီးတော့ ရှုစားအားပေးကြရဦးမှာဖြစ်ပါတယ်။အထူးသဖြင့် သူ့ရဲ့ လှုပ်လှုပ်ရှားရှားပုံရိပ်တွေကို တွေ့ကြရမှာပါ။

မကြာသေးခင်ကပဲ ရန်ကုန်နဲ့ ချင်းတောင်တန်းက ရိုက်ကွင်းတွေမှာ သူသက်ဝင်လှုပ်ရှားနေခဲ့တာတွေ့ကြရပါတယ်။နေတိုး၊ထွန်းထွန်းဝင်း၊ ခင်သန်းနွယ်တို့လည်းပါကြတယ်။သူပါဝင်သရုပ်ဆောင်တဲ့ ဇာတ်ကောင်ရဲ့ အမည်က ခင်ထားရီတဲ့။ နေတိုးကတော့ လတ်ငြိမ်းအဖြစ် သရုပ်ဆောင်ပါတယ်။ချင်းတောင်တန်းရဲ့ လွမ်းမောဖွယ် ရှုမျှော်ခင်းတွေကို နောက်ခံထားပြီး ဇာတ်ကောင်စရိုက်ကို သူဘယ်လို ပေါ်လွင်အောင် သရုပ်ဆောင်မလဲဆိုတာ စိတ်ဝင်စားစရာကောင်းပါတယ်။ ဒါရိုက်တာက စင်ယော်မောင်မောင်ဆိုတော့ ပိုလို့တောင်စိတ်ဝင်စားစရာပါပဲ။ဇာတ်လမ်းက အမျိုးသားစာပေဆုရ စာရေးဆရာ လင်္ကာရည်ကျော်ရဲ့  ဝတ္ထုကို အခြေခံထားတာဖြစ်ပါတယ်။

ဇာတ်ကားအမည်နဲ့ မူရင်းဝတ္ထုအမည်က အတူတူဖြစ်ပါတယ်။“ကြိုးကြာတောင်ပံခတ်သံ´´လို့ အမည်ရပါတယ်။၂၀၁ဝ ကြိုးကြာတောင်ပံခတ်သံနဲ့ အတူ မိုးယုစံရဲ့ လှုပ်ရှားသရုပ်ဆောင်မှုတွေကို ရှုစားဖို့ရာ မြန်မာပရိသတ်တွေ စောင့်မျှော်နေ ကြပါသဗျာ။

လရောင်အေး