မကွေးတိုင်းဒေသကြီး၊ မြို့သစ်မြို့နယ်တွင်အောက်တိုဘာ(၂၈)ရက်နေ့ညနေပိုင်းက အမျိုးသားတစ်ဦးနွားလှည်းပိ သေဆုံးမှုဖြစ်ပွားကြောင်းသတင်းရရှိသည်။ဖြစ်စဉ်မှာ မြို့သစ်မြို့နယ် ဝါးကြီးအိုင်ကျေးရွာနေ ဦးမောင်ဆန်းနှင့် ၎င်း၏ သမီးဖြစ် သူမအေးယုနိုင်တို့သည် အဆိုပါနေ့နေ့လည်(၃)နာရီချိန်က ရွာ၏အနောက်ဘက်(၁)မိုင်ခန့်အကွာရှိယာခင်းမှနွားစာပြောင်းပင် များအားရိတ်ယူရန် အတွက်နွားလှည်းဖြင့်ထွက်သွား ခဲ့ကြောင်း ညနေပိုင်းတွင် သမီးဖြစ်သူ မအေးယုနိုင် မှာနွားစာရိတ်နေစဉ် ဖခင်ဖြစ်သူအော်သံကြား၍သွားရောက်ကြည့်ရှုရာ ဦးမောင်ဆန်းသည်ရိတ်သိမ်းပြီးေ သာနွားစာထုံးများကိုလှည်းပေါ်တင်ရန်အ တွက် နွားလှည်းအား(၈)ပေခန့်မြင့်သည့်ချောင်းဘေး ကမ်းပါးယံမှယာခင်းထဲသို့မောင်းနှင်၍ဆင်းလိုက်စဉ်လည်းတိမ်းမှောက် သွားကာ ဦးမောင်ဆန်း၏ကိုယ်ပေါ်သို့လှည်းပိပြီး ယာဘက်နားထင် အထက်(၁)လက်မ ခန့်ပေါက်ပြဲဒဏ်ရာ၊ဝဲဘက်တံတောင် ဆစ်ကျိုး၊ ဝဲ/ယာ နံရိုးများကျိုးခဲ့ပြီး ဝါးကြီးအိုင် တိုက်နယ်ဆေးရုံသို့သွားရောက်ခဲ့စဉ်လမ်း၌သေဆုံးသွားခဲ့ကြောင်းအဆိုပါဖြစ် စဉ်အား မြို့သစ်မြို့နယ်၊ ဝါးကြီးအိုင်နယ်မြေရဲစခန်းမှ (ပ) ၉/၂၀၁၃၊ပြစ်မှုပုဒ်မ ၃၀၄-က ဖြင့်အမှုဖွင့်ထားကြောင်းသိရှိရသည်။

    မကွေးတိုင်းဒေသကြီး၊ မင်းဘူးမြို့နယ်ရှိ မန်းရေနံမြေနှင့်မန်းကျိုးကျေးရွာသို့ကူးသည့် မန်းရေနံမြေမှဆောက်လုပ်ထားသော အလျား(၃၆၀)ပေ၊အကျယ်(၁၄)ပေ(၆)လက်မရှိ တံတားခံနိုင်ဝန် တန်(၄၀)ရှိ သံဘေလီ တံတား သည် အောက်တိုဘာ(၂၉)ရက် နေ့နံနက်(၈)နာရီချိန်ကမန်းချောင်းရေတိုး၍ ရေစီးသန်ပြီးချောင်းရေတိုက်စားမှုကြောင့် တံတားသံတိုင်(၇)တိုင်ရှိသည့်အနက် တောင်ဘက်အစွန် ဆုံး သံဘောင်တိုင်မှာ တဖြည်းဖြည်း နိမ့်ဆင်း သွားပြီး တံတားကြမ်းခင်းနှင့်(၁၀)ပေခန့်ကွာဟသွားခဲ့သည်၊ အဆိုပါတံတားမှာပျက်စီးမှုမရှိဘဲကြံ့ခိုင်မှုအားနည်းသွားသဖြင့် (၃)တန်အထက်ကားများဖြစ်သန်းခွင့်ပိတ်ပင်ထားပြီး လူ၊စက်ဘီး နှင့် ဆိုင်ကယ်များသာဖြတ်သန်းသွားလာခွင့်ပြုထားကြောင်း ၎င်းတံတားအား မန်းရေနံမြေမှ အထွေထွေမန်နေဂျာ ဦးမြင့်ဆွေနှင့် အဖွဲ့မှပြန်လည်ပြုပြင်ဆောင်ရွက်လျှက်ရှိပြီး တံတားပေါ်ဖြတ်သန်းသွားလာသူများအား အန္တရာယ်မဖြစ်စေရေးအတွက် မန်းရေနံ မြေရဲစခန်းမှဒုရဲတပ်ဖွဲ့ဝင်များ၊မန်းကျိုးကျေးရွာအုပ်ချုပ်ရေးမှူး ဦးကြည်စိမ့်အဖွဲ့တို့ပူးပေါင်းဆောင်ရွက်နေကြောင်းသိရှိ ရသည်။

                မကွေးတိုင်းဒေသကြီး မင်းဘူးမြို့နယ် စကုနယ်မြေအတွင်း အောက်တိုဘာ(၂၆)ရက်နေ့နံနက်(၇)နာရီချိန်က မိုးများအဆက်မပြတ်ရွာသွန်းမှုကြောင့် စကုတိုက်နယ်ဆေးရုံအတွင်း ဝရန်တာအထက် (၂)ပေခန့် အထိရေများဝင်ရောက်လာ ခဲ့သဖြင့် အဆိုပါဆေးရုံတက်လူနာ အမျိုးသား(၅)ဦး၊အမျိုးသမီး(၃)ဦးတို့အား စကုမြို့၊အမှတ်(၁)ရပ်ကွက်ရှိ မိခင်နှင့်ကလေး စောင့်ရှောက်ရေး အဆောင်သို ့ပြောင်းရွှေ့ပေးခဲ့ ရကြောင်း အောက်တိုဘာ(၂၉)ရက်နေ့တွင် ထိုဆေးရုံအတွင်းရေများပြန်လည် ကျဆင်းသွားသော် လည်း ခြောက်သွေ့မှုမရှိသေး၍ ပြန်လည်မပြောင်းရွှေ့နိုင်သေးကြောင်း ဆေးရုံတာဝန်ရှိသူမှပြောကြားသည်။

မကွေးမြို့၊ရွာသစ်ပွဲကြိုရပ်ကွက် နတ်မောက်လမ်းရှိ မကွေးဟိုတယ်ခန်းမတွင်နံနက်(၉)နာရီ(၃၀)မိနစ်ချိန်က Internation Labour Organization( Freedom Of Association Programme) နှင့်အလုပ်သမား ညွှန်ကြားရေး ဦးစီးဌာန တို့ပူးပေါင်းကာ မကွေးမြို့အခြေစိုက်ဌာနဆိုင်ရာများ၊ NGO အဖွဲ့အစည်းများ၊လုပ်ငန်းရှင်များအားဖိတ်ကြားခဲ့ပြီးအစည်းအဝေးကျင်းပပြုလုပ်ခဲ့ ကြောင်းအစည်းအဝေးတွင် Internation Labour Organization မှ နည်းပညာအရာရှိချုပ် Mr Patrick Quinn မှ အလုပ်သမား အသင်းဖွဲ့စည်းခြင်းနှင့်အလုပ်သမားအဖွဲ့အစည်းဥပဒေ အကြောင်း နှင့်အလုပ်သမားအငြင်းပွားမှုဥပဒေအကြောင်း တို့အားဆွေး နွေး ခဲ့ကြသည်။ ထိုဆွေးနွေးပွဲသို့ မကွေးတိုင်းဒေသကြီး အစိုးရအဖွဲ့ စီးပွားရေးနှင့်စီမံခန့်ခွဲရေးဝန်ကြီး ဦးမြင့်နိုင်၊နေပြည်တော်အ လုပ်သမားညွှန်ကြားရေးဦးစီးဌာနမှ ညွှန်ကြားရေးမှူး ဒေါ်တင်မာထွေး နှင့်မကွေးမြို့ အခြေစိုက်ဌာနဆိုင်ရာများ၊ဝန်ထမ်များ၊ လုပ်ငန်းရှင်(၆)ဦး၊အလုပ်သမား(၂၄)ဦးတို့တက်ရောက်ခဲ့ကြကြောင်းသိရှိရသည်။

     မကွေးမြသလွန်ဘုရားပွဲတော်ကြီး ယခုနှစ် နေရာညရောရွာသွန်းခဲ့သည့်မိုးကြောင့် နှစ်စဉ်ကျင်းပပြုလုပ်ခဲ့သည့် ဆီမီး(၉၀၀၀)ပူဇော်ပွဲ သီတင်းကျွတ်လပြည့်နေ့မှာ ပျက်ခဲ့ရသလို အောက်တိုဘာ(၂၇)ရက်နေ ့ရက်ပြောင်းရွှေ့ခဲ့သော်လည်း ဝမိုးကစဉ်ဆက်မပြတ်ရွာသွန်းနေလို့ပျက်ခဲ့ရပြန်သည် ယခုတော့ဘယ်နေ့ဘယ်ရက် ဆီမီး(၉၀၀၀၀)ပူဇော်ပွဲရက်မသတ်မှတ်နိုင် သေးကြောင်း၊လက်ရှိကပြနေသည့် ပန်ထွာ  အောင်ဆန်းပွင့် ဇတ်ကတော့မကွေးမိုးကြောင့်လူမလာသလိုမိုးမလုံလို့ဇတ်ပွဲပျက်ခဲ့ ရကြောင်း အောက်တိုဘာ(၂၉)ရက်နေ့ ဖိုးချစ်ဇတ်စဝင်မှဘဲ မိုးလေဝသအခြေအနေနှင့်ကံတရား ကိုဘဲကြည့်ရမှာ ဘဲလို ့ဒေသခံ များကပြောသည်။ယခုလိုသမိုင်းဝင်မြသလွန်ဘုရားပွဲတော်ကာလနှစ်(၃၀)အတွင်းမှာ ဆီမီး(၉၀၀၀)ပွဲပျက်ခဲ့ရတာယခုနှစ် ပထမဆုံးဖြစ်တယ်လိုဒေသခံများကပြောကြား သည်။အမြို့မြို့ အနယ်နယ် အရပ်ရပ်မှ ဈေးသည်များကတော့ မကွေးမြသလွန် ဘုရားပွဲတော်ကိုရက်(၂၀)တိုင်တိုင်ကျင်းပသည့်ရက်များတွင်ဟိုယခင်နှစ်များကတော့ယခုလိုရာသီဥတုဖောက်ပြန်တာတို့ အရောင်းအဝယ်ပါး တာတို့ မကြုံခဲ့ရပါဘူးကုန်ကြမ်းပစ္စည်းပြတ်လတ်သည်အထိရောင်းကောင်းခဲ့ပါတယ် ယခုနှစ်ထူးခြားတာက တော့ကမ္ဘာလှည့်နိုင်ငံခြားဧည့်သည်များ ယမန်နှစ်ကထက်ပို၍ဘုရားပွဲတော်အတွင်း လာရောက်လေ့လာမှုများ များလာတယ်လို့ ဈေးရောင်းသူများမှပြောကြားသည်။

    ပခုက္ကူခရိုင်၊မြိုင်မြို့နယ်နေသူ အသက်(၁၃)အရွယ်(၈)တန်းကျောင်းသူသည် အောက်တိုဘာ(၂၅)ရက်နေ့ညနေ(၄)နာရီ ချိန်က ကျူရှင်ဆရာတစ်ဦး ၏နေအိမ်စာသင်ဝိုင်းမှ၎င်း၏မိဘများနေထိုင်ရာရွာ၏ အနောက်ဘက်(၄) ဖာလုံ ခန့်အကွာရှိ ဆည်ကုန်းတောတိုက် သို့စက်ဘီးဖြင်တစ်ဦးတည်းပြန် လာခဲစဉ် မောင်ထွန်း၊အသက်(၃၃)နှစ် ရေနံမှော်လုပ်သား မှလမ်းတွင် စက်ဘီးအားတွန်းလှဲပြီးလူအားဆွဲခေါ်ကာ ကာမစပ်ယှက်ရန်ကြံစည်အားထုတ်သဖြင့် အဆိုပါမိန်းကလေးမှာရုန်းကန် ထွက်ပြေးပြီး  ဖခင်ဖြစ်သူအားပြောကြားခဲ့သဖြင့် မောင်ထွန်းအားအရေးယူပေးပါရန်တိုင်တန်းခဲ့ရာ သက်ဆိုင်ရာ မြိုင်မြို့ နယ်၊ဗဟင်းနယ်မြေရဲစခန်းမှ (ပ)၄၁/၂၀၁၃၊ပုဒ်မ ၃၇၆ /၅၅၁ ဖြင့်အမှုဖွင့်ထားကြောင်းသိရှိရသည်။