ဘားအံခရီးစဉ်ထဲမှာ ကော့ဂွန်းဂူကလဲ စိတ်ဝင်စားစရာတစ်မျိုးကောင်းပါတယ်။ ရှေးဟောင်းယဉ်ကျေးမှုလက်ရာတွေနဲ့ ခမ်းနားထည်ဝါမှုတစ်မျိုးကို ခံစားရပါတယ်။ သထုံကနသွားရင် ဘားအံမြို့ထဲမဝင်ခင်မှာ တည်ရှိပါတယ်။ လမ်းညာဘက်အခြမ်းမှာ လမ်းညွှန်ဆိုင်းဘုတ်ခပ်သေးသေးနဲ့ လမ်းသွယ်လေးအတိုင်းဆက်သွားရပါမယ်။ ဆဒ္ဒန်ဂူလောက် လမ်းမဆိုးပါဘူး။ လမ်းလဲမရှည်ဘူး။ ရသေ့ပျံဂူနဲ့ တစ်လမ်းထဲဖြစ်ပေမယ့် ကျွန်မတို့ကတော့ အချိန်မရတော့လို့ ရသေ့ပျံဂူဆီမဝင်ဖြစ်ခဲ့ပါဘူး။ မျောက်တွေရှိတယ်လို့ သိရပါတယ်။ ဂူတစ်ခုပေမယ့် လှိုဏ်ဂူကြီးလိုမဟုတ်ပါဘူး။ အတွင်းထဲကို ဝင်လို့မရဘူး။ အပေါက်ဝလောက်နားတင်ပဲ ဂူလို့ဆိုနိုင်ရုံလောက်ပါပဲ။ ဒါပေမယ့် တောင်နံရံတွေမှာတွေ့ရတဲ့ ဘုရားဆင်းတုတော်လက်ရာများနဲ့ တောင်အနေအထားက ထူးခြားပါတယ်။ ရာသီဥတုပူနေပေမယ့် အေးချမ်းမှုကို ခံစားရတဲ့ နေရာတစ်ခုဖြစ်လို့ သွားရောက်လေ့လာသင့်တဲ့နေရာတစ်ခုဖြစ်ပါတယ်။ ကရင်ပြည်နယ်၊ ဘားအံမြို့၊ ကော့ဂွန်းကျေးရွာအတွင်းမှာတည်ရှိပြီး သဘာဝထုံးကျောက်လှိုဏ်ဂူအမျိုးအစားဖြစ်ပါတယ်။ တောင်နံရံများမှာရှိတဲ့ ယဉ်ကျေးမှု အမွေအနှစ် အထောက်အထားများမှာ မြေမီးဖုတ် အုတ်ခွက် ဗုဒ္ဓဆင်းတုတော်များ၊ ထုံးကျောက်သားကို ပုံဖော်ထားသည့် ရုပ်လုံးရုပ်ကြွများ၊ သဲကျောက်ကို ထွင်းထုထားသည့် ဗုဒ္ဓဘာသာဆိုင်ရာ […]