ကိုေပါက္(မႏၱေလး)1 ပိတ်ထားတဲ့ဓါတ်တော်တိုက် 2 ဓါတ်တော်တိုက်ပိတ်ထားတဲ့မြင်ကွင်းလေး 3 ဓါတ်တော်တိုက်က နံရံဆေးရေးပန်းချီ 4 အလင်းနဲ့အမှောင် 5 အလင်းနဲ့အမှောင် အရောင်နဲ့အရိပ် (2) 6 အလင်းအမှောင်လေး 6a အလင်းအမှောင်………. 7 ဘုုရား မုဒ်ဦးက လက်ရာ 7b အလ့င်းအမှောင် မှန်စီရွှေချ 8 ခေါင်းလောင်းစင်ကလေး 10 အဝေးကခေါင်းလောင်းလေး “ မန်းလေးတောင်အဆင်းလမ်း………………………………” တောင်ပေါ်ကိုတက်မယ်ဆိုရင်တော့ မျှော်လင့်ချက်နဲ့ အားအပြည့်မာန်အပြည့်။ တောင်ပေါ်ကဆင်းပြီဆိုရင်တော့ အားလျှော့ထားတော့ စိတ်ပျက်လက်ပျက်။ ဒါကတောင်တက်တုိုင်းကြုံရတဲ့ ခံစားမူ့လေးပါ။ မန်းလေးတောင်ကို ကျနော်အကြိမ်ပေါင်းများစွာ တက်ခဲ့ဘူးပါတယ်။ အရင်ကလေးဘဝကတော့ စောင်းတန်းမှာအပြေးအလွားမမောနို်င်မပန်းနိုင်။ နောက်ပိုင်းမှာတော့ ဆိုင်ကယ်နဲ့အကြိမ်ပေါင်းများစွာ။ ဟိုတစ်လောကတော့ လမ်းလျှောက်ပြီးတက်ချင်စိတ်ပေါ်လာတာနဲ့ ဆိုင်ကယ်ဖြတ်သန်းခတောင်းတဲ့နားအထိ တက်။ ပြီးခဲ့တဲ့ဥပုဒ်နေ့ကတော့ ဘိုးဘိုးကြီးနန်းဘက်ကနေလမ်းလျျောက်တက်။ […]
“ဘိုးဘိုးကြီးနန်းရှိတဲ့မန်းတောင်တော်” “ မန္တလေးဘိုးဘိုးကြီးနန်းရှိတဲ့မန်းလေးတောင်အတက်လမ်းကလေး….က” မန်းလေးမြို့သူမြို့သူမြို့သားနဲ့ မန်းလေးဘိုးဘိုးကြီးကခွဲခြားမရတဲ့ အရာတစ်ခုလည်းဖြစ်ပါတယ်။ ဆိုင်ကယ်လေးဝယ်ဝယ် ကားလေးဘဲရရ ဘိုးဘိုးကြီးပြလိုက်ရမှ စိတ်အေးပါတယ်။ ဆိုင်ကယ်မှန်ထောင်မှာ၊ကားမှာ ဘိုးဘိုးကြီးနန်းကစွန့်လိုက်တဲ့ အဝတ်စလေးချည်နှောင်ထားမှ အန္တရာယ်ကင်းတယ်ထင်ကြပါတယ်။ ဟောကလေးတွေရှင်ပြုပြီဆိုရင်လဲ မောင်ရင်လေးကိုပြလိုက်ရမှ ကိစ္စပြီးမြောက်တယ်လို့ ယုံကြည်ကြပါတယ်။ အရင်ကတော့ ကျနော်လဲ ဒီဘိုးဘိုးကြီးနန်းကိုဖြတ်သွားပေမယ့် အမှတ်တမဲ့။ ကျနော်တို့တောင်တက်တဲ့နေ့က ကျနော်အဖော်ကောင်းလေးကိုဘိုးဘိုးကြီးနန်းကလူတွေက နုတ်ဆက်တာမြင်တော့ ကျနော်လဲ လက်ဆော့လိုက်ပါတယ်။ ယုံတာမယုံတာအပထား ဗဟုသုတသဘောမြင်ဘူးစေလိုတဲ့သဘောပေါ့။ အဲဒီကနေတက်သွားရင်းလမ်းမှာ မြင်ရတဲ့မြင်ကွင်းလေးတွေက သာယာပါတယ်။ ဟိုအရင်နှစ်များဆီက မန်းလေးတောင်ကို မြင်ရရင်စိတ်မချမ်းသာပါဘူး။ ခြောက်သယောင်းပြီးတောင်ကတုံးလိုဖြစ်နေလို့ပါ။ အခုများမှာတော့ စိမ်းစိမ်းစိုစိုသာသာယာယာ အများမြင်သာအောင်လက်ဆော့ခဲ့သမျှကိုတင်ပြလိုက်ရပါတယ်။ ကိုပေါက်ရဲ့စနက်ရှော့မဟုတ်တဲ့လက်ဆော့ (29-12-2011)
“ မန်းလေးတောင်တော်အပေါ်ဆင့်ကမြင်ကွင်း” “ မန်းလေးတောင်တော်အပေါ်ဆင့်ကမြင်ကွင်း” အခုနောက်ပိုင်းမှာ မန်းလေးတောင်ပေါ်ကို တက်တယ်ဆိုရင် ဆိုင်ကယ်နဲ့တက်တာများပါတယ်။ 2011 နှစ်ဆန်းပိုင်း ဇန်နဝါရီလထဲမှာ ခြင်္သေ့ကြီးနှစ်ကောင်ဘက်ကနေ တောင်ပေါ်ကိုခြေလျင်တက်ခဲ့ပါသေးတယ်။ ဒီစောင်းတန်းကတော့ လူအတက်များတဲ့စောင်းတန်းဗျာဒိတ်ပေးဘုရားကိုတန်းရောက်ပါတယ်။ သိပ်မကြာခင်ရက်များက ကျနော် စန္ဒာမုနိနဲ့ကုသိုလ်တော်ကို အပြင်ဘက်ကနေဓါတ်ပုံရိုက်ခဲ့ပါသေးတယ်။ အဲဒီမှာဘဲ ဒီစေတီတော်တွေနဲ့အရံစေတီတော်တွေကို အပေါ်စီးကနေ ဓါတ်ပုံရိုက်ချင်စိတ်တွေပေါ်လာပါတော့တယ်။ ဒါနဲ့ မန်းလေးတောင်ဘေးမှာနေတဲ့ ကောင်လေးတွေကိုမေးတော့ ဘိုးဘိုးကြီးနန်းက ခြေလျှင်တက်ရင် မြင်ကွင်းပို ကောင်းတယ်လို့ပြောတာနဲ့ စောင်းတန်းကနေ လမ်းလျောက်တက်ခဲ့ပါတယ်။ တစ်နေရာ ရောက်လိုက် ရပ်ကြည့်လိုက် လက်ဆော့လို်က်နဲ့ခရီးတော့ မတွင်ပါဘူး။ မြင်ရတဲ့မြင်ကွင်းတွေကတော ကျနော်စိတ်ကိုကျေနပ်စေပါတယ်။ ခက်တာက တောင်စောင်းမှာရှိတဲ့သစ်ပင်တွေက အတော်လေးသန်စွမ်းတော့ မြင်ကွင်းတွေကိုကွယ်နေပါတယ်။ အဲဒါနဲ့ဘဲ အဖော်ပါလာတဲ့ကောင်လေးပြတဲ့ ကျောက်တုံးကြားထဲက နေဝင်ရိုက်တော့ မှအဆင်ပြေပါတယ်။ ဒါပေမယ့် ချောင်ကြိုက်ကြတဲ့ […]
“စန္ဒာမုနိ……ကုသိုလ်တော်……..ဓါတ်တော်တိုုက်ပေါ်ကရူ့ခင်း” “စန္ဒာမုနိ……ကုသိုလ်တော်……..ဓါတ်တော်တိုုက်ပေါ်ကရူ့ခင်း” မန်းလေးမြို့မှာတရုပ်ပြည်ကစွယ်တော်ရောက်နေတဲ့ရက်တွေက မန်းလေးတောင်ခြေမှာ လူစည်ကားပါတယ်။ မန်းလေးတောင်ခြေနဲ့မနီးမဝေးမှာရှိတဲ့ အတုမရှိကျောင်းမှာ စွယ်တော်ကိန်းဝပ်တာကြောင့်ပါ။ စွယ်တော်ပြန်မကြွခင်ဥပုဒ်တစ်ရက်မှာတော့ မန်းလေးကျုံးပါတ်ပါတ်လည်က မြင်ကွင်းနဲ့ ပြအိုးတွေပစ္စင်တွေကိုမှတ်တမ်းတင်ရင်း မန်းလေးတောင်ခြေကိုရောက်သွားပါတယ်။ မန်းလေးတောင်ခြေရောက်တော့ အဲဒီမှာ ကိုယ့်နဲ့အလုပ်အတူလုပ်နေတဲ့ကောင်လေး ကိုတွေ့ပါတယ်။ သူတို့ကမန်းလေးတောင်ခြေမှာစားသောက်ဆိုင်ဖွင့်ထားတာပါ။ သူကိုတွေ့တော့ မန်းလေးတောင်ပေါ်ကနေပြီး စန္ဒာမုနိတို့ ကုသိုလ်တော်တို့ကို အပေါ်စီးကနေဓါတ်ပုံရိုက်ချင်စိတ်ပေါ်လာပါတယ်။ သူကလဲမန်းလေေးတာင်နားမှာကြီးပြင်းသူဆိုတော့ ဘယ်နားကနေရိုက်ရင်ဘယ်လိုလှမယ်ဆိုတာကိုအတိအကျသိပါတယ်။ အဲဒါနဲ့သူဆိုင်မှာဖိနပ်တွေချွတ်။ မန်းလေးဘိုးဘိုးကြီးနန်းဘက်ကို ဖိနပ်မပါဘဲလမ်းလျှောက်ထွက်ခဲ့ကြပါတယ်။ စတက်တက်ခြင်းမှာတော့ စွယ်တော်တို်က် ဘုရားအဲဒီကနေဆက်တက်ရင်တော့ ဓါတ်တော်တိုက်ကိုရောက်ပါတယ်။ မန်းလေးတောင်ကို အဝေးကလှမ်းကြည့်တဲ့အခါ အရင်ဆုံးမြင်ရတာကတော့ ထူးခြားတဲ့ အပေါက်အကြီးကြီးတွေရှိနေတဲ့ အဆောက်အဦပါဘဲ။ မန်းလေးတောင်အလည်နားလောက်မှာရှိပါတယ်။ အဲဒီအဆောက်အဦကိုတော့ ဓါတ်တော်တိုက်လို့ခေါ်ပါတယ်။ တောင်ပေါ်တက်လိုက်တာ တော်တော်နဲ့အပေါ်မရောက်ပါဘူး။ အောက်ကြည့်လိုက် ကင်မရာလေးနဲ့လက်ဆော့လိုက် ငေးမောပြိး အလှအပတွေကိုခံစားလိုက်နဲ့မို့ပါ။ အပေါ်ရောက်လေလေ မြင်ကွင်းကလှလေလေ။ လူကဝတော့ ချွေးတွေအရမ်းထွက်ပါတယ်။ ဆောင်းဆိုတော့ ဂျာကင်အထူဝတ်လာတာမိတာလဲပါ […]
“ကြက်ညီနောင်ထဲက ရွှေကြက်ကျ” 4 အရှေ့ဘက်လှေကား အတက် ဒုတိယအဆင့် “ကြက်ညီနောင်ထဲက ရွှေကြက်ယက်…………………..” ရွှေကြက်ကျ နဲ့ရွှေကြက်ယက်ဆိုတာကတော့ ဧရာဝတီမြစ်အရှေ့ဘက်ကမ်းမှာထင်ရှားတဲ့ဘုရားနှစ်ဆူဖြစ်ပြီး မန်းလေးဘက်ကမ်းမှာရှိပါတယ်။ ရွှေကြက်ကျက မြောက်ဘက် ရွှေကြက်ယက်ကတောင်ဘက်မှာရှိပါတယ်။ ရွှေကြက်ကျကတော့ မြစ်ကမ်းနဖူးမှာရှိလို့ လူအလာများပြီး မြင်ကွင်းတွေကလဲလှပ ပါတယ်။ ရွှေကြက်ကျဘုရားကိုလမ်းတောင်ဘက်စောင်းတန်းကအတက်များပါတယ်။ လှေဆိပ်ရှိတဲ့အရှေ့မြောက်ဘက်ကတော့ ဘုရားဖူးတွေအတက်နည်းပါတယ်၊ ဒီဘုရားအမြင့်ဆုံးမှာစေတီတစ်ဆူ အဲဒီအောက်တစ်ဆင့်မှာစေတီ နှစ်ဆူပေါင်းသုံးဆူရှိပါတယ်။ ဒီစေတီသုံးဆူနဲ့အရံစေတီကို အဝေးကဖူးမြင်ရတာ ထူးခြားတဲ့ အနေအထားရှိပါတယ်။ စေတီကိုတက်ရာမှာလဲ အဆင့်ဆင့်တက်သွားရင်သုံးဆင့်ရှိပါတယ်။ တစ်ဆင့်ထက်တစ်ဆင့်မြစ်ပြင်ကိုမြင်ရတဲ့အလှက မတူပါဘူး။ ရေကြီးချိန်မှာဆိုရင် ဒီဘုရားအောက်တည့်တည့်က ဝဲ က အတော်လေးလှပါပေမယ့် အန္တရာယ်လဲများပါတယ်။ သင်္ကြန်မိုးရုပ်ရှင်ထဲမှာ အဓိကဇာတ်ဝင်ခန်းတစ်ခန်းကို ဒီဘုရားလှေခါးအဆင်းမှာရိုက်သွားတာဖြစ်ပါတယ်။ ကျနော်ကိုယ်တိုင်လဲ ဒီရွှေကြက်ယက် ရွှေကြက်ကျ ဘုရားနှစ်ဆူ အနားက အကြိ်မ်ပေါင်းများစွာ ဖြတ်သွားပေမယ့် ဘုရားပေါါ်ကိုတော့ အမြဲမရောက်ဖြစ်ပါ။ […]
ဧရာ………ရေပြာကမ်းရိပ် “ဧရာ ကမ်းရိပ်ညို…………………..” အခုရက်ကတော့ ရွှေကြက်ယက်ကို နှစ်ရက်ဆက်တိုက်ရောက်။ ရိုက်လာတဲ့ပုံတွေကလည်းအများသား။ လှတာမလှတာအပထား ကိုယ်တိုင်တောင်ရောက်ခဲတဲ့နေရာဖြစ်တော့ မျှဝေချင်စိတ်တွေက တားမရဆီးမရ။ ဒီတော့လဲတစ်ရက်နှစ်ပုဒ် ရွှေကြက်ယက်ပုံတွေဘဲတင်မိပါတယ်။ လှတာမလှတာ အပထား မှတ်တမ်းလို့သာ သဘောထားစေချင်ပါတယ်။ အခုရက်ကတော့ ရွှေကြက်ယက်ပုံတွေဘဲတင်ဖြစ်မယ်ထင်ပါတယ်။ ကိုပေါက်ရဲ့စနက်ရှော့မဟုတ်တဲ့လက်ဆော့ (27-12-2011)
ရေချိုးဆိပ်……………….(ရွှေကြက်ယက်ဆိပ်ကမ်း) “ရေချုးိဆိပ်………………….. ရွှေကြက်ယက်” ဧရာဝတီဆိုတာ သူ့ကမ်းနံဘေးမှာနေသူတွေအတွက်တော့ မရှိမဖြစ်။ သယ်ယူပို့ဆောင်ရေး၊ စိုက်ပျိုးရေး၊ သုံးစွဲရေး ကဏ္ဍပေါင်းစုံဘက်ပေါင်းစုံကနေအသုံးဝင်ပါတယ်။ ဒီထက်မကဘဲ ကြည့်မဝရူ့မဝ စိတ်ချမ်းသာစေတဲ့မြင်ကွင်းတွေကိုလဲပေးစွမ်းနိုင်ပါသေးတယ်။ မြစ်နားမှာနေသူကတော့ ရေချုးိရင် အဝတ်လျှော်ရင် ဧရာဝတီရင်ခွင်ထဲပြေးဝင်လိုက်ကြတာပါဘဲ။ ကျနော်တို့လဲမြစ်နားမှာမနေပေမယ့် မြို့ထဲမှာရေရှားရင် ဖြစ်ဖြစ် အပျော်သဘောဖြစ်ဖြစ် ဧရာဝတီမြစ်ထဲသွားရေချုးိခဲ့ကြပါတယ်။ “ရေချိုးဆိပ်”ဆိုတဲ့ဝင်းဦး ဆိုခဲ့တဲ့သီချင်းလေးကတော့ အင်မတန်လှပသော စာသားများနဲ့ဖွဲစည်းထားတဲ့ဆရာမြို့မငြိမ်းရဲ့လက်ရာကောင်းလေးပါ။ “အိပွဲ့ အိပွဲ့ ငှက်သမ္မာန်ခတ်သွားတယ်……….. ကြည့်ကွဲ့ ကြည့်ကွဲ့ ညည်းလူဟာကြောင်လွန်းတယ်။ တစ်စုတစ်ဝေးလုံမငယ် ကျိတ်ပုန်းစားကြတယ်၊ ရေချိုးနေရင်းကွယ် လှောင်ပြုံးပြုံး ပြုံးကြတယ် ကုန်းပေါ်ကလူပျိုလေးရယ် ဘာကိုငေးလဲသိနိုင်တော့ဘူးကွယ်” တဲ့ မျက်စေ့ထဲမြင်လာအောင်ပုံဖော်ထားပါတယ်။ ရွှေကြက်ယက်ဆိပ်ကမ်းရောက်တော့ ဆရာငြိမ်းလိုပုံမဖော်တတ်တော့ လက်ဘဲဆော့လိုက်ပါတယ်။ မလှပေမယ့် အမှတ်တရပေါ့နော်။ ကိုပေါက်ရဲ့စနက်ရှော့မဟုတ်တဲ့လက်ဆော့ (26-12-2011)
“စစ်ကိုင်းနဲ့ဧရာ ရွှေကြက်ကျ ဘုရားအပေါ်က ရူ့မျှော်လိုက်ပါတဲ့မြင်ကွင်းလေးတွေ” “စစ်ကိုင်းနဲ့ဧရာ ရွှေကြက်ကျ ဘုရားအပေါ်က ရူ့မျှော်လိုက်ပါတဲ့မြင်ကွင်းလေးတွေ” ရွှေကြက်ယက်ဆိပ်ကမ်းကိုနေ့လည်ပိုင်းရောက်ရောက်ချင်းဘုရားပေါ်တက်လို့မရသေးပါဘူး။ အလုပ်အရင်လုပ်ရတာကိုး။ လေးနာရီထိုးခါနီးလောက်မှအလုပ်ပြိးပါတယ်။ အဲတော့ ဘုရားအောက်ခြေအရင်ရိုက်ရပါတယ်။ ဒီရွှေကြက်ယက်ကို အဝေးကဘဲလှမ်းဖူးနေရတာနှစ်အတော်ကြာပါပြီ။ လာရင်ဖြစ်ရင်လဲ တောင်ဘက်စောင်းတန်းကဘဲတက် ပြီးပြန်တာများပါတယ်။ အခုတစ်ခါတော့ မြောက်ဘက်လှေခါးကနေတက်ဖြစ်ပါတယ်။ အရင်မြေသာနေရာမှာအုတ်ဖိနပ်လုပ်ထားတော့ ရေတိုက်စားတာကိုခံနိုင်ပါတယ်။ ရွှေကြက်ယက်ဆိုတာကို မန်းလေးအနီးတဝိုက်ကလူ သိပေမယ့် အဝေးကလူကတော့ သိမယ်မထင်ပါဘူး။ မန်းလေးကန်ပါတ်လမ်းအတိုင်းလာရင် ရွှေကြက်ယက်ဘုရားကိုရောက်ပါတယ်။ ဧရာဝတီမြစ်အရှေ့ဘက်ကမ်းမှာပါ။ ရွှေကြက်ယက် ရွှေကြက်ကျက ညီနောင်ဘုရားပါ။ နန်းတော်ရှေ့ဆရာတင်ရေးတဲ့ “စစ်ကိုင်းတံတား”သီချင်းထဲမှာ (ရွှေကြက်ယက်ဘုရားဖူးပြီးတော့ စစ်ကိုင်းတံတားကူးတော့မည်)လို့ဆိုထားပါတယ်။ မြစ်ရူခင်းကို လှပစွာခံစားနိုင်သော နေရာလေးဖြစ်ပါတယ်။ အခုပုံတွေကတော့ ဘုရားပေါ်ကနေမြင်ရတဲ့ မြင်ကွင်းလေးတွေပါ။ ကိုပေါက်ရဲ့စနက်ရှော့မဟုတ်တဲ့လက်ဆော့ (25-12-2011)
ရွေကြက်ယက်ဆိပ်ကမ်းက…………….. “ဆောင်းနေ့လည်ခင်းက ရွှေကြက်ယက်” ငယ်ကတည်းက နှစ်သက်ခဲ့ရတဲ့သီချင်းလေးက တော့ ဝင်းဦးရဲ့နာမည်ကြီးသီချင်းဖြစ်တဲ့ “ကြက်ညီနောင်”။ ရှေးကဗျာစာသားလေးဖြစ်တဲ့ “ကြက်ညီနောင်ရေဝယ်မျောစေ မြကြောရယ်တဲ့ရွှေမင်းဝံတောင် လွဲတော့မရှောင်” ဆိုတဲ့သစ္စာတိုင်သီချင်းလေးပါ။ အဲဒီထဲမှာပါတဲ့ကြက်ညီနောင်ဆိုတာ ဧရာဝတီမြစ်အရှေ့ဘက်ကမ်းက ရွှေကြက်ယက် ရွှေကြက်ကျ ဘုရားနှစ်ဆူကိုရည်ညွှန်းတာပါ။ အဲဒီဘုရားကနေအနောက်ဘက်ကိုကြည်ရင် ဧရာဝတီနဲ့စစ်ကိုင်းတောင်မြင်ကွင်းကိုတဝကြီး မြင်ရမှာပါ။ ပြီးခဲ့တဲ့ရက်ကတော့ ရွှေကြက်ယက်ဆိပ်ကမ်းကိုရောက်တဲ့အခါ ထုံးစံအတိုင်းလက်ဆော့လို့လာပါတယ်။ ကဲ ဘယ်လောက်လှသလဲဆိုတာ…………………….. ကိုပေါက်ရဲ့စနက်ရှော့မဟုတ်တဲ့လက်ဆော့ (25-12-2011)
“{ဧရာဝတီ}={မြစ်ပြင်နဲ့တံတား}(ဆောင်းညနေခင်း)” 6 ဆည်းဆာရဲရဲ အရိပ်မဲမဲ့ ဖောင်လေးတွေက မသဲမကွဲ အလွမ်းကဲအောင် ………. “{ဧရာဝတီ}={မြစ်ပြင်နဲ့တံတား}(ဆောင်းညနေခင်း)” ပထမနေ့ကတော့ပြန်လာတာ နည်းနည်းလေးစောပါတယ်။ အဲတော့ နေဝင်ချိန်မြင်ကွင်းကို မတွေ့ခဲ့ရပါဘူး။ နောက်နေ့မှာတော့ အလုပ်ကိစ္စတွေပြီးပြတ်သွားတဲ့အချိန်နေဝင်ချိန်ရောက်နေပါပြီ။။ ဓါတ်ပုံရိုက်ဘို့ကိုအတော်လေးနောက်ကျနေတော့ ဘုရားမြောက်ဘက် လှေခါးကနေအပြေးအလွှားတက်။ နေဝင်ချိန်ကိုအမိအရ လက်ဆော့ရပါတယ်။ ဒါတောင်နေဝင်ချိန်ကိုမှီရုံလေးပါ။ ကျနော်ဓါတ်ပုံရိုက်ရင် မတ်တပ်ရပ်ရိုက်တာများပါတယ်။ ဒီတစ်ခါတော့ ညီလေး ဂီဂီအကြံပေးတဲ့အတိုင်း အပေါ်စီးကနေရိုက်ကြည့်ချင်လာရော။ ဘုရားလက်ရန်းပေါ်တော့ မတက်ရဲပါဘူး။ ကြည့်လိုက်တော့ ဘုရားဘေးမှာခေါင်မိုးပြင်လေးတွေ့တာနဲ့အဲဒီပေါ်တက်ပြီးလက်ဆော့ တော့ အတော်လှတဲ့ပုံလေးကိုရလိုက်ပါတယ်။ ကွန်ပြူတာထဲမှာထည့်ကြည့်တော့ အပြင်မှာမြင်ရတာထက်တောင်ပိုလှတယ်လို့ထင်ပါတယ်၊ ဒီဇင်ဘာ ဒုတိယအပါတ်က တော့ ကျနော့်အတွက်စိတ်ချမ်းသာစရာတွေဘဲကြုံတွေ့ရပါတယ်။ မန်းလေး နန်းတော် မြို့ရိုးနဲ့ကျုံးပါတ်ပါတ်လည်ကို ဓါတ်ပုံရိုက်ဖြစ်။ မန်းလေးတောင် ဓါတ်တော်တိုက်ကို ခြေလျှင်တက်ပြီး အပေါ်စီးကနေပြီး စန္ဒာမုဏိ၊ကုသိုလ်တော်၊ကျုံးနဲ့ […]
“{ဧရာဝတီ}={မြစ်ပြင်နဲ့တံတား}(ဆောင်းနေ့လည်ခင်းမြင်ကွင်း)” “{ဧရာဝတီ}={မြစ်ပြင်နဲ့တံတား}(ဆောင်းနေ့လည်ခင်းမြင်ကွင်း)” အခုရက်အလုပ်ကိစ္စနဲ့ ရွှေကြက်ယက်ဆိပ်ကမ်း ကိုရောက်ခဲ့ရပြန်ပါတယ်။ အရင်က ဒီရွှေကြက်ယက်ဘုရားကို အဝေးကသာလှမ်းမြင်ခဲ့ဓါတ်ပုံရိုက်ခဲ့ပေမယ့် ဒီဧရာဝတီတံတား အမည်တွင်မယ့်တံတားကြီးမပြီ်းခင်က ဆိုတော့ ဘုရားပေါ်ကို မတက်ဖြစ်တာ သုံးနှစ်လောက်တော့ ရှိပါပြီ။ အခုရက်တော့ ဒီဇင်ဘာဆောင်းနေ့လည်ခင်းမှာ ရွှေကြက်ယက်ဆိပ်ကမ်းကိုရောက်မိပါတယ်။ အဲတော့ ထုံးစံအတိုင်းလက်ဆော့မိပြန်ပါတယ်။ အင်မတန်မှ လှပတဲ့ပုံလေးတွေကိုရလိုက်တယ်လို့လဲထင်မိပါတယ်။ စစ်ကိုင်းကို အခါခါသွား ဒီဘုရားနားကဖြတ်သွား အပေါ်တက်ဘို့အချိန်မရနဲ့ မချင့်မရဲဖြစ်ခဲ့ရတာကလဲအခါခါ ဒီနေ့မှာတော့ ဒီဘုရားပေါ်ကနေ ဓါတ်ပုံရိုက်ချင်တဲ့ စိတ်အဆာလဲပြေသွားပါတယ်။ အခုပုံတွေက တံတားနဲ့ပါတ်သက်တဲ့ပုံတွေပါဘဲ။ နောက်ရက်မှာတော့ မြစ်ပြင်နဲ့စစ်ကိုင်းတောင်အလှတွေကိုတင်ပေးပါအုံးမယ်။ အခုနေ့လည်ခင်းဆိုတော့ ဆောင်းညနေရဲ့ မြင်ကွင်းတွေလဲတင်ပေးပါအုံးမယ်နော်။ ကြည့်ပြီးရင်စိတ်ကြည်နူးကြမယ်လို့ထင်မိပါတယ်။ ကိုပေါက်ရဲ့စနက်ရှော့မဟုတ်တဲ့လက်ဆော့ (23-12-2011)
“နံနက်ခင်းစိတ်ရွှင်(အပိုင်းငါး)” (မိုးဥတုမဟုတ်တဲ့မိုးနံနက်ခင်းနဲ့ ဆောင်းဝင်စနံနက်ခင်း) “နံနက်ခင်းစိတ်ရွှင်(အပိုင်းငါး)” (မိုးဥတုမဟုတ်တဲ့မိုးနံနက်ခင်းနဲ့ ဆောင်းဝင်စနံနက်ခင်း) ပုံမှန်ဆိုရင်သီတင်းကျွတ်နဲ့နီးနေတဲ့အောက်တိုဘာလဆိုတာ မိုးကုန်ပါပြီ။ ဒီနှစ်ကတော့ အောက်တိုဘာထဲမှတောင်မိုးရွာလို့ကောင်းတုန်းပါဘဲ။ မိုးကောင်းတဲ့နှစ်မှာမှ မိုးများတဲ့ ရှမ်းပြည်တောင်ပိုင်းကိုခရီးသွားရပါတယ်။ စက်တင်ဘာလ 30ရက်နေ့မှာ တောင်ကြီးကို အောင်ပန်းကနေပြန်အလာလမ်းမှာတောင်ကြီးမြို့အတက်လမ်းမှာ လှပတဲ့ရူ့ခင်းတွေရယ် ရေတံခွန်ရယ်မြင်ခဲ့ရပါတယ်။ နောက်နေ့တော့ တောင်ကြီး ကနေအေးသာယာသွားတဲ့လိုင်းကားကိုစီး။ လမ်းခုလတ်မှာဆင်းပြီး အခုမြင်ရတဲ့ပုံတွေလက်ဆော့ပါတယ်။ လမ်းမှာလူတစ်ယောက်မှ မရှိ။ တစ်ခါတစ်လေဖြတ်သွားတဲ့ ဆိုင်ကယ်တစ်စီးတစ်လေ။ အရှိန်ပြင်းပြင်းနဲ့ဆင်းသွားတဲ့လိုင်းကားတွေဘဲ။ ပြန်ရောက်မှ တွေးပြီးကြောက်မိပါတယ်။ ဒါပေမယ်လဲ ကိုယ်ရိုက်ထားတဲ့ပုံလေးတွေမြင်တော့ အမောကိုပြေလို့။ မန်လေးရောက်တော့လဲမိုးမကုန်သေးပါဘူး။ ဒီတော့လဲမနက်ခင်းလမ်းလျှောက်ရင်းလက်ဆော့။ ထူးထူးခြားခြားကြိုက်မိတဲ့ပုံလေးကတော့ နေထွက်လာတာင် အိမ်မပြန်ချင်သေးတဲ့လမင်းလေးပါ။ ပန်းနုရောင်ကောင်းကင်နဲ့လိုက်ဖက်လှပါတယ်။ လက့်ဆော့သမျှ တင် ကြည့်ဘို့သာပြင်ကြပေတော့ မိတ်ဆွေတို့ရေ………………………. ကိုပေါက်ရဲ့စနက်ရှော့ မဟုတ်တဲ့လက်ဆော့။ (15-12-2011)
“နံနက်ခင်းစိတ်ရွှင်(အပိုင်းလေး)” (အဝေးကနံနက်ခင်း) “နံနက်ခင်းစိတ်ရွှင်(အပိုင်းလေး)” (အဝေးကနံနက်ခင်း) မထင်မှတ်ဘဲဒီနှစ်မှာခရီးတွေထွက်ရပါတယ်။ နေ့ချင်းပြန်ခရီးလောက်ကလွဲပြီးအဝေးကို မသွားရဘဲ နှစ်အတော်ကြာကြာ မန်းလေးမှာဘဲနေခဲ့ရပါတယ်။ ရောက်တဲ့မြို့တိုင်းမှာ လဲ မနက်စောစောထုံးစံမပျက်လမ်းလျှောက်ထွက်ခဲ့ပါတယ်။ မရောက်ဘူးတဲ့ဒေသလဲဖြစ်ပြန်၊ နောက်ဘယ်တော့ မှာပြန်ရောက်မယ်ဆိုတာလဲမသိတော့ ရောက်လေရာရာ လက်ဆော့ မိပါတယ်။ ဒါကတော့ ရှမ်းပြည်တောင်ပိုင်းအောင်ပန်းနဲ့ လွိုင်ကော်အသွားလမ်းက ပုံလေးတွေပါ။ တစ်ချို့ပုံတွေက သွားနေတဲ့ကားပေါ်ကရိုက်တော့ သိပ်တော့ မကြည်လင်ပါဘူး။ မှတ်တမ်းတစ်ခုအနေနဲ့ပါ။ တောင်းပန်ချင်တာလေးကတော့ တင်ပြီးသား မြင်ပြီးသားဖြစ်နေရင်ခွင့်လွှတ်ပေးဘို့ရယ်။ လိပ်ကော်နက်ရှင်ကြောင့် ကြည့်သူလဲအဆင်ပြေ ကျနော်လဲသက်သာအောင် ပိုစ်တစ်ခုကို ဓါတ်ပုံ(10)ပုံဘဲတင်ပါတော့မယ်။ ကိုပေါက်ရဲ့စနက်ရှော့ မဟုတ်တဲ့လက်ဆော့။ (15-12-2011)