လစ်ဗျားအရေးမှာကုလသမဂ်ဂရဲ့လူသားများကိုအစိုးရဆိုးမိုက်များသတ်ဖြတ်မှုမှကာကွယ်ပေးရေး မူအရလွတ်လပ်သောကမ္ဘာနိုင်ငံကြီးများဝင်ရောက်တိုက်ခိုက်နေတယ်။ အရှေ့အလယ်ပိုင်းတိုင်းပြည်များမှာလဲအာဏာရှင်များကိုလူထုအင်အားပြမှုများစွာနဲ့တိုက်နေကြပြီ။ အခုတခါအနောက်အာဖရိကနိုင်ငံ၊အိုင်ဗရီကို့စ်မှာရွေးကောက်ပွဲအနိုင်ရသွားတဲ့ အလာစိန်းအိုတာရာကိုကုလသမဂ်ဂ ကအသိအမှတ်ပြုထားတယ်။ ဒါကိုရှုံးထားတဲ့ လော်ရင့်ဂါဘ်ဘိုကလက်မခံဘဲ၊ကိုလိုနီမာစတာပြင်သစ်ကသူ့နိုင်ငံအရေးမှာဝင်စွက်တယ်လို့စွပ်စွဲတယ်။ နောက်ဆုံးအာဏာရှင်များထုံးစံအတိုင်းပြည်သူလူထုကိုရန်သူလို့သဘောထားပြီး၊ လက်နက်ကြီးများနဲ့ပြစ်တော့တာဘဲ။ ဒီမှာလဲပြည်သူလူထုကိုမင်းဆိုးမင်းညစ်ကပြစ်သတ်မှုမှကာကွယ်ရေးမူကိုသုံးပြီး၊ ကုလသမဂ်ဂကပြင်သစ်နဲ့လက်တွဲပြီးအာဏာရှင်ကိုချေမှုံးရေးစစ်ဆင်နွှဲတယ်။ ဒီနေ့ဘဲ ပုန်ကန်သောင်းကျန်းနေတဲ့လော်ရင့်ဂါဘ်ဘိုကိုပြင်သစ်တပ်များရဲ့အကူအညီနဲ့၊ သူပုန်းအောင်းနေတဲ့မြေအောက်တိုက်ခမ်းထဲကဖမ်းဆီးရမိတယ်။ အမေရိကန်နိုင်ငံခြားရေးဝန်ကြီးမစ္စစ်ကလင်တန်ကဒီဂါဘ်ဘိုအာဏာရှင်ဇာတ်သိမ်းပုံကိုနမူနာပေးပြီး၊ ဒါဟာအကမ္ဘာလုံးမှာရှိတဲ့အာဏာရှင်အားလုံးကိုပြင်းထန်တဲ့သတိပေးချက်ဘဲလို့ပြောသွားတယ်။ ပြည်သူလူထုရဲ့သဘောဆန္ဒကိုစစ်ဘိနပ်နဲ့နင်းခြေပြီးအမြှောက်နဲ့ပြစ်ခတ်ချေမှုံးတဲ့ဗိုလ်သန်းရွှေလိုအာဏာရှင်တွေအတွက်၊ wake up call, အိပ်ယာနှိုးသတိပေးတဲ့နှိုးစက်ခလောက်သံပါဘဲ။ Response to Protect, အတိုခေါက် R2P ပြည်သူလူထုကိုမင်းဆိုးမင်းညစ်ရန်မှကာကွယ်ရေးမူဟာ၊ ကမ္ဘာမှာအခုရေပန်းစားလာပြီး၊ကမ္ဘာ့အရေးအခင်းများမှာလူသားခြင်းကာကွယ်ရေးကိစ္စများမှာသုံးတဲ့လက်နက်၊ အဖြစ်အသုံးတွင်ကြယ်လာပါကြောင်းတင်ပြလိုက်ပါတယ်။