ပခုက္ကူခရိုင်၊ပေါက်မြို့နယ် လယ်ကိုင်းကျေးရွာအုပ်စု ထန်းတောလယ်ကျေးရွာအနောက်ဘက်(၃)မိုင်ခန့်အကွာရှိ သုံးမွှာချောင်းတောတဲတိုက်တွင် အောက်တိုဘာ(၂၁)ရက်နေ့နံနက်(၉)နာရီချိန်က အဆိုပါတဲတိုက်နေ မသီတာဌေး အသက်(၂၇)နှစ်သည်၎င်း၏ခင်ပွန်းဖြစ်သူ အသက်(၇၈)ရှိ ဦးငသန်း တို့သည်လင်မယားချင်းရန်ဖြစ်ရာမှ ဦးငသန်းသည် ဓါးဖြင့်ခုတ်ခံရ၍လဲနေသည်ကို မသီတာဌေး၏ အစ်ကို ဇော်ဝင်းမောင်နှင့် ရဲဝင်းတို့နှစ်ဦးမှ ထန်းတောလယ်ကျေးရွာရာအိမ်မှူး ဦးဇော်မင်းနိုင်ထံသို့သွားရောက်အကြောင်းကြားရာ အခင်းဖြစ်နေရာသို့ ဦးဇော်မင်းနိုင်သွားရောက်ကြည့်ရှုရာ ဦးငသန်း ၏ အလောင်းအား  ၎င်းတို့တဲ၏ နွားတင်းကုတ်အနီးတွင်မြုပ်နှံထားသည်ကိုတွေ့ရှိရသဖြင့် ကိုင်းလယ်ရဲကင်းစခန်းသို့အကြောင်း ကြားသဖြင့် သက်ဆိုင်ရာကိုင်းလယ်ရဲကင်းစခန်းမှူး ဒုရဲအုပ် ဝင်းဆွေနှင့် အဖွဲ့အခင်းဖြစ်နေရာ တောတဲတိုက်သို့သွားရောက် စစ်ဆေးရာ ဦးငသန်း ၏အလောင်းမှာ နွားတင်းကုတ်အနီးတွင်မြေမြှပ်ထားသည်ကိုတွေ့ရှိရပြီး ပြစ်မှုကျူးလွန်သူ မသီတာဌေး သည် စိတ်ရှုးသွတ်နေ သူဖြစ်ကြောင်းသိရှိရသည်။အဆိုပါအမှုနှင့်ပက်သက်၍ ထန်းတောလယ်ကျေးရွာရာအိမ်မှူး ဦးဇော်မင်းနိုင် မှဦးငသန်းအားဓါးဖြင့်ခုတ်သူ မသီတာဌေးအား တိုင်တန်းသဖြင့် သက်ဆိုင်ရာ ပေါက်မြို့မရဲစခန်းမှ (ပ)၈၆/၂၀၁၃၊ ပုဒ်မ ၃၀၂  ဖြင့်အမှုဖွင့်ထားကြောင်းသိရသည်။

             အောင်လံမြို့နယ် အနောက်(၈)မိုင်ခန့်အကွာရှိ အလယ်ရွာတွင် အောက်တိုဘာ(၂၀)ရက်နေ့က အမျိုးသားတစ် ဦးမှဇနီးဖြစ်သူအား လူမှုရေးဖောက်ပြန်သည်ဟုသံသယဖြင့် ဇနီးဖြစ်သူနှင့်ကလေးငယ်အား ရဲဒင်းဖြင့်ခုတ်၍ ကလေးငယ်သေဆုံး မှုဖြစ်ပွားခဲ့ကြောင်းသတင်းရရှိသည်။ဖြစ်စဉ်မှာ အဆိုပါနေ့ အလယ်ရွာနေ တရားလိုမိန်းကလေးသည် ရွာဦးဘုန်းကြီးကျောင်းတွင်ဥပုဒ်စောင့်နေစဉ်တစ်ရွာတည်းနေနိုင်ဝင်းရောက်ရှိ လာပြီး ၎င်း၏ညီမဖြစ်သူ မဌေးဌေးဝင်၊အသက်(၃၈)နှစ် နှင့်တူဖြစ်သူ (၁၀)လသားကလေးငယ် သားညီ တို့အား မဌေးဌေးဝင်း၏ခင်ပွန်းဖြစ်သူ မြင့်အေး မှ ရဲတင်းဖြင့်ခုတ်၍ ဒဏ်ရာများရရှိကြောင်း လာရောက် သတင်း ပေးသဖြင့် နေအိမ်သို့ပြန်လာကြည့်ရာ မဌေးဌေးဝင်းတွင် ယာမျက်ခုံးအထက်နဖူးတွင်(၂)လက်မခန့်ပြတ်ရှ ဒဏ်ရာတစ်ချက်၊ ယာဂျိုစောင်းတွင်(၄)လက်မခန့်ပြတ်ရှ ဒဏ်ရာတစ်ချက်ရရှိပြီး တူဖြစ်သူ သားညီတွင် ယာဂျိုစောင်းကြေမွဒဏ် ရာ(စိုးရိမ်ရ)ရရှိခဲ့သဖြင့် မဌေးဌေးဝင်းတို့သားအမိအားဆေးရုံသို့ပိုရန်ခေါ်လာစဉ် သားညီမှာ စခန်းကြီးရွာအနီးတွင်သေဆုံးသွား ၍  မြင့်အေးအား အရေးယူပေးပါရန်တိုင်တန်း သဖြင့်သက်ဆိုင်ရာ အောင်လံမြို့နယ်၊ရွှေပန်းတောနယ်မြေရဲစခန်း မှ(ပ) ၂၆/၂၀၁၃ ပြစ်မှုပုဒ်မ ၃၀၂ /၃၂၆ ဖြင့်အမှုဖွင့်ထားကြောင်းသတင်းရရှိသည်။

    ပခုက္ကူမြို့ ၊အမှတ်(၆)ရပ်ကွက်ရှိ မလေးဆေးလိပ်ခုံတွင် အောက်တိုဘာ(၁၆)ရက်နေ့နေ့လည်(၁)နာရီချိန်ကလင်မယားချင်းရန်ဖြစ်၍ဇနီးဖြစ်သူအားကတ်ကြေးဖြင့် ထိုးသဖြင့်  သေဆုံးမှုဖြစ်ပွားကြောင်းသတင်း ရရှိသည်။ ဖြစ်စဉ်မှာ အမျိုးသားဖြစ်သူ အောင်ဇော်ဦး မှ ဇနီးဖြစ်သူ မကြည်မော်အား ဆေးလိပ်လိပ်ရာတွင်အသုံးပြုသောကတ်ကြေးဖြင့်ထိုးသဖြင့် ဆေးလိပ်ခုံအတွင်း တစ်စောင်းအနေအထားဖြင့် ဝဲဘက်နို့အုံအောက် တွင် ထိုးသွင်းဒဏ်ရာ(၁)ချက်၊ယာဘက်နို့အုံအထက်တွင် ထိုးသွင်းဒဏ်ရာ(၁) ချက် ကတ်ကြေးတန်းလန်းဖြင့်(စိုးရိမ်ရ)ဒဏ်ရာရရှိခဲ့သဖြင့် ဒေါ်ခင်ကြည် မှ အောင်ဇော်ဦးအားတိုင်တန်းသဖြင့် ပခုက္ကူမြို့နယ်၊ မြို့မရဲ စခန်း မှ (ပ)၂၈၉/၂၀၁၃၊ ပုဒ်မ ၃၂၆ ဖြင့်အမှုဖွင့်ထားရာမှ အမှုမှ မကြည်မော်မှာ ပခုက္ကူဆေးရုံကြီးတွင် ဆေးကုသမှုခံယူ စဉ်သေဆုံးသွားခဲ့သဖြင့် ယခင် ပုဒ်မ ၃၂၆  ဖြင့်စစ်ဆေးနေရာမှ ပုဒ်မ ၃၀၂ သို့ပြောင်းလဲ အရေးယူ ထားကြောင်း သက်ဆိုင်ရာရဲ မှတ်တမ်းအရသိရသည်။

မင်းလှမြို့နယ်၊ ထန်းကိုင်းရေနံမြေအတွင်း အမျိုးသမီးတစ်ဦးကိုယ့်ကိုကိုယ်ကြိုးဆွဲချသေဆုံးမှု အောက်တိုဘာ(၁၈)ရက်နေ့ နံနက်(၁၀)နာရီ(၃၀)မိနစ်ချိန်ကဖြစ်ပွားကြောင်းသတင်းရရှိသည်။ ထန်းကိုင်းရေနံမြေ သို့ အလုပ်လုပ်ရန် ဦးဇော်ဝင်း၏ညီမဖြစ်သူ မဝင်းဌေး၊အသက်(၃၉)နှစ်၊ ပြင်စလူမြို့နယ် ဧရာဝတီတိုင်းဒေသကြီးနေထိုင်သူဖြစ်ကြောင်းသိရှိရသည်။ သက်ဆိုင်ရာထန်းကိုင်း ရေနံမြေလုံခြုံရေးဒုရဲအုပ်မင်းသူအောင်နှင့်အဖွဲ့ အခင်းဖြစ်နေရာသို့သွားရောက်စစ်ဆေးရာ သေဆုံးသူ မဝင်းဌေးသည် ထန်းကိုင်းရေနံမြေ ရှိ ဦးညိုကြီး၏ ယာတဲအတွင်းထုတ်တန်းတွင် အရှည်(၅)ပေ၊ လုံးပတ် တစ်မတ်လုံးခန့် ရှိ နှစ်ပင်လိမ် ချည်ကြိုး ဖြင့် လည်ပင်း တွင် ညိုမဲပွန်းပဲ့ဒဏ်ရာရရှိလျှက် ကြိုးဆွဲချသေဆုံးနေသည်ကိုတွေ့ရှိရသဖြင့် အဆိုပါမိန်းကလေးသေဆုံးမှုနှင့်ပက်သက်၍ဓမ္မတာအတိုင်းသေဆုံးခြင်းဟုတ်/မဟုတ်သိရှိရန်မင်းလှမြို့နယ်၊မြို့မရဲစခန်းက သေမှုသေခင်း  အမှတ်စဉ်  ၁၃/၂၀၁၃ ဖြင့်အမှုဖွင့်ထားကြောင်းသိရှိရသည်။

     မကွေးမြို့ ၊မြို့မရဲစခန်းတွင် အောက်တိုဘာ(၁၈)ရက်နေ့ နေလည်(၁)နာရီချိန်က ဗုံးဖောက်ကွဲမှုနှင့်ပက်သက်၍ အသိပညာ ပေးရှင်းလင်းေဟောပြောပွဲပြုလုပ်ခဲ့ရာ ဟောပြောပွဲတွင် မကွေးမြို့နယ်ရဲတပ်ဖွဲ့မှူး ယာယီရဲမှူုး ကျော်ဝင်းချစ် မှ ဗုံးပေါက်ကွဲမှု များနှင့်ပက်သက်၍ပြည်သူများသိသင့်သည်များအားရှင်းလင်းပြောကြားရာတွင် မသမာသူများ၊ဗုံးဖောက်ခွဲသူများ မိမိတို့ ဟိုတယ်၊ တည်းခိုခန်းများတွင် လာရောက် တည်းခိုနိုင်သဖြင့် လာရောက်တည်းခိုသူများအား စနစ်တကျစီစစ်လက်ခံရန် နှင့် တည်းခိုသူများ ၏ကိုယ်ရေးအချက်အလက်များပြည့်စုံစွာမှတ်တမ်းရယူထားရှိရန် နှင့် တည်းခိုသူများအား မှတ်ပုံတင် သက်သေခံ အခိုင်အမာအ ထောက်အထားတစ်ခုခုမရှိဘဲ တည်းခိုခွင့်မပြုကြရန်၊ တည်းခိုသူများပြန်လည်ထွက်ခွာသွားပါက၎င်းတို့နေထိုင်သည့်အခန်းအား စနစ်တကျသေချာစွာစစ်ဆေးပြီးမှပြန်လည်လက်ခံရန်၊ မသင်္ကာဖွယ်ရာ တစ်စုံတစ်တစ်ရာတွေ့ရှိပါက သက်ဆိုင်ရာဌာနများသို့ အမြန်ဆုံးဆက်သွယ်အကြောင်းကြားပေးကြရန် ဖြစ်နိုင်ပါက CCTV ကင်မရာများတပ်ဆင်အသုံးပြုကြရန် CCTV ကင်မရာများ တပ်ဆင်အသုံးပြုပါက ရရှိနိုင်မည့် အကျိုးကျေးဇူးများအားရှင်းလင်းပြောကြားပြီးတက်ရောက်လာကြသည့် ဟိုတယ်နှင့်တည်းခို ခန်းများမှတာဝန်ရှိသူများအား စာအိတ်/ပါဆယ်ပုံးများနှင့်ပက်သက်ပြီး သတိပြုဆောင်ရွက်ရမည့်အချက်များ၊မသင်္ကာဖွယ်စာ အိတ်၊ပါဆယ်ထုပ်များတွေ့ရှိခဲ့ပါက လိုက်နာဆောင်ရွက်ရမည့်အချက်များပါဝင်သည့်လက်ကမ်းစာစောင်များဖြန့်ဝေပေးကြောင်း အဆိုပါဟောပြောပွဲသို့ဟိုတယ်နှင့်တည်းခိုခန်းများမှ တာဝန်ရှိသူ(၁၂)ဦးတက်ရောက် […]

                တောင်တွင်းကြီးမြို့ မောင်းတိုင်(၂)ရပ်ကွက်ရှိ တိုက်သစ်ဘုန်းကြီးကျောင်းဝန်းအတွင်းရှိ သီရိမင်္ဂလာတနင်္ဂနွေဓမ္မာ ကျောင်းတော်တွင် အောက်တိုဘာ(၁၉)ရက်နေ့ နေ့လည်(၂)နာရီချိန်က ယဉ်ကျေးလိမ္မာ သင်တန်းသို့တက်ရောက်လာကြသည့် မူလတန်းအဆင့်ကလေးငယ် (၇၀၀)ဦးခန့်အား သွားနှင့်ခံတွင်းဆရာဝန်ကြီး ဒေါက်တာကျော်ဆွေ မှ မုန့်လုပ်မှု ပညာပေးဟော ပြော ပွဲပြုလုပ်ခဲ့ ရာ ဒေါက်တာကျော်ဆွေ မှယခု ကလေးငယ် များစားသုံးနေသည့်မုန့်များသည် အဟာရမဖြစ်ကြောင်းနှင့် ကျန်းမာ ရေးအားထိခိုက်စေနိုင်ကြောင်း၊ အဆိုပါ မုန့်များတွင် အရောင်ဆိုးဆေး နှင့် တာရှည်ခံအောင်ထားနိုင် သည့် ဓါတုပစ္စည်းများပါ ရှိ ခြင်းကြောင့် ကလေးငယ်များအနေဖြင့် နောင်တွင် အသည်းရောဂါများဖြစ်ပွားနိုင်ကြောင်း၊ ယခုအခါ မြန်မာနိုင်ငံသည် ကမ႓ာတွင် ကင်ဆာရောဂါဖြစ်ပွားမှုနှုန်း ဒုတိယလိုက်နေကြောင်း ၊မိဘများအနေဖြင့်လည်း မိမိတို့သားသမီး များအား နိုင်ငံခြားဖြစ်ဆိုးဆေးပါ မုန့်များစားသုံးခြင်းမပြုစေဘဲ အဟာရပြည့်ဝသည့် မြန်မာမုန့်များကိုသာစားသုံးစေခြင်းသည် မိမိတို့မုန့်လှုပ်ရှားမှုအားတစ်ဖက် တစ်လမ်းမှ ကူညီရာရောက်ပြီး ကလေးငယ်များ၏ကျန်းမာရေးအတွက် […]

မကွေးမြို့၊မြသလွန်စေတီတော်မြတ်ကြီး၏ (၂၅၇၇)ကြိမ်မြောက် ဗုဒ္ဓပူဇနိယပွဲတော် (၂၅)ကြိမ်မြောက် ဆီမီးပူဇော်ပွဲ အခမ်းအနားအား အောက်တိုဘာ(၁၉)ရက်နေ့ညနေ(၆)နာရီချိန်က မြသလွန်စေတီတော်မြတ်ကြီး၏ ရင်ပြင်ပေါ်ရှိ မဟာအတုလ ရံသီတန်ဆောင်းအတွင်းကျုင်းပပြုလုပ်ခဲ့ရာ အခမ်းအနားအား နမောတဿ(၃)ကြိမ်ရွတ်ဆိုပြီးဘုရားကန်တော့ဖွင့်လှစ်ခဲ့သည်။ ဇယနေ္တာဂါထာရွတ်ဆိုပြီးလက်အုပ်ချီကန်တော့ခံ့ကာ တိုင်းဒေသကြီး ဝန်ကြီးချုပ် ဦးဘုန်းမော်ရွှေနှင့်အစိုးရအဖွဲ့ဝန်ကြီးများမှ ဆီမီးများအားကပ်လှူပူဇော်ခဲ့ပြီး ဗုဒ္ဓ္ဒသာသနံစိရံတိဌတု (၃)ကြိမ်ရွတ်ဆို၍ အခမ်းအနားအားရုပ်သိမ်းခဲ့သည်။ မြသလွန်ဘုရား ကြီး၏ဆီမီး (၉၀၀၀) ပူဇော်ပွဲအား အောက်တိုဘာ(၂၇)ရက်နေ့တွင်ကျင်းပပြုလုပ်မည်ဖြစ်ကြောင်းသိရှိရသည် ဆီမီးပူဇော်ပွဲအခမ်း အနားသို့အစိုးရအဖွဲ့ဝန်ကြီးများ၊တိုင်း/ခရိုင်/မြို့နယ်ဌာနဆိုင်ရာအကြီးအကဲများ ၊ဂေါပက အဖွဲ့ဝင်များ၊ဧည့်သည်တော်များ စုပေါင်း (၁၀၀)ဦးခန့်တက်ရောက်ခဲ့ကြသည်။ယခုနှစ် ဘုရားပွဲတော် မိုးရွာသွန်းခဲ့သော်လည်း ပွဲတော်လာပရိတ်သတ်များ ယမန်နှစ်က ထက် များပြားကြောင်းဒေသခံဂေါပက ရုံးမှပြောကြားသည်။

       ပခုက္ကူမြို့၊အမှတ်(၄)ရပ်ကွက်ရှိ သီဟိုဠ်ရှင်ဘုရားကြီး၏ သီတင်းကျွတ်ပွဲတော်နှင့် စာရေးတံမဲလောင်းလှူပွဲအား အောက်တိုဘာ(၁၉)ရက်နေ့နံနက်(၈)နာရီချိန်က ကျင်းပပြုလုပ်ခဲ့သည်။ဘုရားဂေါပကအဖွဲ့မှ ဦးဆောင်၍ ပင့်သံယာ (၁၁၂)ပါး အားပင့်ဆောင်ပြီး ဆွမ်းလုံးဆပ်ကပ်လှူဒါန်းပွဲပြုလုပ်ခဲ့ရာ သံယာ(၁၁၂)ပါးအား(၁)ပါးလျှင် ဆွမ်းလုံး(၁)လုံးစီဆက်ကပ်လှူဒါန်း ခဲ့သည်။ထိုနောက်တက်ရောက်လာကြသူများက မင်းကျောင်း ဆရာတော် ဦးကောဝိဒ ထံမှ ရေစက်ချတရာတော်များနာယူခဲ့ပြီး (၉)ပါသီလခံယူခဲ့ကြသည်။ အဆိုပါလှူဒါန်းပွဲသို့ ပခုက္ကူမြို့ပြည်သူ့ဆေးရုံမှဆေးရုံအုပ်ကြီး ဒေါက်တာသင်းသင်းအေး၊ တပ်မ(၁၀၁)မှ ဗိုလ်ကြီး အောင်နိုင်စိုးနှင့်အဖွဲ့ဝင်များ၊မြို့နယ်ရဲတပ်ဖွဲ့မှူးယာယီရဲမှူး ဦးသန်းစိုးနှင့်အဖွဲ့၊ဒုမြို့နယ်အုပ်ချုပ်ရေးမှူး ဦးကျော်စိုးလွင်၊မြို့နယ်စည်ပင်အမှုဆောင်အရာရှိ ဦးအောင်မင်းကြိုင်၊ ခရိုင်/မြို့နယ်အဆင့်ဌာနဆိုင်ရာ ဝန်ထမ်းများ၊မြို့ပေါ်ရပ် ကွက်များမှ ဆွမ်းလုံးအလှူရှင်များ စုပေါင်းအင်အား(၁၅၀)ကျော်တက်ရောက်ခဲ့ကြကြောင်းသိရှိရသည်။

    မင်းတုန်းမြို့နယ် ၊ပေါက်ကိုင်းကျေးရွာနေ ဦးသောင်းရွှေနှင့်ဇနီးဖြစ်သူ ဒေါ်လှလှ တို့သည် အောက်တိုဘာ(၁၅)ရက်နေ့ နံနက်(၁၀)နာရီချိန်က နေအိမ်နောက်ဖေး ခြံစည်းရိုးတွင် သန့်ရှင်းရေးပြုလုပ်ခဲ့စဉ် ဗုံသီးဟောင်း တစ်လုံးတွေ့ရှိခဲ့သဖြင့် မင်းတုန်းမြို့မရဲစခန်း ခေတ္တမြို့နယ်ရဲတပ်ဖွဲ့မှူး ဒုရဲမှူးတင်ထွန်းအောင်နှင့်နယ်ထိန်းအဖွဲ့၊ စရဖ တပ်ကြပ်ကြီး ခင်ဦးနှင့်အဖွဲ့၊ဒေသ ခံကျေးရွာအုပ်ချုပ်ရေးမှူး ဦးမြင့်အောင်နှင့် အတူသွားရောက် စစ်ဆေးရာ ဗုံးသီးဟောင်းသည် အလျား(၁၇)လက်မ၊လုံးပတ်(၁၁) လက်မခန့်ရှိကြောင်း ဗုံးမှာပြောင်ချော၍သံချေးများတက်နေကြောင်းစစ်ဆေးတွေ့ရှိရကြောင်း  အဆိုပါ ဗုံးပေါက်ကွဲမှုမဖြစ်စေ ရေး အတွက် သဲအိတ်များဖြင့်ကာရံထိန်းသိမ်းထားရှိကာ သက်ဆိုင်ရာ ခလရ(၄၄)မှ တပ်ရေးဗိုလ်ကြီး တင်မောင်ညွန့်ထံ ဆက်သွယ်    ဆောင်ရွက်ထားကြောင်း သတင်းရရှိသည်။

    ပွင့်ဖြူမြို့နယ် သက်တော်ရှည်ရပ်ကွက်ရှိ မြို့နယ်သစ်တောဦးစီးဌာနရုံးဝန်းအတွင်း အောက်တိုဘာ(၁၆)ရက်နေ့ည(၁) နာရီ(၅)မိနစ်ချိန်က မီးလောင်မှုဖြစ်ပွားသဖြင့် တစ်ထပ်လူနေအိမ်(၁)လုံးနှင့်မြို့နယ် သစ်တော ရုံးတစ်ခု မီး လောင်ကျွမ်းခဲ့ကြောင်း သတင်းရရှိသည်။ဖြစ်စဉ်မှာ အဆိုပါနေည(၁)နာရီ(၅)မိနစ်ချိန်က ဝါယာရှော့ဖြစ်ပြီးမီးစတင်လောင်ကျွမ်းခဲ့ကြောင်းမီလောင်မှု ကြောင့် သစ်တောဝန်းအတွင်းရှိ မြို့နယ် သစ်တော ဦးစီးမှူး ဦးသီဟစော နေထိုင်သည့် တစ်ထပ်နေအိမ်(၁)လုံးနှင့် တစ်ထပ်ခြေ တံရှည် မြို့နယ်သစ်တောရုံးတစ်ရုံး မီးလောင်ကျွမ်းခဲ့ပြီး ဆုံးရှုံးမှုတန်ဖိုး ကျပ်(၃၄၂၂၀၀၀)ရှိကြောင်း အဆိုပါမီးလောင်ရာ သို့ မြို့နယ် မီးသတ်တပ်ဖွဲ့ မီးသတ်ယာဉ်(၂)စီး၊အရန်မီးသတ်တပ်ဖွဲ့မှမီးသတ်ယဉ်(၁)စီး၊နှင့် မီးသတ်တပ်ဖွဲ့ဝင်များ၊ရဲတပ်ဖွဲ့ဝင်များ၊ ပြည်သူများ လူအင်အား(၇၀)ကျော်မှ ဝိုင်းဝန်းမီးငြိမ်း သတ်ခဲ့ရကြကြောင်း သိရှိရ သည်။အဆိုပါ မီးလောင်မှုအား မြို့နယ်မီးသတ် တာဝန်ခံ လက်ထောက် မီးသတ်ဦးစီးမှူး ဦးရှိန်မင်းထက်မှအရေးယူပေးရန်တိုင်တန်းသဖြင့် မြို့နယ်သစ်တောဦးစီးမှူး  ဦးသီဟစောအား ပွင့်ဖြူမြို့မရဲစခန်းမှ (ပ)၇၁/၂၀၁၃၊ ပုဒ်မ ၂၈၅ ဖြင့်အမှုဖွင့်ထားကြောင်းသိရှိရသည်။

 တောင်တွင်းကြီးမြို့နယ် ပုဂံကုန်းကျေးရွာနေ အသက်(၃၇)နှစ်ရှိအမျိုးသမီးတစ်ဦးသည် အောက်တိုဘာ(၁၂)ရက်နေ့ နေလည်(၂)နာရီချိန်ကနေအိမ်မှ ပန်းရောင်းရန်တစ်ဦးတည်းထွက်လာခဲ့စဉ် အင်ကုန်းရွာမရောက်မီ ကန်သုံးဆင့်ရေကန် အနီး လှည်းလမ်းပေါ်တွင် တစ်ရွာတည်းနေအစ်ကိုဝမ်းကွဲတော်စပ်သူ သောင်းငွေ အသက်(၄၄)နှင့်တွေ့သဖြင့်မေးမြန်းရာ ငါးလာဖမ်း ကြောင်းပြောသဖြင့် ဆက်လက်လျှေက် လာခဲ့ ရာ  သောင်းငွေမှနောက်မှလိုက်လာပြီး တရားလိုမိန်းကလေးအား တွန်းလှဲပြီးကိုယ် ပေါ်တက်ဖိကာသားမယားအဖြစ်ပြုကျင့်ရန်ပြုလုပ်သဖြင့် တရားလိုမိန်းကလေး မှ အော်ဟစ် တွန်းထိုး ထွက်ပြေးခဲ့ပြီး အစ်မဖြစ် သူများပြောပြကာ သားမယားအဖြစ်ပြုကျင့်ရန်ကြံစည်သူ သောင်းငွေ အားအရေးယူပေးပါရန်တိုင်တန်းသဖြင့် တောင်တွင်းကြီး မြို့နယ်၊မြို့မရဲစခန်းမှ (ပ) ၁၉၃/၂၀၁၃၊ ပုဒ်မ ၃၇၆/ ၅၅၁ ဖြင့်အမှုဖွင့် ထားကြောင်းသက်ဆိုင်ရာမှသိရှိရသည်။

       အောင်လံမြို့မရဲစခန်းမှဒုရဲအုပ် ထွန်းထွန်းလင်းနှင့်အဖွဲ့မှသက်သေများနှင့်အတူ အောက်တိုဘာ(၁၁)ရက်နေ့ နေ့လယ် (၁၁)နာရီ(၄၅)မိနစ်ချိန်က ရွာတောင်ရပ်ကွက် မြို့ပတ်လမ်းရှိ မတင်ဇာခိုင်  အောင်လံမြို့နယ်နေသူ၏ ကွမ်းယာဆိုင်နှင့်မုန့်မျိုးစုံ ဆိုင်အား နှစ်လုံးထီရောင်းချနေကြာင်းသတင်းအရဝင်ရောက်ရှာဖွေခဲ့ရာ နှစ်လုံးထီစာရွက်စာတမ်းများနှင့်လောင်းကြေးငွေကျပ် (၁၉၄၅၀)တို့အား ကွမ်းယာခုံ အံဆွဲအတွင်းမှတွေ့ရှိခဲ့သဖြင့် သက်သေမျာရှေ့တွင်ရှာဖွေပုံစံဖြင့်သိမ်းဆည်းပြီး အဆိုပါတရားမဝင် နှစ်လုံးထီလောင်းကစားပြုလုပ်သူ မတင်ဇာခိုင်အား အောင်လံမြို့မရဲစခန်းက (ပ)၇၅ /၂၀၁၃၊ လောင်းကစား ပုဒ်မ ၁၅(က) / ၁၆(က)ဖြင့်အမှုဖွင့်ထားကြောင်းနှင့်အဆိုပါနေ့ နေ့လည်(၁၁)နာရီ(၅၀)မိနစ်ချိန်က ချောက်မြို့နယ် ရဲစခန်းမှ ဒုရဲအုပ် သန်းမြင့်နှင့် အဖွဲ့သည် မြို့နယ်ရဲတပ်ဖွဲ့မှူး ၏ လောင်းကစားဖမ်းဝရမ်းအမှတ် ၂၆/၂၀၁၃ ဖြင့်ချောက်မြို့ အမှတ်(၁၀)နယ်မြေ ပတ္တမြားရပ် ကွက ် ရှိ  ကိုကိုဦး ၏နေအိမ်အား ဝင်ရောက် ရှာဖွေရာ နှစ်လုံးထီလောင်းကစားရာ တွင် အသုံးပြုသော စာရွက်စာတမ်း များနှင့် လောင်းကြေးငွေကျပ်(၂၃၆၀၀)တို့အားသိမ်းဆည်းရမိသဖြင့် […]