ပခုက္ကူမြို့ သီဟိုဋ်ရှင်ဘုရားကြီး သီတင်းကျွတ်ပွဲတော် နှင့် စာရေးတံမဲလောင်းလှူပွဲကျင်းပ

       ပခုက္ကူမြို့၊အမှတ်(၄)ရပ်ကွက်ရှိ သီဟိုဠ်ရှင်ဘုရားကြီး၏ သီတင်းကျွတ်ပွဲတော်နှင့် စာရေးတံမဲလောင်းလှူပွဲအား အောက်တိုဘာ(၁၉)ရက်နေ့နံနက်(၈)နာရီချိန်က ကျင်းပပြုလုပ်ခဲ့သည်။ဘုရားဂေါပကအဖွဲ့မှ ဦးဆောင်၍ ပင့်သံယာ (၁၁၂)ပါး အားပင့်ဆောင်ပြီး ဆွမ်းလုံးဆပ်ကပ်လှူဒါန်းပွဲပြုလုပ်ခဲ့ရာ သံယာ(၁၁၂)ပါးအား(၁)ပါးလျှင် ဆွမ်းလုံး(၁)လုံးစီဆက်ကပ်လှူဒါန်း ခဲ့သည်။ထိုနောက်တက်ရောက်လာကြသူများက မင်းကျောင်း ဆရာတော် ဦးကောဝိဒ ထံမှ ရေစက်ချတရာတော်များနာယူခဲ့ပြီး (၉)ပါသီလခံယူခဲ့ကြသည်။ အဆိုပါလှူဒါန်းပွဲသို့ ပခုက္ကူမြို့ပြည်သူ့ဆေးရုံမှဆေးရုံအုပ်ကြီး ဒေါက်တာသင်းသင်းအေး၊ တပ်မ(၁၀၁)မှ ဗိုလ်ကြီး အောင်နိုင်စိုးနှင့်အဖွဲ့ဝင်များ၊မြို့နယ်ရဲတပ်ဖွဲ့မှူးယာယီရဲမှူး ဦးသန်းစိုးနှင့်အဖွဲ့၊ဒုမြို့နယ်အုပ်ချုပ်ရေးမှူး ဦးကျော်စိုးလွင်၊မြို့နယ်စည်ပင်အမှုဆောင်အရာရှိ ဦးအောင်မင်းကြိုင်၊ ခရိုင်/မြို့နယ်အဆင့်ဌာနဆိုင်ရာ ဝန်ထမ်းများ၊မြို့ပေါ်ရပ် ကွက်များမှ ဆွမ်းလုံးအလှူရှင်များ စုပေါင်းအင်အား(၁၅၀)ကျော်တက်ရောက်ခဲ့ကြကြောင်းသိရှိရသည်။