မကွေးမြို့၊ရွာသစ်ပွဲကြိုရပ်ကွက် နတ်မောက်လမ်းရှိ မကွေးဟိုတယ်ခန်းမတွင်နံနက်(၉)နာရီ(၃၀)မိနစ်ချိန်က Internation Labour Organization( Freedom Of Association Programme) နှင့်အလုပ်သမား ညွှန်ကြားရေး ဦးစီးဌာန တို့ပူးပေါင်းကာ မကွေးမြို့အခြေစိုက်ဌာနဆိုင်ရာများ၊ NGO အဖွဲ့အစည်းများ၊လုပ်ငန်းရှင်များအားဖိတ်ကြားခဲ့ပြီးအစည်းအဝေးကျင်းပပြုလုပ်ခဲ့ ကြောင်းအစည်းအဝေးတွင် Internation Labour Organization မှ နည်းပညာအရာရှိချုပ် Mr Patrick Quinn မှ အလုပ်သမား အသင်းဖွဲ့စည်းခြင်းနှင့်အလုပ်သမားအဖွဲ့အစည်းဥပဒေ အကြောင်း နှင့်အလုပ်သမားအငြင်းပွားမှုဥပဒေအကြောင်း တို့အားဆွေး နွေး ခဲ့ကြသည်။ ထိုဆွေးနွေးပွဲသို့ မကွေးတိုင်းဒေသကြီး အစိုးရအဖွဲ့ စီးပွားရေးနှင့်စီမံခန့်ခွဲရေးဝန်ကြီး ဦးမြင့်နိုင်၊နေပြည်တော်အ လုပ်သမားညွှန်ကြားရေးဦးစီးဌာနမှ ညွှန်ကြားရေးမှူး ဒေါ်တင်မာထွေး နှင့်မကွေးမြို့ အခြေစိုက်ဌာနဆိုင်ရာများ၊ဝန်ထမ်များ၊ လုပ်ငန်းရှင်(၆)ဦး၊အလုပ်သမား(၂၄)ဦးတို့တက်ရောက်ခဲ့ကြကြောင်းသိရှိရသည်။

     မကွေးမြသလွန်ဘုရားပွဲတော်ကြီး ယခုနှစ် နေရာညရောရွာသွန်းခဲ့သည့်မိုးကြောင့် နှစ်စဉ်ကျင်းပပြုလုပ်ခဲ့သည့် ဆီမီး(၉၀၀၀)ပူဇော်ပွဲ သီတင်းကျွတ်လပြည့်နေ့မှာ ပျက်ခဲ့ရသလို အောက်တိုဘာ(၂၇)ရက်နေ ့ရက်ပြောင်းရွှေ့ခဲ့သော်လည်း ဝမိုးကစဉ်ဆက်မပြတ်ရွာသွန်းနေလို့ပျက်ခဲ့ရပြန်သည် ယခုတော့ဘယ်နေ့ဘယ်ရက် ဆီမီး(၉၀၀၀၀)ပူဇော်ပွဲရက်မသတ်မှတ်နိုင် သေးကြောင်း၊လက်ရှိကပြနေသည့် ပန်ထွာ  အောင်ဆန်းပွင့် ဇတ်ကတော့မကွေးမိုးကြောင့်လူမလာသလိုမိုးမလုံလို့ဇတ်ပွဲပျက်ခဲ့ ရကြောင်း အောက်တိုဘာ(၂၉)ရက်နေ့ ဖိုးချစ်ဇတ်စဝင်မှဘဲ မိုးလေဝသအခြေအနေနှင့်ကံတရား ကိုဘဲကြည့်ရမှာ ဘဲလို ့ဒေသခံ များကပြောသည်။ယခုလိုသမိုင်းဝင်မြသလွန်ဘုရားပွဲတော်ကာလနှစ်(၃၀)အတွင်းမှာ ဆီမီး(၉၀၀၀)ပွဲပျက်ခဲ့ရတာယခုနှစ် ပထမဆုံးဖြစ်တယ်လိုဒေသခံများကပြောကြား သည်။အမြို့မြို့ အနယ်နယ် အရပ်ရပ်မှ ဈေးသည်များကတော့ မကွေးမြသလွန် ဘုရားပွဲတော်ကိုရက်(၂၀)တိုင်တိုင်ကျင်းပသည့်ရက်များတွင်ဟိုယခင်နှစ်များကတော့ယခုလိုရာသီဥတုဖောက်ပြန်တာတို့ အရောင်းအဝယ်ပါး တာတို့ မကြုံခဲ့ရပါဘူးကုန်ကြမ်းပစ္စည်းပြတ်လတ်သည်အထိရောင်းကောင်းခဲ့ပါတယ် ယခုနှစ်ထူးခြားတာက တော့ကမ္ဘာလှည့်နိုင်ငံခြားဧည့်သည်များ ယမန်နှစ်ကထက်ပို၍ဘုရားပွဲတော်အတွင်း လာရောက်လေ့လာမှုများ များလာတယ်လို့ ဈေးရောင်းသူများမှပြောကြားသည်။

    ပခုက္ကူခရိုင်၊မြိုင်မြို့နယ်နေသူ အသက်(၁၃)အရွယ်(၈)တန်းကျောင်းသူသည် အောက်တိုဘာ(၂၅)ရက်နေ့ညနေ(၄)နာရီ ချိန်က ကျူရှင်ဆရာတစ်ဦး ၏နေအိမ်စာသင်ဝိုင်းမှ၎င်း၏မိဘများနေထိုင်ရာရွာ၏ အနောက်ဘက်(၄) ဖာလုံ ခန့်အကွာရှိ ဆည်ကုန်းတောတိုက် သို့စက်ဘီးဖြင်တစ်ဦးတည်းပြန် လာခဲစဉ် မောင်ထွန်း၊အသက်(၃၃)နှစ် ရေနံမှော်လုပ်သား မှလမ်းတွင် စက်ဘီးအားတွန်းလှဲပြီးလူအားဆွဲခေါ်ကာ ကာမစပ်ယှက်ရန်ကြံစည်အားထုတ်သဖြင့် အဆိုပါမိန်းကလေးမှာရုန်းကန် ထွက်ပြေးပြီး  ဖခင်ဖြစ်သူအားပြောကြားခဲ့သဖြင့် မောင်ထွန်းအားအရေးယူပေးပါရန်တိုင်တန်းခဲ့ရာ သက်ဆိုင်ရာ မြိုင်မြို့ နယ်၊ဗဟင်းနယ်မြေရဲစခန်းမှ (ပ)၄၁/၂၀၁၃၊ပုဒ်မ ၃၇၆ /၅၅၁ ဖြင့်အမှုဖွင့်ထားကြောင်းသိရှိရသည်။

    မင်းဘူးခရိုင်၊ငဖဲမြို့နယ်၊ပဇီကျေးရွာကွက်သစ်တွင် အောက်တိုဘာလ(၂၄)ရက်နေ့ညနေ(၅)နာရီ(၃၀)မိနစ်ချိန်က ရဲဘက်ပြေးတစ်ဦးရောက်ရှိနေကြောင်း သတင်းအရ ရဲအုပ်အောင်သွင် နှင့်အဖွဲ့သက်သေများနှင့် အတူသွားရောက် ဖမ်းဆီးခဲ့ ရာ ချစ်ဝမ်း၊အသက်(၃၇)နှစ်၊ပဇီကျေးရွာကွက်သစ် ငဖဲမြို့နယ်နေသူအားဖမ်းဆီးရမိပြီး  စစ်မေးခဲ့ရာ ၎င်းသည် မင်းဘူးမြို့မရဲစခန်းမှ မယ(ပ) ၁/၂၀၀၁၊မူးယစ်ဆေးဝါးနှင့်စိတ် ကိုပြောင်း လဲစေသော ဥပဒေပုဒ်မ ၁၅/၁၉(က)/၂၀/၂၁ ဖြင့်ထောင်(၅)နှစ်ကျခံရပြီး ကရင်ပြည်နယ်၊ မြိုင်ကလေးဝန်ဆောင်လုပ်သားအဖြစ်ရဲဘက်စခန်းသို့ပါသွားရာမှ ထွက်ပြေးလာသူဖြစ်ကြောင်းစစ်ဆေးတွေ့ရှိ ရ၍ ချစ်ဝမ်း အား အရေးယူပေးပါရန် ရဲအုပ်အောင်သွင် မှတရားလိုပြုလုပ်တိုင်တန်းခဲ့သဖြင့် သက်ဆိုင်ရာ မင်းဘူးမြို့နယ်၊ မြို့မရဲစခန်း မှ (ပ)၁၁၆/၂၀၁၃၊ပုဒ်မ ၂၂၄ ဖြင့်အမှုဖွင့်အရေးယူထားကြောင်း သက်ဆိုင်ရာရဲမှတ်တမ်းအရ သိရှိရသည်။

     မကွေးတိုင်းဒေသကြီး၊နတ်မောက်မြို့နယ်ရှိ နတ်မောက်-ပျော်ဘွယ်ကားလမ်းနှင့် နတ်မောက်-ရေနံချောင်းကားလမ်ဘေး ပေ(၂၀၀၀)ခန့်အကွာရှိ နတ်မောက်-မရိုးတောလှည်းလမ်းဘေး ကန်လည်ကွင်း အမှတ်(၅၁၁) ဦးနေအောင်၊ဈေးသာရွာနေသူ၏ ယာခင်းအတွင်းရှိ ပြည်-ဆားခါးသဘာဝဓါတ်ငွေ့ပိုက်လိုင်းမှခွဲယူထားသည့် မကွေး-နတ်မောက်-ပျော်ဘွယ် -တောင်ကြီး  ပြည်တွင်းသုံး (၁၄)လက်မသဘာဝဓါတ်ငွေ့ ပိုက်လိုင်းသည် အောက်တိုဘာ(၂၇)ရက်နေ့ညနေ(၄)နာရီချိန်ကပိုက်လိုင်းပေါက် ထွက်၍ဓါတ်ငွေ့များ အမြင့်(၄)ပေခန့်အထိပန်းထွက်နေသဖြင့် မီးဘေးအန္တရာယ်စိုးရိမ်ရသဖြင့် ဓါတ်ငွေ့ပိုက်လိုင်းအနီး ရှိ  ဈေးသာရွာ  နှင့် မရိုးတောရွာ မှရွာသူရွာသားများအား အဆိုပါဓါတ်ငွေ့ပိုက်လိုင်းအနီးသို့မသွားကြရန်တားမြစ်ထားကြောင်းနှင့် အဆိုပါနေရာအား မီးဘေးအန္တရာယ်မဖြစ်စေရေးအတွက် နတ်မောက်မြို့မရဲစခန်းမှ လုံခြုံရေးဆောင်ရွက်နေကြောင်းသိရှိရသည်။

        မကွေးတိုင်းဒေသကြီး၊ မင်းလှမြို့နယ် အုတ်ပုံကျေးရွာရှိ  ဒဟတ်ပင်ရေနံမြေ(MOGE)ဘောလုံးကွင်း၏အနောက်ဘက် (၁)မိုင်ခန့်အကွာရှိ ဦးထွန်းကြည်၏ယာခင်းအတွင်း တွင် အောက်တိုဘာ(၂၇)ရက်နေ ့နံနက်(၄)နာရီ(၃၀)မိနစ်ချိန်ကမီးလောင်မှု ဖြစ်ပွားခဲ့သည်။  ဖြစ်စဉ်မှာ အဆိုပါယာခင်း အတွင်းရှိ မင်းမင်း၊မင်းဘူးမြို့နေသူပိုင်ရေနံတွင်း ၌ ရေနံခပ်လုပ်သား အန်မင်းဇော်  အောင်လံမြို့နေသူသည်ရေနံခပ်နေ စဉ် ရေနံခပ်ခွက်သံကိုင်းနှင့်ရေနံတွင်းသံပိုက်တို့ပွတ်တိုက်မိခဲ့သဖြင့်မီးစတင်လောင်ကျွမ်းခဲ့ သည်ဆို၏ အဆိုပါမီးလောင်မှုကြောင့်အနီးနားရှိ ရေနံကျင်းများပါမီးကူးစက်လောင်ကျွမ်း ခဲ့ရာ ရေနံကျင်း(၈) ကျင်း၊ကလပ် ခုံ(၈)ခုံ၊  ရေနံစိမ်းပေပါ(၂၄)လုံး စုပေါင်းခန့်မှန်တန်ဘိုး (၅၂)သိန်းခန့်မီလောင်ဆုံးရှုံးခဲ့သဖြင့် ပေါ့ဆစွာရေနံခပ်သူ အန်မင်းဇော် အား မင်းလှမြို့မရဲစခန်းမှ (ပ)၁၁၂/၂၀၁၃၊ပြစ်မှုပုဒ်မ ၂၈၅ ဖြင့်အမှုဖွင့်အရေးယူ ထားကြောင်း သိရှိရသည်။

    မကွေးမြို့မရဲစခန်းမှ (ပ)၁၃၇/၂၀၁၃၊ပုဒ်မ ၃၇၆/၅၀၀/၅၀၆ အမှုမှ ဦးစိုးလွင်၊အသက်(၄၂)နှစ်။ကန်သာရပ်ကွက် မကွေးမြို့ နေသူသည် မိန်းကလေးတစ်ဦးအားသားမယားအဖြစ်ဆက်ဆံခဲ့သည့် ဗွီဒီယိုပုံများအား အီလက်ထရောနစ် နည်းပညာ ဖြင့် အင်တာနက်မှတစ်ဆင့် ထုတ်လွှင့်ပြသခဲ့ကြောင်းစစ်ဆေးပေါ်ပေါက်ခဲ့သဖြင့် စိုးလွင်အားအရေးယူပေးပါရန် အောက်တိုဘာ(၂၆) ရက်နေ့က မကွေးမြို့နယ်ရဲတပ်ဖွဲ့မှူး ဒုရဲမှူးကျော်စိုးမှ တရားလိုပြုလုပ်တိုင်တန်းခဲ့သဖြင့် မကွေးမြို့နယ်၊မြို့မရဲစခန်းမှ(ပ)၂၁၃/၁၃ အီလက်ထရောနစ်ဆက်သွယ်ရေးဥပဒေပုဒ်မ ၃၄(ဃ)ဖြင့်အရေးယူထားကြောင်းသက်ဆိုင်ရာမှသိရှိရသည်။

   မကွေးတိုင်းဒေသကြီး၊ ဂန့်ဂေါမြို့နယ် မြောက်ခရမ်းရွာနေ ဦးကြည်ထွန်း၏နေအိမ်အား အောက်တိုဘာ(၂၆)ရက်နေ့ည(၇)နာရီ (၁၅)မိနစ်ချိန်ကသတင်းအရ မြို့နယ်ရဲတပ်ဖွဲ့မှူး၏ ဝရမ်းအမှတ်(၂/၂၀၁၃)ဖြင့် ဂန့်ဂေါမြို့နယ်၊ ကန်နယ်မြေစခန်းမှ ဒုရဲအုပ် အောင်ကျော်စိုးနှင့်အဖွဲ့ဝင်ရောက်ရှာဖွေခဲ့ရာ ဦးကြည်ထွန်းဝတ်ဆင်ထားသည့် အကျင်္ ီအိပ်ကပ်အတွင်းမှ (၁)လက်မခွဲခန့်ရှည် သောအအေးပိုက်အနီရောင်းဖြင့်ထည့်လျှက် ဘိန်းဖြူဟုယူဆရသောအဖြူရောင်အမှုန့်(ဝ.၁၃၆ဝ၉)ဂရမ်နှင့်ဘိန်းဖြူအမှုန့်များ ထည့်ရန်ပြင်ဆင်ထားသေား (၁)လက်မခန့်ရှိ အအေးပိုက်အနီရောင်(၅)ချောင်း၊နေအိမ်အိပ်ခန်းခေါင်းရင်း တွင်ထားသော သေတ္တာ အတွင်းမှ တစ်နေ့တာရောင်းရငွေကျပ်(၂၉၁၈၀)တို့အားသိမ်းဆည်းရမိခဲ့သဖြင့်အဆိုပါမူးယစ်ဆေးဝါးသုံးစွဲလက်ဝယ် ထားရှိဖြန့်ဖြူရောင်းချသူ ကြည်ထွန်အား ဂန့်ဂေါမြို့နယ်၊ကန်နယ်မြေရဲစခန်းမှ မူး/စိတ်(ပ)၂/၂၀၁၃၊ မူးယစ်၁၅/၁၆(ဂ) ဖြင့်အရေး ယူထားကြောင်းသိရှိရသည်။

         မကွေးမြို့၊မဲထီးလမ်းရှိ အလက(၂) မြို့မကျောင်းတွင် အောက်တိုဘာ(၂၆)ရက်နေ့နံနက်(၉)နာရီမှနေ့လည်(၁၁)နာရီ ချိန်ထိ ၂၀၁၃ခုနှစ်၊တပ်တွင်းဒုရဲအုပ်လောင်း ဝင်ခွင့် ရေးဖြေ စာမေးပွဲအား ကျင်းပပြုလုပ်ခဲ့ကြောင်းအဆိုပါစာမေးပွဲအား မကွေးတိုင်း ဒေသကြီးတိုင်းရဲတပ်ဖွဲ့မှူး ဦးဝင်းကြည်နှင့် သက်ဆိုင်ရာတာဝန်ရှိသူများမှအနီးကပ်ကြီးကြပ်ဆောင်ရွက်လျှက်ရှိပြီး အဆိုပါ တပ်တွင်းဒုရဲအုပ်လောင်း ဝင်ခွင့်ရေးဖြေ စာမေးပွဲတွင် မကွေးတိုင်းဒေသကြီးရဲတပ်ဖွဲ့မှ တပ်ဖွဲ့ဝင်အမျိုးသား(၁၇၆)ဦးတို့သည် မြန်မာစာ၊အင်္ဂလိပ်စာ၊အထွေထွေဗဟုသုတဘာသာရပ်တို့အားဖြေဆိုခဲ့ကြကြောင်းသက်ဆိုင်ရာမှသိရသည်။

မင်းလှမြို့မရဲစခန်းမှ ဒုရဲအုပ် နေမျိုးအောင် နှင့် ထန်းကိုင်းရေနံမြေရဲကင်းမှူး ဒုရဲအုပ် မင်းသူအောင်တို့သည် ထန်းကိုင်ရေနံ မှော်အနောက်ဘက်(၁)ဖာလုံ ခန့်ရှိ ချောင်းအတွင်း ခြောက်ကောင်ခုံလောင်း ကစားပြု လုပ်နေကြောင်း သတင်းအရ အောက်တိုဘာ (၂၀)ရက်နေ့နေလည်(၂)နာရီ(၃၀)မိနစ်ချန်က သွားရောက်ဖမ်းဆီးခဲ့ရာ လောင်းကစားဒိုင်အဖြစ်ဆောင်ရွက်သူ ဝင်းမြင့်၊အသက် (၅၀)နှစ်၊ပြန်ကပြေးကျေးရွာအုပ်စု ပျဉ်းမနားမြို့နေသူထံမှ ခြောက်ကောင်ခုံလောင်းကစားပစ္စည်းကိရိယာများနှင့်လောင်းကြေးငွေ ကျပ်(၁၁၂၅၀၀)တို့အားသိမ်းဆည်းရမိခဲ့ပြီးဆက်လက်၍ ရှာဖွေရာ၎င်းချောင်းအတွင်း လောင်းကစားဒိုင်အဖြစ်ပြုလုပ်သူ သန်းဦး ၊အသက်(၄၂)နှစ်၊ထိန်တောကျေးရွာ မင်းဘူး-(စကု)မြို့နယ်နေသူအား ခြောက်ကောင်ခုံ လောင်းကစားပစ္စည်း ကိရိယာများနှင့် လောင်းကြေး ငွေ(၇၀၀၀၀)အားသိမ်းဆည်းရမိခဲ့သဖြင့် အဆိုပါလောင်းကစားပြု လုပ်သူများအား မင်းလှမြို့နယ်၊မင်းလှမြို့မရဲ စခန်းမှ (ပ)၁၀၅/၁၀၆/၂၀၁၃၊ လောင်းကစားဥပဒေပုဒ်မ ၁၂(က)ဖြင့်ဖြင့်အမှုဖွင့်ထားကြောင်းသက်ဆိုင်ရာမှသိရှိရသည်။

       မင်းတုန်းမြို့နယ်၊ပုဇင်းဒါးကျေးရွာနေ စိုးသူ၊အသက်(၂၃)နှစ်သည် အောက်တိုဘာ(၂၀)ရက်နေ့ညနေ(၄)နာရီချိန်က ၎င်း၏နေအိမ်ပေါ်တွင် ကြိုးဆွဲချသေဆုံးနေကြောင်း ကျေးရွာအုပ်ချုပ်ရေးမှူး၏ သတင်းပေး ချက် အရ မင်းတုန်းမြို့နယ်၊အလယ် ချောင်းနယ်မြေရဲစခန်း မှ စခန်းမှူး ရဲအုပ်သိန်းလွင်နှင့်ကျေးရွာအုပ်ချုပ်ရေးမှူး ဦးခင်မောင်ထွေးတို့သည်သက်သေများနှင့်အတူ သွားရောက်စစ်ဆေးရာ စိုးသူတွင်ပြင်ပ ဒဏ်ရာ မတွေ့ရှိရဘဲ နေအိမ်ခေါင်မိုးကြွက်လျောက်တန်းတွင်ကြိုးတန်းလန်းဖြင့်သေဆုံး နေသည်ကိုတွေ့ရှိရသောကြောင့် အဆိုပါသေဆုံးမှုနှင့်ပက်သက်၍ ဓမ္မတာအတိုင်းသေဆုံးခြင်းဟုတ်/မဟုတ်သိရှိနိုင်ရန် မင်းတုန်း မြို့နယ် ၊အလယ်ချောင်းနယ်မြေရဲစခန်းမှ သေမှုသေခင်းအမှတ်စဉ်  ၁/ ၂၀၁၃ဖြင့်အမှုဖွင့်ထားကြောင်းသိရှိရသည်။

       ပခုက္ကူခရိုင်၊ဆိပ်ဖြူမြို့နယ် ဆိတ်ဖြူ-စလင်းကားလမ်း မိုင်တိုင်အမှတ် ၆၄/ရ ချင်းတောင်ကျေးရွာအနီးတွင် အောက်တိုဘာ (၂၁)ရက်နေ့နေ့လည်(၁၁)နာရီချိန်က ခရီးသည်တင်ယာဉ်တိမ်းမှောက်မှုဖြစ်ပွားကြောင်း သတင်းရရှိသည်။ဖြစ်စဉ်မှာ ယာဉ်မောင်း အောင်လှိုင်ဘွား ချောက်မြို့နေသူမောင်းနှင်ပြီးယာဉ်နောက်လိုက် အောင်မျိုးထွန်းလိုက်ပါသော ရွှေနံသာ ခရီးသည်တင်ယာဉ် ဒိုင်နာဖြူနီကြားသည် စီယာတိုင် လက်ကိုင်ခေါက်ပြီး လမ်းယာဘက်ဘေးရှိသဲပုံပေါ်သို့ကျော်တက်သွားခဲ့ရာမှ ကားလမ်းဝဲဘက် သို့တိမ်းမှောက်ခဲ့သဖြင့် အဆိုပါယာဉ်ပေါ်ပါ ခရီးသည်(၂၀)ဦးအနက် ခရီးသည်အမျိုးသား/အမျိုးသမီး (၆)ဦး ဒဏ်ရာ ရရှိခဲ့ကြောင်း ဒဏ်ရာရရှိသူထဲမှ နန်းအောင်၊အသက်(၁၉)နှစ် (၉)တန်းကျောင်းသား စလင်းမြို့နယ်နေသူသည် ဝဲဘက်ဂွေးနံပေါက်ပြဲဒဏ်ရာ (၁)ချက်၊ဝဲဘက်ပေါင်ရင်း(၄)လက်မခန့်ပေါက်ပြဲ ဒဏ်ရာတစ်ချက် ဒဏ်ရာဖြင့် ဆိပ်ဖြူဆေးရုံတွင် အတွင်းလူနာအဖြစ်ဆေးကုမှု ခံယူနေကြောင်း အဆိုပါဖြစ်စဉ်နှင့်ပက်သက်၍ ယာဉ်အားမဆင်မခြင်မောင်းနှင်သူ အောင်လှိုင်ဘွား ဆိပ်ဖြူမြို့နယ်မြို့မရဲစခန်း က ယာဉ်(ပ)၁၇/၂၀၁၃ ၊ပြစ်မှု ပုဒ်မ ၃၃၇/၃၃၈ ဖြင့်အမှုဖွင့်ထားကြောင်းသိရှိရသည်။