လေတစ်လုံးမိုးတစ်လုံးနဲ့ မိုးပြော ဂျိုးပြော ဇလီဖားတုံး သွားကြားထိုးပြီး မီးရထားသံလမ်း ခါးပတ်ပတ်မယ်လို့ပြောလိုပြော သူ့လက်ညှိုးနဲ့ပဲထိုးလိုက်ရင် ကောင်းကင်ကြီးပေါက်ပြီး ချက်ချင်းပဲ ရတနာမိုးရွာတော့မလိုလို ဘယ့်နဲ့ဗျာ …… သူကိုင်ထားတဲ့ ပုဝါထဲက ငှက်ကလေး ပျံထွက်သွားမယ်ဆိုလို့ အမေခိုင်းထားတဲ့ အလုပ်တွေမေ့ထားပြီး စောင့်ကြည့်နေတဲ့ ဒီကောင်လေးကိုမှအားမနာ ပြမယ်ပြောတဲ့ ပြကွက်ကိုမပြသေးပဲ ဟိုသေတ္တာထဲက မြွေတွေ သူထုတ်နေပြန်ပြီ….။ ပြီးတော့ ဒီမြွေတွေ ဘယ်လောက်အဆိပ်ပြင်းတယ်ဆိုပြီး အလမ္မာယ်ပြပြီး မြွေနိုင်ဆေးရောင်နေတော့တာပဲ ……။ သူစောစောကပြောထားတဲ့ စကား မေ့သွားပြီနဲ့တူရဲ့ ….။ သူ့လက်ထဲ ကိုင်ထားတဲ့ ပုဝါထဲက ငှက်ကလေးပျံထွက်သွားမယ်ဆိုတာ လေ…….။ ဒီလိုနဲ့ပဲ နေက အတော်ပူလာပြီ ငါ့ကိုအမေရိုက်ခံရတော့မယ် ……။ စိုးရိမ်စိတ်နဲ့ဆက်ကြည့် မျက်လှည့်ဆရာကတော့ သူပြောတဲ့ပြကွက် သူမေ့သွားပြီနဲ့တူရဲ့ သူ့မြွေတွေ သူပြန်သိမ်း ဆေးရောင်းရတဲ့ပိုက်ဆံတွေကို ဆုပ်ကိုင်ရင်း မျက်လှည့်လာကြည့်သူတွေကိုကျေးဇူးတင်ကြောင်းပြောပြီး […]

သတိ တရားမရှိတတ်တဲ့ လျှပ်ပေါ်လောလီတတ်သူငဲ့ ဒီလိုသာဆက်သွားနေရင်တော့ တစ်နေ့ မင်း…. ဝက်စာဖြစ်သွားတော့မယ်……။ နွားဆွဲတဲ့ကောက်ရိုးပုံဘဝ မင်းရောက်သွားရတော့မယ် …..။ နိုင်ငံရေးသတိ ဘာသာရေးသတိ လူမျိုးရေသတိ သတိ သတိ သတိ ရှိစေဖို့ပါ…..။ အမျိုးအနွယ်ကို မချစ်တတ်ရင်တောင်မှ ကိုယ့်ကိုကိုယ်တော့ မှန်မှန်ကန်ကန် ချစ်တတ်မယ်ဆိုရင် ငါပြောနေတဲ့ သတိ ဆိုတဲ့ဆိုင်းဘုတ်အောက်မှာ မင်းရပ်တည်နိုင်မှာပါ…။ အဲဒိလိုမဟုတ်ပါပဲ ဝင်္ကဘာလိုလမ်းတွေထဲမှာ ဆင်ကန်းတောတိုးနေလို့ကတော့ လျှပ်ပေါ်လော်လီနေလို့ကတော့ မင်းတစ်နေ့ ဝက်အစားခံရတော့မယ်………. နွားဆွဲခံရတဲ့ ကောက်ရိုးပုံ မင်းဖြစ်သွားတော့မယ် ………။ အဲဒိအချိန်ရောက်ရင်တော့ ဘယ်ဘုရားရှင်ကမှ မင်းကို လာကယ်နိုင်မှာမဟုတ်ပေဘူး ….။ နေဝန်းနီ

မမေ့နဲ့ ခင်ဗျားဟာ ဒီမြေပေါ်မှာနေတာ ……။ မမေ့နဲ့ ခင်ဗျားဟာ ဒီမြေအောက်ကရေကိုသောက်သုံးနေတာ ……….။ မမေ့နဲ့ ခင်ဗျားဟာ ဒီမြေထွက် သီးနှံ အစာအဟာရနဲ့ အသက်ဆက်နေတယ်ဆိုတာ ….။ မမေ့နဲ့ ခင်ဗျားဟာ ဒီမြေကြီးကို အကာအကွယ် ပေးရမယ်ဆိုတာ …..။ ဒီလိုမှမဟုတ်ပဲ ကိုယ်နေတဲ့မြေကြီး ကိုယ်သောက်နေတဲ့ရေ ဒီအပေါ်ကထွက်တဲ့ အစာအဟာရ မှီဝဲနေပြီးတော့ မကာကွယ် မထိန်းသိမ်းပဲ အဆပ်ခပ်နေမယ်ဆိုရင် ဒီနေရာကမြေကိုဖဲ့ ဟိုဖက်တစ်နေရာ ပို့နေမယ်ဆိုရင် ဒီမြေရဲ့ ကျိမ်စာ အရမ်းကြောက်ဖို့ကောင်းတယ်နော်….။ ဒီမြေပျက်စီးခြင်းနဲ့ ခင်ဗျားပါ ဒီလောကကြီးကပျောက်သွားလိမ့်မယ် ……။ ဒီတောင်တွေ ပျောက်သွားခြင်းနဲ့ ခင်ဗျားပါ ဒီလောကက ထွက်သွားရလိမ့်မယ်….။ ဒါဟာ ထိုက်တန်သူအတွက် တန်ရာတန်ကြေး ပေးဆပ်ရခြင်းပဲ……။ နေဝန်းနီ

လှော်လေသည့်လှေ… သစ်ဆွေးတစ်ပိုင်း တက်မရိုင်းဖြင့်… အစွန်းအစွယ်… ရေပေါ်ထွက်မျှ… ဂရုမထား… ကိုယ့်အင်အားဖြင့်… အားသွန်ခွန်စိုက်… လှော်ခဲ့သည်…   လှော်လေသည့်လှေ… ရေစိမ့်ဝင်လဲ ခပ်ထုတ်အားဖြင့်… လှိုင်းလေရေအောက်… ရောက်မသွားအောင်… အကြောက်မထား ကိုယ့်သွေးသားဖြင့်… တင်းခါအံကျိတ်… လှော်ခဲ့သည်…   လှော်လေသည့်လှေ… တက်မကျိုးလဲ… ခန္ဒာလက်အားဖြင့်… ခရီးရောက်အောင်… အင်အားကုန်ခမ်း… သေလမ်းမသွားအောင်… ဝိရိယဖြင့်… ဇွဲဖြင့်တင်းခါ လှော်ခဲ့သည်…   လှော်ပင်လှော်ငြား… ရှေ့သို့သွားဖို့… လမ်းမမြင်သည်… ခန္ဒာခြောက်ခမ်း… အားအင်ခမ်း၍… သေမင်းနှုတ်ခမ်း… ဆီသို့လှမ်းလေ… လှော်သောလှေသည်… ကြမ်းသောရေဆန်… လှေဆန်ဖြင့်… ပြင်းစွာချီတက်… လှော်ခဲ့သည်…   ခင်မင်လျက်- ဖက်ဖက်ကက်