မငိုပါနဲ့ချစ်သူ ငါ့နှလုံးသားက မျက်ရည်စက်တွေ တားဆီးဖို့အင်အား မွေးဖွားခြင်း မရှိသေးလို့ပါ မမုန်းပါနဲ့ချစ်သူ ငါ့အပြုံးတွေက အခုမှ အနှယ်ထိုင်ခါစမို့ပါ မမေ့လိုက်ပါနဲ့နော် ချစ်ခဲ့တဲ့ နေ့ရက်လေးတွေက အခုဆို တစ်ထောင့်ငါးရာ ပြည့်ခါနီးမို့ပါ မကြင်နာရင်နေပါချစ်သူ ငါ့ရင်မှာ ချစ်မယ့်သူက မင်းတစ်ယောက်ဆိုတာ အမှတ်ရတဲ့တစ်နေ့ ငါခင်းပေးတဲ့ ပန်းနုရောင် ချစ်ခရီးလမ်းလေးကို အလည်တစ်ခေါက် ကြိုလှမ်းနိုင်မယ်လို့ မျှော်လင့်ရင်း                                        ပိတောက်မိုး

မိဘဟူသည် မြတ်ဆရာမည်သို့ ထိန်းကျောင်းပဲ့ပြင် ငါတို့ရင်တွင်း လိမ္မာစေကြောင်း အစဉ်ပြုပြင် ချော့တစ်ခါ ချောက်တစ်လှည့် စိတ်ရိုင်းဟန်သွင်း ပြုသည့်ပမာ သားတို့ရင်မှာ အစဉ်သာတည်း နေဝင်ချိန်တန် အိုမင်းမစွမ်း အားအင်ကုန်ခမ်း နွမ်းသည့်ပမာ သားတို့ချစ်ခရီး ပေးစွမ်းသည်သို့ ချစ်မဝသေးခင် ပြိုလုသည့်ကမ်း လှိုင်းဂယက်ထန်စွာ ရှိုက်ခက်သည့်အလား ခွဲခွာမှုသည် သားတို့ရင်မှာ မချိသာတည်း ရင်မှဖြစ်ပေါ် ချစ်ခြင်းတရား အကြင်နာများသည် ဆုတောင်းမှုပြု ငါးဖြာဝတ်ဖြင့် ဦးခိုက်ရှစ်ခိုး ရွှေမြင့်မိုရ် ပြိုမှာစိုးတည်း                    ပိတောက်မိုး

သနားတက်တဲ့ ငါ့နှလုံးသားလေးက အခုတော့ အရှုံးသမားဘဝကို ပိုင်ဆိုင်လေရော့သလား ရင်နှစ်အောင်ချစ်ခဲ့ပြီးမှ ရနံ့ပြယ် ရွှက်ကြွေသည့်ပမာ အပြုံးတရားကို ရင်မှာပိုက် မုန်းမြို့တော်ချစ်စခန်းက ထွက်လှန်းဖို့ ငါအချိန်တန်လေရော့သလား ချစ်သူရေ မင်းရင်နာအောင် ငါမလုပ်ခဲ့ပေမယ့် ပေးဆပ်ခဲ့တဲ့ ချစ်ခြင်းတွေကတော့ ခါးသီးတဲ့မိုးစက်ပမာ မင်းထင်ရက်လေရော့သလားကွယ် အမှတ်မထင် အရှိုက်မိခဲ့တဲ့ ပဲ့တင်သံ အပြန်ခရီးက သစ္စာမရှိတဲ့ မင်းအတွက်တော့ ပျားရည်စက်ချစ်ခရီး ဖြစ်မယ်ထင်နေရော့သလား ရင်မှကြွေသော မျက်ရည်စက်တွေက မင်းရဲ့ချစ်မှတ်တမ်းမှာ ငါ့သက်သေမှတ်တိုင် စိုက်ထူဖို့ နေရာမကျန်ရော့လေသလား ခြေရာဖျောက်မေတ္တာတိမ်တိုက်အောက်မှာ လေလွှင့်သွားတဲ့ ချစ်ပန်းတိုင်လေးက အခုတော့  ဘယ်ကမ်းဆိုက်ကပ်နိုင်တော့မလဲလေ တစ်ခဏအလည်လာသူမဟုတ်ပေမယ့် ရောက်ခဲ့တဲ့ အမုန်းမြို့တော်ထဲက အခုတော့လေ လွမ်းချစ်သူ ဖြစ်ရှာလေရော့မယ်ထင်တယ်                                                               ပိတောက်မိုး