လူရယ်လို ့ဖြစ်လာပါလျင် မိသားစု,ဆွေမျိုး,မိတ်ဆွေ,သူငယ်ချင်းအပေါင်းအသင်းတို ့နှင့် နေထိုင်ကြရသည်။ ချစ်သော အဖေ,အမေ,ညီအစ်ကိုမောင်နှမ,ဆွေမျိုး,မိတ်ဆွေ,သူငယ်ချင်းအပေါင်း အဖော်ဟူ၍ရှိလာကြသည်။ မိသားစုတစ်ခုတွင် အဖေ,အမေ,မောင်နှမတွေရှိလာကြသည်။ တချို ့လည်းမောင်နှမဟူ၍မရှိ၊တစ်ဦးတည်းသာ၊တချို ့လည်းမိဘမဲ့, တချို ့လည်းမသန်မစွမ်းဘဝဖြင့်၊ ရင်ဆိုင်ရလျက်၊ဘဝကိုကျင်လည်ဖြတ်သန်း လျှောက်လှမ်းကြရသည်။ အဖေ,အမေရှိသောသူက အဖေ,အမေကိုချစ်သည်၊မောင်နှမရှိသောသူက၊မောင်နှမကိုချစ်သည်။ ဆွေမျိုးရှိသောသူက၊ဆွေမျိုးကိုချစ်သည်။ ချစ်သောသူငယ်ချင်း,ချစ်သောမိတ်ဆွေရှိကြသည်။ ချစ်သောလမ်းခရီး၌ ဆူးခင်းလမ်းလည်းရှိသည်။ ပန်းခင်းသောလမ်းလည်းရှိသည်။ ချစ်သောလမ်းခရီး၌ အချစ်နှင့်အမုန်းဒွန်တွဲနေသည်။ ချစ်လျှင်အကျိုး,မုန်းလျှင်အပြစ်ဆိုသည့်အတိုင်း လောကဓံကိုရင်ဆိုင်ဖြတ်သန်းလာကြရသောအခါ၊ စိတ်၏အစဉ်သည် အလွန်နက်နဲသိမ်မွေ ့လှသဖြင့်၊စိတ်ကိုထိန်းချုပ်ထား၍လည်းမရနိုင်ကောင်း သောကြောင့်၊စိတ်တွင်ဖြစ်ပေါ်နေသောလောဘ,ဒေါသ,မောဟ များပေါ်မှီတွယ်ပြီး၊အကျိုးနှင့်အပြစ်တို ့ဖြစ်လာကြရသည်။ မိသားစုတစ်ခုတွင် ထိုအကျိုး,အပြစ်တို ့ကိုခံစားကြုံဆုံကြရသည်။ သောကတွေရင်ဆိုင်ကြရသည်၊ဒုက္ခတွေကြုံတွေ ့ကြရသည်။ ချမ်းသာသုခတွေကိုလည်းရရှိကြသည်။ မိသားစုအတွက် ဘဝတစ်ခုအတွက် လျှောက်လှမ်းကြရတာခြင်းအတူတူ တချို ့ကပန်းခင်းလမ်းပေါ်မှာ, တချို ့ကဆူးခင်းလမ်းပေါ်မှာကွဲပြားခြားနားစွာဖြင့်၊လျှောက်လှမ်းရင်းနှင့်ပင် ဘဝတစ်ခုကိုအဆုံးသတ်ကြရသည်။ လူရယ်လို ့ဖြစ်လာပါလျှင်- ဘဝတစ်ခုကိုဖြတ်သန်းရင်ဆိုင်ကြရသောအခါ၌၊ အဖေ,အမေ,ညီအစ်ကိုမောင်နှမ,ဆွေမျိုး,သူငယ်ချင်းအပေါင်းအဖော်တို ့အပေါ်၌၊ ချစ်ရသည့်အတွက်ကြောင့်လည်း၊စိတ်မှာပူလောင်မှုတို ့ခံစားကြရသည်၊ မုန်းရသည့်အတွက်ကြောင့်လည်း၊စိတ်မှာပူလောင်မှုတို ့ခံစားကြရသည်။ မိသားစုအတွက်,ဘဝတစ်ခုအတွက် စိတ်အစဉ်မှာဖြစ်ပေါ်နေတတ်သည့် ောလာဘ,ဒေါသ,မောဟ(ဆူးငြောင့်ခလုတ်)တို ့အား အေးမြသည့်မေတ္တာပေမစစ်စစ်နှင့်ဖယ်ရှားပစ်နိုင်မှသာလျင် ပန်းခင်းသောလမ်း,ချစ်သောလမ်းခရီးဖြစ်မှာ အမှန်ပင်.။။။        

မိသားစုတိုင်းအတွက် အိမ်ထောင်ဦးစီးဖြစ်သောသူ တစ်နည်းအားဖြင့်-ဆိုရပါလျှင် ကျမအတွက်မရှိလျှင်မဖြစ်သောသူက ကိုကိုပါ။ သားတို ့၏လေးစားဂုဏ်ယူခြင်းခံရသော ဖခင်ကောင်းတစ်ယောက်၊ ဖြစ်သည့်အပြင် ကျမ၏ မိသားစုအတွက် အိမ်ထောင်ဦးစီးဖြစ်သောသူ အစစ,အရာရာ၊ အားကိုးရသောသူလည်းဖြစ်သည်။ မိသားစုအတွက် အစစအရာရာ တာဝန်ကျေပွန်ခဲ့သဖြင့် သူမရှိလျှင် မဖြစ်သည့်အတွက် အားကိုးမီခိုလိုသည့်စိတ်က အိမ်ထောင်သက်တမ်းတစ်လျောက်လုံး မသေမချင်း,အသက်ထက်ဆုံးတိုင်အထိဟု ကျမဝန်ခံလိုပါသည်။ ကျမဘဝ ကျမမိသားစုအတွက် မရှိလျှင်မဖြစ်သော ကျမ၏ သူဆိုသည့်ကိုကိုက အရာရာကိုလွှတ်ချချင်ပြီဆိုတော့ မိန်းမသားဖြစ်သည့် ကျမအတွက်တော့ ကိုကိုဆိုသည့် သူ ့ကို ဆုတ်ကိုင်ထားလိုသည့် ကျမ၏ လောဘ, မောဟ, အတ္တစိတ်က နားလည်ပေးလို ့မရနိုင်တာကအမှန်ပင်။ အခုတော့- ကျမ၏ လောဘ,ဒေါသ, မောဟဆိုသည့်စိတ်တို ့အား လျော့ချနိုင်ဘို ့အတွက် ကျမကိုယ့်ကိုယ်ကိုဆုံးမနိုင်ဘို ့အတွက် ဝိပဿနာအလုပ်ကိုလုပ်ဖြစ်ခဲ့သည်(အားထုတ်ဖြစ်ခဲ့သည်)။ ဝိပဿနာအလုပ်က ကျမ၏စိတ်ကို၊ကောင်းစွာထားတတ်စေခဲ့သည်။ အခု- ကျမအတွက် မရှိလျှင်မဖြစ်ဆိုသည့်သူ,(တစ်နည်းအားဖြင့်ကျမ၏ကိုကို) ကျမ၏ လောဘ,ဒေါသ,မောဟ ဆိုသည့်အတ္တစိတ်ကို တရား၏အဆုံးအမအောက်၌ထားရှိ ခံယူခဲ့လိုက်သောအခါတွင် […]

လူ ့လောက၌ လူသားတို ့အတွက် ရှိသင့်သောအရာသည် ရိုးသားမှုတရားပင်ဖြစ်လေသည်။ ရိုးသားမှုရှိမှသာလျှင် လူအချင်းချင်းပင်တူသော်ငြား ယုံကြည်ခြင်းခံရသည် လေးစားခြင်းခံရသည် ဂုဏ်သိက္ခာရရှိခြင်းခံရသည် ရိုးသားမှုတရားဟူသည် ဖြူစင်သောတရားဖြစ်သည် လူ ့လောကအား အလှဆင်နိုင်သည့်တရားဖြစ်၍ လူသားတို ့အတွက်လိုအပ်လှသည့် ရှိသင့်သောအရာဖြစ်လေသည်။