ဒီမနက် တန်ဆောင်မုန်းလပြည့်နေ ့ပါ။ မနက်အိပ်ရာထကတည်းကရေနွေးအိုးတည်၊ထမင်းအိုးတည်ပြီး ဆွမ်းတော်ကပ်ရန်အတွက်ပြင်ဆင်၊သားတွေအတွက်မနက်စာပဲပြုတ်နဲ ့ထမင်းကျော်ပြီး အမေဥပုသ်သွားရန်အတွက်၊ အချိန်မီပြင်ဆင်ပေးရသည်။ အမေကဥပုသ်ကျောင်းသွားကာ၊ ကုသိုလ်ယူသည်။ မနေ ့ထဲကအိမ်ရှေ ့တည့်တည့်၊လမ်းပေါ်မှာအမှိုက်တွေတွေ ့နေရလို ့မနေနိုင်တာနဲ ့ပဲ ကိုယ်တိုင်တံမျက်စည်းယူပြီး လှည်းကျင်းသန် ့ရှင်းမိပါတယ်။ ဒီမနက် ခပ်စောစောမှာ အိမ်ရှေ ့တည့်တည့် လမ်းမပေါ်မှာ၊ခွေးစာပစ်ကျွေးထားတာညီမလေးကမြင်တော့၊လုပ်တဲ့သူတွေအပေါ်အပြစ်မြင် ပြောဆိုနေတာ ကြားရပါတယ်။  ကြားရတဲ့စကားတွေက အကျိုးမရှိတဲ့စကားတွေဖြစ်နေလို ့မို ့ မနေနိုင်တာနဲ ့ဘဲ ညီမလေးကိုပြောပြမိပါတော့တယ်။ ကိုယ်နေနေရတာက၊အိမ်ခန်းငှားနေရတာမို ့၊လူအမျိုးမျိုးစရိုက်မျိုးစုံတွေ ့ရမှာ။ သည်းမခံနိုင်ရင်တော့ အကျိုးမရှိတဲ့အပြင်၊ရန်ပိုလာမှာပဲကြိမ်းသေတယ်လို ့ပေါ့။ လုပ်တဲ့သူကတော့ အကြောင်း,အကျိုးမသိလို ့ပြုလုပ်မိတာပါ။ အခုနေနေတာအိမ်ခန်းငှားနေထိုင်တာဆိုတော့၊ကိုယ့်အိမ်ရှေ့တည့်တည့်မှာမှ ခွေးစာလာချကျွေးထားတော့လည်း ညီမလေးက မခံနိုင်တာနဲ ့ပြောဆိုနေတာပါ ။ နောက်ပီးကိုယ့်အိမ်က ဆိုင်ကယ်အဆင်းတည့်တည့်ကြီးမှာဖြစ်နေတာ ဆိုတော့လဲ။ တမင်များလာလုပ်ထားသလို ညီမလေးက သူ ့စိတ်အထင်မှာ ဖြစ်နေပါတယ်။ ကိုယ့်အိမ်ရှေ့တည့်တည့်ဆိုပေမယ့်၊လမ်းပေါ်မှာဖြစ်နေတော့၊ကိုယ်လည်းမပိုင်။ပြောရင်ရန်ဖြစ်ရမယ်။ ကောင်းဘို ့မရှိတဲ့အပြင်၊ဒီအိမ်ကလူတွေက ဘယ်သူနဲ ့မှ မတည့်ဘူးလို ့လူအများရဲ ့ အမြင်မှာ အထင်မြင်သေးခံရမှာ အသေအချာပါ။ အခုကိစ္စလေးကို သည်းခံလိုက်ရင် […]

အတိတ်ဆိုတာ လူတိုင်းမှာရှိတယ် ကောင်းတဲ့အတိတ်ရှိသလို မကောင်းတဲ့အတိတ်လဲရှိတယ်။ ကောင်းတဲ့အတိတ်က ကိုယ့်စိတ်က ဆင်ခြင်တုံတရားရှိပြီးတွေးခေါ်တတ်တဲ့စိတ်ကြောင့်, သိနားလည်တဲ့စိတ်ကြောင့် ကောင်းတာတွေကိုပြုလုပ်ထားတဲ့အတွက် ကောင်းတဲ့အတိတ်ဖြစ်စေပါတယ်။ ကောင်းတာတွေပြုလုပ်ထားမိခဲ့အတွက်လည်း အချိန်ကာလ၊ဘယ်လောက်ပဲကြာကြာ ကိုယ့်စိတ်ထဲမှာ တိုက်ဆိုင်တဲ့အခါတိုင်းဖြစ်ဖြစ်၊ပြန်တွေးမိတဲ့အချိန်တိုင်းဖြစ်ဖြစ် ကြည်နူးပီတိခံစားရစေပါတယ်။ အဲဒီအတွက်လည်းလက်ရှိပစ္စုပ္ပန်မှာ ကောင်းတဲ့အကျိုးတရားတွေခံစားရပါတယ်။ မကောင်းတဲ့အတိတ်က ကိုယ့်စိတ်က ဆင်ခြင်တုံတရားမရှိ၊မတွေးခေါ်တတ်တဲ့စိတ်ကြောင့် မသိနားမလည်တဲ့စိတ်ကြောင့် မကောင်းတာတွေပြုလုပ်ထားမိတဲ့အတွက် မကောင်းတဲ့အတိတ်ဖြစ်ပါတယ်။ ကိုယ်ပြုလုပ်ထားမိတဲ့အမှားတွေကိုဆိုချင်တာပါ။ ကိုယ့်စိတ်က မခံချင်တဲ့စိတ်ကြောင့်ဖြစ်ဖြစ် မသိနားမလည်တဲ့စိတ်ကြောင့်ဖြစ်ဖြစ် မကောင်းတာကိုပြုလုပ်ထားမိခဲ့လျင် ကိုယ့်စိတ်ထဲမှာ ပြန်ပြီးစဉ်းစားမိတဲ့တိုင်း၊ ကိုယ့်စိတ်မှာခြောက်လှန် ့ခြင်းခံနေရသလို အပြစ်ရှိနေသလိုဝမ်းနည်းတဲ့စိတ်တွေဖြစ်ပေါ်ခံစားရစေပါတယ်။ မိမိကိုယ်တိုင်ကပြုလုပ်ထားမိလို ့ ဖျောက်မရတဲ့အတိတ်ဆိုးဖြစ်နေခဲ့ပါလျင် အမြဲကိုယ့်စိတ်မှာခြောက်လှန် ့ခြင်းခံနေရသလို၊ ခံစားနေရတတ်ပါတယ်။   မခံချင်တဲ့စိတ်ကြောင့်ဖြစ်စေ မသိနားမလည်တဲ့စိတ်ကြောင့်ဖြစ်စေ အမှားမပြုလုပ်မိခဲ့ဘူးဆိုပါလျင် အတိတ်ဆိုးဆိုတာလည်း၊မဖြစ်လာနိုင်ပါဘူး။ အားလုံး- ကိုယ်ပြုလုပ်မိမှားတဲ့အတိတ်ဆိုးမှ၊အစဉ်ကင်းဝေးနိုင်ကြပါစေ။              

မိမိဘဝတွင် မိမိချစ်သော, မိမိပိုင်ဆိုင်ထားသော အရာရာမှန်သမျှတို ့ကို ၊ မိမိမှ စွန် ့လွတ်နိုင်ဖို ့အတွက် ဝန်လေးကြသည်။ ပုထုဇဉ်မှန်သမျှ မစွန် ့လွတ်နိုင်ကြဟုပြောလျင်၊ ပို၍မှန်မည်ထင်ပါသည်။ အကြောင်းအမျိုးမျိုးကြောင့်စွန် ့လွတ်ရပါကလည်း အောက်မေ့ကြေကွဲ,ဝမ်းနည်း,ပူဆွေး,တမ်းတ,နှမြောတသ၊ ဖြစ်ကြရသည်။ မစွန် ့လွတ်ချင်ပါသော်လည်း၊ဆုတ်ကိုင်ထား၍ကလည်း မဖြစ်နိုင်ပါ။ မဖြစ်နိုင်တာကို သိနေသည့် စိတ်။ ထိုစိတ်က မိမိကိုပို၍ခက်ခဲစေသည်။ ပင်ပန်းစေသည်,ဆင်းရဲစေသည်,ပူလောင်မှုတို ့ကိုသာ ဖြစ်ပေါ်စေသည်။ မိမိဘဝတွင် မိမိအတွက် အရေးပါသော အရာရာမှန်သမျှ၊ ပိုင်ဆိုင်ထားမှုမှန်သမျှတို ့သည် စိတ်ကိုချည်နှောင်ထားနိုင်ကြသဖြင့် ၊ စိတ်၏ မွန်းကြပ်မှုတို ့ကိုသာ ခံစားဖြစ်ပေါ်စေသည်။ ထိုစိတ်သည် နွံနှင့်တူလှသည်။ နွံနှင့်တူသဖြင့်  ရုန်းထွက်နိုင်ဖို ့၊ မလွယ်ကူ။   မိမိ၏ဘဝတွင် မိမိချစ်သောအရာရာမှန်သမျှ မိမိပိုင်ဆိုင်မှုမှန်သမျှတို ့သည်၊ အမြဲတမ်းမဖြစ်နိုင်သည့်အတွက် ထိုနွံမှ ရုန်းထွက်နိုင်မှသာလျင်၊ စိတ်၏ပေါ့ပါးလွတ်လပ်မှု,ချမ်းသာအေးမြမှုကို ရရှိခံစားနိုင်မှာ၊ အမှန်ဖြစ်ပေသည်။ ချစ်သောနွံမှရုန်းထွက်နိုင်ပါစေ။   […]