တဖန်ပြန်လည်နုတ်ဆက်ပါတယ်..ရွာသူရွာသားများခင်ဗျာ ကျနော်လည်း အလုပ်ကရှုပ်တာတစ်မျိုး၊ ရွာမှာ စာလာတင်ရင် အင်တာနက်မကောင်းတာတစ်မျိုး၊ ဘာသာပြန်ပြီးတာကို စာရိုက်ဖို့ အချိန်မရတာက တစ်မျိုး၊ ဒီထက်ပိုဆိုးတာက ရွာကလူတွေက နည်းပညာသတင်းတွေကို စိတ်မဝင်စားကြဘူးလား ဆိုတာကို တွေးမိတဲ့ အတွေးက ရွာနဲ့ဝေးကွာဖို့များ ဖြစ်လာတာကြောင့် ရွာကို ပစ်ထားခဲ့မိပါတယ်။ တစ်နည်းအားဖြင့်တော့ ကျနော် အရှုံးပေးမိတာပေ့ါ။ ငါဘာသာ ပြန်ပြီးတင်ပေးလည်း စိတ်ဝင်စားချင်မှ ဝင်စားတာ။ တင်လည်း လူနည်းစုပဲဖတ်တာ..တင်မနေတော့ပါဘူးဆိုပြီး စိတ်ဓာတ်ကျစရာတွေ ခဏခဏဝင်လာတာကြောင့် လာမတင်ဖြစ်တော့တာပါ။ ဟိုနေ့က စာအုပ်လေးတစ်အုပ်ဖတ်ပါတယ်။ ဆရာမြတ်ငြိမ်းဘာသာပြန်ထားတဲ့…““ ပွဲကျပ်လျှင် ဇွဲခတ်သူတို့သာစမြဲ ”” ဆိုတဲ့ စာအုပ်လေးဖတ်ပြီးတော့ ကျနော် ရွာမှာ စာပြန်ရေးချင်တဲ့စိတ် ပြန်ဖြစ်လာပါတယ်။ ဒီအတွက် မူရင်းစာရေးဆရာကိုကျေးဇူးတင်သလို..ဆရာမြတ်ငြိမ်းကိုလည်း ကျေးဇှူးတင်ပါတယ်။ ဒီနေ့က စပြီး..ကျနော် စာတွေ ပြန်လည်တင်သွားမှာ ဖြစ်ကြောင်းနဲ့ မဖတ်ရင်လည်း အရင်လို […]

“နွဲ့ယိမ်းဖွဲ့နှောင်လှိုင်းကလေးရဲ့သောင်   “(အခန်းဆက်ဝတ္တုရှည်) အပိုင်းတစ်…….(အကြောင်းပါစရာလို့ဆိုကြတဲ့……………..သို့အသွား) လပြည့်ရက်နီးလေလေ လှိုင်းတွေကထန်လေလေလို့ ပင်လယ်ကမ်းစပ်မှာနေသူတွေကတော့ပြောကြပါတယ်။ တဝေါဝေါအသံတွေနဲ့အတူ တဝုန်းဝုန်းပြေးလာတဲ့ လှိုင်းခေါင်းဖြူလေးတွေက သောင်စပ်အဆုံးထိအရှိန်ပြင်းပြင်းနဲ့   ပြေးလာခဲ့ပေမယ့်စက္ကန့်ပိုင်းလေးအတွင်းမှာဘဲ လာရာလမ်းအတိုင်း ပင်လယ်ထဲကိုပြန်ပြီး ဆင်းသွားရပြန်ပါတယ်။ ဆင်းလိုက်တက်လိုက်လုပ်နေတဲ့ လှိူင်းတွေကြောင့် သဲပြင်တွေက အံ့ဩစရာကောင်းလှစွာညီညာပြန့်ပြူး။ ပင်လယ်ကတွန်းလွှတ်လိုက်တဲ့ အခါ ကမ်းစပ်ကိုအားနဲ့မာန်နဲ့ပြေးတက်လာလိုက်၊ ပင်လယ်ကပြန် ဆွဲလိုက်ရင် လာရာလမ်းအတိုင်းပင်လယ်ရင်ခွင်ထဲကို ပြန်ဝင်လိုက်နဲ့ စက္ကန့်ပိုင်းလေးအတွင်းမှာ မရပ်မနား စုန်ချီဆန်ချီ။ ကျမတို့လူသားတွေကရော ပင်လယ်လှိုင်းကလေးတွေနဲ့ထူးမခြားနားပါဘဲ။ လောကကြီးထဲကို ဝင်လိုက်ကြ ပြန်ထွက်သွားလိုက်ကြ။ လရဲ့ဆွဲအားက ပင်လယ်ပြင်ကိုလှိုင်းတွေဖြစ်စေခဲ့တယ်ဆိုရင် ကျမတို့လူသားတွေကို ဝင်စေထွက်စေအောင်ဖန်တီးနေတဲ့ဆွဲအားတွေကိုရော ဘယ်သူများဖန်ဆင်းခဲ့သလဲလို့တွေးမိရင်ပြုံးမိပါတယ်။ ပင်လယ်ကမ်းစပ်မှာအေးဆေးထိုင်အုန်းရေသောက်ပျော်ပါးစွာဆော့ကစားနေသူ                                                                                                   လေညှင်းခံရင်းလမ်းလျောက်နေသူတွေကို ကျမငေးမောလို့ကောင်းနေတုန်း “မမ” တယောက်ထဲလား” လို့ မေးလိုက်တဲ့  အသံကိုကြားလို့မော့အကြည့်မှာ “အငယ်လေး”လို့ ကျမစိတ်ထဲမှာအမည်ပေးထားတဲ့ ကောင်လေးဖြစ်နေပါတယ်။ သူမေးလိုက်မှ ချောင်းသာကို တစ်ယောက်ထဲရောက်လာဖြစ်တဲ့အကြောင်းကို ကျမ ပြန်တွေးမိပါတော့တယ်။ @@@@@@@@@@@@@@@@@@@@@@@@@@@@@@@@@@@@ ကျမရန်ကုန်ကိုအလုပ်ကိစ္စနဲ့ ရောက်နေတဲ့အချိန် […]

ဟေးဟေး…။ ဘလက်ချောက သောက်ကြာသား မဟုတ်ဘူးနော်…။ နည်းနည်းတော့ လျှာရှည်ပါတယ် ကွယ်…။ ကဲ လျှာရှည်တဲ့ အကြောင်း သက်သေပြဦးစို့ရဲ့…။ အသာလုပ်ပါ (ကို) ကမ်းဝေးရယ်…။ စစ်တောင်းမြစ်ကြီး များလားကွယ်…။ ဟေးဟေး…။ မတန်မရာ ခိုင်း…နှိုင်း…ဖွဲ့…နွဲ့ တယ် တော့ မထင်ကြစေချင်ပါဘူး…။ ဧရာဝတီ နဲ့ ဘလက် က အဝေးကြီးမှာပါ ဗျာ…။ အပေါ်မှာ (ကို) ကမ်းဝေး ရှင်းပြခဲ့သလို… ကျွန်တော်တို့ ရွာထဲမှာ ရေးခဲ့တဲ့ ပို့စ် ပေါင်းများစွာမှာလည်း… အဖြစ်မှန်ထက် နည်းနည်းချဲ့ကား ရေးခဲ့ကြတာတွေ… (မတန်တဆ ချဲ့ကားရေးခဲ့ကြတာတွေရောပေါ့…။) ရှိခဲ့ကြမှာပါ…။ ကျွန်တော်တို့ ရဲ့ စစ်တောင်းမြစ်များပေါ့…။ တစ်ည (ကို) ကမ်းဝေး က တနင်္ဂနွေ ကိုကြွက်နဲ့ ချိန်းလိုက်မယ်…တဲ့…။ အားလားတဲ့…။ ဖုန်းနဲ့ […]