ဂေဇက်အတွက် ပိုစ့် တင်ဖို့ ဘာတင်ရရင်ကောင်းမလဲလို့ စဉ်းစားနေတာ တွေးလို့မရတဲ့အဆုံး Food Magazine မဂ္ဂဇင်းမှာ ကျွန်တော် အနုပညာရှင်တွေနဲ့ အစား အသောက်အကြောင်း တွေဗျူးပြီး၊ သူတို့ရဲ့ ဟင်းလက်ရာတွေအကြောင်း အင်တာဗျူးတာလေးကို ပြန်လည်ဖော်ပြလိုက်ပါတယ်။ပြောရရင်တော့ အာဂ နှစ်သီးစားလုပ်နေခြင်းဖြစ်ပါတယ်။ ကျေးဇူးတင်ရှိပါတယ်ခင်ဗျာ။ (R,Ga)မေးမြန်းသည် • အချက်အပြုတ်ကိုဘယ်အရွယ်လောက်ကစပြီးဝါသနာပါခဲ့တယ်လို့ထင်မိပါသလဲ။ အချက်အပြုတ်ကိုတော့ကျွန်တော်လူပျိုကျောင်းသားဘဝကတည်းကညရေး ညတာဗိုက်ဆာရင်ထမင်းကြော်စားတာတို့ ၊ခေါက်ဆွဲပြုတ်စားတာတို့ကနေစပြီးဝါသနာပါသွားတယ်လို့ထင်မိတာပါပဲ။ • ဒါဆိုရင် ကိုRဇာနည်ကလူပျိုဘဝမှာဒီလိုအချက်အပြုတ်တွေလုပ်တတ်တာကိုဘယ်သူကသင်ပေးခဲ့ပါသလဲ။ဘယ်လို ကြောင့်ချက်ပြုတ်ဖြစ်သွားတာလဲ။ ကျွန်တော်က လူပျိုဘဝမှာကတည်းကအမေ့ကိုကူညီလုပ်ပေးရပါတယ်။အမေဈေးသွားဝယ်ရင်လည်း လိုက်ပေး ရပါတယ်။ကြက်သွန်အဖြူ၊ အနီ၊ငရုတ် သီးတွေကအစထောင်းပေးရပါတယ်။နောက်လှီးတာ၊ ဖြတ်တာတို့ လုပ်ပေးရတယ်။ ကြက်ဥဆိုရင်လည်း ခေါက်ပေးရတယ်။ဒါတွေမြင်နေကျဆိုတော့လေရင်းနှီးနေတယ်လို့ပြောရမလားဘဲ။ ဒါပေမယ့် အဲဒီအချိန်တုန်းကတော့မချက်ဖြစ်ပါဘူး။အိမ်ထောင်ကျတော့မှသာ စပြီးစမ်းကလိကြည့်ရင်းနဲ့နည်းနည်းပါးပါး ချက်ပြုတ်ဖြစ်တဲ့သဘောပါ။ • အခုရောပရိသတ်ကိုဘယ်လိုဟင်းလေးတွေချက်ပြမယ်လို့စိတ်ကူးထားပါသလဲ။ အခုစီစဉ်ထားတဲ့ဟင်းပွဲကတော့အချိန်လည်းသိပ်မရတော့ လောလောဆယ်၂ မျိုးလောက်ပဲ စီစဉ်ထားတာပါ။ဝက်သားကို မြန်မာလိုဆီပြန်ဟင်းလေးချက်မယ်။ နောက်ပြီးတော့ ဂေါ်ဖီကိုမုန်လာဥနီ၊ကြက်ဥ၊ကြက်သွန်ဖြူတို့နဲ့ကြော်ပါမယ်။ • […]