ကိုေပါက္(မႏၱေလး)တစ်ရက်မတွေ့တာကြာတဲ့ ကိုအောင်မောင်းနဲ့ 34လမ်းက လက်ဖက်ရည်ဆိုင်မှာ မထင်မှတ်ဘဲဆုံကြပါတယ်။ တကယ်တမ်းပြောရရင် အလုပ်လုပ်နေတဲ့သူတွေဆိုတာ တစ်ရက်နဲ့တစ်ရက် ကိုယ့်အချိန်ဇယားနဲ့ကို်ယ်ကျင်လည်နေရတယ်ဆိုတော့ အရင်ငယ်ငယ်ကလို ခဏခဏ မတွေ့နိုင်ကြတာကလည်းအမှန်ပါဘဲ။ တွေ့ကြပြီဆိုတော့မှ တစ်ယောက်နဲ့တစ်ယောက်မတွေ့တဲ့အချိန်က သတင်းပလင်းလေးတွေမေးကြရပါတယ်။ ဟိုရက်က ကိုကျော်ကြီးနဲ့တွေ့တော့ အောင်မောင်းတစ်ယောက် အလုပ်ရှုပ်နေတယ်ဆိုတာတော့ကြားမိပါတယ်။ နောက်အောင်မောင်းတစ်ယောက်သူ့အလုပ်မှာသူ့ဝန်ထမ်းတွေနဲ့လည်းပြသနာတက်တယ်လို့လဲပြောသွားပါသေးတယ်။ ဒါနဲ့ဘဲအောင်မောင်းကြီးကိုအကျိုးအကြောင်းမေးရပါတယ်။ အဲတော့အောင်မောင်းကြီးကလဲ မတွေ့ကြလို့မပြောဖြစ်တာတွေကိုပြောပြပါတော့တယ်။ “ဟုတ်တယ်ကိုပေါက်ရေ ပြီးခဲ့တဲ့လက ငါ့မှာအတော်ကိုစိတ်တွေလေသွားတာ။ ဝန်ထမ်းပြသနာပေါ့ကွာ၊၊ဒီပြသနာကဖြစ်ချင်းဖြစ်ရင် ပိုင်ရှင်နဲ့ဖြစ်ရမှာ။ တကယ်ဖြစ်တော့အားလုံးနဲ့ငါတယ်ရတော့တာဘဲ။ အားလုံးဆိုတာ ဝန်ထမ်းအားလုံးနဲ့မဟုတ်ပါဘူး၊ဒါပေမဲ့ငါကမနေတတ်တာလဲပါတယ်၊ တစ်ချို့ကတော့ ငါ့ကို ကွယ်ရာမှာမေးငေါ့တာပေါ့။ “ဝန်ထမ်းအချင်းချင်းကို နှိပ်ကွပ်တယ်၊ပိုင်ရှင်ထက်တောင်ကြောက်နေရတယ်”လို့ပေါ့။ ဒါပေမယ့်ငါက ဒီလိုဝေဖန်တာတွေကို ခေါင်းထဲသိပ်မထည့်ပါဘူး။ ငါက အားနည်းတဲ့ဘက်ရပ်တဲ့လူမဟုတ်ဘူး မှန်တဲ့ဘက်ကိုရပ်တဲ့ကောင်ဘဲဟာ၊ ခက်တာက ငါတို့ဆီကလူတွေရဲ့ပြင်မရတဲ့စရိုက်ဘဲ။ ပြသနာရယ်လို့ဖြစ်လာခဲ့ရင် မှန်တာမှားတာ အပထား အားနည်းသူဘက်ကနေဝိုင်းပြီးရပ်တည်လိုက်ကြတာဘဲ။ ငါပြောချင်တာက အားနည်းတယ်ဆိုတိုင်းအမြဲမှန်တယ်လို့ လက်ခံမလားဆိုတာကိုပေါ့။ ဥပမာကွာ လမ်းပြောင်းပြန်စီးဝင်လာတဲ့ စက်ဘီးနဲ့လမ်းမှန်အတိုင်း ဝင်လာတဲ့ကားတိုက်မိတယ်ဆိုရင် […]
ကျနော်က ကလေးတွေကိုကွန်ပြူတာထဲမှာသီချင်းတွေကို MP3နဲ့ဘဲထည့်ခိုင်းတဲ့အခါပြသနာတစ်ခုက သီချင်းကို ကြိုက်လု့ိသိချင်တယ်ဆိုရင် ဘာသီချင်းမှန်း ဘယ်သူမှန်းမသိတော့တာပါဘဲ။ (ပါးပြင်မှာ သနပ်ခါးလေးနဲ့ဘဲချစ်စရာကောင်းလိုက်တာကွာ……………………….)တို့ဆိုရင် အစိုင်းဆိုတာ (နဖူးကစခြေဖျားထိအောင်ကြည့်မယ် တစ်နေကုန်ထိုင်ပြီး တစိမ့်စိမ့်ကြည့် …………………..)ဖိုးကာဆိုတာ (ခံစားတတ်တယ် နာကြည်းတတ်တယ်……………………………….)ဆိုရင်ကျားပေါက်ဆိုတာလောက်ကတော့သိတာပေါ့။ (ငါ့ဘဝ ငါ့ဂီတမင်းလေးပါဘဲ…………………………………………)တို့ (တကယ်လု့ိအိပ်မက်ဖြစ်ရင်လဲ မနိုးထလိုက်ပါနဲ့………………….တွေးနေစဉ်ခဏဘဲ………………………)တို့ (အကြိမ်ကြိမ်အခါအခါနင်မေးတယ် ဘယ်လောက်ထိလဲ ဘယ်လောက်ချစ်လဲ အနားလာကပ်ကာသူမေးတယ်……………….)တို့ (သူကျနော့်ကိုမချစ်လဲ ကျနော်ကတော့ချစ်နေမှာ….သူ့ဖေဖေလာတယ်ဆိုရင် သူဆိုင်းအောက်လုပ်တော့မှာ……………………..)တို့ (ည.အဖြူရောင်ငွေနှင်းကြားမှာ…………………………………………)တု့ိ (ရိုမီယို ဂျူးလီးယက် မမှီနိုင်ဘူးဆို……………………..သိပ်ချစ်တယ်ဆို………………..)တို့ (ငါဝအောင်ငိုလိုက်မယ် ……..မနက်ဖြန်မင်းအတွက်ငိုစရာမရှိဘူးကွယ်…………………………)တို့ (ဟေ့မိချိုသဲ ငါ့နောက်ကလိုက်ခဲ့…………မင်းပြောတဲ့တရားတွေ မင်းဟောတဲ့တရားတွေ ယုံစားမိတော့မှားမယ်နော့………)တို့ (ဘယ်သူပြောတာလဲ အမေပြောတာတဲ့ ……………….ငါ့သမီးလေးတော်လိုက်တာနော်………………..)တို့ ဆိုတဲ့သီချင်းလေးကြားမိရင် ကောင်းတယ်ကြိုက်တယ်ဆိုတော့ ကလေးတွေကိုဆရာတင်ပြီး ဘယ်သူဆိုတာလဲ ဘာသီချင်းလဲမေးရတော့တာပါဘဲ။ သည်ဘက်ခေတ်ထဲမှာ အဆိုတော်တွေအတော်များများထွက်လာပါတယ်။ မိန်းကလေးထဲမှာဆိုရင် Rebecaဝင်း။ဖြူဖြူကျော်သိန်း။ဂျယ်နီ။နန်းဆုရတီစိုး။ဝိုင်းစုခိုင်သိန်း။Nကိုင်ရာ။Sandy မြင့်လွင်။အစ္စဏီ ချစ်သုဝေ။ချစ်စုဝေ။ဇမ်နူး။တွင်ကယ်လ် ။ရှင်း။အိမ့်ချစ်။ ရတနာမိုင်။မိုးဟေကို။မယ်လိုဒီ။ အများကြီးမှအများကြီးပေါ်လာပါတယ်။ ဒါပေမဲ့ […]
အရင်ခေတ်တွေတုံးက သီချင်းတပုဒ်ကို အပြန်အလှန်ဆိုကြတာကလေးခေတ်စားဘူးပါတယ်။ ပထမ မိန်းကလေးက ( ရွှေဘုံပေါ်မှစံချင်သူဆိုရင် )နောက်ယောက်ျာလေးက( ရွှေဘုံပေါ်မှာစံချင်သူသို့)ဆိုတာမျိုးပေါ့။ စတီရီယိုပထမခေတ်မှာ တင်မိုးခို်င်ဆိုတဲ့ကောင်မလေးက (ရွှေရင်တံခါးကို ပိတ်လို့ထားမယ် ရှင်…ရှင်….ရှင့် အပျိုစဉ်နှမက ချစ်တယ်ဆိုတာသိပ်သိပ်ကြောက်)လို့ ဆိုပြလိုက်တော့ ကောင်လေးကလဲ (ရွှေတံခါးကြီးဖွင့်ပါအုံး ငွေတံခါးကြီးဖွင့်ပါအုံး………………….)လို့ပြန်တောင်းပန်တဲ့သီချင်းလေးခေတ်စားလာပါတယ်။ ခုခေတ်မှာတော့ကောင်မလေးရဲ့သား ဂွတ်မောနင်းပေါင်မုန့်ကိုကြော်ငြာပေးခဲ့တဲ့ ဂျစ်တူးတူးရုပ်ကလေးနဲ့ကောင်လေးကလဲ ခုခေတ်ကောင်မလေးတွေကို သူ့ရှေ့မှာလာပြီးအကျိမ်ခိုင်းတဲ့ကောင်လေးကတော့ (အင်္ဂလန်က ဘုရင်မကြီးတောင်ကြွေသွားမယ်)ဆိုတဲ့ ရေမကူးတတ်တဲ့ဘဲလေး ဂျေမီပါဘဲ။ ကျနော့်ရုံးမှာ ကျနော်စာရင်းတွေလုပ်ဘို့ကွန်ပြူတာတစ်လုံးပေးထားပါတယ်။ ဒီကွန်ပြူတာလေးက ကျနော်နဲ့ကျနော်ချာတိ်တ်လေးတွေ အတူသုံးတာပေါ့။ သည်ဘက်ခေတ်ထဲမှာ ကွန်ပြူတာထဲကိုသီချင်းတွေထဲ့လို့ရတဲ့ဆော့ဖ်ဝဲတွေပေါ်လာတော့ စက်ထဲကို သူုတို့ကလဲ သူတို့ကြိုက်တာထည့် ကျနော်ကလဲ ကျနော်ကြိုက်တာထည့်၊ဆိုတော့ စက်က မမ်မိုရီတွေများပြီးလေးကုန်ပါတယ်။ အဲတော့သီချင်းတွေကို ဖျက် ဖျက် ပစ်တော့ ကျနော်ကြိုက်တဲ့သီချင်းတွေကို သူတို့ကမသိဘဲဖျက်၊သူတို့ကြိုက်တာကိုလည်း ကျနော်ကဖျက်မိဖြစ်ကုန်ပါတယ်။ သည်တော့ သီချင်းကို မမ်မိုရီနည်းတဲ့ MP3လိုဟာမျိုးထည့်မယ်။ သီချင်းဖျက်မယ်ဆိုရင် […]
2000ခုနှစ်မှာ ကောင်းသွားတာတစ်ခုကတော့ အိမ်တိုင်းလောက်မှာ ဗွီစီဒီ ကာရာအိုကေစက်တွေရှိတယ်။ လူတော်တော်များများကလဲ ရေချိုးခန်းအဆိုတော်ဘဝကနေပြီး မိုက်ကိုင်လို့အော်နို်င်တဲ့ဘဝတွေကိုရောက်လာတယ်။ တနည်းပြောရင်ဝါသနာရှင်ရော အဆိုတော်ဖြစ်ဘို့အားသန်သူရောအတွက်လေ့ကျင့်စရာကွင်းလေးတွေက အဆင်သင့်ဖြစ်လာပါတယ်။ အဆိုတော်တွေထုတ်လုပ်သူတွေအတွက် တော့မကောင်းဘူးလို့ပြောနိုင်တာက တရုပ်ဘက်က စီဒီခွေအသစ်အချပ်တွေက ဈေးပေါပေါ ဘုံးဘောလအောဝင်လာတယ်။ ကွန်ပြူတာရှိရင် သီချင်းတွေကို အလွယ်တကူကူးဘို့ကလဲမခက်တော့ဘူး။ အဲတော့ ခိုးကူးခွေဘဲခေါ်ခေါ် ကော်ပီခွေဘဲခေါ်ခေါ် ဒါလေးတွေက ကျပ်250-300ကျပ်လောက်နဲ့ ပေါပေါများများရနိုင်တော့ ဘာဘဲပြောပြောလူတိုင်းဝယ်နိုင်တယ် ဝယ်ကြတယ် ဖွင့်ကြတယ်။ ဒီတော့ အဆိုတော်အသစ်ကလေးတွေက လူမြန်မြန်ပိုသိလာပါတယ်။ အခွေသစ်ထွက်တယ်ဆိုရင်ကောင်းကောင်း မကောင်းကောင်း300ဘိုးလောက်တော့ဖြုန်းလို်က်ပါတယ်။ မကြိုက်ဘူးဆိုမှ တစ်ခါထဲဖွင့်ပြီးချောင်ထိုးထားလိုက်တာပေါ့။ အစင်းပါလို့ထစ်ထစ် ဖွင့်မရလဲ ပြသနာမဟုတ်ဘူး လာထားနောက်တစ်ခွေ 300 အဆင်ကိုပြေလို့ပါ။ ဒါကတော့နားထောင်သူဖက်ကပါ။ ထုတ်လုပ်သူဘက်ကတော့ သူတို့ 1500-2000ကျပ်နဲ့ရောင်းတဲ့ခွေအစစ်က မရောင်းရဘူးဖြစ်တော့ခွက်ခွက်လန်ပေါ့။ ဒီဘက်နှစ်ထဲမှာ မြန်မာသံစဉ်နဲ့ပါတ်သက်ရင် သန်းထွန်းလေးသမီးပိုးအိစံ ကသူ့အဖေသီချင်းတွေကိုပြန်ဆိုတာကစလို်က်တာပေါက်သွားပါတယ်။ နောက်သူကလဲ သီချင်းပေါင်းစုံကိုပြန်ဆိုတာလဲလူလက်ခံပါတယ်။ စီးတီးဖ်အမ်ကပေးတဲ့မြန်မာသံစဉ်အဆိုလူအကြိုက်ဆုံးဆုကိုရတာလဲခဏခဏပါဘဲ။ စန်းလို့ပြောရမှပါဘဲ။ […]
(ရေရဲ့အဆုံးကုန်းတစ်ဝက်ဆို ပိုင်ချင်တာပေါ့ ……………အလွမ်းမီးလေးငြိမ်းပေးပါတော့……………………..လို့ မင်းသား (နေအောင်)လဲသီချင်းတွေဝင်ဆိုဘူးပါတယ်။ (မေတ္တာစေကျွန်………………….တို့ မူပိုင်ရှင်မကြီးမမနိုင်…………….တို့ကိုလည်းကွယ်လွန်သူ (ဒွေး)ကလဲဝင်ဆိုဘူးပါတယ်။ ရဲအောင်လဲဝင်တာဂွမ်းသွားပါတယ်။ ကိုစောနုရဲ့သီချင်းဆိုပြိုင်ပွဲကနေပြီး ဘိုသီချင်း(power of love) ဘာသာပြန်သီချင်းလေးဆုရတာကစလို့ တပြည်လုံးကို (အချစ်ရေ ကိုယ့်ကြောင့်………………………လို့ ဝန်ခံလိုက်တဲ့အသံဘယ်လောက်များကျယ်သလဲဆိုရင်ခုချိန်ထိကို သူ့အရှိန်က ကာတွန်းငွေကြည်ရဲ့သား မုတ်ဆိတ်မွေးတိုနံ့နံ့ လူကလဲ တိုနံ့နံ့ပေမဲ့ ချစ်စရာကောင်းတဲ့အပြုံးလေးတွေနဲ့နေတတ်သူ စည်သူလွင်ပါ။ နောက်ဆိုတဲ့သူ့သီချင်းတွေဘယ်လောက်ကောင်းကောင်း ပထမဆုံးသီချင်းအရှိန်ကိုမကျော်နိုင်တာသေချာပါတယ်။ သူကမင်းသားလုပ်ကြည့်ပေမယ့်ကံမပါတော့ တစ်ခါနဲ့လန်သွားပါတယ်။ သူ့လိုအသံအေးအေးသီချင်းအေးအေးလေးတွေဆိုတတ်သူ အသံကောင်းသူကတော့ဂရေဟမ်ပါ။ သူကလဲ သီချင်းတွေအဆိုကောင်းအသံလဲကောင်းပေမဲ့ အဟောင်းနဲ့မှပိုနာမယ်ထွက်သူပါ။ သူ့သီချင်းထဲမှာနားထောင်ကောင်းတာကတော့ စုံတွဲဆိုတဲ့ ယနေ့မှစ၍နှစ်တစ်ရာတိုင်နဲ့ အိပ်မက်မက်တယ်ပါ(သည်သီချင်းမူရင်းက ပက်ထရစ်ပါ)။ ရတနာဦးလဲ ထို့အတူပါဘဲ။ ကျန်တာတွေဘယ်လိုကောင်းကောင်း ကော်ဖီသောက်တိုင်းလွမ်းတယ် ကိုမမှီဘူးထင်ပါတယ်။ စည်သူလွင်လိုဘဲ (ဆိုကြမယ် ပျော်ကြမယ်ပြိုင်ပွဲကနေတက်လာတဲ့သူတွေကတော့ ကောင်းကင်ပြာသီချင်းနဲ့နာမယ်ကြီးသွားတဲ့ စိုးအောင် တွံတေးစိုးအောင်နဲ့တူမှာစိုးလို့ ကောင်းကင်ပြာနာမယ်တတ်လိုက်ရတဲ့သူ။ နောက်တစ်ယောက်က တော့ ကံ့ကော်တောမျိုးအောင်ရဲ့စာရေးလိုက်ပါတယ်မိစံရယ်နဲ့နာမယ်ရလာပြီးလူကပိတ်ညောင်ညောင် တစ်ကြောင်ထဲကြောင်လို့အော်တတ်တဲ့ကောင်လေး […]
အဲဒီအလုပ်ကိုကျနော်ရောက်ကတည်းက မန်းလေးမှာသိပ်နေရတယ်မရှိပါဘူး။ မန်းလေးမှာနေရ ပြန်တော့လည်းမနက်မိုးလင်းကညပြန်တဲ့အထိ မုန့်ဖိုလုပ်ထားတဲ့ခြံထဲမှာဘဲနေရတယ်ဆိုတော့ အပြင်လောကနဲ့တော်တော်လေးအဆက်ပြတ်ပါတယ်။ ခရီးထွက်တဲ့နေ့မျုးိမှာမှ သွားရင်းလာရင်းကိုယ်မကြားဘူးတဲ့အသံလေးကြားတယ်ဆိုမှ ” ဒါဘယ်သူလေးလဲ “လို့မေးယူရပါတယ်။ ဝါသနာပါသူဆိုတော့လဲ သီချင်းသံကြားတာနဲ့နားစွင့်တာကတော့အကျင့်ပါနေပါတယ်။ သွားလေရာမှာအမျျားဆုံးကြားရတဲ့အသံလေး(နေရောင်ခြည်ကိုကန့်လန့်ကာဖွင့်……………………..) အသံချိုချိုလေးနဲ့မေးကြည့်တော့ (အေးချမ်းမေ)တဲ့။ သူ့နာမယ်အကြီးဆုံးသီချင်းတော့(တစ်စစီကျိုးပဲ့နေတယ်)ပါတဲ့။ ခုတော့သူလဲဘယ်ရောက်နေပြီမသိ။ သူနဲ့ပါတ်သက်လို့ကြားမိတာတော့ တစ်ကိုယ်တော်စတိတ်ရှိုးတစ်ခုမှာ တကယ်မဆိုဘဲကက်ဆက်ဖွင့်ဆိုတယ်လို့နာမယ်ထွက်ဘူးပါတယ်။ နောက်နာမယ်ကြီးတာကတော့(အဖြူနဲ့အမဲ့)ဆိုတဲ့သီချင်းလေးကြားရတဲ့ စားသောက်ဆိုင်အဆိုတော်ဘဝကနေ အောင်မြင်သောဘဝကို တက်လှမ်းလာတဲ့(လေးလေးဝါး)ပါ။ အသံအားကောင်းကောင်းနဲ့ဆိုတတ်သူလေးဖြစ်ပြီးအားလုံးရင်ထဲကိုဖောက်သွားအောင်ဆိုထားတဲ့သီချင်းလေးကတော့ လေဒီဒိုင်ယာနာသေဆုံးသွားတဲ့အခါဆိုထားတဲ့(လေထဲကဖယောင်းတိုင်)ပါ။ နောက်အောင်မြင်နေတုန်း အမေရိကကိုထွက်သွားတဲ့ မြန်မာပြည်သိန်းတန်ရဲ့သမီး ပိုးဒါလီသိန်းတန် သူကလဲ သူ့အဖေအောင်မြင်တဲ့သီချင်းတွေကို ပြန်ဆိုတာလဲ အတော်လေးကိုကောင်းပါတယ်။ သူ့အသံနဲု့လိုက်ဖက်ပါတယ်။လူတွေကလဲလက်ခံကြပါတယ်။ သူ့ညီမလေး ဖြိုးဒါလီသိန်းတန်က တော့ သူ့လောက်မအောင်မြင်ဘူးပြောနိုင်ပါတယ်။ ထူးဆန်းတာက (ကြာပါတယ်ကွာ မြန်မြန်လာ ဟူး ဟူး………….ပြီးပါပြီ အိုကြာတယ်ကွာ)လို့အတွဲညီညီဆိုခဲ့ဘူးတဲ့ ဖေဖေမြန်မာပြည်သိန်းတန်ရဲ့ချစ်ဇနီး မေမေဖြစ်သူ အေပရယ်ချစ်ခင်(ခ)ဇာခြည်လင်းရဲ့လှပတဲ့သီချင်းရော လူရောပျောက်သွားတာပါဘဲ။ တစ်ရက် ခရီးသွားနေတုန်း (တိမ်ပြာပြာနေ့တစ်နေ့ ဆန်းဒေးမှာကွယ် မင်္ဂလာဆောင်ပွဲလေးကျင်းပနေတယ်……………တို့) […]
ရုပ်ကလေးကလဲ့ဖြောင့်ဖြောင့် ကိုယ်လုံးလေးကလဲ ကြည့်ကောင်းအောင် ခပ်တောင့်တောင့်။ စကားပြောတော့လဲချိုချိုသာသာ မျက်နှာပေးလေးကခပ်ပြုံးပြုံး ကျနော့်အမေနဲ့ဆိုရင် လုံးနေမှာဘဲ(တည့်လွန်းလို့)။ အဝတ်အစားဆိုပြန်ရင် ဘရင်းဒတ်တွေကိုလဲစိတ်မဝင်စား ရှိတာလေးနဲ့ဘဲလှအောင်ဝတ်။ နာမယ်ကြီးဆိုတဲ့ အလှပြင်စရာတွေလဲမလို သနပ်ခါးလေးနဲ့ဆိုရပြီ။ အိမ်အလည်သွားဘို့တော့စိတ်မပါ ဂဏန်းနှစ်လုံးနဲ့လဲခပ်ဝေးဝေး အားတယ်ဆိုအိမ်အလုပ်လုပ် အချက်အပြုတ်ကလဲတကယ်ကောင်း ရထားတဲ့အလုပ်ကလေးကလဲ ဝင်ငွေဖြောင့်။ ကျနော်တောင်းတိုင်းလဲ ပိုက်ဆံပေး။ ဘယ်တွေသွားနေလဲလို့တစ်ခွန်းမှမမေး ယောက္ခမလောင်းများကလဲသဘောကောင်း ဇီဇာကြောင်တတ်တဲ့ အဒေါ်အပျိုကြီးလဲမရှိ ပြဿနာရှာတတ်တဲ့ယောက်ဖဆိုတာဝေလာဝေး ဇယားမရှုပ်တဲ့တစ်ဦးထဲသောသမီး ရီးစားဆိုတာကလဲ ကိုယ်ပထမဆုံး ဒါမျုးိလေးများရမလားလို့ ရှာရင်းစောင့်ရင်း……………………. ရှာရင်းစောင့်ရင်း……………………. ရှာရင်းစောင့်ရင်း……………………. ရှာရင်းစောင့်ရင်း……………………. တစ်နှစ်ပြီးတစ်နှစ် ဝါတွေအခါခါဝင်လို့သီတင်းသာအခါခါကျွတ်သွားတယ် လူပျိုဘဝကကျွတ်အောင်တော့……………………………………………….
ကျနော်တေးသံသွင်းကနေနားလိုက်တဲ့အခါမှာ သည်လောကနဲ့မသက်ဆိုင်တဲ့လုပ်ငန်းထဲရောက်သွားပါတယ်။ အဲဒါကတော့ စားသောက်ကုန်ပစ္စည်းထုတ်လုပ်တဲ့လုပ်ငန်းမှာ အုပ်ချုပ်သူအဖြစ်လုပ်ရပါတယ်။ အဲဒီမှာရောက်တော့ အရင်ကလိုသီချင်းတောထဲမှာတော့အချိန်ပြည့်ရှိမနေနိုင်တော့တဲ့အတွက်အစကတော့မနေတတ်သလိုပါ ဒါပေမဲ့ ကျနော်နဲ့အတူနေတဲ့ကောင်လေးက သီချင်းထက်ဂစ်တာတီးတာကို ဝါသနာပါပါ တယ် ။ဂစ်တာတီးတာကတော့ ကျွမ်းကျင်အဆင့်မှာရှိပါတယ်။သူ့မှာရှိ JVC စတီရီယိုကက်ဆက်ကလေး ရှိပါတယ်။ ဒါပေမဲ့သူ့မှာရှိတဲ့ကက်ဆက်ခွေတွေက ဂစ်တာလေ့ကျင့်ခန်းခွေတွေများပါတယ်။ သူနဲ့တွေ့မှ နိုင်ငံခြားက ရော့ဂစ်တာဘုရင်တွေဖြစ်တဲ့ ဂျင်မီဟင်းဒရစ်တို့၊စတီဗိုင်းတို့၊ဂျိုးဆက်သနီတို့ဆိုတဲ့ နာမယ်တွေရော သူတို့လက်သံဒေါင်ဒေါင်လန် တွေကိုပါကြားဘူးပါတော့တယ်။ သူကတော့ တီးလုံးတွေဖွင့်ပြ ပြီးရင် ဒီနားလေးကတီးလို့အရမ်းခက်တာ ဘယ်လိုတီးရတာတို့ကိုပြောရင်းသူ့ဟော်လိုဂစ်တာလေးနဲ့လဲ တီးပြပါတယ်။တက်ပင်ပေါက်တာက ဒီလိုဆို ဂစ်တာကြိုးကိုလက်နဲ့ပုတ်ပုတ်ပြီး အသံတွေထွက်အောင် လုပ်လုပ်ပြတာ။ အစကတော့ကျနော့်နားထဲမှာဒေါင်ဒေါင် ဒန့်ဒန့်တို့ ဒွန်……………ဒူန့်ဒူန့်တို့ကို ဘဲကြားတာပေါ့။ နောက်မှသူက ရော့စကေးကဘယ်လို သူကဒရမ်ရိုက်ချက်ပေါ်မှာမှီပြီး အသံကို ရစ်တင်တို့ဆွဲတင်တာတို့တွေကိုပြောပြလို့လား ဒါမှမဟုတ်နေ့စဉ်ကြားနေရလို့ နားယဉ်ပြီးနားထောင်တတ်လာလို့လားတော့မသိ သူတို့တီးတဲ့တီးကွက်တွေကို ခံစားလို့ရလာသလိုပါဘဲ။ သူပြောမှသိလိုက်ရတာ မြန်မာပြည်မှ ဂစ်တာဆရာကြီးက စောဘွဲ့မှူးဆိုတာရယ် သူသင်ပေးနေတဲ့ထွက်မလာသေးတဲ့ချစ်စမ်းမောင်ဆိုတာရယ် အဆိုတော်လွှမ်းမိုးကလဲ […]
ကျနော်သည်ပိုစ်ကို ရေးမယ်လို့စစိတ်ကူးတဲ့အခါ ကိုယ်နှစ်သက်သောသီချင်းလေးတွေအကြောင်းရယ် ကိုယ်သိခဲံတဲ့အဖြစ်အပျက်လေးတွေရယ်ကိုစုလို့ ထုံးစံအတိုင်းပါးပါးလေးတို့ထိပြီးရေးမယ်လို့စိတ်ကူးခဲ့ပါတယ်။ နောက်ပေးထားတဲ့ခေါင်းစဉ်လိုပေါ့ ဦးနှောက်ထဲမှာရပ်တန့်နေသော ဆိုတဲ့အတိုင်းကျနော်မှတ်ဉာဏ်ထဲမှာကျန်နေတဲ့အတိုင်းဘယ်စာအုပ်ဘယ်မှတ်တမ်းကိုမှ လုံးဝမဖတ်ဘဲ ရေးလိုက်မိပါတယ်။ နောက် ကျနော်စာရေးတဲ့ထုံးစံအတိုင်းအပြင်မှာစာကြမ်းမရေးဘဲ စဉ်းစားထားတာကို လက်တန်းချရေးပြီး တစ်ခါထဲတင်ပါတယ်။ ဒီတော့လဲ ရေးတုန်းက သတိမရဘဲ နောက်မှပြန်ပေါ်လာတာတွေ ဦးနှောက်ထဲမှာလုံးဝရောက်မလာဘဲ ကျနော်ရေးတာကိုဖတ်ပြီး ကော်မင်တွေပေးတာကိုပြန်ဖတ်မှ ကျန်နေတာကို သတိရပေမဲ့ လူနာမယ်ကိုသိတယ်သူဆိုတာကိုပြန်အမှတ်မရတာလဲ ရှိပါတယ်။ ဘီလီထွန်။ခရစ်တိုဖာ။ သာထက်အောင်။ထီးဆိုင်းရဲ ့တုူမ နန်းနောင့်နောင်။ရန်ကင်းမှာနေတယ်ဆိုတဲ့ နီနီလေး မီမီခို်င်မင်းညီအမနှစ်ယောက်။ ရဲဘော်ခင်မောင်လှရဲ ့သား တာရာ။ပီတာဘသိန်း ။ဘိုနီ။ ။ နေရည်။။မင်းထွန်း(မြင်းရိုင်းမလေး) ။ အရင်က မင်းသိန်းဦးနာမယ်နဲ့ကျေးလက်သီချင်းတွေဆိုခဲ့ပြီး အခုတော့ (ဟေ ဟေ ဝက်မ ဟေဟေ့ဝက်မလို့အော်ခဲ့တဲ့ အခုနာမယ်ကျော် ဘီဗာဟိန်းရဲ့အဖေ ဘိုမယောက်ျားဗိုဟိန်း)။ဟာသသီချင်းတွေဆိုတဲ့ အသံတုကြယ်တစ်လုံး။တို့ကတော့ ကျန်နေခဲ့တယ်လို့ပြောရမှာဖြစ်ပြီး စောခူဆဲ(ခင်မြတ်မွန်ရဲ့ခင်ပွန်းဟောင်း ။ရုပ်ရှင်ထဲမှာလဲပါဘူးပြီးမြန်မာပြည်မှာအဆင့်မြင့်လူကြမ်းမင်းသားဖြစ်ချင်တယ်လို့ပြောပြီး သီချင်းတွေရေးလို့ အခုအချိန်မှာ […]
မန်းလေးကန်တော်ကြီးရယ် မူံပြပြ ရှမ်းရို်းမရယ် ကန်ပါတ်လယ်တောင်ဘက်မြောက်ဘက်မှာ အုံ့ပြပြ ရူ့ခင်းမရှင်းပေမဲ့လှတယ်ထင်လို့ပါ။
အဲဒီအချိန်တုံးက (ကျားမျက်လုံး)လို့အမည်ရတဲ့နိုင်ငံခြား ရုပ်ရှင် ခေတ်စားနေတဲ့အချိန်မှာ ရုပ်ချောချော တူးတူးဆိုတဲ့ကောင်လေး က (အမုန်းမျက်လုံး)ဆိုတဲ့ သီချင်းလေးနဲ့ ခေတ်စားလာခဲ့ပါတယ်။ အခုခေတ်လူကြိုက်များတဲ့ (မင်းလက်ကလေးကိုင်ချင်လို့……………………)ဆိုတဲ့သီချင်းအလိုက် (မင်းမရှိရင် ငါ့စိတ်မှာ မြင်မြင်ရာဝိုးတဝါးထင်……..ဖြစ်ပါ့မလားမင်းမရှိရင်…………………ဆိုတဲ့သီချင်းလေးကလဲ နာမယ်ကြီးပါတယ်။ (ဆူးနဲ့နှင်းဆီ။အကြင်နာအကြည့်တွေရဲ့အကြောင်း။သူ)စတဲ့သီချင်းတွေက နာမယ်ကြီးသီချင်းတွေပါ။ စကားနည်းပြီး အရမ်းအေးဆေးတယ်လို့ သတ်မှတ်ခံရတဲ့တူးတူးက ဟေမာနေဝင်းနဲ့ တစ်ပြိုင်တည်းလောက်နာမယ်ကြီးလာပါတယ်။ သူတို့နှစ်ယောက်တွဲဆိုတဲ့ ရုပ်ရှင်ဇာတ်ဝင်တေးတွေ၊စုံတွဲတေးတွေကလဲနာမယ်ကြီးသလိုလိုက်ဖက်တယ်လို့ အများက သတ်မှတ်ကြပါတယ်။ အိမ်ထောင်ကျပြီးတဲ့နောက်မှာ ဂီတအလုပ်တွေရပ်သွားပါတယ်။ အမှတ်ရစရာဆို သူ့သီချင်းနာမယ် (ဆူးနဲ့နှင်းဆီ)နဲ့နာမယ်တူ ဗွီဒီယိုတကားအတွက် သီချင်းရေးသူနဲ့ ရုပ်ရှင်ထုတ်လုပ်သူ ကွိုင်တွေပူကြတာပါ။ သူနဲ့ခေတ်ပြိုင်နောက်တစ်ယောက်ကတော့ အကယ်ဒမီမင်းသား ဆရာဝန် ရုပ်ချောသဘောကောင်း တဲ့ (ကြိုပါကွယ်၊ကြည်ဖြူပါမေရယ်။လိုက်ရဲလား။မိုးရွာတဲ့နေ့အသက်ရှင်ခြင်း။ လင်းဆွဲလေးလိုကြည့်မလား) တွေနဲ့နာမယ်ကြီးပြီး ရုပ်ရှင်လောကထဲကိုရောက် နောက် သူနဲ့ခေတ်ပြိုင် အတွဲလဲများတဲ့မင်းသမီးတစ်လက်နဲ့ ကောလဟာလတွေထွက်ပြီးနောက် နိုင်ငံခြားကို အပြီးထွက်သွားတာ ပြန်မလာတော့ပါ။ ဒါပေမဲ့ဟိုမှာ ကြုံရင် ဝင်ဟဲတယ်လို့တော့ […]
မနက်လမ်းလျှောက်ထွက်ရင်း အဝေးကမိတ်ဆွေများ ကန်တော်ကြီးအလှလေးတွေမြင်ဘူးအောင်တင်ပေးလိုက်ပါတယ်။ မြန်မာပြည်နဲ့ဝေးနေတာကြာတဲ့မိတ်ဆွေများကတော့ အရင်ကတောကြီးမျက်မဲထဲမှာ ရှိနေတဲ့ တက်သေးအင်းကို အခုလိုကန်တော်ကြီးလို့ပြောင်းလဲသွားတာကို မမြင်ဘူးသေးသူများရယ် မန်းလေးကိုရောက်ရင် လာလယ်ချင်အောင် ဓါတ်ပုံလေးနဲ့ဖိတ်လိုက်တာပေါနော်။
အလင်းရောင်ကောင်းကောင်းမရောက်နို်င်အောင် မိုးလေး ခပ်အုံ့အုံ့ဖြစ်နေတဲ့(15-7-2010)နေ့ မနက်ခင်းလေးမှာ ခပ်ဝေးဝေးကရှိနေတဲ့မန္တလေးမြို့ ကျက်သရေဆောင် မဟာမြတ်မုနိဘုရားနဲ့ တက်သေးအင်းခေါ်မန်းလေးကန်တောင်ကြီးမြောက်ဘက်ခြမ်းက မြင်ရတဲ့ ကြည်နူးစရာမြင်ကွင်လေးပါ။