ပလေးဘွိုင်သန်းနိုင်တို့ ရွှေသီချင်းများက အစပြုလို့ တစ်ခေတ်ပြန်လည်ခေတ်စားလာချိန်မှာ ခင်မောင်ထူးဆိုတဲ့ အဆိုတော်လေးတစ်ယောက်က (ကြံကြံဖန်ဖန်မေးမယ် နင်လေနင်လေချစ်တတ်သလား)ဆိုပြီး (မီးခြစ်)ဆိုတဲ့ ဟာသီချင်းလေး ပေါ်လာပါတယ်။ သည်သီချင်းလေးက လူနည်းနည်းသိလာပါတယ်။ အဲဒီနောက်မှာ ပလေးဘွိုင်သန်းနို်င်တို့ရဲ့တီးဝိုင်းနဲ့အတူ မင်းလမ်းမင်းလျှောက် ဆိုတဲ့ဆီးရီးစ်မှာ (ချိုချိုရေ ကိုယ်တစ်ယောက်ထဲဆွေးပြီ အချစ်ကြီးချစ်လို့ အမုန်းကြီးမုန်းပြီလား………….ဆိုတဲ့ ချစ်အယူခံ ဆိုတဲ့သီချင်းလေးနဲ့ လူအားလုံးလက်ခံလာပါတယ်။ သူ့က သီချင်းဆိုတဲ့နေရာမှာ စတိတ်ရှိုးမှာဆိုရင် ခေါင်းလေးတငြိမ့်ငြိမ့်ခပ်ပြုံးပြုံလေးဆိုတတ်သူပါ။ သူ့သီချင်းထဲက အငြိမ့်ပျက်လုံးမှာတောင် ပါသွားတဲ့သီချင်းလေးကတော့အမှတ်တမဲ့များနားထောင်ရင် (ကျွဲမနေ နဲ့)လို့ကြားနေရတဲ့ ချွဲမနေနဲ့သီချင်းကတော့ အတော်လေးကိုအောင်မြင်တယ်ပြောရပါမယ်။ (ဗန်ဒါပင်လေးအောက်က တို့ထိုင်စောင့်ပြီး………………………..ဆိုတဲ့ မောင့်ဆေးကျောင်းသူ) (မိုးဦးရဲ့ကုန်လွန်တဲ့နေ့ဟောင်းများပြောင်းသွားတော့ဘယ်ဆီကိုရောက်သွားလဲ ………..ဆိုတဲ့ ခွဲမသွားနဲ့) (အမေရေ သားတော့သူ့ကိုအစွဲကြီးစွဲမိပြီ…………….ဆိုတဲ့ အချစ်နတ်သမီး) (ရွှေမန်းသူလေး။စိတ်ရောင်စုံ။မောင့်မူံရွှေရည်)စတာတွေကနာမယ်ကြီးသီချင်းတွေပါ။ အဲဒီတုန်းက နာမယ်ကြီးတဲ့ဟေမာနေဝင်းနဲ့ အိုဆန်းဆန်းပြားပြားဆိုတဲ့ သီချင်းဟောင်းလေးကို အမ်တီဗွီရိုက်တာလေးက အမှတ်တရပါ။ ဟေမာနေဝင်းနဲ့ လဲတစ်ခွေတွဲထုတ်ခဲ့ပါသေးတယ်။ အခုအချိန်မှာဆီးရီးစ်မထုတ်ပေမဲ့ စင်ပေါ်မှာ […]

ရုပ်ရှင်မင်းသမီးခင်ယုမေရဲ့နာမယ်ကြီးသီချင်းလေး တပုဒ်ရှိပါတယ်။ (ပျံကာဝဲကာ မြစ်ရေပြင်ပေါ်…………………..သံသာသာဟစ်ကာကြွေးကာ သူ့ဘဝသူဘဲပျော်……………. ထင်ရာလဲစိုင်းသနော် ……………………………….ရိုင်းတဲ့ဇင်ယော်)ဆိုတဲ့သီချင်းလေးပါ။ ဒီသီချင်းလေးကို အောင်ဘိုဘိုဆိုတဲ့ ကောင်လေးတစ်ယောက်က သူကိုယ်တိုင်ရေးသူကိုယ်တိုင်ဆိုတဲ့ ဆီးရီးစ်လေးထဲမှာ(ရိုင်းတဲ့ဇင်ယော်)ဆိုတဲ့ ဒီသီချင်းလေးကို ထည့်ဆိုလိုက်ပါတယ်။ သူသီချင်းတွေက လူသိနည်းပေးမဲ့ ဒီသီချင်းလေးကိုတော့ လူငယ်တော်တော်များများပါးစပ်ဖျားမှာရောက်သွားပါတယ်။ သူနဲ့ဆက်စပ်လို့ (မေရွက်ဝါ)ဆိုတဲ့ အဆိုတော်မလေးလဲ ဒီလောကထဲကိုရောက်လာပါတယ်။ ရွက်ဝါတေးသံသွင်းရဲ့မူပို်င်အဆိုတော်ဖြစ်တဲ့အတွက် (မေရွက်ဝါ)လို့နာမယ်ယူထားတာလဲဖြစ်ပါတယ်။ သူ့အဖေက တော့ သီချင်းလဲဆို တဲ့နာမယ်ကျော်ရုပ်ရှင်သရုပ်ဆောင် ဝါးခယ်မရဲမောင်ပါ။ (မေရွက်ဝါ)ကိုလူစသိစေတာကတော့ ရွက်ဝါတေးသံသွင်းကထုတ်လုပ်တဲ့ (စိုးပိုင် ပထမသီချင်းများ)ထဲ ကစုံတွဲသီချင်းတွေမှာ လူသိများသွားတာပါ။ သူဆိုတာကလဲကောင်းတာကိုးဗျ။ နောက်သူ့နာမယ်ကြီးစတီရိယိုသီချင်းတွေကတော့(အောက်စီဂျင်။မီးရထား။စန္ဒယားခလုတ်။76631)စတဲ့သီချင်းတွေဖြစ်ပါတယ်။ နောက်မြန်မာသံစဉ်ပြန်ဆိုသီချင်းများထဲက (ပင်မြက်ကလေးတို့။အရိုင်းသဘင်မလေးမိမော်လွင်တို့။)က သူ့ကိုမြန်မာသံစဉ်ပိုင်နိုင်သူအဖြစ်မှတ်ကျောက် တင်ပေးလိုက်ပါတယ်။ မြန်မာပြည်ရဲ့မှတ်တိုင်ရုပ်ရှင်တစ်ခုဖြစ်တဲ့ (သင်္ကြန်မိုး)ဇာတ်ကားထဲမှာ မင်းသမီးရဲ့သူငယ်ချင်းနေရာကပါဝင်သရုပ်ဆောင်သလို အဓိက ဇာတ်ဝင်တေးဖြစ်တဲ့ (သီချင်းလေးတွေကို တူတူဆိုရအောင်တို့ကိုဟန်တင်နဲ့တွဲလို့ကတမျိုး) (လောင်းကပက်ကာ မောင်ရင်းနှမပါခင်မင်စွာ………..ညိုမြတော့အခေါ်မခံနိုင်ဘူးဆရာတို့) ့(ယိမ်းနွဲ့ကာတီးကွက်နဲ့အတူကမယ်……………..လက်ခုပ်သံစီးချက်လိုက်မှာလား)တို့အပါအဝင် သီချင်းတွေကိုလဲသီဆိုထားပါတယ်။ နောက်တော့ ဂီတလောက ကပျောက်ကွယ်သွားတာကိုတွေ့ရပါတယ်။ […]

လက်ဖက်ရည်ဆိုင်ကိုသွားကြဘို့ခေါ်နေတဲ့ ကိုင်ဇာအကြောင်းမပြောခင်မှာ သူနဲ့အတွဲညီခဲ့တဲ့ (ညှို့နိုင်လွန်းတဲ့ကျမချစ်သူတို့ ချစ်ချစ်ချစ်တို့ ကိုကိုမကောင်းဘူးတို့)ကို ပိုင်နိုင်စွာသီဆိုသွားတဲ့ မေဆွိနဲ့ တိုက်တိုက်ဆိုင်ဆိုင်(လေယာဉ်ပျံ)ဆိုတဲ့ ဆီးရီးစ်ခေါင်းစဉ်ခြင်းသွားတူနေခဲံတဲ့ Lခွန်းရီ ဆိုတဲ့ ကချင်တိုင်းရင်းသူ အဆိုတော်ပါဘဲ။ Lခွန်းရီ ကတော့မေဆွိနာမယ်မကြီးခင်လေးမှာ အရင်က မိတ္ထီလာလေတပ်တီးဝိုင်းမှာ ပင်တိုင်အဆိုရှင် (စန်းစန်းဆိုတဲ့နာမယ်နဲ့ပေါ့)တစ်ယောက်ဖြစ်ပါတယ်။ သူကရုပ်ရှင်နောက်ခံတေးတွေကိုလဲဆိုပေးနေတဲ့အချိန်မှာ တက္ကသိုလ်အေးမောင်ရဲ့အဝေးပြေးဆီးရီးစ်မှာဝင်ဆိုခွင့်ရလိုက်ပါတယ်။ အဲဒီခွေလေးထဲမှာ(မလိခမှအလွမ်းတွေနဲ့နုတ်ဆက်မဲ့နွေ)သီချင်းက လူသိများသွားပါတယ်။ အဲဒီနောက်မှာ အမြန်ယာဉ်။အနှေးယာဉ်။လေယာဉ်ပျံ။ရွှေပိုက်ဆံ။ဗွီဒီယို)စတဲ့ဆီးရီးစ်တွေဆက်တိုက်ထွက်လာသလို (ခဲမလောက်တီးဝိုင်း။ကိန္နရာချောင်းခြားအမှာစကား။ရောမကျောက်ရုပ်။ကိုကိုကရွှေမင်းသားကျမကစင်ဒရဲလား။ရွှေပိုက်ဆံ။ ဓါတ်ပြားဟောင်းလေး။နှင်းဆီကိုကို။ချစ်ပြက္ခဒိန်။ယူပါကို။တိမ်ပေါ်ခုန်တက်ကလိုက်စမ်း။လွန်းကြင်ငှက်)စတဲ့သီချင်းတွေက ကောင်းပါတယ်ဆိုတဲ့ သူ့သီချင်းတွေထဲက ပိုလို့ကောင်းတဲ့သီချင်းလေးတွေဖြစ်ပါတယ်။ ထူးခြားတဲ့သီချင်းလေးက တော့ ပလေးဘွိုင်သန်းနိုင်နဲ့တွဲဘက်လို့ ဆိုထားတဲ့ မရောက်သေးတဲ့တမလွန်ဘဝကိုခံစားပြီးဆိုထားတဲ့ (ဖြည်းဖြည်းလေးနဲ့ငြိမ့်ငြိမ့်လေး)သီချင်းဖြစ်ပါတယ်။ အခုလောလောဆယ်ထိ အသံကောင်းနေသေးကြောင်းသက်သေပြလိုက်တာကတော့ တူမဖြစ်သူ Lဆိုင်းဇီနဲ့တွဲလို့ (ယူသွားအုံးပေါ့ တို့ရဲ့အချစ်မင်းအလိုပြည့်ဘို့ဆိုရင် ယူ ယူ မျက်ရည်များလည်းယူ)လို့ အယူခိုင်းနေပါသေးတယ်။ အသံအေးအေးချိုချိုလေးနဲ့ သီချင်းအေးအေးလေးတွေဆိုတတ်တဲ့ Lလွန်းဝါရဲ့အဒေါ်လည်းတော်စပ်ပါသေးတယ်။ ခန့်မှန်ချေ 1981-82 ပါတ်ဝန်းကျင်လောက်ဖြစ်မယ်ထင်ပါတယ် ရန်ကုန်တက္ကသိုလ်က ပုပုသေးသေးမျက်မှန်ထူထူနဲ့အသံသေးသေးလေးနဲ့ကိုယ်တို်င်ရေးကိုယ်တို်င်ဆိုတဲ့ […]

မြန်မာပြည်က စတီရီယိုသီချင်းအကြောင်းပြောမယ်ဆိုရင် ကောင်းဘွိုင်နှစ်ယောက်ကိုလည်းချန်ထားလို့မရပါဘူး။ မြန်မာပြည်က ကောင်းဘွိုင် ကိုကို ဘိုဘိုဟန်နဲ့ နှလုံးသားမက္ကဆီကိုက ကောင်းဘွိုင်မမ နော်လီဇာ တို့နှစ်ယောက်ပါ။ ဘိုဘိုဟန်ရော နော်လီဇာရော ဒစ္စကိုခေတ်မှာအောင်မြင်ခဲ့ကြတဲ့ အဆိုတော် နှစ်ယောက်ဖြစ်ကြလို့ ဒစ္စကိုကင်းနဲ့ ဒစ္စကိုကွင်းလို့ ပြောမယ် ဆိုရင်လဲမမှားပြန်ပါဘူး။ ဘိုဘိုဟန် က ပလေးဘွိုင်သန်းနိုင် (မီးမဆော့နဲ့။မကျေနပ်ရင် အသေသတ်။မဟာရန်သူအချစ်တော်ကြီး)စတဲ့သီချင်းတွေနာမယ်ကြီးတဲ့ ခေတ်ကတဲကပါလာတာပါ။ ဘိုဘိုဟန်သီချင်းခပ်အေးအေးထဲက စနာမယ်ကြီးတာကတော့ ဗိုလ်ချုပ်အောင်ဆန်းတောင် နှစ်သက်ပါတယ်ဆိုတဲ့ (ငွေသော်တာရောင်ခြည် ထိန်လင်းတော့သည်ဘုံကြိုးပြတ်တဲ့ မိုးနတ်မဒီ …….ဆရာမကိုဘဲအသဲစွဲအောင်ချစ်မိပြီ)ဆိုတဲ့သီချင်းလေးပါ။ သူတကယ်စနာမယ်ကြီးတာကတော့ (ပွမ်ပွမ်မြည်တဲ့အသဲလေး)ဆိုတဲ့သီမျင်းမှာ တပြည်လုံးအတိုင်းအတာနဲ့ပေါက်သွားပါတယ်။ သူ့သီချင်းတွေက ဒစ္စကိုသီချင်းလို မြူးမြူး သူကလဲ စင်ပေါ်မှာ အနက်ရောင်ဝမ်းဆက် ဆံပင်က အရှည်ကြီးလန်ထွက်ပြီးဝဲနေတာနဲ့မြူးကြွနေအောင် ပါဖော့မင့်အပြည့်နဲ့ ပွဲဆူအောင် ပွဲစည်အောင်ဆိုနှိုင်တဲ့လူပါ။ ပြောရမယ်ဆိုရင် အခုလဲ ကတုံးကြီးနဲ့ပေမဲ့ လူငယ်တွေနဲ့အပြိုင်ကဲနိုင်သေးသူပါ။ စင်ပေါ်မှာဆိုရင်ထူးခြားတဲ့သီချင်လေးတပုဒ်ကတော့ မူရင်းက ပန်းရောင်ဝတ်ထားတာဖြစ်ပေမဲ့ […]

ဂီတလောက ကိုဝင်လာကြတယ်ဆိုရင် ကိုယ်သုံးမယ့်နာမယ်ကို လှအောင်ဆန်းအောင် ခေါ်ကောင်းအောင် ပေးလေ့ရှိကြပါတယ်။ လူစိတ်ဝင်စားအောင်ဖြစ်စေ ကိုယ်ကိုးကွယ်ဆည်းကပ်တဲ့ဆရာတော်ပေးတဲ့နာမယ်ဒါမှမဟုတ်ရင်လဲ နာမယ်ကြီးဗေဒင်ဆရာပေးတဲ့နာမယ် တွေကိုသုံးတတ်ကြပါတယ်။ ဒီအထဲကနေ ရိုးရိုးလေး နဲ့ဖောက်ထွက်လာတဲ့သူကတော့ (ဖိုးချို)ပါ။ ပိုင်စိုးမူ့ဧကရီတမ်းချင်း ဆိုတဲ့သီချင်းခွေလေးထဲက (ဆူးများတဲ့ပန်း။အဆောင်သူရဲ။အလွမ်းညဟေမာန်။ရေလိုအေးလို့ပန်းလိုချမ်းမြေ့ပါစေ။)စတာတွေနဲ့လူငယ်တွေကြား၊ အထူးသဖြင့်တက္ကသိုလ်ကျောင်းသားတွေကြားမှာ အရမ်းကိုခေတ်စားလို့သွားပါတယ်။ နောက်သူပြန်လည်ဖော်ထုတ်သီဆိုလိုက်တဲ့အတွက် ဆလိုင်းသွှအောင်တို့ ဂျွန်သင်ဇမ်းတို့ရဲ့ (မြိုင်နန်းစံပန်းတစ်ပွင့် (အရင်က ဂျေမောင်မောင်ဆိုဘူးတယ် လူသိပ်မသိခင်ကပေါ့)၊ ဝေးလွင့်ခြင်းနောက်ဆုံးခြေရာ)တွေက ပိုအောင်မြင်သွားပါတယ်။ သူကလဲသူ့ထွက်တဲ့ဆီးရီးစ်တိုင်းမှာ သူတို့သီချင်းတွေပါအောင်ထည့်ဆိုတတ်ပါတယ်။ (ညိုှ့မျက်ဝန်း။ပြန်လည်တမ်းတခြင်း၊ကဗျာမျက်နှာ။ပြန်မြင်စေချင်တယ်။ချစ်သူကို။ချစ်သူ့ရင်ခွင်)တွေကတော့ ပြောစရာမလိုအောင်ကောင်းတဲ့သီချင်း။ သူ့ထဲမှာ ထူးခြားတဲ့သီချင်းကတော့ (တပင်ထဲရင်ထဲကနွယ်)ပါ။ လူမောင်(ဆေး-1)ရေးတဲ့သီချင်းပါ။ ဖိုးချိုကတော့ငယ်ငယ်ရွယ်ရွယ်နဲ့သူချစ်သော သူ့ကိုချစ်ကြသောဂီတလောက ကိုစွန့်ခွာသွားပါပြီ။ သူမသေခင်မှာ သူ့သီချင်းတွေကို ပြန်လည်ဆန်းသစ်ရာမှာ အသံလေးမမှီတမှီနဲ့ကြိုးစားဆိုသွားတာကို နားထောင်ရတဲ့ ဖိုးချိုပရိတ်သတ်တိုင်းလွမ်းကျန်ရင်အောင်ချန်ထားခဲ့သလိုပါဘဲနော်။ မြန်မာ့ဂီတလောက အကြောင်းပြောမယ်ဆိုရင် ချန်ထားလို့မရနို်င်သူတစ်ယောက်ကလဲ ဖိုးချိုလို လောကကိုစွန့်ခွာသွားခဲ့ပါပြီ သူကတော့ နာမယ်အဆန်းဆုံး ငှက်လို့ချစ်စနိုးခေါ်ကြတဲ့ (ထူးအိမ်သင်)ပါ။ သူ့ဘဝမှာ […]

မြန်မာပြည်ရဲ့စတီရီယိုလောကအစမှာတုံးတော့ သီချင်းတော်တော်များများ ဟာကော်ပီနဲ့အစပြုခဲ့ပါတယ်။ ကိုယ်ပိုင်သံစဉ်ရှိတယ်ဆိုပေမဲ့နည်းပါတယ်။ ဒါပေမဲ့ ထီးဆိုင်တို့ စိုင်းခမ်းလိပ်တို့ကစလို့ ရိုးရှင်းတဲ့စကားလုံးတွေ သာမန်လူတွေနေ့စဉ်သုံးနေတဲ့စကားတွေကိုသုံးလို့ ကိုယ်ပိုင်သံစဉ်တွေနဲ့ လှပတဲ့သီချင်းလေးတွေရေးဖွဲ့တာကို နားထောင်သူတွေက လက်ခံလာကြပါတယ်။ ဒါတောင် လားရှိုးသိန်းအောင် ဆိုတဲ့(နေပါအုံးလို့ပြောမထွက်တယ် လယ်သူမလေးချစ်သူကိုခွဲရတော့ကွယ်)ဆိုတဲ့သီချင်းနဲ့ ထီးဆိုင်ဆိုတဲ့(ဟိုတုန်းကမတွေ့ကြရင် ကိုယ်တို့ဇာတ်လမ်းလေးဟာလေတစ်မျိုးဖြစ်ခဲ့မယ်)သီချင်းနှစ်ပုဒ်က သံစဉ်အလိုက်တူနေတာကိုတွေ့ရပါတယ်။ ဒါကိုဘယ်သူက မှ ဘာကြောင့်လို့ဖြေရှင်းတာ စောဒကတက်တာ မတွေ့ပါ။ တူတာကိုတူတယ်လို့သဘောထားလို်က်ကြတော့လဲအေးဆေးပါ။ ကိုယ်ပိုင်သံစဉ်အကြောင်းပြောမယ်ဆိုရင် ကျနော်ရင်ထဲကို စူးနစ်စွာရောက်လာဘူးတဲ့ (ခင်ဝမ်း)ကစရမယ်ထင်ပါတယ်။ (ပြင်သစ်ကတောင်ပြန်လာတယ် ပန်းချီလဲဆွဲတယ် စာလဲရေးတယ်လို့ကြားဘူးပါတယ်) အရင်က (နုတ်ဆက်ခဲ့ပါတယ် ကျနော်သွားတော့မယ် လမ်းရဲ့သယ်ဆောင်ရာ ဟိုအဝေးကို………………….)ဆိုတဲ့စာသားလေးတွေကို အဆောင်ရှေ့ကဂစ်တာဝိုင်းမှာကြားနေပေမယ့် ဘယ်သူ့သီချင်းဆိုတာ မသိခဲ့တာအမှန်ပါှ ဒီဂီတနဲ့ပါတ်သက်တဲ့အလုပ်ကိုလုပ်မိမှ ဒါက (ခင်ဝမ်း)ဆိုတဲ့သီချင်းတွေပါလားဆိုတာသိလာပါတယ်။ သူရဲ့နှင်းဆီဖြူရဲ့အဝေးကလူတစ်ယောက်ဆိုတဲ့ ဆီးရီးစ်မှာ(အချစ်ကိုရင်း၍)ဆိုတဲ့သီချင်းမှာနောက်ကနေဟာမိုနီလိုက်ပေးတဲ့(ရင်းကီး)ရဲ့ (ဟာ…….ဟ…ဟာ….ဟာ)ဆိုတဲ့အသံပါးပါးလေးက အခုပြန်ပြောနေရင်းတောင် နားထဲမှာကြားနေပါတယ်။ ဒီသီချင်းကို ရင်ဂိုပြန်ဆိုတော့ သည်လှပတဲ့ ဟာမိုနီအသံလေး မပါတာကိုတွေ့ရပါတယ်.။ ခင်ဝမ်းရဲ့ […]