အယုံအကြည်မရှိသမ္မတ သမ္မတထရမ့်အာဏာရသည်မှာ ၆လကျော်ရှိပေပြီ။ ရုရှန်းတို့နှင့်ရှုပ်ထားသမျှ လှုပ်လေပေါ်လေဖြစ်ကုန်၍ သူ့ခမြာ အလုပ်ကောင်းကောင်းမလုပ်နိုင်ရှာ ရှင်းလင်း/ဖြုတ်ထုတ်ပွဲကြီးများနှင့်သာ လုံးလည်လိုက်၍နေပါသည်။ ဟိုလိုရှင်း၍ဒီလိုပေါ် ဒီလိုရှင်းကာဟိုမှာပေါ်နှင့် ရှေ့ဖုံးနောက်ဖိ ဘေး၌ပွင့်ကုန်၏။ ဟိုးယခင် ဝါးတားဂိတ်ခိုးဝင်မှုအရေးကြောင့် နှုတ်ထွက်လိုက်ရသည့် သမ္မတရစ်ချက်နစ်ဆင်လမ်းစဉ်လိုက်ကာ ဖွင့်ဖေါ်မီဒီယာတို့အား ရန်သူအဖြစ်”ချ”ပေရာ ချခံရသည့်သူများမှာ အခြေခံဥပဒေအရအကာအကွယ်ရထားသည့် စတုတ္ထမဏ္ဍိုင် ခိုင်ပြီးသူများဖြစ်နေ၍ (သမိုင်းအစဉ်အလာအရ) တိုက်သူသာ မူးလဲမည့်သဘောဖြစ်သည်။ သို့နှင့် သမ္မတကြီးခမြာ နိုင်ငံ့အရေးဖြစ်သော သူကတိထားခဲ့သည့် အမျိုးသားကျန်းမာရေးစောင့်ရှောက်မှုဥပဒေအသစ်ပြန်ဆွဲရေး၊ အခွန်စနစ်ပြင်ဆင်ရေး၊ ယုတ်စွအဆုံး ကမ္ဘာနိုင်ငံရေးကစားကွက်များပင် ထိထိရောက်ရောက်မလုပ်နိုင် ခံစစ်နှင့် ချာချာလည်နေပါသည်။ ဤအတိုင်းဆက်သွားပါလျှင် အပျက်အပျက်နှင့်နှာခေါင်းသွေးထွက်ယုံမက လူပါထွက်ရတော့မည့်သဘောတည်း။ ရစ်ချက်နစ်ဆင်ခေတ်က အယုံအကြည်မရှိအဆိုတင်သွင်းခြင်းမှသည် နှုတ်ထွက်ရသည်အထိ ၂နှစ်ကျော်ကြာခဲ့သည်ဆိုကြပေရာ ယခုသမ္မတ မည်မျှခံမည်နည်း။ အချစ်များနှင့်ရုရှားမှ From Russia with Love မည်သို့ဆိုစေ။ သမ္မတထရမ့်သည် ပေးထားသည့်ကတိများတည်အောင်ကြိုးစားသည်။ ပထမရက်၁၀ဝအတွင်း၌လည်း တိုင်းပြည်စီးပွားရေး၊ […]