ပည်ထောင်စုဝန်ကြီးများ ပြောင်းလဲတာဝန်ပေးအပ်ကြောင်းအားအမိန့်အမှတ် ၂၂/၂၀၁၂ ကို ဩဂုတ်လ ၂ရ ရက်နေ့ နေ့စွဲဖြင့် နိုင်ငံတော်သမ္မတရုံးမှ ထုတ်ပြန်လိုက်ကြောင်း သတင်းရရှိပါသည်။ ၁။ ဦးစိုးသိန်း – သမ္မတရုံးဝန်ကြီးဌာန ၂။ ဦးအောင်မင်း – သမ္မတရုံးဝန်ကြီးဌာန ၃။ ဦးလှထွန်း – သမ္မတရုံးဝန်ကြီးဌာန ၄။ ဦးတင်နိုင်သိန်း – သမ္မတရုံးဝန်ကြီးဌာန ၅။ ဦးအောင်ကြည် – ပြန်ကြားရေးဝန်ကြီးဌာန ၆။ ဦးကျော်ဆန်း – သမဝါယမဝန်ကြီးဌာ ၇။ ဦးအုန်းမြင့် – မွေး/ရေ ဝန်ကြီးဌာန ၈။ ဦးအေးမြင့် – စက်မှုဝန်ကြီးဌာန ၉။ ဦးတင့်ဆန်း – အားကစားဝန်ကြီးဌာန ထို့အပြင့် အမိန့်အမှတ် ၂၁/၂၀၁၂ ဖြင့် ဒုတိယဝန်ကြီးများ ခန့်အပ်တာဝန်ပေးအပ်ခြင်းကို ထုတ်ပြန်လိုက်ပါသည်။ […]

 ဦးရွှေမန်း အာဏာရူးနေပြီ၊    ရွှေမန်း၏ အသံ၊ ဆန္ဒကို လွှတ်တော်အသံ၊ ဆန္ဒ ပြည်သူ့ အသံ၊ ဆန္ဒ ဖြစ်အောင် အာဏာရူးတို့ တစု ဝိုင်းဝင်း ကြံစည်နေကြပြီ    ပြည်သူမှ ရွေးထားသော လွှတ်တော်ကိုယ်စားလှယ်တော်ကြီးများ ဦးရွှေမန်း၏ တိုင်းပြည်ချောက်နှုတ်ခမ်း ရောက်အောင် ဆင်ကြံကြံနေတာကို ရပ်တန်းကရပ်ရန်၊ ပြည်သူတွေ လွှတ်တော်ကို ရွံမုန်းမသွားရန်၊ ကိုယ်စားလှယ်တော်ကြီးများ အမှန်တရားဘက်က ရပ်တည်ပေးရန် လိုအပ်ပါသည်။    အာဏာရူး ဦးရွှေမန်း လွတ်တော်ကို အသုံးချပြီး၊ တရားဥပဒေ အထက်ကနေဖို့ ကြိုးစားနေတာကို ရောရောင်ပြီး မပါဝင်သင့်ကြပါ။   လွှတ်တော်ကိုယ်စားလှယ်တော်ကြီးများ ပြည်သူ့ဘက်မှ၊ အမှန်တရားဘက်မှ ရပ်တည်ပေးဖို့  တို်က်တွန်းအပ်ပါသည်။   “ ပြည်သူ့ အသံ အစစ်အမှန်…………………”

နေ့နဲ့ည အဖြူနဲ့အမဲ အလင်းနဲ့အမှောင် မင်းနဲ့ငါ မျဉ်းပြိုင်လို နီးရက်နဲ့ဝေး

မြန်မာပြည်နဲ့အင်တာနက် (၁)ဖူးစာရှင်နတ်မင်းကြီးအင်တာနက် ယနေ့ မြန်မာနိုင်ငံရှိ လူငယ် တော်တော်များများသည် အင်တာနက်ကို အသုံးပြုကြလေ့ရှိပါသည်။သို့သော် သုံးသည့် အရာ များ မှာgtalk,mric,facebookနှင့် vzoဟုခေါ်သောvideo chatting များ ကို သည်းခြေကြိုက် နှစ်ခြိုက်စွာ နေ့စဉ် အသုံးပြုလေ့ရှိကြသည်။အသုံးပြုသူ တော်တော်များများမှာလဲ လူငယ်များသာ ဖြစ်သည်။ထိုလူငယ်များ မှာ ပွင့်ပွင့်လင်းလင်း နှင့် ရဲရဲတင်းတင်း ဆိုရလျှင်မူ ရည်းစား ရှာပုံတော်ဖွင့် ကြသည့် သူချည်း ဖြစ်နေသည်မှာ ကြုံဖူး ကြားဖူး မြင်ဖူး တွေ့ဖူး လိမ့်မည်မှာ မလွဲ ဧကန် ဖြစ်ပါသည်။ဒါကြောင့်မို့ ကျွန်တော်က ဖူးစာရှင်နတ်မင်းကြီး အင်တာနက် ဟု အမည် နာမ ကင်ပွန်းလိုက် ရတော့သည်။ (၂)ဘာသာစကားနှင့်အင်တာနက် ယနေ့ အင်တာနက် သုံးစွဲသော သူများသည် မြန်းဂလိခေါ် […]

၁။ အချစ်ဆိုသော ပန်းချီကားကို ဘယ်လိုအရောင်တွေနဲ့ သူမခြယ်ထားသလဲ ကျွန်တော်မသိခဲ့ပါ။ အခုတော့ဖြင့် မိုးတွေရွာနေပါသည်။ တံစက်မြိတ်အောက်ကို ကျလာသော မိုးရေတွေကိုကြည့်ရင်း သူမကို ကျွန်တော် လွမ်းလိုက်ပါသည်။ လွမ်းလိုက်ရသည် ဆိုသည်က တာဝန်အရ လွမ်းခြင်းမဟုတ်ပါ။ လွမ်းသင့်သည်ထင်၍ လွမ်းလိုက်ခြင်းလည်း မဟုတ်ပါ။ လွမ်းချင်လို့ လွမ်းလိုက်ခြင်းလည်း မဟုတ်ပါ။ ဘာကြောင့်မှန်းမသိဘဲ လွမ်းလိုက်ခြင်းပင်ဖြစ်သည်။     ၂။   မိုးတိတ်သွားပြီ။ မိုးတိတ်သွားသည့်အခါ နေထွက်လာမည်ဟု အတိအကျပြောလို့ မရသော်လည်း ကျွန်တော် သူမကို ချစ်တယ်လို့ ဖွင့်ပြောခဲ့သည့်နေ့ကစ၍ သူမသည် တိကျစွာ ကျွန်တော့်ကို အဆက်အသွယ်ဖြတ်ပစ်ခဲ့ပါသည်။ ထိုနေ့က ဒိုင်ယာရီရေးနေကျ ကျွန်တော့် ဘောလ်ပင်ကလေး မှင်ကုန်သွားခဲ့ပါသည်။ ထိုနေ့က အလုပ်မပြီးသဖြင့် မန်နေဂျာက ဆူညံဆူညံလုပ်သွားခဲ့ပါသည်။ ထို်နေ့က သူငယ်ချင်းတစ်ယောက်က ကျွန်တော် စာမေးပွဲကျကြောင်း ဖုန်းဆက်ပြောပြခဲ့ပါသည်။ […]

ကျမ်းဂန်၌ ပါသော ထိုမထေရ်များ၏ ဘဝအတ္ထုပ္ပတ္တိကို လေ့လာကြည့်သောအခါ အံ့ဩဖွယ် ဆင်တူနေသည်ကို တွေ့ရှိရပေသည်။ သိဂ္ဂဝမထေရ်သည် ဗြာဟ္မဏအိမ်ထောင်စု တစ်ခုတွင် ဆွမ်းလာရပ်သည်မှာ ခုနှစ်နှစ် ခုနှစ်မိုးရှိသွားပြီ။ သို့သော် မထေရ်သည် ဗြာဟ္မဏအိမ်ထောင်စုမှ ဆွမ်းတစ်လုပ်စာ သို့မဟုတ် ယာဂုတစ်ဇွန်း တစ်ယောက်မ စာမျှပင် မရရှိပေ။ တစ်နေ့သောအခါ၌ ထိုဗြာဟ္မဏအိမ်ထောင်စုက အိမ်ရှင် ဗြာဟ္မဏကြီးသည် ကိစ္စတစ်ခုနှင့် အပြင်ထွက်ရာမှ အိမ်အပြန်လမ်းတွင် သိဂ္ဂမထေရ်ကို တွေ့သည်။ ဗြာဟ္မဏကြီးက “အိမ်က ဆွမ်းရခဲ့ရဲ့လား ကိုယ်တော်”ဟု ငေါ့တော့တော့ မေးလိုက်သည်။ မထေရ်က “ရခဲ့ပါတယ်”ဟု ပြန်ဖြေသည်။ ဗြာဟ္မဏကြီးသည် အိမ်ပြန်ရောက်သောအခါ အိမ်က လူများအား “ရဟန်းကို ဘာဖြစ်လို့ ဆွမ်းလောင်း လိုက်ရသလဲ”ဟူ၍ မာန်မဲကြိမ်းမောင်းသည်။ အိမ်ကလူများက “ဆွမ်း တစ်ဇွန်းမျှ မလောင်းပါဘူး။ ခါတိုင်းလိုပါပဲ” […]

  Australia က မိုင်းလုပ်သားတစ်ယောက်ရဲ  ့ မိသားစု ဘဝ တစ်ခုလို ့သတ်မှတ်ပေးပါ။ ဘယ်လိုနေထိုင်ရလဲဆိုတာကို မသိသေးတဲ့သူတွေ သိအောင်လို ့ဆိုတဲ့ စေတနာနဲ ့ဖြစ်တယ်။ ကြွားတာမဟုတ်ပါဘူး။ ပြည်တွင်းထဲမှာ ရှိတဲ့မိုင်းလုပ်သားတွေနဲ ့ဩစတျေးလျက မိုင်းလုပ်သားတွေရဲ  ့ဘဝဟာ ဘာ့ကြောင့်များအကွာကြီးကွာလဲမသိပါဘူး။ နေဖို ့အိမ်ကို အခမဲ့အလုပ်ကပေးတယ်။ ရေမီးအခမဲ့။ လေးခန်းပါတဲ့အိမ်။ ခလေးတွေအတွက် ကျောင်းစရိတ်လည်း မပေးရပါဘူး။ ကိုယ့်ခြံထဲမှာတော့ စိုက်ခင်းလေးတစ်ခုတော့ ရှိရတယ်။ ကန်ဇွန်းကစလို ့ ငှက်ပျော်ပင်အထိစိုက်ထားရတယ်။ ဝယ်စားလို ့မှ မရတာဆိုတော့ဗျာ။ ဒီနေ ့မနက်ပဲ ပျင်းနေလို ့အပျင်းပြေ ဓာတ်ပုံလေးရိုက်ပြီး ခင်ဗျားတို ့အားလုံးကြည့်ရအောင် တင်ပေးလိုက်တာပါ။ ဘုန်းကျော်( ဩစတျေးလျ )  

မနက်အာရုဏ်တက်အချိန် ဆွမ်းကပ်လှူရန်ဆွမ်းချက် သောက်တော်ရေကပ်၊ ပန်းလှူ စသည်ဖြင့်သာယာသောနံနက်ခင်းလေးကို မင်္ဂလာရှိစွာဖြတ်သန်းနေသောသီလရှင်လေးများ၏လှုပ်ရှားမှု့များကိုသီလရှင်ကျောင်းဆောင်လေး၏ အခန်းပြူတင်းပေါက်မှငေးကြည့်နေမိသော ခင်မမရဲ့ရင်ထဲမှာ အားငယ်မိတာလား၊ အားတက်မိတာလား၊ မဝေခွဲတတ်တော့ပါ။ အတွေးထဲမှာ ငါကတော့ သောကတွေရင်မှာပိုက်ထားပြီး ကုသိုလ်ရေးလည်းမလုပ် ဖြစ် ၊အကုသိုလ်ဖြစ်အောင်လည်းမလုပ်မိပေမဲ့ ၊တွေဝေငေးမောပြီး ရင်ထဲက ခံစားချက်တွေကိုအစွမ်းကုန် ရှေ့တန်းတင်ထားမိတာဟာလည်းမိုက်မဲ ခြင်းတစ်မျိုးဘဲမဟုတ်လားလေ။ ကြွယ်ဝ ချမ်းသာသော၊ပညာတတ်မိသားစုအသိုင်းအဝိုင်းမှာ သမီးရတနာ တစ်ဦးအနေနဲ့ မွေးဖွားလာခဲ့ပြီး ဘဝမှာအခက်အခဲ၊ အနှောင့်အယှက်များကင်းစွာနဲ့ ဖြတ်သန်းခွင့်ရလာခဲ့တဲ့ ခင်မမ တစ်ယောက် မိဘ ဆရာသမား များရဲ့သွန်သင်ဆုံးမမှု၊သူမ ကိုယ်တိုင်ရဲ့ ရိုးသားကြိုးစားမှု့ ၊ဗဟုသုတ ကြွယ်ဝမှု့တွေနဲ့အတူစိတ်ကောင်း စေတနာကောင်း များကို နေရာတကျအသုံးပြုတတ်ခဲ့တဲ့အတွက် ခင်မမဘာလုပ်လုပ် အောင်မြင်ခဲ့တယ်၊ ကြွယ်ဝ ချမ်းသာမှု့တွေကထပ်ဆင့် လို့ဘယ်သွားသွားဘာ လုပ်လုပ်တင့်တယ်လို့နေလေရဲ့…..ဒီလိုနဲ့ခင်မမ မိဘအသိုင်းအဝိုင်းကြားမှာပေါ့ပါးမြူးတူးနေခဲ့တာ အရွယ်တစ်စိတ်ဟိုင်းလို့ အသက်သုံးဆယ်ကျော် အရွယ်ကိုရောက်လာခဲ့ပြီ၊  ခင်မ ပတ်ဝန်းကျင်မှာ ရှိတဲ့ပုရိသ […]

ခြေခင်းလက်ခင်းလေးသာတယ်ပဲပြောမလား… နေသာတယ်ပဲပြောမလား…… လွယ်လွယ်ပြောရရင် အဲ့ဒီနေ့ကမိုးမရွာဘူးပေါ့ဗျာ….. စင်္ကာပူရဲ့ ပူပူနွေးနွေးပဲရှိသေးတဲ့…. Garden By the Bay ကို ခြေဦးတည့်ခဲ့မိပါတယ်….. အပြင်ဆင် အခမ်းနား…အားလုံးအားလုံး ဩချစရာတွေပါ….. ဟုတ်ကဲ့… အဲလိုပါပဲ… ရှိနေတဲ့အပင်တွေကလဲ တကယ့်ကို ဩချစရာလို့ပဲပြောမလား….. စိုက်ထားပျိုးထားတာတွေမြင်တော့… ရင်ထဲဖြင့်…ကိုယ်သာသူတို့နိုင်ငံလာအလုပ်လုပ်နေရတာ… သူတို့တောင် သနားမိသေး…ဘယ့်နှယ်…. အဘွားအိမ်မှာ ရေမလောင်းဘဲပစ်ထားလဲ များချင်တိုင်းများနေတဲ့ ကစ်စမီကွစ်ဆိုလား… အဲဒါတွေလဲ တယုတယ အလုံပိတ်အခန်းထဲထားလား ထားရဲ့… ကန္တာရပင်ခေါ်မလား… တစောင်းလက်ပတ်လား… ဘာလား အဲလိုအမျိုးအစားတွေလဲ ဟုတ်ကဲ့.. သူတို့လဲဘုရင်တွေဖြစ်နေပါတယ်ခင်ဗျ…. ဒီတိုင်းတောင်ကြည့်လို့မရဘူးနော် ငါးကျပ်လား ဆယ့်နှစ်ကျပ်လား ပေးပြီးဝင်ကြည့်မှရတဲ့… အလုံပိတ်အခန်းကြီးထဲထည့်ထားတာ…. (ဝင်တော့မကြည့်ခဲ့ပါဘူး အပြင်ကပဲချောင်းခဲ့တယ်…..) တကယ်တမ်းတွေးကြည့်ရင်…. စင်္ကာပူမှာမွေး စင်္ကာပူမှာပဲကြီးတဲ့ကလေးတွေများ အဲလိုမှမကြည့်ရရင် သူတို့ဒါတွေဒီတစ်သက်မမြင်ဖူးကြဘူးနေမှာဗျ..နော့….. အဲလိုနေရာကိုဝင်ကြည့်ဖို့တန်းစီနေတာကလဲ….. ရွာကဘုရားပွဲ ရဟတ်စီးဖို့စောင့်နေသလောက်ကိုရှိတာဗျို့….. လူတွေထိုင်ဖို့ချပေးထားတာကတော့…. ကိုယ်တွေနိုင်ငံတွေမှာတောင် […]

စာရေးမယ် ရေးမယ်နဲ့ မရေးဖြစ်ဘူး။ ရင်ထဲမှာတော့ရှိတယ်လေ။ တစ်ခါတစ်ခါတွေးမိတယ် ငါရေးလို့ကောင်းပါ့မလား မကောင်းဘူးလားနဲ့ ဝေခွဲမရတာ လည်းကြာပေါ့ အခုတော့ မနက်ကပဲ သတင်းလေး တစ်ခု BBC ကနေပါလာတော့ ရေးဖို့ရာအကြောင်းပါလာတယ်။ BBC ဆိုလို့ နိုင်ငံရေး အကြောင်းရေးမလို့မဟုတ်ပါဘူး။ ဘာလဲဆိုတော့ အဲကနေ မနက်ကပဲ ရန်ကုန် ILBC က ဆရာ/ဆရာမ တွေမကျေနပ်သံတွေကြားခဲ့ရလို့လေ။ သူတို့ကိုအားပေးချင်တာလည်းပါပါတယ်။ သိပ်စိတ်ဓာတ်မကျပါနဲ့လို့ ရန်ကုန်မှမဟုတ်ဘူး တစ်ပြည်လုံးမှာရှိတဲ့ ILBC ကျောင်းတိုင်း အဲလိုပါပဲလို့ပါ ဘာလို့လည်းဆိုတော့ မန္တလေးILBC လည်းထိုနည်းတူစွာ ခံစားရတာတွေများတယ်ဆိုတာ သိစေချင်ပါတယ်။ လစာတိုးတော့ Department Head တွေရဲ့ အဆွေအနွယ်တွေက သူတို့ထက်လုပ်သက်ရင့်တဲ့လူတွေထက်ကို လစာက ပိုတိုးနေလို့ပါပဲ။ ဘာကြောင့်လဲတော့ မသိ။ ရင်ထဲတော့ မချိဆန့်ပါဘူး။ မြန်မာနိုင်ငံမှာ ဒီလိုကိစ္စတွေဆိုတာ အရင်အစိုးရလက်ထက် […]