ဥဥဒီအထဲဝင်ကြည့်လိုက်တိုင်း မိတ်ဆွေတွေ အရေးကြဲ အတွေးတွေဆဲ မမြဲကြပါလားလို့တွေးမိတယ် ရွာကြီးဟာ အရင်ကလောက်မစည် လက်မညီကြတော့ပါလား သင်္ခါရတရားကြောင့်ဘဲထင်ပါရဲ့ အင်း တစ်နေ့နှစ်ပုတ်ကို နဲတယ်ထင်ခဲ့တဲ့ကိုယ်တောင် ယောင်တောင်ပေါင်တောင်နဲ့ ခေါင်းပြောင်အောင်စဉ်းစား အနုပညာသမားပေမို့ ရွာစားရေ ကလိုက်ပေစမ်း အဖွင့်တစ်ပုတ်။    

အနီနဲ့အဝါ ဖြူပြာပြာခရမ်းချယ်လို့ ပိတ်စမှာစုတ်ချက်တင်းတယ် ချစ်သူ့ပုံလွှာ။   ကြော့ကေသာ လေပြေမှာနော့ကာကစားတယ် ကမ္ဗလာချည်နုထွေးရယ် ထွေးပွေ့ကြည်သာ။   တိမ်သလ္လာ နေညိုချိန်ရေသောက်ဆင်းတယ် ရောင်စဉ်ဖြာချယ်ပန်းချီရေးရင်ဖြင့် စုတ်ချက်မညှာ။   နုုမာယာ တီတီတာချိုခွန်းဖွဲ့ကာဖြင့် ရင်ခွင်မှာနွဲ့ကာဆိုးလေတော့ သဲနုငယ်ညှာ။   တွေးဝင်္ကဘာ ချစ်ရသူအလိုပြည့်စေဘို့ နှလုံးသွေးကိုဖေါက်ကာဆေးချယ်လို့ ချစ်ပန်းချီဆက်ကာသပြီမို့ ကြည်ဖြူကာမျက်တော်ပြေစေကြောင်း ကဗျာချယ်စီကာကုန်းပို့မယ် မြေကမာ႓တည်ကာသက်သေပေါ့ မျက်ပြေစေမင်း ။   ဒီပါကို

မကြင်နာတမင်ခွာလို့စိမ်း လေယူရာယိမ်း မတိမ်းတတ်ပာဘူးခင် မြင်သည်ခဏ သည်ဘဝအတွက် တစ်သက်တာရည်စူး အချစ်ဦးမို့ပာဘဲ ရူူးတယ်လို့ဆိုချင်ဆို အပျိုမြင်တိုင်း မျက်လုံးရိုင်းနဲ့ကြည့် မရှိစေရပာဘူးသခင် သခင့်အလိုကျ ထားရာနေစေရာသွား ချစ်သူ့အပားမှာနေ ချစ်သူ့စကား မြေဝယ်မကျနားထောင် ဒာကိုေတောင်မှ အပြစ်ပေး အနေဝေးစေတဲ့ ချစ်သူအပြစ်မယူလိုပာဘူး ရူးတယ်လို့ဆိုချင်ဆို သက်ကြားအို မငိုတတ်တော့ပေမည့် ချစ်သူပေးတဲ့အပြစ် အချစ်များစွာနဲ့လက်ခံ နောက်ထပ်ဆက်ရန်မရှိတော့ပြီမို့ အနောက်တောင်ဆီမှာမိုးတွေညိုနေပြီခင်

ဟုတ်ကဲ့ ကျွန်တော်မဆဲတတ်ပါဘူး သမ္မတကြီးရဲ့သားတွေပါ နိုင်ငံတကာမှာအရှက်ရ သမ္မတပုံနင်းခြေပြတဲ့အဖြစ်မျိုး လူယုတ်မာမျိုးရိုးမဟုတ်လို့ ဘယ်သမ္မတတက်တက် တိုင်းပြည်အတွက်ဘဲမို့ ဘက်မတူဘူးသဘောမထား လူလိမ်မာသားယဉ်ပါး လူမိုက်သားရမ်းကား ဆိုရိုးစကားလည်းရှိ သမ္မတဆိုတာ နိုင်ငံတစ်နိုင်ငံရဲ့ပုံရိပ် တံဆိပ်တစ်ခုဘဲမို့ ချစ်ချစ်မချစ်ချစ် အပြစ်ဖြစ်စေမဲ့အလုပ် လူမြင်ကွင်းမှာသရုပ်ပျက် နိုင်ငံတကာမှာရုပ်ပျက်စေမည့်အလုပ် ကျွန်တော်တို့မလုပ်ပြီမို့ ငြိမ်းချမ်းစွာအနားယူ သမ္မတကြီးကိုချစ်တဲ့သူတွေအတွက် မပူပင်စေဘို့စတေးတတ်ရေး ရင်ကိုအေးစေရပါ့မယ်   သူတို့လို အမြင်မတူရန်သူမှတ် ယုတ်ပတ်တဲ့နှလုံးသား စော်ကားတဲ့အတွေး သမ္မတကြီးရင်သွေးတွေမှာမရှိပြီမို့ နိုင်ငံတကာမှာအရှက်ကွဲ သမ္မတပုံဆွဲဖြဲလို့နင်းခြေ မမြင်တွေ့စေရပါဘူသမ္မတကြီး။   အဆဲစကားနဲ့စိန်ခေါ် လူမိုက်သားရမ်းကား ဖေ့ဘုတ်မှာနှုတ်သရမ်း အမိယုတ်သားအဖြစ်မခံ သမ္မတကြီးရဲ့သားသမီး ရင်တွင်းမီးကိုငြိမ်းအေးစေမည့် သမ္မတကြီးရဲ့မေတ္တာဓာတ် စွဲကပ်နေပြီမို့ မြန်မာပြည်အရေး ရင်အေးလို့စိတ်ချမ်းသာ ငြိမ်းချမ်းစွာအနားယူ အပူတွေနဲ့ကင်းဝေး မြေးကလေးကိုလက်ဆွဲ အနှောင်အဖွဲ့ကင်းကင်း စိတ်ရှင်းရှင်းနဲ့ မြို့တွင်းကိုပါတ် သမ္မတကြီးချစ်တဲ့သူတွေကြား အန္တရာယ်ဘေးကင်းစွာသွားနိုင်သမို့ စိတ်ချလို့ထား သမ္မတကြီးရဲ့သားသမီးများ လူရမ်းကားတွေမဟုတ်လို့ […]

ကျွန်တော်ဟာ အမေ့သားပါ အမေပြောစကား လျှာပေါ်မြက်ပေါက် တူရွင်းနဲ့ထိုးချ သစ္စာပျက်ယွင်း အဆိပ်အပင်းဖြစ်စေတဲ့။   ကျွန်တော်ဟာအမေ့ရဲ့သားပါ သစ္စာတရား ဖားလည်းမဖားတတ် လူမြင်ကတ်အောင်နေ ပို့တဲ့မြေမှာပစ်တိုင်းထောင် လက်ဖမိုးတွေယောင်ကိုင်း ကျွန်တော်မှိုင်းမမိခဲ့ပါဘူး။   ကျွန်တော်ဟာအမေ့ရဲ့သားပါ အမေမှာကြား ရောက်တဲ့အရပ်မှာပျော်အောင်နေ တွေ့တဲ့သူနဲ့တည့်အောင်ပေါင်း ရှိတာလေးနဲ့လှအောင်ဝတ် ရတာလေးနဲ့ဝအောင်စား အနိုင်လိုသူအရှုံးပေး နှလုံးအေးတဲ့ဆေး ကျွန်တော်အမေမှာတဲ့စကားအတိုင်း သူများတွေခွကျော်နင်း ကျွန်တော်စိတ်ရှင်းရှင်းထား အတ္တသမားတွေကိုပြုံးကြည့် ကျွန်တော်စိတ်မထိခိုက်ခဲ့ပါဘူး။   ဒါပေမည့်အမေ တစ်ချိုတွေကျွန်တော်ကိုကျော်နင်း အခွင့်အရေးသမား သူတို့များကျတော့   ဒါပေမည့်အမေ တစ်ချို့တွေဖားယား လူကြီးနားကပ် သူတို့များကျတော့   တမလွန်ကအမေ သားကိုချစ်တဲ့အမေ ကျွန်တော့်ကိုဆုံးမ တစ်ဘဝအတွက်မဟုတ် နာကျည်းစိတ်ကိုသိမ်းထုတ်လို့ ကျွန်တော်လူလုပ်တတ်နေပါပြီအမေ အမေ့သား အမေ့စကားနားထောင် သားမောင်သူမိုက် လူ့စရိုက်မဟုတ်လို့ အမေစိတ်အေး တမလွန်မှာရင်အေးစေဘို့ နှုတ်ခမ်းကိုပိတ်အံကိုကြိတ်လို့ သားမောင်အိပ်စက်ချင်လှပါပြီအမေ

မျက်စိကိုမှိတ် နားကိုပိတ်လို့ သားမောင်အိပ်ချင်နေပြီမေမေ   လူဆိုတဲ့လူ မြန်မာပြည်ကသူ မျိုးတူရာစု ကျီးငှက်ပမာပြုလို့ အမျိုးထိမချိအောင်နာ ဝိုင်းအာလို့ဆူပွက် နှုတ်သီးထက်ထက်နဲ့ထိုးဆိတ်တတ်တဲ့သူတစ်စု   လူထဲကလူ အစာလုဝိုင်းအုံ ခွေးအပမာပုံပြု လုယက်လို့ဝိုင်းဆွဲ မာန်မဲလို့ရန်ဖီ ဟန်မညီတဲ့သူတစ်စု   လူထဲကလူ ပရောဟိတ်အသွင်ဆောင် ဦးပေါင်းထုတာယိုင်နွဲ့ သစ္စကပရပိုဒ်ပမာပြု ပေါက်မထွက်အောင်ကြိုးနဲ့စီး ဗိုက်ရွဲကြီးနဲ့သူတစ်စု   လူဆိုတဲ့လူ ဆေးဘူးနီကောက်ရ လူတစ်ကာကိုဆေးကုရမယ်ထင် ဟန်ပြင်လို့လက်ခမောင်းခတ် ဆရာလုပ်ကြမည့်လူတစ်စု   ကျွန်တော်သူတို့ကိုကြည့် သံဝေဂတွေရမိတော့ ဖေ့ဘုတ်ပေါ်ကဆင်း အကောင့်ဖျက်ရင်းအနားယူဘို့ဆုံးဖြတ် သုံးရက်လောက်စဉ်းစား နားချင်လှပြီကွယ်

ကျွန်တော် စိတ်ကူးနဲ့ရူး ကြယ်ကလေးဖြစ်ချင်ခဲ့ဘူးပါတယ်   ကြယ်အပေါင်းတို့ဝန်းရံ ကြယ်တွေရဲ့ညီလာခံမှာ စန္ဒာ လမင်း ထွန်းလင်းလို့တောက်ပ အဲ့ဒီညမှာပေါ့။   ကြယ်စင်ပန်းခက် ကောင်းကင်ထက်မှာချိတ်ဆွဲ သန်းခေါင်ယံဉာဉ့်နက်ထဲ လောကကိုအလှဆင် လောကတစ်ခွင်အတွက် ညဉ့်ယံရဲ့ပန်းချီကား ဝံ့ဝံ့ကြွားကြွားနဲ့ပေါ့။   ရောင်စုံမီးပန်း ညဉ့်ကိုပက်ဖြန်းလို့ ကြယ်စင်တွေကြည့်ရင်း လူတွေသီချင်းဆို ကောင်းကင်ကိုမျှော်ကြည့်နေတုန်း ဗြုန်းကနဲ ကြယ်တစ်စင်းပျက်ကြွေ အဲ့လိုညတွေမှာပေါ့   မော့ကြည်မိတဲလူတစ်ချို့ ကြယ်ကြွေညဆုတောင်း ပြည့်စေကြောင်းအတွက် ပင့်သက်ခက်နေကြလေရဲ့   ကြယ်လေးတွေပျက်ကြွေ ဆုတောင်းတတ်တဲ့လူတွေအတွက် ကောင်းကင်ထက်ကရွေ့လျော သူတို့တွေမမောနိုင်ပါဘူး စင်္ကြာဝဠာထောင့်တစ်နေရာမှာတော့ လူတွေဆုတောင်းပြည့်စေဘို့ ကြွေပေးရတဲ့ကြယ်လေးတွေရဲ့မေမေ မျက်ရည်တွေနဲ့င်ိုနေလေရဲ့။   ကြယ်ကလေးတွေကြွေတိုင်း ဆုတောင်းခိုင်းတဲ့သူတစ်ချို့ တစ်နေ့တစ်နေ့ အသစ်အသစ်တွေပြောင်း အချိန်ကြာညောင်းတော့ ကြယ်ကလေးတွေကိုမေ့ ဆုတောင်းပြည့်ခဲ့ပေမည့် ကြယ်ကလေးတွေရဲ့မေမေ သူတို့တစ်တွေရဲသွေးမျက်ရည် ကောင်းကင်မှာဖြန့်ကြဲ ပန်းဆိုင်းလေးဆွဲလို့ အမြဲရှိနေမှာမို့ ကျွန်တော် […]

ချိုနွဲ့ရီ တီတာချစ်ခွန်း နေချည်ယွန်းတော့ နော့ကာမြူသည် ကလူကျီဆယ် ရယ်ရွှင်ပြုံးတုံ့ မပြုံးတုံ့နှင့် ပုလဲသွယ်စီတန်း ရင်ခေတ်ပန်းပျို သန္တာနှုတ်ခမ်း မြရည်သန်းစို မျက်ဝန်းညိုရှင် ကျွန့်သခင်အား အသည်းကိုပေး ချစ်ရေးဆိုသော် ကျီဆယ်ကာပြေး လေချိုသွေးသည် ကြားလေသွေးသော် ဝေးမှာစိုးမိ တွေးမကြည့်လို ချစ်မူပိုအား ချစ်သနားလျှင် ပြုံးလိုက်စမ်းပါ့ ဟန်ဆောင်နေရင်ပင်ပန်းမယ်။

နှိုင်းဖွဲ့မမှီ နေရီရီညနေစောင်းမှာ သွဲ့ပြောင်းကေသာ လေမှာလွင့်ပျံလို့ ကဗ္မလာချည် ဘယ်သူရှင်းနိုင်လိမ့် ချိုရီရီသန္တာ နုှတ်ခမ်းရယ်က ကျီစယ်ကာရယ်ရမ်းသွေးလေတော့ ပုလဲသွယ်ဝင်းကာလက်လို့ရယ် လှလွန်းကေသီ မြင်သူမှာ သိဝိမင်းလိုဗျ စိတ်နဲ့ခန္ဒာ ကင်းလွတ်ပါလို့ရယ် နတ်မိမယ်နေရာမှားပြီထင့် ရင်ဆူကာဘဝင်အေးစေမည့် ချစ်သူ့ပုံလွှာ

  အနူတောမှာလူချော မောလည်းမမောနိုင် လက်ကိုင်ကာတစ်စူးထိုး တစ်နေ့တစ်မျိုးမရိုးအောင်က လုပ်သမျှအလွဲလွဲ အြငြိမ့်ပွဲထဲကဟာသ ကလိထိုးရယ်ရအောင် အော် ရှေ့ဘုန်းကြီးတစ်ချက်ခေါက်လို့ ကျောင်းပြောင်းဥပုတ်စောင့်ကာမှ နောက်ဘုန်းကြီးသုံးချက်ခေါက် အောင့်လို့သာခံပေနော့မောင်ရေ ယောင်ပေပေမလုပ်လေနဲ့ တောင်ခြေမှာလျော်ထုတ်ထမ်းသလိုပါ့ လွမ်းလိုက်လေခြင်း

လူထဲကလူ သူကတမူထူး အာဏာရူး ဥစ္စာရူး တဏှာရူး သူတထူးကိုဒုက္ခပေး ဘေးဖြစ်စေတဲ့သူ။   လူထဲကလူ သူကတမူထူး မူးမူးရူးရူး သေသောက်ကြူးလို့ မူးယစ်ဆေးဝါး အသုံးများလို့ မြေပေါ်မှာလူး စူးနစ်နေတဲ့သူ။   လူထဲကလူ အများအတွက်ကူလို့ သူ့ဘဝကိုပေး စတေးခဲ့လေသူ သင်ဘယ်လိုလူမျိုး ဖြစ်စေချင်ခဲ့သူ။   ဒီပါကို  

ကထိန်နီးလာပြီဆိုလျှင် နေရာအနှံ လော်သံတွေကြားရသည်။ လော်နှိပ်စက်သမျှကို ခံစားနေရသူတို့ အော်ကြသည်။ ကျွန်မကတော့ ကံကောင်းသည်ဟု ဆိုရမလားမသိ။ နယ်မှာနေချိန်တုန်းကလည်း လော်ဒဏ်မခံခဲ့ရ။ ယခု ရန်ကုန်မှာရှိနေစဉ်တစ်လျှောက်လုံးလည်း လော်သံမကြားရ။ ကိုယ့်ကိုယ်ကို ကံကောင်းသည်ဟု တွေးတောရင်းနှင့်ပင် နယ်က လော်ကို လွမ်းမိနေသေးသည်။ နှစ်တိုင်း သီတင်းကျွတ် တန်ဆောင်မုန်းဆိုလျှင် နယ်က ကျွန်မတို့လမ်းထိပ်တွင် ဗဟိုလူငယ်အဖွဲ့က အလှူခံမဏ္ဍပ်ထိုးပြီး အလှူခံကြသည်။ သီတင်းကျွတ်လပြည့်မတိုင်ခင် တစ်ပတ်အလိုဆိုလျှင် နှစ်ကျိပ်ရှစ်ဆူဘုရားများမှ မဲပေါက်ရာဘုရားတစ်ဆူကို ပင့်ဆောင်ပြီး အလှူခံကြသည်။ သီတင်းကျွတ်လပြည့်ကျော်တစ်ရက်နေ့ရောက်လျှင် မဲပေါက်ရာ ရပ်ကွက်အဖွဲ့အစည်းအသီးသီးမှ ဘုရားများအားလုံး ဒေသစာရီကြွချီပူဇော်ကြသည်။ ထို့အတူ တန်ဆောင်မုန်းလပြည့်မတိုင်ခင်တစ်ပတ်အလိုတွင် ပဒေသာပင်နှင့် မြို့စေတီတော်အတွက် ရွှေသင်္ကန်းကပ်လှူရန် အလှူခံကြသည်။ တန်ဆောင်မုန်းလဆန်း (၁၄) ရက်နေ့တွင် ရပ်ကွက်အဖွဲ့အစည်းအသီးသီးမှ ပဒေသာပင်များအားလုံးကို မြို့တွင်းစီတန်းလှည့်လည်ကြသည်။ တန်ဆောင်မုန်းလပြည့်နေ့တွင် မြို့စေတီတွင် မြို့နယ်မှ ဘုန်းကြီးကျောင်းများကို […]