မင်းလှမြို့မရဲစခန်းမှ ဒုရဲအုပ် နေမျိုးအောင် နှင့် ထန်းကိုင်းရေနံမြေရဲကင်းမှူး ဒုရဲအုပ် မင်းသူအောင်တို့သည် ထန်းကိုင်ရေနံ မှော်အနောက်ဘက်(၁)ဖာလုံ ခန့်ရှိ ချောင်းအတွင်း ခြောက်ကောင်ခုံလောင်း ကစားပြု လုပ်နေကြောင်း သတင်းအရ အောက်တိုဘာ (၂၀)ရက်နေ့နေလည်(၂)နာရီ(၃၀)မိနစ်ချန်က သွားရောက်ဖမ်းဆီးခဲ့ရာ လောင်းကစားဒိုင်အဖြစ်ဆောင်ရွက်သူ ဝင်းမြင့်၊အသက် (၅၀)နှစ်၊ပြန်ကပြေးကျေးရွာအုပ်စု ပျဉ်းမနားမြို့နေသူထံမှ ခြောက်ကောင်ခုံလောင်းကစားပစ္စည်းကိရိယာများနှင့်လောင်းကြေးငွေ ကျပ်(၁၁၂၅၀၀)တို့အားသိမ်းဆည်းရမိခဲ့ပြီးဆက်လက်၍ ရှာဖွေရာ၎င်းချောင်းအတွင်း လောင်းကစားဒိုင်အဖြစ်ပြုလုပ်သူ သန်းဦး ၊အသက်(၄၂)နှစ်၊ထိန်တောကျေးရွာ မင်းဘူး-(စကု)မြို့နယ်နေသူအား ခြောက်ကောင်ခုံ လောင်းကစားပစ္စည်း ကိရိယာများနှင့် လောင်းကြေး ငွေ(၇၀၀၀၀)အားသိမ်းဆည်းရမိခဲ့သဖြင့် အဆိုပါလောင်းကစားပြု လုပ်သူများအား မင်းလှမြို့နယ်၊မင်းလှမြို့မရဲ စခန်းမှ (ပ)၁၀၅/၁၀၆/၂၀၁၃၊ လောင်းကစားဥပဒေပုဒ်မ ၁၂(က)ဖြင့်ဖြင့်အမှုဖွင့်ထားကြောင်းသက်ဆိုင်ရာမှသိရှိရသည်။

       မင်းတုန်းမြို့နယ်၊ပုဇင်းဒါးကျေးရွာနေ စိုးသူ၊အသက်(၂၃)နှစ်သည် အောက်တိုဘာ(၂၀)ရက်နေ့ညနေ(၄)နာရီချိန်က ၎င်း၏နေအိမ်ပေါ်တွင် ကြိုးဆွဲချသေဆုံးနေကြောင်း ကျေးရွာအုပ်ချုပ်ရေးမှူး၏ သတင်းပေး ချက် အရ မင်းတုန်းမြို့နယ်၊အလယ် ချောင်းနယ်မြေရဲစခန်း မှ စခန်းမှူး ရဲအုပ်သိန်းလွင်နှင့်ကျေးရွာအုပ်ချုပ်ရေးမှူး ဦးခင်မောင်ထွေးတို့သည်သက်သေများနှင့်အတူ သွားရောက်စစ်ဆေးရာ စိုးသူတွင်ပြင်ပ ဒဏ်ရာ မတွေ့ရှိရဘဲ နေအိမ်ခေါင်မိုးကြွက်လျောက်တန်းတွင်ကြိုးတန်းလန်းဖြင့်သေဆုံး နေသည်ကိုတွေ့ရှိရသောကြောင့် အဆိုပါသေဆုံးမှုနှင့်ပက်သက်၍ ဓမ္မတာအတိုင်းသေဆုံးခြင်းဟုတ်/မဟုတ်သိရှိနိုင်ရန် မင်းတုန်း မြို့နယ် ၊အလယ်ချောင်းနယ်မြေရဲစခန်းမှ သေမှုသေခင်းအမှတ်စဉ်  ၁/ ၂၀၁၃ဖြင့်အမှုဖွင့်ထားကြောင်းသိရှိရသည်။

       ပခုက္ကူခရိုင်၊ဆိပ်ဖြူမြို့နယ် ဆိတ်ဖြူ-စလင်းကားလမ်း မိုင်တိုင်အမှတ် ၆၄/ရ ချင်းတောင်ကျေးရွာအနီးတွင် အောက်တိုဘာ (၂၁)ရက်နေ့နေ့လည်(၁၁)နာရီချိန်က ခရီးသည်တင်ယာဉ်တိမ်းမှောက်မှုဖြစ်ပွားကြောင်း သတင်းရရှိသည်။ဖြစ်စဉ်မှာ ယာဉ်မောင်း အောင်လှိုင်ဘွား ချောက်မြို့နေသူမောင်းနှင်ပြီးယာဉ်နောက်လိုက် အောင်မျိုးထွန်းလိုက်ပါသော ရွှေနံသာ ခရီးသည်တင်ယာဉ် ဒိုင်နာဖြူနီကြားသည် စီယာတိုင် လက်ကိုင်ခေါက်ပြီး လမ်းယာဘက်ဘေးရှိသဲပုံပေါ်သို့ကျော်တက်သွားခဲ့ရာမှ ကားလမ်းဝဲဘက် သို့တိမ်းမှောက်ခဲ့သဖြင့် အဆိုပါယာဉ်ပေါ်ပါ ခရီးသည်(၂၀)ဦးအနက် ခရီးသည်အမျိုးသား/အမျိုးသမီး (၆)ဦး ဒဏ်ရာ ရရှိခဲ့ကြောင်း ဒဏ်ရာရရှိသူထဲမှ နန်းအောင်၊အသက်(၁၉)နှစ် (၉)တန်းကျောင်းသား စလင်းမြို့နယ်နေသူသည် ဝဲဘက်ဂွေးနံပေါက်ပြဲဒဏ်ရာ (၁)ချက်၊ဝဲဘက်ပေါင်ရင်း(၄)လက်မခန့်ပေါက်ပြဲ ဒဏ်ရာတစ်ချက် ဒဏ်ရာဖြင့် ဆိပ်ဖြူဆေးရုံတွင် အတွင်းလူနာအဖြစ်ဆေးကုမှု ခံယူနေကြောင်း အဆိုပါဖြစ်စဉ်နှင့်ပက်သက်၍ ယာဉ်အားမဆင်မခြင်မောင်းနှင်သူ အောင်လှိုင်ဘွား ဆိပ်ဖြူမြို့နယ်မြို့မရဲစခန်း က ယာဉ်(ပ)၁၇/၂၀၁၃ ၊ပြစ်မှု ပုဒ်မ ၃၃၇/၃၃၈ ဖြင့်အမှုဖွင့်ထားကြောင်းသိရှိရသည်။

     ပခုက္ကူခရိုင်၊ပေါက်မြို့နယ် လယ်ကိုင်းကျေးရွာအုပ်စု ထန်းတောလယ်ကျေးရွာအနောက်ဘက်(၃)မိုင်ခန့်အကွာရှိ သုံးမွှာချောင်းတောတဲတိုက်တွင် အောက်တိုဘာ(၂၁)ရက်နေ့နံနက်(၉)နာရီချိန်က အဆိုပါတဲတိုက်နေ မသီတာဌေး အသက်(၂၇)နှစ်သည်၎င်း၏ခင်ပွန်းဖြစ်သူ အသက်(၇၈)ရှိ ဦးငသန်း တို့သည်လင်မယားချင်းရန်ဖြစ်ရာမှ ဦးငသန်းသည် ဓါးဖြင့်ခုတ်ခံရ၍လဲနေသည်ကို မသီတာဌေး၏ အစ်ကို ဇော်ဝင်းမောင်နှင့် ရဲဝင်းတို့နှစ်ဦးမှ ထန်းတောလယ်ကျေးရွာရာအိမ်မှူး ဦးဇော်မင်းနိုင်ထံသို့သွားရောက်အကြောင်းကြားရာ အခင်းဖြစ်နေရာသို့ ဦးဇော်မင်းနိုင်သွားရောက်ကြည့်ရှုရာ ဦးငသန်း ၏ အလောင်းအား  ၎င်းတို့တဲ၏ နွားတင်းကုတ်အနီးတွင်မြုပ်နှံထားသည်ကိုတွေ့ရှိရသဖြင့် ကိုင်းလယ်ရဲကင်းစခန်းသို့အကြောင်း ကြားသဖြင့် သက်ဆိုင်ရာကိုင်းလယ်ရဲကင်းစခန်းမှူး ဒုရဲအုပ် ဝင်းဆွေနှင့် အဖွဲ့အခင်းဖြစ်နေရာ တောတဲတိုက်သို့သွားရောက် စစ်ဆေးရာ ဦးငသန်း ၏အလောင်းမှာ နွားတင်းကုတ်အနီးတွင်မြေမြှပ်ထားသည်ကိုတွေ့ရှိရပြီး ပြစ်မှုကျူးလွန်သူ မသီတာဌေး သည် စိတ်ရှုးသွတ်နေ သူဖြစ်ကြောင်းသိရှိရသည်။အဆိုပါအမှုနှင့်ပက်သက်၍ ထန်းတောလယ်ကျေးရွာရာအိမ်မှူး ဦးဇော်မင်းနိုင် မှဦးငသန်းအားဓါးဖြင့်ခုတ်သူ မသီတာဌေးအား တိုင်တန်းသဖြင့် သက်ဆိုင်ရာ ပေါက်မြို့မရဲစခန်းမှ (ပ)၈၆/၂၀၁၃၊ ပုဒ်မ ၃၀၂  ဖြင့်အမှုဖွင့်ထားကြောင်းသိရသည်။

             အောင်လံမြို့နယ် အနောက်(၈)မိုင်ခန့်အကွာရှိ အလယ်ရွာတွင် အောက်တိုဘာ(၂၀)ရက်နေ့က အမျိုးသားတစ် ဦးမှဇနီးဖြစ်သူအား လူမှုရေးဖောက်ပြန်သည်ဟုသံသယဖြင့် ဇနီးဖြစ်သူနှင့်ကလေးငယ်အား ရဲဒင်းဖြင့်ခုတ်၍ ကလေးငယ်သေဆုံး မှုဖြစ်ပွားခဲ့ကြောင်းသတင်းရရှိသည်။ဖြစ်စဉ်မှာ အဆိုပါနေ့ အလယ်ရွာနေ တရားလိုမိန်းကလေးသည် ရွာဦးဘုန်းကြီးကျောင်းတွင်ဥပုဒ်စောင့်နေစဉ်တစ်ရွာတည်းနေနိုင်ဝင်းရောက်ရှိ လာပြီး ၎င်း၏ညီမဖြစ်သူ မဌေးဌေးဝင်၊အသက်(၃၈)နှစ် နှင့်တူဖြစ်သူ (၁၀)လသားကလေးငယ် သားညီ တို့အား မဌေးဌေးဝင်း၏ခင်ပွန်းဖြစ်သူ မြင့်အေး မှ ရဲတင်းဖြင့်ခုတ်၍ ဒဏ်ရာများရရှိကြောင်း လာရောက် သတင်း ပေးသဖြင့် နေအိမ်သို့ပြန်လာကြည့်ရာ မဌေးဌေးဝင်းတွင် ယာမျက်ခုံးအထက်နဖူးတွင်(၂)လက်မခန့်ပြတ်ရှ ဒဏ်ရာတစ်ချက်၊ ယာဂျိုစောင်းတွင်(၄)လက်မခန့်ပြတ်ရှ ဒဏ်ရာတစ်ချက်ရရှိပြီး တူဖြစ်သူ သားညီတွင် ယာဂျိုစောင်းကြေမွဒဏ် ရာ(စိုးရိမ်ရ)ရရှိခဲ့သဖြင့် မဌေးဌေးဝင်းတို့သားအမိအားဆေးရုံသို့ပိုရန်ခေါ်လာစဉ် သားညီမှာ စခန်းကြီးရွာအနီးတွင်သေဆုံးသွား ၍  မြင့်အေးအား အရေးယူပေးပါရန်တိုင်တန်း သဖြင့်သက်ဆိုင်ရာ အောင်လံမြို့နယ်၊ရွှေပန်းတောနယ်မြေရဲစခန်း မှ(ပ) ၂၆/၂၀၁၃ ပြစ်မှုပုဒ်မ ၃၀၂ /၃၂၆ ဖြင့်အမှုဖွင့်ထားကြောင်းသတင်းရရှိသည်။

    ပခုက္ကူမြို့ ၊အမှတ်(၆)ရပ်ကွက်ရှိ မလေးဆေးလိပ်ခုံတွင် အောက်တိုဘာ(၁၆)ရက်နေ့နေ့လည်(၁)နာရီချိန်ကလင်မယားချင်းရန်ဖြစ်၍ဇနီးဖြစ်သူအားကတ်ကြေးဖြင့် ထိုးသဖြင့်  သေဆုံးမှုဖြစ်ပွားကြောင်းသတင်း ရရှိသည်။ ဖြစ်စဉ်မှာ အမျိုးသားဖြစ်သူ အောင်ဇော်ဦး မှ ဇနီးဖြစ်သူ မကြည်မော်အား ဆေးလိပ်လိပ်ရာတွင်အသုံးပြုသောကတ်ကြေးဖြင့်ထိုးသဖြင့် ဆေးလိပ်ခုံအတွင်း တစ်စောင်းအနေအထားဖြင့် ဝဲဘက်နို့အုံအောက် တွင် ထိုးသွင်းဒဏ်ရာ(၁)ချက်၊ယာဘက်နို့အုံအထက်တွင် ထိုးသွင်းဒဏ်ရာ(၁) ချက် ကတ်ကြေးတန်းလန်းဖြင့်(စိုးရိမ်ရ)ဒဏ်ရာရရှိခဲ့သဖြင့် ဒေါ်ခင်ကြည် မှ အောင်ဇော်ဦးအားတိုင်တန်းသဖြင့် ပခုက္ကူမြို့နယ်၊ မြို့မရဲ စခန်း မှ (ပ)၂၈၉/၂၀၁၃၊ ပုဒ်မ ၃၂၆ ဖြင့်အမှုဖွင့်ထားရာမှ အမှုမှ မကြည်မော်မှာ ပခုက္ကူဆေးရုံကြီးတွင် ဆေးကုသမှုခံယူ စဉ်သေဆုံးသွားခဲ့သဖြင့် ယခင် ပုဒ်မ ၃၂၆  ဖြင့်စစ်ဆေးနေရာမှ ပုဒ်မ ၃၀၂ သို့ပြောင်းလဲ အရေးယူ ထားကြောင်း သက်ဆိုင်ရာရဲ မှတ်တမ်းအရသိရသည်။

မင်းလှမြို့နယ်၊ ထန်းကိုင်းရေနံမြေအတွင်း အမျိုးသမီးတစ်ဦးကိုယ့်ကိုကိုယ်ကြိုးဆွဲချသေဆုံးမှု အောက်တိုဘာ(၁၈)ရက်နေ့ နံနက်(၁၀)နာရီ(၃၀)မိနစ်ချိန်ကဖြစ်ပွားကြောင်းသတင်းရရှိသည်။ ထန်းကိုင်းရေနံမြေ သို့ အလုပ်လုပ်ရန် ဦးဇော်ဝင်း၏ညီမဖြစ်သူ မဝင်းဌေး၊အသက်(၃၉)နှစ်၊ ပြင်စလူမြို့နယ် ဧရာဝတီတိုင်းဒေသကြီးနေထိုင်သူဖြစ်ကြောင်းသိရှိရသည်။ သက်ဆိုင်ရာထန်းကိုင်း ရေနံမြေလုံခြုံရေးဒုရဲအုပ်မင်းသူအောင်နှင့်အဖွဲ့ အခင်းဖြစ်နေရာသို့သွားရောက်စစ်ဆေးရာ သေဆုံးသူ မဝင်းဌေးသည် ထန်းကိုင်းရေနံမြေ ရှိ ဦးညိုကြီး၏ ယာတဲအတွင်းထုတ်တန်းတွင် အရှည်(၅)ပေ၊ လုံးပတ် တစ်မတ်လုံးခန့် ရှိ နှစ်ပင်လိမ် ချည်ကြိုး ဖြင့် လည်ပင်း တွင် ညိုမဲပွန်းပဲ့ဒဏ်ရာရရှိလျှက် ကြိုးဆွဲချသေဆုံးနေသည်ကိုတွေ့ရှိရသဖြင့် အဆိုပါမိန်းကလေးသေဆုံးမှုနှင့်ပက်သက်၍ဓမ္မတာအတိုင်းသေဆုံးခြင်းဟုတ်/မဟုတ်သိရှိရန်မင်းလှမြို့နယ်၊မြို့မရဲစခန်းက သေမှုသေခင်း  အမှတ်စဉ်  ၁၃/၂၀၁၃ ဖြင့်အမှုဖွင့်ထားကြောင်းသိရှိရသည်။

     မကွေးမြို့ ၊မြို့မရဲစခန်းတွင် အောက်တိုဘာ(၁၈)ရက်နေ့ နေလည်(၁)နာရီချိန်က ဗုံးဖောက်ကွဲမှုနှင့်ပက်သက်၍ အသိပညာ ပေးရှင်းလင်းေဟောပြောပွဲပြုလုပ်ခဲ့ရာ ဟောပြောပွဲတွင် မကွေးမြို့နယ်ရဲတပ်ဖွဲ့မှူး ယာယီရဲမှူုး ကျော်ဝင်းချစ် မှ ဗုံးပေါက်ကွဲမှု များနှင့်ပက်သက်၍ပြည်သူများသိသင့်သည်များအားရှင်းလင်းပြောကြားရာတွင် မသမာသူများ၊ဗုံးဖောက်ခွဲသူများ မိမိတို့ ဟိုတယ်၊ တည်းခိုခန်းများတွင် လာရောက် တည်းခိုနိုင်သဖြင့် လာရောက်တည်းခိုသူများအား စနစ်တကျစီစစ်လက်ခံရန် နှင့် တည်းခိုသူများ ၏ကိုယ်ရေးအချက်အလက်များပြည့်စုံစွာမှတ်တမ်းရယူထားရှိရန် နှင့် တည်းခိုသူများအား မှတ်ပုံတင် သက်သေခံ အခိုင်အမာအ ထောက်အထားတစ်ခုခုမရှိဘဲ တည်းခိုခွင့်မပြုကြရန်၊ တည်းခိုသူများပြန်လည်ထွက်ခွာသွားပါက၎င်းတို့နေထိုင်သည့်အခန်းအား စနစ်တကျသေချာစွာစစ်ဆေးပြီးမှပြန်လည်လက်ခံရန်၊ မသင်္ကာဖွယ်ရာ တစ်စုံတစ်တစ်ရာတွေ့ရှိပါက သက်ဆိုင်ရာဌာနများသို့ အမြန်ဆုံးဆက်သွယ်အကြောင်းကြားပေးကြရန် ဖြစ်နိုင်ပါက CCTV ကင်မရာများတပ်ဆင်အသုံးပြုကြရန် CCTV ကင်မရာများ တပ်ဆင်အသုံးပြုပါက ရရှိနိုင်မည့် အကျိုးကျေးဇူးများအားရှင်းလင်းပြောကြားပြီးတက်ရောက်လာကြသည့် ဟိုတယ်နှင့်တည်းခို ခန်းများမှတာဝန်ရှိသူများအား စာအိတ်/ပါဆယ်ပုံးများနှင့်ပက်သက်ပြီး သတိပြုဆောင်ရွက်ရမည့်အချက်များ၊မသင်္ကာဖွယ်စာ အိတ်၊ပါဆယ်ထုပ်များတွေ့ရှိခဲ့ပါက လိုက်နာဆောင်ရွက်ရမည့်အချက်များပါဝင်သည့်လက်ကမ်းစာစောင်များဖြန့်ဝေပေးကြောင်း အဆိုပါဟောပြောပွဲသို့ဟိုတယ်နှင့်တည်းခိုခန်းများမှ တာဝန်ရှိသူ(၁၂)ဦးတက်ရောက် […]

                တောင်တွင်းကြီးမြို့ မောင်းတိုင်(၂)ရပ်ကွက်ရှိ တိုက်သစ်ဘုန်းကြီးကျောင်းဝန်းအတွင်းရှိ သီရိမင်္ဂလာတနင်္ဂနွေဓမ္မာ ကျောင်းတော်တွင် အောက်တိုဘာ(၁၉)ရက်နေ့ နေ့လည်(၂)နာရီချိန်က ယဉ်ကျေးလိမ္မာ သင်တန်းသို့တက်ရောက်လာကြသည့် မူလတန်းအဆင့်ကလေးငယ် (၇၀၀)ဦးခန့်အား သွားနှင့်ခံတွင်းဆရာဝန်ကြီး ဒေါက်တာကျော်ဆွေ မှ မုန့်လုပ်မှု ပညာပေးဟော ပြော ပွဲပြုလုပ်ခဲ့ ရာ ဒေါက်တာကျော်ဆွေ မှယခု ကလေးငယ် များစားသုံးနေသည့်မုန့်များသည် အဟာရမဖြစ်ကြောင်းနှင့် ကျန်းမာ ရေးအားထိခိုက်စေနိုင်ကြောင်း၊ အဆိုပါ မုန့်များတွင် အရောင်ဆိုးဆေး နှင့် တာရှည်ခံအောင်ထားနိုင် သည့် ဓါတုပစ္စည်းများပါ ရှိ ခြင်းကြောင့် ကလေးငယ်များအနေဖြင့် နောင်တွင် အသည်းရောဂါများဖြစ်ပွားနိုင်ကြောင်း၊ ယခုအခါ မြန်မာနိုင်ငံသည် ကမ႓ာတွင် ကင်ဆာရောဂါဖြစ်ပွားမှုနှုန်း ဒုတိယလိုက်နေကြောင်း ၊မိဘများအနေဖြင့်လည်း မိမိတို့သားသမီး များအား နိုင်ငံခြားဖြစ်ဆိုးဆေးပါ မုန့်များစားသုံးခြင်းမပြုစေဘဲ အဟာရပြည့်ဝသည့် မြန်မာမုန့်များကိုသာစားသုံးစေခြင်းသည် မိမိတို့မုန့်လှုပ်ရှားမှုအားတစ်ဖက် တစ်လမ်းမှ ကူညီရာရောက်ပြီး ကလေးငယ်များ၏ကျန်းမာရေးအတွက် […]

မကွေးမြို့၊မြသလွန်စေတီတော်မြတ်ကြီး၏ (၂၅၇၇)ကြိမ်မြောက် ဗုဒ္ဓပူဇနိယပွဲတော် (၂၅)ကြိမ်မြောက် ဆီမီးပူဇော်ပွဲ အခမ်းအနားအား အောက်တိုဘာ(၁၉)ရက်နေ့ညနေ(၆)နာရီချိန်က မြသလွန်စေတီတော်မြတ်ကြီး၏ ရင်ပြင်ပေါ်ရှိ မဟာအတုလ ရံသီတန်ဆောင်းအတွင်းကျုင်းပပြုလုပ်ခဲ့ရာ အခမ်းအနားအား နမောတဿ(၃)ကြိမ်ရွတ်ဆိုပြီးဘုရားကန်တော့ဖွင့်လှစ်ခဲ့သည်။ ဇယနေ္တာဂါထာရွတ်ဆိုပြီးလက်အုပ်ချီကန်တော့ခံ့ကာ တိုင်းဒေသကြီး ဝန်ကြီးချုပ် ဦးဘုန်းမော်ရွှေနှင့်အစိုးရအဖွဲ့ဝန်ကြီးများမှ ဆီမီးများအားကပ်လှူပူဇော်ခဲ့ပြီး ဗုဒ္ဓ္ဒသာသနံစိရံတိဌတု (၃)ကြိမ်ရွတ်ဆို၍ အခမ်းအနားအားရုပ်သိမ်းခဲ့သည်။ မြသလွန်ဘုရား ကြီး၏ဆီမီး (၉၀၀၀) ပူဇော်ပွဲအား အောက်တိုဘာ(၂၇)ရက်နေ့တွင်ကျင်းပပြုလုပ်မည်ဖြစ်ကြောင်းသိရှိရသည် ဆီမီးပူဇော်ပွဲအခမ်း အနားသို့အစိုးရအဖွဲ့ဝန်ကြီးများ၊တိုင်း/ခရိုင်/မြို့နယ်ဌာနဆိုင်ရာအကြီးအကဲများ ၊ဂေါပက အဖွဲ့ဝင်များ၊ဧည့်သည်တော်များ စုပေါင်း (၁၀၀)ဦးခန့်တက်ရောက်ခဲ့ကြသည်။ယခုနှစ် ဘုရားပွဲတော် မိုးရွာသွန်းခဲ့သော်လည်း ပွဲတော်လာပရိတ်သတ်များ ယမန်နှစ်က ထက် များပြားကြောင်းဒေသခံဂေါပက ရုံးမှပြောကြားသည်။

       ပခုက္ကူမြို့၊အမှတ်(၄)ရပ်ကွက်ရှိ သီဟိုဠ်ရှင်ဘုရားကြီး၏ သီတင်းကျွတ်ပွဲတော်နှင့် စာရေးတံမဲလောင်းလှူပွဲအား အောက်တိုဘာ(၁၉)ရက်နေ့နံနက်(၈)နာရီချိန်က ကျင်းပပြုလုပ်ခဲ့သည်။ဘုရားဂေါပကအဖွဲ့မှ ဦးဆောင်၍ ပင့်သံယာ (၁၁၂)ပါး အားပင့်ဆောင်ပြီး ဆွမ်းလုံးဆပ်ကပ်လှူဒါန်းပွဲပြုလုပ်ခဲ့ရာ သံယာ(၁၁၂)ပါးအား(၁)ပါးလျှင် ဆွမ်းလုံး(၁)လုံးစီဆက်ကပ်လှူဒါန်း ခဲ့သည်။ထိုနောက်တက်ရောက်လာကြသူများက မင်းကျောင်း ဆရာတော် ဦးကောဝိဒ ထံမှ ရေစက်ချတရာတော်များနာယူခဲ့ပြီး (၉)ပါသီလခံယူခဲ့ကြသည်။ အဆိုပါလှူဒါန်းပွဲသို့ ပခုက္ကူမြို့ပြည်သူ့ဆေးရုံမှဆေးရုံအုပ်ကြီး ဒေါက်တာသင်းသင်းအေး၊ တပ်မ(၁၀၁)မှ ဗိုလ်ကြီး အောင်နိုင်စိုးနှင့်အဖွဲ့ဝင်များ၊မြို့နယ်ရဲတပ်ဖွဲ့မှူးယာယီရဲမှူး ဦးသန်းစိုးနှင့်အဖွဲ့၊ဒုမြို့နယ်အုပ်ချုပ်ရေးမှူး ဦးကျော်စိုးလွင်၊မြို့နယ်စည်ပင်အမှုဆောင်အရာရှိ ဦးအောင်မင်းကြိုင်၊ ခရိုင်/မြို့နယ်အဆင့်ဌာနဆိုင်ရာ ဝန်ထမ်းများ၊မြို့ပေါ်ရပ် ကွက်များမှ ဆွမ်းလုံးအလှူရှင်များ စုပေါင်းအင်အား(၁၅၀)ကျော်တက်ရောက်ခဲ့ကြကြောင်းသိရှိရသည်။