“အမြင့်အမြင့်မှ အဝေးအဝေးသို့လွင့်ကြည့်ခြင်း…………………….”   ဥမင်သုံးဆယ်ဘုရားအနောက်ဘက်အစွန်ဆုံးမှာကြီးမားလှတဲ့မန်ကျည်းပင်ကြီးရှိပါတယ်။ သူ့အောက်မှာတော့အပန်းပြေထိုင်စရာ ခုံလေးတွေရှိပါတယ်။ ခုံလေးတွေရဲ့မြောက်ဘက်မှတော့ အပေါ်တက်တဲ့လှေကားတစ်စင်း။ ကျနော်နဲ့ပါလာတဲ့အဖော်တွေက အပေါ်ကိုရောက်နေကြပါပြီ။ လှေခါးကနေရှေ့တည်တည့်ကြည့်တဲ့အခါ ရေတက်ချိန်ဖြစ်လို့ ကျယ်ပြန့်တဲ့ရေပြင်ကြီးဖြစ်နေတဲ့ ဧရာဝတီ။ အနောက်ဘက်ခြမ်းမှာတော့ အဖြူမှရွှေရောင်အသွင်းပြောင်းခဲ့တဲ့ကောင်းမူ့တော်စေတီကိုလှမ်းမြင်ရပါတယ်။ ဟိုအရင်ညများမှာတော့ ထုံးသင်္ကန်းနဲ့ကောင်းမူ့တော်ဘုရားက အမှောင်ထဲမှာအလင်းဆောင်နေသလိုဘဲလို့ပြောကြပါတယ်။ အခုရက်မှာတော့ဧရာဝတီမြစ်ရေတက်တဲ့အချိန်ဖြစ်တော့ တောင်ပေါ်ကနေအနောက်ဘက်ကို ကြည့်လိုက်တဲ့အခါ ရေပြင်ကျယ်ကြီးကိုဘဲမြင်နေရပါတယ်။ လွတ်လပ်ကျယ်ပြန့်သောကောင်းကင် စိမ်းစိုမြရှိန်းသောသစ်တောအုပ် ရွှေရောင်ဝင်းလဲ့နေသော စေတီများကိုတွေ့မြင်ရခြင်းက စိတ်အတွင်းမှာကြည်နူးမူ့တွေဖြစ်လာပါတယ်။ အရှေ့ဘက်ခြမ်းမှာတော့ သဲသောင်ယံတွေနဲ့ဧရာဝတီ ။ ဆွမ်းဦးပုညရှင် ရှင်ဖြူရှင်လှဘုရားများ၊ အောက်ဖက်မှာတော့ သီတဂူစေတီတော်  ငါးထပ်ကြီး ဆင်များရှင်ဘုရားများကိုဖူးမြင်ရပြန်ပါတယ်။ တောင်အထက်အမြင့်ဆိုပြန်တော့ သန့်ရှင်းလပ်ဆပ်သောလေကြောင့်အေးမြလို့ကြည်လင်။ သဘာဝတရားကြီးကပေးတဲ့လက်ဆောင်တွေက များပြားလှပါတယ်။ ကဲ မိတ်ဆွေ အားတာမအားတာအပထား ကိုယ့်အနီးအနားက သဘာဝအလှတွေကို သွားပြီခံစားကြည့်လိုက်စမ်းပါ။ အရသာတွေ့သွားမယ်နော်………………………….     ကိုပေါက်လက်ဆောင်မြန်မာပြည်မှအလှတရားများ (24-7-2012)     […]

  “ဥမင်သုံးဆယ်…..”     ခါတိုင်းနှစ်တွေမှာအာဇာနည်နေ့ရောက်တိုင်း မေမြို့တက်တာများပါတယ်။ သူများတွေ  ပြင်ဦးလွင်သွားမယ်လို့ပြောသံကြားရင်ကျနော်နားထဲမှာခပ်ထောင့်ထောင့်။ ငယ်ကတည်းက မေမြို့တက်မယ်ပြောနေကျဖြစ်နေတာကိုးဗျ။ ဒီနှစ်တော့စစ်ကိုင်းသူနဲ့အိမ်ထောင်ကျသွားတဲ့ကိုယ့်လုပ်ဖော်ကိုင်ဖက်က “ဆွမ်းဦးပုညရှင်” သွားရအောင်လို့ပြောလာပါတယ်။ ဒါနဲ့ဘဲမနက်ကိုးနာရီလောက်မှာ မနက်စာစားပြီး စစ်ကိုင်းဘက်ထွက်လာခဲ့ပါတယ်။ ကန်ပါတ်လမ်းရောက်တောွဧရာဝတီမြစ်ရေနည်းနည်းပြန်ကျသွားတာကိုတွေ့ရပါတယ်.။ ကန်ပါတ်လမ်းတောင်ဘက်အဆုံးရေထိန်းတံခါးနားမှာတော့ရေတွေရောက်တော့ သစ်ဖောင်တွေဆိုက်ထားတာတွေ့ရပါတယ်။ ဆယ်နာရီမထုးိခင်မှာ သူတို့နေတဲ့နန္ဒဝန်ရပ်ကွက်ကိုရောက်သွားပါတယ်.။ အဲဒီ အရပ်က ရှေးကတော့ ဘုရင်အတွက်အသီးအနှံတွေဆက်သရတဲ့ဥယျာဉ်တော်ဖြစ်ပါသတဲ့။ သူတို့အိမ်ရှေ့ရောက်တော့ ငုချယ်ရီစပ်လဲခေါ် ဖွားဖက်တော်ပန်းလို့လဲခေါ်တဲ့အပင်က အပွင့်တွေကို မြင်တော့ မြန်မာပန်းလေးတွေစုနေတယ်ဆိုတဲ့ မာမီအတွက်သတိတရ ပန်းတွေကို ဓါတ်ပုံရိုက်ဖြစ်ပါတယ်။ နောက်တော့ ဆိုင်ကယ်တစ်စီးစီနဲ့စစ်ကိုင်းတောင်ပေါ်ကိုချီတက်ခဲ့ကြပါတယ်။ တောင်တက်လမ်းမှာရှိတဲ့သီတဂူစေတီတော်ကတော့ရောက်ထားတာမကြာသေးလို့ မဝင်တော့ပါဘူး။ တောင်တက်လမ်းမစခင်လေးမှာဖြတ်သန်းခကောက်ပါတယ်။ ဆိုင်ကယ်တစ်စီး 200ကျပ်။ တောင်အတက်လမ်းက ပြေပေမယ့် နည်းနည်းလေးမတ်စောက်တဲ့နေရာ နှစ်နေရာမှာတော့ နံပါတ်ဝမ်းဂီယာနဲ့တက်မှအဆင်ပြေပါတယ်.။ ဒါနဲ့ဥမင်သုံးဆယ်ဘုရားကိုရောက်တော့ တောင်ခြေမှာဆိုင်ကယ်ထားပြီးဘုရားပေါ်ကိုတက်ခဲ့ကြပါတယ်။ အရှေ့ဘက်ခြမ်းကနေတက်ရင်တော့ဆိုင်ကယ်ကားတက်လို့ရပါတယ်။ ဒါပေမယ့် အတက်လမ်းက နည်းနည်းလေးမတ်စောက်တော့ အန္တရာယ်များပါတယ်။ ကျဉ်းမြောင်းတဲ့လှေကားလေးအတက်မှာတော့ ဘောစကိုင်းအစေ့လေးတွေနဲ့လုပ်ထားတဲ့ […]