ရန်သူမျိုးငါးပါး-ရေ။မီး၊မင်း၊ခိုးသူ၊မချစ်မနှစ်သက်သောသူ မြန်မာ့ရေးရိုးစွဲလာ လူသား၏ ရန်သူအမျိုးငါးပါးဖြစ်ပါသည်။ ဆိုထုံးမှာရှေးနှစ်မည်မျှကြာသည်ကားမသိ မြန်မာ့ ရေးရိုးအများစုတို့သည် အိန္ဒိယ၏ ဗုဒ္ဓသာသနာကို မှီရကား နှစ်ထောင်ချီနေပြီခန့်မှန်းရ၏။ မိမိက/လူသားက ဘာမှပြန်တုံ့ပြန်မလုပ်နိုင်။ မတားနိုင်။ ပြုသမျှနုရမည် ဘဝရောက်စေသည့် လူသားအားအန္တရာယ်ဖြစ်စေသည့် အသက်အိုးအိမ်စည်းစိမ်ကို ပျက်ဆီးဆုံးရှုံးစေသော သက်ရှိ/သက်မဲ့သဘာဝကို ခေါ်ခဲ့ကြခြင်းဖြစ်ပါသည်။ ရှေးထုံးကိုပယ် ၂၁ရာစုနှင့်ညှိရာဝယ် ငါးပါးကျန်သင့်မကျန်သင့် ကြည့်ပါအံ့။ “ရေ” မြန်မာနိုင်ငံ၌ ယခုနှစ်မိုးတွင်းရေကြီးနေပြန်သည်။ နွေတွင်ရေရှားခဲ့သည်လည်းဖြစ်၍ အချို့ဒေသများမှာ ရေကြီး/ရေရှား နှစ်စဉ်တလှည့်စီဖြစ်နေခြင်းတည်း။ ပြည်ထောင်စုအစိုးရအဆင့်မှ ဦး‌ဆောင်ကော်မတီဖွဲ့ကာ ဖြေရှင်းနေပါသော်လည်း လက်ပူတိုက်ခြင်းသဘောသာဖြစ်နေ၍ အောင်မြင်ခြင်းလည်းမရှိ။ “ကမာ္ဘ့ဥတုရာသီအစွန်းရောက်သွားပြီ”ဖြစ်ရကား နှစ်စဉ်စုနမိလှိုင်းများကဲ့သို့ဆင့်ဆက်လာတော့မည်ဖြစ်သော သဘာဝကပ်ဘေးများကို ရင်ဆိုင်ရန်ကြိုတင်ပြင်ဆင်ထားသည့်အဆင့်မဆိုထားလင့် လက်တလောထ,ဖြစ်နေသည်များကိုပင် နိုင်အောင်မထိမ်းနိုင်။ ပညာရှင်ချို့ယွင်း/နည်းပါးနေသလော?။ ကမာ္ဘတွင်ကား ရေကြီး/ရေလျှံ။မိုးခေါင်ရေရှားအတွက် ထိန်းကြောင်းစနစ်ကောင်းများရှိခဲ့ပြီ။ ရေစီမံခန့်ခွဲမှုကို ဘွဲ့လွန် ပါရဂူအဆင့်ထိထားသင်ကြားပေးနေနိုင်ကြပြီ။ ရေနှင့်လူသားဆက်ဆံအသုံးပြုနေကြသည်မှာ နှစ်ထောင်-သောင်းချီခဲ့ပြီမဟုတ်ပါလား။ ငလျင်ကြောင့် ကမ်းရိုက်လှိုင်းစုနမိလာမည်ဆိုဦး လူအသေအပျောက်နည်းအောင် […]