မင်းလှမြို့နယ်ဒဟတ်ပင်ရေနံမှော်မီးလောင်မှုဖြစ်ပွားပြန် သရက်ခရိုင်၊မင်းလှမြို့နယ်၊ဒဟတ်ပင်ရေနံမှော်ရေနံမြေလုပ်ကွက်အမှတ်(၅)MOGE အနောက်ဘက်တစ်မိုင်ခန့်အကွာရှိ  ဦးသန်းဝင်း ၏ယာခင်းအတွင်းတွင် နိုဝင်ဘာ(၈) ရက်နေ့နံနက်(၁၀)နာ ရီ(၁၅)မိနစ်ချိန်က မီးလောင်မှုဖြစ်ပွားခဲ့သည်။ ဖြစ်စဉ်မှာ ဦးသန်းဝင်း၏ယာခင်းအတွင်း  ရေနံကျင်းပိုင်ရှင် ဦးလှမိုး အုတ်ပုံရွာ မင်းလှမြို့နယ်နေသူ ၏ကလပ်တွင်း၌  ရေနံလုပ်သား သန်းနိုင်ဦး ကလေးမြို့နယ် စစ်ကိုင်းတိုင်းဒေသကြီးနေသူသည် ရေနံခပ်စဉ် ရေနံခွက်နှင့်သံပိုက်ပွတ်တိုက်မိရာမှမီးပွင့်၍မီး လောင်မှုဖြစ်ပွားခဲ့ရာ အခင်းဖြစ်နေရာသို့ ဒေသခံများ၊အရန်မီးသတ်တပ်ဖွဲ့ဝင်များ၊MOGE ဝန်ထမ်းများပူးပေါင်း၍မီးငြိမ်းသတ် ခဲ့ရကြောင်း မီးလောင်မှုကြောင့် ရေနံစိမ်း(၁)ပေပါမီးလောင်ကျွမ်းခဲ့သဖြင့် ဆုံးရှုံးမှုတန်ဘိုးကျပ်(၅)သောင်းခန့်ဖြစ်ကြောင်း ရေနံအားပေါ့ဆစွာခပ်သူ သန်းနိုင်ဦးအား မင်းလှမြို့မရဲစခန်းမှ (ပ)၁၂၅/၂၀၁၃ ၊ပုဒ်မ ၂၈၅ ဖြင့်အမှုဖွင့်အရေးယူထားကြောင်း သိရှိရသည်။ ရေစကြိုမြို့နယ်တွင် အမျိုးသားတစ်ဦးကြိုးဆွဲချသေဆုံးမှုဖြစ်ပွား မကွေးတိုင်းဒေသကြီး၊ရေစကြိုမြိုနယ်၊ ပညှင်းကျေးရွာတွင် နိုဝင်ဘာ(၆)ရက်နေ့နံနက်(၄)နာရီချိန်ကကြိုးဆွဲချ သေဆုံမှုဖြစ် ပွားခဲ့သည်။ ဖြစ်စဉ်မှာအဆိုပါကျေးရွာနေ ဒေါ်ဂျစ်ခင် အသက်(၄၀)နှစ်သည်၎င်း၏နေအိမ်အတွင်း ထုတ်တန်းနှင့် မြေပြင်အ ကွာ(၆)ပေ (၈)လက်မခန့်တွင် နိုင်လွန်ကြိုးလုံးပတ်(၃)မူးခန့်နှင့်ကြိုးဆွဲချသေဆုံးနေသဖြင့် အခင်းဖြစ်နေရာသို့ ရေစကြိုမြို့မရဲစခန်းမှ […]

မကွေးမြို့နယ် ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီမှကြီးမှူးဖွင့်လှစ်သည့် ကွန်ပြူတာသင်တန်း(၃/၂၀၁၃) သင်းတန်းဆင်းပွဲအခမ်းအနားကျင်းပပြုလုပ် မကွေးမြို့နယ် ပြည်ထောင်စုကြံ့ခိုင်ရေးနှင့်ဖွံ့ဖြိုးပါတီမှကြီးမှူးကျင်းပသည့် ကွန်ပျူတာသင်တန်း(၃/၂၀၁၃)သင်တန်း ဆင်းပွဲအခမ်းအနားအား နိုဝင်ဘာ(၈)ရက်နေ့နံနက်(၉)နာရီချိန်က မကွေးတိုင်းဒေသကြီး ပြည်ထောင်စုကြံ့ခိုင်ရေးနှင့်ဖွံ့ဖြိုးရေး ပါတီ အစည်းအဝေးခန်းမတွင်ကျင်းပပြုလုပ်ခဲ့ကြောင်း အခမ်းအနားတွင် ဗဟိုကော်မတီဝင် တိုင်းဒေသကြီးပါတီအမှုဆောင် ဦးဟန်မောင်မှသင်တန်းဆင်းအမှာစကားပြောကြားခဲ့ပြီး မကွေးမြို့နယ်ပါတီအတွင်းရေးမှူး ဦးအောင်သိန်းကျော်မှ သင်တန်းသား (၁၂၅)ဦးအားသင်တန်းဆင်းအောင် လက်မှတ်များပေး အပ်ခဲ့ကြောင်း ထိုအခမ်းသို့ တိုင်း၊ခရိုင်၊မြို့နယ်များမှပါတီကော်မတီဝင်များ၊ သင်တန်းနည်းပြများ၊ရပ်ကွက်/ကျေးရွာများမှပါတီစည်းရုံးရေးမှူးများနှင့်အဖွဲ့ဝင်များ၊သင်တန်းသား၊သင်တန်း သူများ စုပေါင်းအင် အား(၁၇၀)ဦးတက်ရောက်ခဲ့ကြကြောင်းသိရှိရသည်။ ကလေးငယ်များ ငါးရှာကျင်စက်ဖြင့်တို့သည်ကိုမပြုလုပ်ရန်တားမြစ်ရာမှလက်လွန်ခဲ့ဟုဆို အောင်လံမြို့နယ်၊လက်ပံကျေးရွာတွင် နိုဝင်ဘာ(၆)ရက်နေ့နေ့လည်(၃)နာရီချိန်က သမက်ဖြစ်သူမှ ယောက္ခမဖြစ်သူအား ဓါးဖြင့်ခုတ်၍သေဆုံးမှုဖြစ်ပွားခဲ့သည်။ဖြစ်စဉ်မှာ လက်ပံကျေးရွာနေ အသက်(၅၅)နှစ်ရှိ ဦးလှငွေ သည်၎င်း၏သမီးဖြစ်သူ အသက်(၂၀)ရွယ် မခိုင်ယုမော် နှင့် မြေးဖြစ်သူ အသက်(၂)နှစ်(၈)လကလေးငယ် မပပဝင်း တို့နှစ်ဦးအား ငါးရှာစက်(ကျင်စက်) ဖြင့်လိုက်တို့နေသည်ကို သားမက်ဖြစ်သူ ရန်အောင် မှ ငါးရှာကျင်စက်ဖြင့်ကလေးငယ်များအားမတို့ရန်ပြောသော်လည်းမရရှိ သဖြင့်ဒေါသဖြစ်ကာ အသင့်ကိုင်ဆောင် […]

အောင်လံမြို့နယ်ရှိဘွတ်ကြီးဆည်ရေလွှတ်မြောင်းအတွင်း အမျိုးသမီးအလောင်းတစ်လောင်းတွေ့ရှိ      မကွေးတိုင်းဒေသကြီး၊အောင်လံမြို့နယ်ရှိ ဘွတ်ကြီးဆည်ရေလွှတ်မြောင်းအတွင်း နိုဝင်ဘာ(၅)ရက်နေ့ညနေ(၄)နာရီခွဲ ချိန်က ဝတ်လစ်စလစ်နှင့်အမျိုးသမီးအလောင်းတစ်လောင်းတွေ့ ရှိကြောင်း သိရှိရသည်။အခင်းဖြစ်နေရာသို့ ရွှေပန်းတောနယ် မြေရဲစခန်းမှ ဒုရဲအုပ် ထွန်းကြွယ်နှင့်အဖွဲ့သက်သေများနှင့်သွားရောက်စစ်ဆေးခဲ့ရာ မမော်လွင်၊ အသက်(၃၈)နှစ်၊ ကျေက်ပန်းတောင်း ရွာ အောင်လံမြို့ နယ်နေသူဖြစ်ကြောင်းသိရှိရပြီး ပြင်ပဒဏ်ရာတစ်စုံတစ်ရာမ တွေ့ရှိရကြောင်း  ထိုမိန်းကလေး သေဆုံးမှုနှင့်ပက်သက်၍ ဓမ္မတာအတိုင်းသေဆုံးခြင်းဟုတ်/မဟုတ်သိရှိရန်အတွက် အောင်လံမြို့နယ် ၊ရွှေပန်းတော နယ်မြေရဲစခန်းကသေမှုသေခင်းအမှတ်စဉ် ၆/၂၀၁၃ ဖြင့်အမှုဖွင့်စစ်ဆေးနေကြောင်းသိရှိရသည်။ ပေါက်မြို့နယ်တွင် ဝန်ထမ်းအယောင်ဆောင်လိမ်လည်သူအားဖမ်းဆီးမိ ပခုက္ကူခရိုင်၊ပေါက်မြို့နယ်၊ ဝန်တင်ကျေးရွာတွင် နိုဝင်ဘာ(၄)ရက်နေ့က ကျောင်းစစ်အရာင်ဆောင်၍ငွေလိမ်ယူမှုဖြစ်ပွား ခဲ့သည်။ ဖြစ်စဉ်မှာအဆိုပါနေ့နံနက်(၉)နာရီချိန်က ဝန်တင်ကျေးရွာမူလတန်း လွန်ကျောင်းကော်မတီ မှ ဦးမြင့်လွင် မှကျောင်းစစ်ရောက်နေ ကြောင်း ဝန်တင်ကျေးရွာအုပ်စုအုပ်ချုပ်ရေးမှူး မောင်ဖိုးတွဲ ထံလာရောက်သတင်းပို့သဖြင့် ကျောင်းသို့သွားရောက်သောအခါ  ကျောင်းရုံးခန်းအတွင်း တိုက်ပုံအကျင်္ ီအဖြူ ၊ကျောင်းစိမ်းလုံချည်၊လက်ရှည်အအဖြူဝတ်ဆင်ထားသည့် နေမင်း(ခ)သားဇော်၊ ကန်ကျေးရွာ ဂန့်ဂေါမြို့နေသူအားတွေ့ရှိရာ၎င်းမှာ […]

မောင်ဖြစ်သူမှအစ်မဖြစ်သူအားအမွေကိစ္စဖြင့်စကားများရာမှပုလင်းဖြင့်ရိုက်မှုဖြစ်ပွား                စလင်းမြို့နယ်၊မြောင်းမကြီးကျေးရွာနေတရားလို မမာရီ အသက်(၃၉)နှစ်သည်နေအိမ်တွင်ရှိနေစဉ် မောင်ဖြစ်သူ ဖိုးထောင်(ခ)အေးနိုင် နှင့် သူငယ်ချင်းဖြစ်သူမျိုးကိုတို့အိမ်လည်ရောက်ရှိ လာပြီး နေအိမ် တွင်ချက်ပြုတ်ထားသည့် ဝက်သားဟင်း နှင့်၎င်းတို့အသင့်ပါလာသည့် အရက်နှင့်သောက်စားနေစဉ် ထနောင်းရွာရှိ မိဘများကျန်ရစ်ခဲ့သောအိမ်ဝိုင်းနှင့်ပက်သက်၍အမွေ ကိစ္စစကားပြောရာမှ မောင်ဖြစ်သူ ဖိုးထောင် (ခေါ်)အေးနိုင်မှ အရက်ပုလင်းခွံနှင့်မမာရီ၏ဦးခေါင်းအား(၃)ချက်ရိုက်ခဲ့ရာ မမာရီတွင် ဝဲဘက်ဂျိုဇောင်းပေါက်ပြဲဒဏ်ရာ(၁)ချက်၊နောက်စေ့ပေါက်ပြဲဒဏ်ရာ(၁)ချက်(စိုးရိမ်ရ)ဒဏ်ရာရရှိခဲ့သဖြင့် မမာရီမှ တရားလိုပြုလုပ် တိုင်တန်းခဲ့ရာ စလင်းမြို့နယ်၊မြို့မရဲစခန်းမှ (ပ)၆၇/၂၀၁၃၊ပြစ်မှုပုဒ်မ ၃၂၅ ဖြင့်အမှုဖွင့်ထားကြောင်းသိရှိရသည်။ နိုင်ငံတော်ပိုင်သစ်များ ခုတ်ယူ ခွဲစိတ်သယ်ယူပို့ဆောင်နေသူများအားဖမ်းဆီးမိ    မကွေးတိုင်းဒေသကြီး၊ ဂန့်ဂေါမြို့နယ်၊ကျွန်းဒုတ်ကျေးရွာနှင့်ချင်းပြည်နယ်၊ဟားခါးမြို့နယ်၊ဘုံဇုံကျေးရွာနယ်စပ်တွင် တရားမဝင် သစ်များခုတ်ယူ၊ခွဲစိတ်၊သယ်ယူပိုဆောင်နေကြောင်းသတင်းအရ သက်ဆိုင်ရာ ဂန့်ဂေါခရိုင်သစ်တောဦးစီးဌာလက်ထောက် ညွှန်မှူး ဦးကျော်မင်းသိန်း ဦးဆောင်သည့်ပူးပေါင်းအဖွဲ့သည် နိုဝင်ဘာ(၅)ရက်နေ့နံနက်(၁၀)နာရီခွဲချိန်က စီးနင်းဝင်ရောက်ရှာဖွေ ခဲ့ရာ ကျွန်းသစ်ပါသစ်လုံး(၄၁)လုံး၊ (၈.၇၇၃)တန်၊သစ်ခွဲသား(၃၁၃)ချောင်း(၅.၃၆)တန်၊(၆)ဘီးအစိမ်းရောင်ကားတစ်စီး၊ (၁၀)ဘီးကရိန်းယာဉ်တစ်စီး၊ဂျင်ဒေါင်းအင်ဂျင်(၁)လုံး၊ ၃.၅ပေလွှဝိုင်း(၁)ဝိုင်း၊ချိန်းစောလွှ(၁)ခု၊ကမ်ဘို ၁၂၅ ဆိုင်ကယ်တစ်စီး၊  ကျွဲ(၂)ကောင်တို့နှင့်အတူ စိန်ဝင်းမောင်၊အသက်(၃၇)နှစ် […]

ငဖဲမြို့နယ်တွင် အသက်(၉၀)အဖွား ဖယောင်းတိုင်မီးထွန်းအိပ်ရာမှ မီးလောင်သေဆုံးခဲ့       မင်းဘူးခရိုင်၊ငဖဲမြို့နယ် ဂုတ်ကြီးကျေးရွာ၏မြောက်ဘက်(၁)ဖာလုံခန့်အကွာရှိ အောက်ချိုင့်စိုုက်ခင်းစောင့်တဲတွင် နိုဝင်ဘာ(၃)ရက်နေ့ည(၈)နာရီခွဲချိန်က မီးလောင်မှုဖြစ်ပွားခဲ့သည်။ဖြစ်စဉ်မှာ အဆိုပါ တဲတွင်တစ်ဦးတည်းနေထိုင်သည့် ဒေါ်လူတောက်၊အသက်(၉၀)နှစ်၊ဂုတ်ကြီးကျေးရွာ ငဖဲမြို့နယ်နေသူသည် ၎င်း၏တဲတွင် ဖယောင်းတိုင်မီးထွန်းပြီး အိပ်ပျော် နေရာမှ (၁၀)ပေ ပတ်လည်ရှိ(၂)ပင်တဲ၊ ဝါးကပ်ကာ ၊မြက်သက္ကယ်မိုး၊ဝါးကြမ်းခင်း အားမီးကူးစက်လောင်ကျွမ်းခဲ့ရာမှ ဒေါ်လူတောက်၏ ခန္ဓာကိုယ်တစ်ခုလုံးမီးလောင်ကျွမ်းသေဆုံးနေကြောင်း ငဖဲမြို့နယ် ဂုတ်ကြီးရဲကင်းစခန်းမှူး ဒုရဲအုပ် ကျော်မျိုး နှင့် အဖွဲ့သက်သေ များနှင့်သွားရောက်စစ်ဆေးချက်အရသိရှိရပြီး ဆုံးရှုံးမှုတန်ဖိုးကျပ်(၅၀၀၀)ခန့်ဖြစ်ကြောင်း မီးပေါ့ဆစွာသုံးစွဲသူ ဒေါ်လူတောက်အား ငဖဲမြို့နယ်၊ငဖဲမြို့မရဲစခန်းမှ (ပ)၆၇/၂၀၁၃၊ ပုဒ်မ ၂၈၅/၃၀၄-က ဖြင့် အမှုဖွင့်ထားကြောင်းသိရှိရသည်။ မန်းချောင်းအတွင်း အမည်မသိအမျိုးသားအလောင်းတစ်လောင်းပုတ်ပွသေဆုံး          မကွေးတိုင်းဒေသကြီး၊မင်းဘူးမြို့နယ် မန်းချောင်းအတွင်း နိုဝင်ဘာ(၃)ရက်နေ့ည(၇)နာရီ(၄၅)မိနစ်ချန်က အလောင်းတစ် လောင်းမျောပါလာကြောင်းသတင်းရရှိသည်။သတင်းအရ စကုနယ်မြေရဲစခန်းမှ ဒုရဲအုပ် မျိုးဝေဦးနှင့်အဖွဲ့သွားရောက်စစ်ဆေးခဲ့ ရာ အမည်နေရပ်လိပ်စာမသိ၊အသက်အရွယ်အားဖြင့် (၂၀)နှစ်ခန့်အမျိုးသားအလောင်းတစ်လောင်းဖြစ်ပြီး […]