လူတိုင်းချစ်တတ်ကြမှာပါ၊ချစ်လဲချစ်နေကြမှာပါ၊ဒါပေမဲ့ကျွန်တော်တို့တွေကဘယ်ထိအောင်များချစ်နိုင်ကြလို့လဲ…. နောင်ဘဝပေါင်းများစွာချစ်ချင်ကြမှာပါ၊အဲဒီချစ်ချင်သူတွေကျွန်တော်ရဲ့ပုံပြင်လေးနားထောင်ပြီးဆက်ချစ်နိုင် ကြပါအုံးမလားဆိုတာ…………….ပုံပြင်လေးကဒီလိုပါ…………………………………………………………….. ……..တစ်ခါတုန်းကတောမီးလောင်လို့ရှဉ့်ဖိုနဲ့ရှဉ့်မလေးဟာထွက်ပြေ်းကြတယ်တဲ့။ပြေးရင်းပြေးရင်းပင်လယ်ကမ်းခြေနား ရောက်သွားကြတယ်။မီးဘေးကလွတ်သွားကြပေမယ့်ဆာလောင်မွတ်သိပ်တဲ့အရေးကိုတော့မရှောင်နိုင်တော့အစာ ရှာကြရတယ်။အစာရှာရင်းကံမကောင်းအကြောင်းမလှတော့ရှဉ့်မလေးဟာပင်လယ်ရေထဲကျသွားပါလေရော မီးဘေးဆာလောင်မွတ်သိပ်တဲ့ဘေးတွေအပြင်ရှဉ့်မလေးခမျာသေဘေးကိုပါရင်ဆိုင်ရတာဖြစ်မှာပေါ့နော်။ ရှဉ့်ဖိုလေးဟာရှဉ့်မလေးပင်လယ်ထဲကျသွားမှန်းလဲသိရော၊တစ်ခါတည်းပင်လယ်ထဲဆင်း၊သူ့အမြီးကိုပင်လယ်ရေ ထဲနှစ်၊ကုန်းပေါ်ပြန်တက်အမြီးကရေကိုခါ၊ပင်လယ်ရေထဲဆင်း၊အမြီးကိုရေထဲနှစ်၊ကုန်းပေါ်ပြန်တက်၊အမြီးကရေ ကိုခါနဲ့အသက်မကချစ်ရတဲ့သူ့ချစ်သူရှဉ့်မလေးကိုပင်လယ်ရေခမ်းသည်အထိခါထုတ်ခပ်ထုတ်ပြီးကယ်မယ်ဆို တဲ့ချစ်ဇောအဟုန်နဲ့အားသွန်ပြီးကြိုးစားနေရှာတဲ့ရှဉ့်ဖိုလေးရဲ့လုပ်ရပ်ကိုမြင်ယောင်ကြည့်ကြပါလားဗျာ၊အချစ်ရဲ့စွမ်း အင်ဟာဘယ်လောက်တောင်ကြီးမားသလဲဆိုရင်………………………………………………………………….. ……….အဲဒီလိုရှဉ်ကလေးပင်လယ်ရေခပ်ထုတ်နေတာကိုပင်လယ်ကမ်းစောင့်နတ်ကမြင်နေတယ်၊ ရှဉ့်ကလေးရဲ့လုပ်ရပ်ကိုကြည့်ပြီးလဲသနားနေတာပေါ့၊ဒါနဲ့သေသွားတဲ့ရှဉ့်မလေးအဖြစ်ကိုကြည့်လိုက် တော့ရှဉ့်မလေးဟာရေနစ်ပြီးသေသွားပြီ၊သေပြီးတဲ့နောက်အဲဒီရှဉ့်မလေးဟာပင်လယ်ရေစောင့်နတ် ရဲ့မိဘုရားတစ်ပါးဖြစ်နေတာကိုမြင်နေရတယ်၊ဒီအဖြစ်တွေကိုသိမြင်နေတဲ့ကမ်းစောင့်နတ်ကရှဉ့်ဖိုကလေး ကို…”ရှဉ့်ကလေး….သင်ဟာပင်လယ်ရေကိုခပ်ထုတ်နေတာဟာ.အချည်းနှီးပဲ၊သင့်ချစ်သူရှဉ့်မလေးဟာသေ ဆုံးသွားပြီ၊သေပြီးလို့အခုပင်လယ်စောင့်နတ်ရဲ့မိဖုရားဖြစ်နေပြီ၊သင်ကြည့်ချင်ရင်ဟောဟိုမှာကြည့်ဆိုပြီး နတ်တန်ခိုးနဲ့ပြလိုက်တယ်တဲ့။ရှဉ့်ဖိုလေးဟာလှမ်းလဲကြည့်လိုက်ရောသူ့ချစ်သူရှဉ့်မလေးဟာပင်လယ်စောင့်နတ် ရဲ့ဘေးမှာမိဖုရားအဖြစ်နဲ့အင်မတန်ကျေနပ်ပျော်ရွှင်နေတာကိုမြင်လိုက်တယ်။အဲလိုမြင်လိုက်တယ်ဆိုရင်ဘဲ ရှဉ့်ဖိုလေးဟာပင်လယ်ကမ်းကသဲတွေကိုမနားမနေပင်လည်ထဲကိုသယ်ပြီးထည့်တော့တာပါဘဲ။သူသဘောက သူ့ကိုမေ့ပျောက်ပြီးပင်လယ်နတ်နဲ့ဒီလောက်တောင်ပျော်နေရလားဆိုပြီးပေါ့၊အဲဒါနဲ့ရှဉ့်ဖိုလေးဟာ…….. နင်တို့ပျော်ဖို့နင်တို့နေဖို့ဘုံပျောက်အောင်ပင်လယ်ရေတွေနေရာမှာသဲတွေရောက်စေရမယ်ဒါမှနင်တို့အတွက်ပျော် စရာနေရာမရှိမှာ…..ဆိုတဲ့သဘောနဲ့ခုလိုသဲတွေကိုပင်လယ်ထဲမနားမနေထည့်နေတာဖြစ်မှာပါ။ ……….အချစ်ရဲ့စွမ်းအင်ကြီးသလောက်…အမုန်းဒေါသရဲ့စွမ်းအင်ဟာလဲကြီးမားလှပါတယ်နော်။ ………..”ချစ်သောသူကိုမမြင်ရခြင်း၊ကွေကွင်းရခြင်းသည်ဆင်းရဲ၏………….. မုန်းသောသူကိုမြင်ရခြင်း၊ကြုံတွေ့ဆက်ဆံရခြင်းသည်ဆင်းရဲ၏………… ချစ်ခြင်းမုန်းခြင်းမရှိသောသူှမှာအနှောင်အဖွဲ့တို့မရှိကုန် ူ ဝမ်းနဲခြင်းဝမ်းသာခြင်းတို့လည်းမရှိကြကုန်။