ဗေဒင်ဆို- အတော်များများကသိချင်ကြပါတယ်၊မေးကြပါတယ်။ မှန်တာတွေလည်းရှိတော့၊ ဗေဒင်မေးချင်သိချင်ကြတာဟာ၊ မဆန်းဘူးလို ့ကျွန်မမြင်ပါတယ်။ ဗေဒင်-မဟာဘုတ်ပညာနဲ ့ပတ်သက်လာပါက၊ မဟာဘုတ်ဗေဒင်ပညာရပ်ကိုလေ့လာထားဘူးလို ့ ပြောပြချင်တာလေးတွေ ၊ ကျွန်မမှာရှိနေပါတယ်။ ဗေဒင်-မဟာဘုတ်ပညာရပ်ကို၊ရိုးရှင်းလွယ်ကူစွာတွက်ချက်လို ့ရတဲ့အပြင် မှန်နေတာလည်းသိရလို့ပါ။ လူတစ်ယောက်ရဲ ့ဇာတာအရ။မွေးဖွားတဲ့သက္ကရာဇ်၊နေ ့နံသိပါလျင် ဗေဒင်မဟာဘုတ်-ပညာဖြင့်တွက်ချက်ကြည့်ပါက၊ တစ်ဦးနှင့်တစ်ဦး၊လက်ထပ်ယူသင့်,မယူသင့်၊ အိမ်ထောင်ရေးကံကောင်းမကောင်း,ချမ်းသာမယ်,မချမ်းသာဘူး ဆိုတာတွေ၊သိရပါတယ်။ ဗေဒင်မေးတာတွေနဲ ့ပတ်သက်ပြီးတော့၊ လူအများကတော့၊ကံကောင်းလို ့ဘဲဖြစ်ဖြစ်၊ ကံမကောင်းလို ့ဘဲဖြစ်ဖြစ်၊ သိချင်စိတ်နဲ ့ဗေဒင်မေးတာ,မြန်းတာတွေ ရှိနေပါတယ်။ ကျွန်မအနေနဲ ့ယခင်ကဗေဒင်-မဟာဘုတ်ပညာကို အပျာ်တမ်းလေ့လာခဲ့တာပါ။လေ့လာခဲ့မိလို ့လည်း၊ ဗေဒင်-မဟာဘုတ်ပညာဟာ- စိတ်ဝင်စားစရာကောင်းတဲ့ ပညာရပ်ဖြစ်နေတာ ကျွန်မသိခဲ့ရပါတယ်။ အထူးသဖြင့်၊ကျွန်မကိုဗေဒင်မေးကြတဲ့သူတွေ(ရင်းနှီးတဲ့မိတ်ဆွေ)ထဲမှာ အိမ်ထောင်ရေးကံကောင်းမှုရှိ,မရှိနဲ ့၊ဘယ်လိုလူမျိုးနဲ ့ဖူးစာဖက်-ရပါလျင် အဆင်ပြေမှုရှိမရှိဆိုတာနဲ ့ပတ်သက်ပြီးမေးကြတာတွေ ရှိပါတယ်။ ရှေးဟောင်းဗေဒင်ကျမ်းစာအုပ်အရ၊(မှတ်မိရသလောက်)နဲ ့၊ ဖူးစာအရေး(အိမ်ထောင်ရေး)နဲ ့ပတ်သက်ပြီး၊ပြောပြ,ဟောပြပေးပါတယ်။ ကျွန်မလ့လာမှတ်သား၊သိရှိထားတဲ့အတိုင်း၊မေးလာသူတွေကို အိမ်ထောင်ရေးကံကောင်း,မကောင်းနှင့်၊ဖူးစာဖက်-ဖြစ်သင့်,မဖြစ်သင့်, ချမ်းသာမယ်,မချမ်းသာဘူးဆိုတာတွေ၊ နဲ ့ပတ်သက်ပြီး၊ဗေဒင်မေးသူတွေကို၊ ကျွန်မမှာအချိန်ပေးနေရလို ့၊ ကျွန်မအတွက်တော့အလုပ်ပိုပါတယ်။ (မေးလာသူကို၊မပြောပြရပါလျင်လည်း၊နေနိုင်တဲ့သူမဟုတ်လို ့ပါ)။ ဖူးစာအရေး(အိမ်ထောင်ရေး)နဲ ့ပတ်သက်ပြီး၊ ကျွန်မကိုယ်တွေ ့မျက်မြင်လေ့လာထားမှု(ပြောပြ,ဟောပြမှု)များအရလည်း၊ ဗေဒင်-မဟာဘုတ်ပညာ၊မှန်ကန်မှုရှိနေတာ၊ကျွန်မကိုယ်တိုင်သိရှိခဲ့ပါတယ်။ ဒါကြောင့်လည်းမိမိတို ့ဇာတာများမှာ၊ဖူးစာအရေး(အိမ်ထောင်ရေး)နှင့်ပတ်သက်ပြီး ဖူးစာဖက်-အနေအားဖြင့်သင့်၏မသင့်၏,ကောင်း၏,မကောင်း၏၊ ဆိုတာတွေကိုသိရှိရလို ့၊မိမိတို ့ဇာတာ-မဟာဘုတ်မှာပါတဲ့အတိုင်း၊ ဖူးစာ(အိမ်ထောင်ရေး)နဲ ့ပတ်သက်ပြီး၊ […]

ကျွန်မလေးစားမိတဲ ့ကျွန်မရဲ ့ဓမ္မမိတ်ဆွေကို စာစီကုံးရေးဖွဲ ့ရပါလျင်၊ရေးကုန်မည်မထင်ပါ။ ကျွန်မပင်စင်ယူပြီးနောက်ပိုင်း၊ရိပ်သာဝင်ဖြစ်ပါတယ်။ တိုက်တိုက်ဆိုင်ဆိုင်ပါဘဲ။ မရည်ရွယ်ပါဘဲ၊ရိပ်သာမှာဆုံခဲ့ကြပါတယ်။ တစ်နှစ်နီးပါးအားထုတ်တဲ့ကျွန်မနဲ ့၊(၂)နှစ်ကျော်(၃)နီးပါးကြာမြင့်အောင် အားထုတ်ခဲ့တဲ့သူ ့ကို၊ကျွန်မထက်ပိုအားထုတ်နိုင်ခဲ့တာကို သိရပြန်တော့ ကျွန်မအနေနဲ ့က၊သူ ့အပေါ်မှာလေးစားပြီးရင်း၊လေးစားရပါတယ်။ တစ်နှစ်နီးပါးရိပ်သာမှာနေခဲ့တာမို ့၊ရာသီဥတုသုံးလီနဲ ့ညီမျှမှုရှိတဲ့အစားအသောက် အသုံးအဆောင်တွေ၊တစ်နှစ်ပတ်လုံးလိုလို၊လှူဒါန်းနေတာတွေကိုလည်း၊ ကျွန်မကိုယ်တိုင် မြင်တွေ ့ခဲ့ရပါတယ်။ ရာသီအလိုက်၊လိုက်လျောညီထွေအောင်လှူတတ်တာကိုလည်း၊ကျွန်မအနေနဲ ့ သူ ့အပေါ်မှာလေးစားလို ့မဆုံးနိုင်ပါဘူး။ ဆောင်းဦးမှာအအေးဓါတ်ဝင်လာတာနဲ ့၊တရားအားထုတ်နေကြတဲ့၊ရဟန်း,ယောဂီ,သီလရှင်, ဝေယျာဝစ္စအဖွဲ ့နဲ ့ကျောင်းမှာရှိတဲ့၊ရဟန်း,ယောဂီ,သံဃာအကုန်၊တစ်ကျောင်းလုံးအတွက် အဝတ်အထည်(အနွေးထည်)၊စောင်၊သဘက်၊ခြေအိပ်အဆုံး၊လှူဒါန်းပါတယ်။ ဆွမ်းကတော့ အကြိမ်ကြိမ်ကပ်ပြီး၊အမြဲလိုလိုကုသိုလ်ယူနေတာမို ့၊သူဆွမ်းကပ်လှူတိုင်းလည်း ကျွန်မကိုကုသိုလ်ရအောင်၊အတူတကွကပ်လှူစေခဲ့ပါတယ်။ သူနဲ  ့ကျွန်မ၊ရိပ်သာအတူတူဝင်ဖြစ်တဲ့ကာလတွေမှာ၊ အမှတ်တရဖြစ်ဆုံးက၊ကျွန်မမွေးနေ ့ပါ။ကျွန်မမွေးနေ ့မှာ၊အမှတ်တရအဖြစ် ပရိတ်ကြီး(၁၁)သုတ်၊တရားစာအုပ်တွေကို၊သူကိုယ်တိုင်မှာပေးပြီး၊ကျောင်းကယောဂီအကုန်၊ တရားစာအုပ်အလှူ(ဓမ္မဒါန)ပြုလုပ်ပေးတာပါ။ ကျွန်မကိုဆရာတော်ကိုယ်တိုင်ကသီလရှင်ဝတ်ပေးတော့၊သူလည်းမနေနိုင်ကုသိုလ်ပါဝင်ပြန်ပါတယ်။ သူ ့အနေနဲ ့သီလရှင်ဝတ်ပေးခဲ့တာတွေလည်း အများကြီးရှိနေခဲ့တာ၊မျက်မြင်တွေ ့ခဲ့ရပြန်ပါတယ်။ သူ ရဟန်းပြုပေးခဲ့တာတွေလည်းမနည်းပါဘူး။ လူ ့ဘဝနေရတဲ့အခိုက်ကလေးမှာ၊သူက ကုသိုလ်တွေကိုသာရအောင်စုဆောင်းနေ တာမို ့၊ကျွန်မစိတ်ထဲမှာသူ ့အပေါ်အားရကျေနပ်မိတဲ့အပြင်၊သူကကျွန်မအတွက် လေးစားအတုယူစရာ,အားကျစရာကောင်းတဲ့သူဖြစ်နေပါတယ်။ ကျွန်မရိပ်သာကနေသူ ့ထက်အရင်စောထွက်လာတာမို ့၊ဥပုသ်နေ ့တွေလိုမျိုးမှာ သူကကျွန်မကိုတွေ ့တဲ့အခါတိုင်း၊ထပ်မံပြီး ရိပ်သာပြန်ဝင်ဖို ့ကိုလည်း၊အမြဲလိုလို တိုက်တွန်းနိူးဆော်ပြန်ပါတယ်။ သူနဲ ့အတူတူလည်း၊ကျွန်မကိုသာသနာပြုလိုက်လုပ်နိုင်ဖို ့တောင်းဆိုပါသေးတယ်။ သူ ့ရည်ရွယ်ချက်တွေထဲမှာ၊သူပိုင်ဆိုင်တဲ့မြေတွေပေါ်မှာနဲ ့၊ရိပ်သာတွေမှာ သာသနိက အဆောက်အဦတွေဆောက်လုပ်လှူဒါန်းပြီး၊သာသနာပြန် ့ပွားအောင်လုပ်ကိုင်နိုင်ဖို ့ပါဘဲ။ သူရိပ်သာကပြန်ထွက်လာရင်လည်း၊သူအားရပါးရ၊စီးပွားထပ်ရှာပြီးရသမျှတွေကို ဘာသာရေးမှာအသုံးချချင်ကြောင်း၊သူပြောပြလို ့ကျွန်မသိရပါတယ်။ သူ […]