:gee: စိတ်နဲ့ကိုယ် သဘောထားခြင်း မတိုက်ဆိုင်ခဲ့ပါသော်လည်း :buu: လူတိုင်းလူတိုင်း ဘဝမှာ ကိုယ့်စိတ်နဲ့ကိုယ့်ကိုယ် သဘောထားခြင်းမတိုက်ဆိုင်ပါပဲ တနည်းဆိုသော် စိတ်ထဲကမပါပဲ ပြုမူလိုက်ရတဲ့အပြုအမူ အပြောအဆိုတွေ များစွာရှိနိုင်ပါတယ်။ အထူးသဖြင့် လူယဉ်ကျေးတွေလို့ ခေါ်ဝေါ်သတ်မှတ်ထားတဲ့ အသိုင်းအဝိုင်းအစုအဝေးတွေမှာဆိုရင် ပိုလို့တောင် ဖြစ်နိုင်ပါသေးတယ်။ စိတ်ထဲကမပါလင့်ကစား မိမိအကျိုးအတွက်သော်လည်းကောင်း၊တခြားတစ်စုံတစ်ရာအတွက်သော်လည်း ကောင်းပြုမူပြောဆိုဆောင်ရွက်ခြင်းကြောင့် မိမိစိတ်မှာ ဘယ်လောက်မှအမှတ်ထင်ထင်မရှိသွားလောက် တာမျိုးတွေရှိသလို၊စိတ်ထဲကမပါပဲ ကိုယ်နှုတ်အမူအယာကပြုမူလိုက်ရမှုအပေါ် စိတ်ခံစားချက်စွဲမြဲစွာဖြင့် တမ်းတသသ အလိုမကျဖြစ်နေဆဲ ရှိနေတတ်သူများလည်းရှိနိုင်ပါတယ်။ ကျွန်မရဲ့ စိတ်နဲ့ကိုယ်အလိုမတူပါပဲ ပြုမူလိုက်ရတဲ့အမှုလေးတစ်ခုအကြောင်းပြောပြချင်ပါတယ်။ အထက်ကနှစ်ချက်မှာ ဒုတိယအချက်ဖြစ်တဲ့ ကျွန်မပြုမူလိုက်ရမှုအပေါ် စိတ်ခံစားချက်အလိုမကျဖြစ်နေတဲ့ သူတစ်ယောက်အဖြစ်လည်း ရှိနေဆဲပါပဲ။ လူထဲကလူဖြစ်တဲ့ကျွန်မမှာ စိတ်နဲ့ကိုယ်အလိုအတူပဲ ပြုမူပြောဆိုဆက်ဆံနေထိုင်မှုများစွာ ရှိခဲ့ပါတယ်။ ထိုများစွာတွေထဲမှာမှ ကျွန်မစိတ်ကို မှတ်မှတ်ထင်ထင် အလိုမကျဖြစ်နေဆဲဖြစ်အောင် ပြုမူခဲ့မိတဲ့ကိစ္စလေး ကတော့ ကျွန်မကိုးကွယ်ဆည်းကပ်ယုံကြည်ခြင်းမရှိတဲ့ အသက်၅၀ဝန်းကျင် လူကြီးတစ်ယောက်ကို မိမိကိုးကွယ်၊လေးစားသမှုပြုတဲ့ လူတစ်ဦးပမာ […]

(၁)             သည်လောက် မျက်စိရှင်ရှင်ထားပြီး ကြည့်နေရဲ့သားနှင့် ခိုးဖြစ်အောင် ခိုးသွားသည့် သည်အဒေါ်ကြီးကို အံ့ဩလို့မဆုံး ဖြစ်နေရသည်။ ကိုယ့်ကောင်တာမှာဖြစ်တာဆိုတော့လည်း အဓိက တာဝန်ရှိသူက သူမမှလွဲ၍ ဘယ်သူ့အပေါ်မှ အပြစ်တင်လို့မဖြစ်သေး။ ဆိုင်ရှင်လင်မယားကတော့ ခိုးသူအဒေါ်ကြီးကို စစ်မေးနေသည်။ ပြောလေ အဒေါ်ကြီး ခိုးတုန်းက ခိုးပြီး ခုမှရှက်မနေနဲ့ အဒေါ်ကြီးကတော့ ခေါင်းပင်မော့မလာပါ။ ဆိုင်ပတ်ဝန်းကျင်မှာ စပ်စပ်စုစုနိုင်လှသည့် ဈေးသည်တွေက ဟိုကြည့် သည်ကြည့်။ အဒေါ်ကြီးရှေ့မှာတော့ ကြာဆံထုတ်တွေ၊ ဆပ်ပြာမုန့်ထုတ်တွေရယ်၊ ချိုချဉ်ထုတ်တွေ ကို စုပုံထားသည်။ ခေါင်းမမော့ပါပဲ တချုံ့ချုံ့ငိုနေသော အဒေါ်ကြီးကို မဆီမဆိုင် သူမ သနားနေမိသေးသည်။ အသက်အရွယ်က အရွယ်ကောင်းကောင်း။ ခြေလက်အင်္ဂါ စုံစုံလင်လင်ရှိရဲ့သားနှင့် သည်လိုလုပ်သည်ကိုတော့ သူမ အနည်းငယ်အံ့ဩမိပါသည်။ အဒေါ်ကြီး မဖြေရင်တော့ ရဲလက်အပ်ရမှာပဲ           မလုပ်ပါနဲ့ကွယ် […]

(၁) “ငါ ကံကောင်းပါတယ်”ဟုပြောလာသူက သူဇာအေး။ “ကိုမောင်က ငါ့ဆို သိပ်ဂရုစိုက်တာ အမှန်အတိုင်းပြောရရင် ငါအခု စိတ်ချမ်းသာတယ်” အဲဒီလို စကားပြောနိုင်ဖို့ သူမ အချိန်ယူရဦးမည်ဆိုတာတော့ သိလိုက်သည်။ သူဇာအေးတို့ အတွဲကိုကြည့်ပြီး ဝမ်းသာပီတိဖြစ်ရသည်မှာ အမြဲ။ အမြဲပြုံးရွှင်နေပြီး စိတ်ဆိုး စိတ်ကောက်ခြင်း အလျှဉ်းမရှိသော သူဇာအေးတို့အတွဲကို သူမ အားကျသည်။ သူမက ကံဆိုးခဲ့သည်လားဆို ခေါင်းငြိမ့် ခေါင်းခါ ရေရေရာရာ ပြောလို့မရသေး။ သော်မင်းဦးက သူမကို တကယ်မချစ်ဟု အများကပြောကြသည်။ သံသယနွ.ယ်ပင်သည် သူမနှလုံးသားကို ရစ်ပတ်တွယ်ပြီးနောက် သူမသည်လည်း အများနည်းတူ ထင်မြင်ခဲ့မိသည်မှာ မဆန်း။ လတ်သလော အချိန်တွင် သူမသည် သူဇာအေးတို့အတွဲကိုကြည့်ပြီး သူမနှင့် သော်မင်းဦး၏ အခြေအနေများကို ပြန်လည် သုံးသပ်နေရသည်။ သူဇာအေးနှင့် သူမက မနှစ်ကမှ […]

          နေပူကျဲတဲအောက်တွင်တချိန်လုံး လမ်းလျှောက်နေရရင်းမှ ရုတ်တရက် နေရိပ်အောက်ထဲ ဝင်လိုက်သဖြင့် မျက်စိတို့ပြာဝေသွားရသည်။ “ အောင်မလေး သေပါပြီတော့် “ သူ သည်လောက်အော်နေတာတောင် မည်သူမျှ လာရောက်ဖေးမထူခြင်းမရှိ။ ရှက်ကိုးရှက်ကန်းနှင့် လူးလဲထရင်း ခပ်လှမ်းလှမ်းကမြောင်းထဲသို့ကျသွားသော ဗန်းကို ပြေးကောက်ရသည်။ နီရဲစွာ ကျဲပြန့်နေသော ဖရဲသီးစိတ်များကတော့ ရစရာမရှိတော့။ သူ့ရင်ဘတ် အိတ်ထောင်ထဲတွင် ငွေနှစ်ရားငါးဆယ်ထဲရှိသေးသည်။ သည်နေ့အဖို့ အရင်းရဖို့မပြောနှင့် အမြတ်ပင် စုန်းစုန်းမြုပ်နေပြီဆိုသာ သူသိလိုက်ပါသည်။ ဖရဲသီးစိတ်များကို နှမြောတသစိတ်ဖြင့် ကြည့်နေရင်းက ပတ်ဝန်းကျင်ကို မျက်စိက ကစားဖြစ်သည်။ သူ့အား ရယ်ကျဲကျဲဖြစ်ကြည့်နေသော ကောင်လေးတွေ၊ ကောင်မလေးတွေကိုတွေ့ရသည်။ ရယ်ရက်လိုက်လေခြင်း။ သူ သိမ်ငယ်စွာခံစားလိုက်ရသည်။ (၁)           “မနေ့က နင် ဖရဲသီးဗန်းမောက်ကျလို့ဆို“ အမေးနှင့်အတူ ဗြန်းခနဲထိုင်ချလိုက်သော ခင့်ကို သူမုန်းပါသည်။ နုတ်သွက်အာသွက်နှင့် […]