ရွှေအကြောင်းသိကောင်းစရာ(၂၅) ရွှေဈေးကွက်မှာ အရောင်းအဝယ်ဖြစ်နေတာက အကယ်ဒမီ တံဆိပ်ဆိုတော့ ကျန်တဲ့ ဘသန်းတံဆိပ် မော်ကြားနဲ့ မန်းကြားတွေက ဘယ်မှာသွားရောင်းဝယ်ရမလဲလို့ မေးစရာရှိတယ်။ အဲဒီတံဆိပ်တွေက သုံးတဲ့လူတွေပဲဝယ်တယ် ဝယ်ရောင်းလုပ်တဲ့သူတွေ မဝယ်ဘူး သုံးတဲ့သူဆိုတာက ရွှေဆိုင်တွေ ရွှေပန်းတိမ်တွေပေါ့။ ဈေးကွက်မှာက လိုတဲ့အချိန် လိုသလောက် ဝယ်လို့ ရောင်းလို့ရတာက အကယ်ဒမီ တံဆိပ်ပဲရှိတယ် ဒီတော့ ရွှေဆိုင်တွေ ပန်းတိမ်ကြီးတွေက ငွေပေါ်ရင် အကယ်ဒမီပဲဝယ်ထားတယ်။ အရည်ကျိုသုံးခါနီးမှာမှ လိုချင်တဲ့ တံဆိပ် ဘသန်းတို့ မော်ကြားတို့ မန်းကြား တို့နဲ့လဲပြီးကျိုတယ်။ အဲလိုလဲတဲ့အခါ တစ်ကျပ်သားကို တစ်ထောင်ကနေ သုံးလေးထောင်လောက်အထိ အလိုက်ရတယ်လေ။ ရွှေအကြောင်းသိကောင်းစရာ(၂၆) တစ်ခါတစ်လေနိုင်ငံခြားကဈေးကိုက်လို့သွင်းလာတဲ့ 1 kilo ပြားတွေလည်းအကယ်ဒမီနဲ့လဲပြီးရောင်းရတာပဲ။ တစ်ပြားကို 60 ကျပ် 3 ပဲ 4 ရွေးရှိတယ်။ quality […]

ရွှေအကြောင်းသိကောင်းစရာ(၂၃) ရွှေအရှုံးအမြတ် ကစားတာ on line မှာလဲရှိပါတယ် နိုင်ငံခြားက ဖွင့်ထားတဲ့ web site တွေမှာပါ igmarkets.com မှာကစားတာများပါတယ် အဲဒါကတော့ မြန်မာ့ဈေးနဲ့ မဆိုင်တော့ပါဘူး ကမာ္ဘ့ဈေး အတက်အကျပေါ်မှာကစားတာပါ နိုင်ငံခြားမှာ လူခံရှိတဲ့လူမှ ကစားလို့ရတာပါ လူခံမရှိတော့လဲ ရှိတဲ့လူဆီ အကူအညီတောင်းပြီး ကစားကြတာပါပဲ သူ့ရဲ့ rules and regulations တွေသိချင်ရင်တော့ net ထဲမှာ အသေးစိတ် ဝင်ဖတ်ကြည့်လို့ရပါတယ် အဲဒါက အရှုံးအမြတ် ပိုကြမ်းတယ် များများကစားတဲ့လူဆို သိန်းကို ရာဂဏန်း ထောင်ဂဏန်း အထိအရှုံးအမြတ်ရှိတယ် ရွှေအကြောင်းသိကောင်းစရာ(၂၄) ရွှေတုံးရဲ့တံဆိပ်တွေ အကြောင်း အမှတ်(၇) မှာပြောခဲ့တုန်းက ‘ မန်းကြား ‘ နဲ့ ‘ မော်ကြား ‘ ဆိုတဲ့ […]

ရွှေအကြောင်းသိကောင်းစရာ(၂၁) ‘ရွှေ့တယ်’ ဆိုတာက ညနေအထိကိုယ်လေနဲ့ဝယ်ထားတဲ့ပစ္စည်းကို ပြန်မရောင်းရသေးရင် သိမ်းဖို့ငွေကလဲမရှိရင် ဒါမှမဟုတ် မနက်ဖြန်ဈေးတက်မယ်ထင်လို့ တစ်ရက်လောက် အောင်းထားချင်ရင် ရွှေ့ခပေးပြီး တစ် ရက်ရွှေ့လို့ရပါတယ် ရွှေ့ခကတစ်ခါတစ်လေ ဝယ်သူကပေးရသလို တစ်ခါတစ်ရံ ရောင်းသူကပေးရပါတယ် ဘယ်ဘက်ကမှမပေးရဘဲ ‘ ဒဲ့ ‘ ရွှေ့လို့ရတဲ့အခါလည်းရှိပါတယ် ရွှေ့ခကလည်းတစ်ကျပ်သားကို 100 ကနေ 1000 အထိရှိတတ်ပါတယ် ရွှေအကြောင်းသိကောင်းစရာ(၂၂) ‘ လမ်းကြောင်းကိုင် ‘ ဆိုတဲ့အလုပ်ကလဲ ပဲကုန်သည် ဆီကုန်သည် လောကမှာမရှိဘဲ ရွှေကုန်သည် လောကမှာပဲ ရှိတဲ့အလုပ်လို့ထင်ပါတယ် ပွဲစားတို့ ဝယ်ရောင်းတို့ ဆိုတာကတော့ ကုန်သည်လောကတိုင်း စီးပွားရေးလောကတိုင်းမှာ ရှိမှာပါ အမှတ်(၂၀) မှာပြောခဲ့တဲ့ လမ်းကြောင်းစနစ်နဲ့ ဝယ်ရောင်းလုပ်တဲ့သူတွေဟာ တစ်နေ့တည်းမှာ အကြိမ်များစွာ လူများစွာဆီက ဈေးအမျိုးမျိုးနဲ့ ဝယ်လိုက်ရောင်းလိုက် လုပ်တတ်ပါတယ် အားလုံးကိုစာရွက်ထဲမှာပဲ […]

ရွှေအကြောင်းသိကောင်းစရာ(၁၉) လေပတ်ကားဆိုတာလဲ ရွှေလောကမှာတစ်ချိန်က တော်တော်ခေတ်စားခဲ့တဲ့ စကားလုံးပါပဲ ပတ်ကားရိုက်တယ်ဆိုတဲ့ စကားလုံးကနေဆင်းသက်လာတာဖြစ်နိုင်ပါတယ် ဥပမာ- ရွှေတစ်ပိဿာ နောက်တစ်ပတ်နေရောက်မယ် ခုနှစ်သိန်းနဲ့ရောင်းပေးမယ် ဝယ်မလား ဝယ်မယ်ဆိုရင် ပတ်ကားရိုက်လိုက်တယ်လို့ပြောကြတယ် အဲဒီနေ့မှာ ခြောက်သိန်းဈေးဖြစ်ဖြစ် ရှစ်သိန်းဈေးဖြစ်ဖြစ် ခုနှစ်သိန်း နဲ့ပဲအရောင်းအဝယ်လုပ်ရတယ် လေပတ်ကားဆိုတာက တော့ ရောက်မယ့်ပစ္စည်း ချေဖို့ငွေမရှိဘဲနဲ့ အရောင်းအဝယ်လုပ်ထားကြပြီး အဲဒီနေ့ပေါက်ဈေးနဲ့ အရှုံးအမြတ်ရှင်းကြတာကိုခေါ်တာပါ ရွှေအကြောင်းသိကောင်းစရာ(၂၀) ‘လမ်းကြောင်း’ ဆိုတာကတော့ ခုလောလောဆယ် ရွှေဈေးကွက်မှာ အသုံးတွင်ကျယ်နေတဲ့စကားတစ်ခုပါ ရွှေရောင်းမယ်ဆိုရင် လမ်းကြောင်းရောင်းမှာလား ရေမြန်ရောင်းမှာလားလို့ ပြန်မေးလိမ့်မယ် လမ်းကြောင်းဆိုတာကအမှတ်(၈)မှာပြောထားသလို ဈေးတက်ရင်ပြန်ရောင်းမယ်စိတ်ကူးနဲ့ စာရင်းမှတ်ပြီးဝယ်မယ့်လူကိုပြောတာ သူ့ကိုရောင်းထားလို့ကတော့ ရော့ရွှေ ပေးငွေဆိုပြီး သွားပြောလို့မရဘူး စောင့်ပေတော့ ညနေငါးနာရီအထိ အဲဒီအချိန်ရောက်မှနောက်ဆုံး ပစ္စည်းသိမ်းပြီး ငွေထုတ်ပေးတဲ့ ဝယ်သူလက်ထဲကို ကိုယ့်ပစ္စည်းအပ်ပြီးငွေထုတ်ယူရတယ်

ရွှေအကြောင်းသိကောင်းစရာ(၁၇) ငွေပိုရင်ရွှေဝယ်စုရင်ကောင်းမလား ဘယ်မှာဝယ်ရမလဲဘယ်လိုရွှေမျိုးဝယ်ရမလဲမေးကြတယ် ငွေဘယ်လောက်ပိုလဲ ဘယ်လောက်စုချင်လဲ ပေါ်မှာမူတည်ပါတယ် တစ်ဆယ်သားဘိုးလောက်စုချင် ရင်တော့ အကယ်ဒမီတံဆိပ်ရွှေတုံးဝယ်တာအကောင်းဆုံးပေါ့ အခုပေါက်ဈေးနဲ့ဆို သိန်းခုနှစ်ဆယ်ကျော်ကျမယ်ကျွန်တော့ဆိုင်မှာလဲဝယ်လို့ရပါတယ် တစ်ဆယ်သားဘိုးမပြည့်ရင်တော့ တစ်မတ်သား ငါးမူးသား အခေါက်လက်စွပ် နဲ့ တစ်ကျပ်သားကနေ ငါးကျပ်သားအထိ အခေါက်လက် ကောက်တွေ ဝယ်စုလို့ရပါတယ် ့ ရွှေအကြောင်းသိကောင်းစရာ(၁၈) အလျော့တွက်ဆိုတာကို သိချင်ကြတဲ့သူတွေအတွက်ပြောပြပေးပါမယ် လက်ကောက်တို့ ဆွဲကြိုးတို့လုပ်တဲ့အခါရွှေ တုံးကိုအရည်ကျိုရပါတယ် ပြီးရင်လိုအပ်တဲ့ပုံစံရအောင်နန်းကြိတ်ရပါတယ် အပြားအလုံးလိုအပ်သလိုပေါ့ ပြီးရင်လိုချင်တဲ့ ပုံစံအရွယ်ရအောင်ဖြတ်တောက်ရပါတယ် နောက်ဆုံးအဆင့် ဂဟေဆော်ပြီးရင် အချောကိုင်အရောင်တင်ရပါတယ် လုပ်ရတဲ့လုပ်ငန်းစဉ် အဆင့်တိုင်းမှာ ရွှေအမှုန်အမွှားတွေ အလေအလွင့်ရှိပါတယ် အဲဒီအလေအလွင့်ကို အလျော့တွက်လို့ခေါ်ပါတယ် အဲဒါကြောင့် ရွှေထည်ပစ္စည်းဝယ်တဲ့အခါ အလျော့တွက်ပေးရတာပါ ရွှေတုံးဝယ်ရင်အလျော့တွက်ပေးစရာမလိုပါဘူး

ရွှေအကြောင်းသိကောင်းစရာ(၁၅) ရွှေဆိုင်တွေမှာပြင်ပရွှေ မဝယ်ပါဆိုတဲ့ဆိုင်းဘုတ် အကြောင်းလဲ မေးကြတယ် ဘာကြောင့်မဝယ်တာလဲပေါ့ ဘောက်ချာပျောက်သွားတဲ့ ရွှေ မိဘဘိုးဘွားဆီကအမွေ ရထားတဲ့ရွှေ တွေငွေလိုရင်ဘယ်မှာသွားရောင်းရမလဲပေါ့ ရွှေဆိုင်တွေ ပြင်ပရွှေမဝယ်တာက ခိုးလာတဲ့ရွှေဖြစ်မှာစိုးလို့ပါ ခိုးလာတဲ့ရွှေဆို သူခိုးဖမ်းမိတာ နဲ့ ကိုယ့်ဆိုင်မှာ လာသိမ်းသွားရော အဲဒါကြောင့်မဝယ်တာပါ ကိုယ့်ဆိုင်မှာဝယ်နေကျဖောက်သည် တစ်ယောက်အကြောင်းတစ်ယောက်သိပြီး ရင်းနှီးနေတဲ့သူ စိတ်ချရတဲ့သူဆီကဆိုဝယ်ပါတယ် ရွှေအကြောင်းသိကောင်းစရာ(၁၆) ရွှေ ငွေဈေးကောင်းပေးဝယ်သည်လို့ ဆိုင်းဘုတ်တင်ထားတဲ့ ဆိုင်လေးတွေ အကြောင်းလဲမေးကြတယ် သူတို့ကဘာလို့ဝယ်တာလဲပေါ့ သူတို့ကစွန့်စားပြီးဝယ်တာ ဈေးကိုနှိမ်ဝယ်တာပေါ့ တစ်ချို့ဆိုတစ်ဝက်ဈေးလောက်ပဲပေးတယ် လာရောင်း တဲ့လူတွေကလဲ အမျိုးစုံရှိတာပဲလေ ရိုးရိုးသားသား ဘောက်ချာပျောက်လို့ လာရောင်းတဲ့လူ ခရီးသွားရင်းလမ်းစရိတ်ပြတ်လို့ လာရောင်းတဲ့လူရှိသလို ခိုးလာပြီး လာရောင်းတဲ့လူလဲရှိတာပေါ့ သူခိုးမိလို့ ပစ္စည်း လာသိမ်းတော့လဲပေးလိုက် မမိတော့လို့လာမသိမ်းတော့လဲ မြတ်မြတ်ကလေးစား လိုက်ပေါ့

ရွှေအကြောင်းသိကောင်းစရာ(၁၄) ရွှေအကြောင်းလေ့လာရင် နဝရတ်ကိုးပါးလက်စွပ်အကြောင်းလဲသိသင့်ပါတယ် ၁။ ပတ္တမြား ဘုန်းတောက် ၂။မြကျောက် အေးချမ်း ၃။စိန်စွမ်း ဂုဏ်ရောင် ၄။ကြောင်ကား သိဒ္ဓိ ၅။နီလာ မေတ္တာကဲချုပ် ၆။ဂေါ်မိတ် ခွန်အား ၇။ဥဿဖရား ကျန်းမာ ၈။သန္တာ ကြီးကဲ ၉။ပုလဲ ကျက်သရေ နဝရတ်အစွမ်း ကိုးသွယ်တည်း။ ရှေးပညာရှိများ၏ အဆိုအမိန့်ဖြစ်ပါသည်။ ရွှေအကြောင်းသိကောင်းစရာ(၁၅) ရွှေဆိုင်တွေမှာပြင်ပရွှေ မဝယ်ပါဆိုတဲ့ဆိုင်းဘုတ် အကြောင်းလဲ မေးကြတယ် ဘာကြောင့်မဝယ်တာလဲပေါ့ ဘောက်ချာပျောက်သွားတဲ့ ရွှေ မိဘဘိုးဘွားဆီကအမွေ ရထားတဲ့ရွှေ တွေငွေလိုရင်ဘယ်မှာသွားရောင်းရမလဲပေါ့ ရွှေဆိုင်တွေ ပြင်ပရွှေမဝယ်တာက ခိုးလာတဲ့ရွှေဖြစ်မှာစိုးလို့ပါ ခိုးလာတဲ့ရွှေဆို သူခိုးဖမ်းမိတာ နဲ့ ကိုယ့်ဆိုင်မှာ လာသိမ်းသွားရော အဲဒါကြောင့်မဝယ်တာပါ ကိုယ့်ဆိုင်မှာဝယ်နေကျဖောက်သည် တစ်ယောက်အကြောင်းတစ်ယောက်သိပြီး ရင်းနှီးနေတဲ့သူ စိတ်ချရတဲ့သူဆီကဆိုဝယ်ပါတယ်