အကြောင်းမလှလို့ ဘာဖြစ်တယ် ညာဖြစ်တယ်ဆိုတာတွေကို ဆက်ရေးချင်စိတ်မရှိတော့တာနဲ့ အောင်မြင်အောင်ကျော်လွှားနိုင်သူတစ်ယောက်အကြောင်းကို နမူနာယူနိုင်အောင် ပြောပြချင်ပါတယ်။ သူကတော့ ကျွန်မရဲ့ မိတ်ဆွေအမျိုးသမီးတစ်ယောက်ပေါ့ … သူငယ်ချင်းလို့မသုံးလိုက်တာက ကျောင်းနေဘက်မဟုတ်လို့ပါ။ သူငယ်ငယ်က သူအဖေရော အမေရော အစိုးရဝန်ထမ်း သူတို့က မောင်နှမ သုံးယောက်မှာ သူကအကြီးဆုံး၊ ၈၈ မှာ သူ့အဖေက အလုပ်ပြုတ်သွားတယ်။ အဲဒီတုန်းက သူက ၈ တန်းပဲရှိသေးတယ်။ သူ့အမေလုပ်စာတစ်ခုထဲနဲ့ သူတို့ရပ်တည်ခဲ့ရတယ်။ သူ ၁ဝ တန်းအောင်တော့ အခြေအနေကို ဝင်ထိန်းတဲ့အနေနဲ့ အစိုးရရုံးတစ်ရုံးကခေါ်တဲ့ စာရေးဝန်ထမ်းအလုပ်ကိုဝင်လျှောက်ပြီး စာရေးဝန်ထမ်းလုပ်လိုက်တယ်။ တက္ကသိုလ်ကိုတော့ အဝေးသင်ပဲ တက်လိုက်ပါတယ်။ အစိုးရအလုပ်ကိုဝင်လုပ်တာက အကြောင်းရှိတယ်။ သူတို့မှာ အိမ်ပိုင်မရှိဘူး။ သူ့အမေအလုပ်ကရတဲ့ ဝန်ထမ်းအိမ်ရာမှာနေရတာ။ ပင်စင်ယူရင် နေစရာမရှိတော့မှာစိုးလို့ ကြိုတင်ပြီးစီစဉ်ထားလိုက်ရတာ။ သူအလုပ်ဝင်တဲ့ရုံးက လုပ်သက် ၃ နှစ်ကျော်ရင် […]