မြန်မာနှစ်သစ်ကူးသင်္ကြန်အခါသမယသို့ မကြာမီကာလအတွင်း ရောက်ရှိတော့မည်။ သင်္ကြန်ကာလတွင် ဖျော်ဖြေရေးအဖြစ်တစ်မျိုး၊ ကိုယ်တိုင်ပါဝင်ဆင်နွှဲ၍တဖုံ ပုံစံအမျိုးမျိုးဖြင့်ဆင်နွှဲကြမည့် အနုပညာရှင်များရှိနေသကဲ့သို့ ယခုနှစ်သင်္ကြန်ချိန်ခါတွင်တရားစခန်းဝင်ခြင်း၊ ရဟန်းဘောင်ဝင်ခြင်းအစရှိသည့် ကုသိုလ်ကောင်းမှုများဖြင့် ဖြတ်သန်းရန် စီစဉ်နေကြသူများလည်းရှိနေကြပြန်သည်။ မြန်မာနှစ်သစ်ကူးကာလတွင် ဟိန်းဝေယံ၊ သင်ဇာဝင့်ကျော်၊ မေကဗျာ၊ မင်းသွေး၊နိုဘယ်လ်ကျော်ကျော်၊ မိုးအောင်ရင်၊ မမများအဖွဲ့၊ ရတနာခင်၊ ဒါရိုက်တာကြည်ဖြူသျင်စသည့် အနုပညာရှင်အချို့သည် ကုသိုလ်ကောင်းမှုပြုလုပ်ခြင်း၊ တရားစခန်းဝင်ခြင်း၊ သာသနာ့ဘောင်သို့ ဝင်ရောက်ခြင်းစသည့်  ကုသိုလ်ကောင်းမှုအဖုံဖုံဖြင့် သင်္ကြန်ကာလအားဖြတ်ကျော်ရန် စီစဉ်လျက်ရှိရာ . . . . ဟိန်းဝေယံ ကျွန်တော် ဒီနှစ်သင်္ကြန် တရား စခန်းဝင်ဖို့ စဉ်းစားထားတယ်။ မနှစ်ကလည်း သင်္ကြန်တွင်းကို ရဟန်းခံ ဖြစ်တယ်လေ။ ဒီနှစ်ကတော့ ကျွန်တော်တို့ဇာတိ မော်လမြိုင်ကိုပြန်ပြီး တရားစခန်း အေးအေးဆေးဆေးဝင် မယ်လို့ စိတ်ကူးဖြစ်တာပါ။ ကျွန်တော့် ပင်ကိုစရိုက်ကိုက လူတွေအများကြီး ရှုပ်နေတဲ့နေရာမှာ […]