ဆောင်းတစ်ည
ကာရံဆောင်းတစ်ည
မြူ နှင်းလဲဝေ ပန်းလည်းကြွေ
အလွမ်းပြေလမ်းတစ်လျှောက် အနမ်းခြွေရနံ့ပျောက်ရင်း
စမ်းရေးကမ်းနံဘေးမှာ တစ်ယောက်ထဲပါလေ
မျှော်ကာမှန်းတမ်းတလို့ မှန်းဆကာငေးမိတယ်
လွမ်းရတာဘဲ အဖက်တင်ကျန်ရင်း ရင်မှာလေ
ဆီးနှင်းများ တိုးဝှေ့နေသေးတယ်
ဒါကိုသူမသိပါဘူးလေ
ဆီးနှင်းလေလား မျက်ရည်လား
ခြေရာမဲ့ခိုနားရင်း အပြုံးလေးများ ပုန်းတော့မယ်
မမုန်းပါနဲ့ ချစ်သူရယ် အလွမ်းဆိုတာ ခါးသမို့
အနမ်းမခြွေတဲ့ ဆောင်းတစ်ညမှာ
မေ့မျက်နှာလေး မအေးမြလေရော့သလား
ကာရံ ၁ဝ ့၁၂ ့၂၀၁၄
2 comments
အလင်းဆက်@မောင်သူရ
December 12, 2014 at 8:35 am
ဆောင်းတစ်ညမှာ
ပေါင်းရဖို့ကြံတဲ့အတွေးတွေနဲ့
ထောင်းထောင်းထတဲ့ စိတ် ဖုန်တွေ
ငါ့ကိုယ်ပေါ်မှာ တလူးလူး
😆
ဘာရယ်မဟုတ်
စိတ်ထဲပေါ်လာတာလေး
min kyansix
January 1, 2015 at 1:07 pm
ဆောင်းတစ်ညမှာ အလွမ်းခြေရာဟာ
မြစ်ဖျားခံတာ နှလုံးသားမှာတဲ့
အဲ့ဒီ့မြစ်လေ ဧရာဝတီတောင် ရှုံးသွားတယ်