လွတ်လပ်ရေး အဟောင်းဆိုင်

ခွေးကိုရိုက်သူခွေးနဲ ့တူ
ရိုက်သူလဲခွေး ခွေးလဲခွေး…..တဲ့
ပရမတ္ထမိုးကုတ်စက်ဝိုင်းကြီးအောက်က
အချို ့အချို ့သောသူတွေ သိမှသိပါလေစ………..

Rensselaer မှတ်တမ်းလို ့ပဲပြောပြော
ကာရံမဲ့မိုးများလို ့ပဲ ဆိုဆို
နှမ်းတလုံးနဲ ့ဆီမဖြစ်ပေမဲ့
တခေါက်သာတုန်း တခါသောက်မိလို ့
သမားဂုဏ်အမြှောက်ခံလိုက်ရတဲ့
လူတစ်ယောက်ရဲ ့ရာဇဝင်မှာ
သူ ့ခြံထဲကပန်း ကိုယ်မနမ်းမိလို ့လဲ
တရားခံဖြစ်ခဲ့ဘူးတယ်………….
ကိုယ့်ခြံထဲကပန်း ကိုယ်နမ်းမိလို ့လဲ
ရာဇဝတ်မှုမြောက်ခဲ့ဘူးတယ်………..
ကြိုးစားလို ့ ကျားဆိုးအထင်ခံရတာလဲ
ဒါ………ပထမဆုံးပဲ……..

ပက်လက်လှန်ပြီး ကဆုန်ပေါက်နေတဲ့
လိပ်တကောင်လို
Technics မဲ့ Knowledge မဲ့တဲ့
ပညာရှင်အချို ့ရဲ ့
လျှာဖျားပေါ်မှာ စီးမျောဘူးတယ်………..
မိုးထက်ညံ ပရမတ်ပြန်
ဆံတိုကြီးတယောက်ရဲ ့ အရိပ်အောက်မှာလည်း
နေလောင်ဒဏ်သင့်ခဲ့ဘူးတယ်……….
ဒီမိုကရေစီကို ခါးပိုက် ပိုက်ပြီး
ထောက်လှန်းရေးကြောက်တဲ့ ရောဂါသည်တစ်ယောက်ရဲ ့
ခြိမ်းခြောက်မှုကြောင့်လည်း
အသက်ရှူသုံးခါရပ်တန် ့ဘူးတယ်……….
လူဆုံတိုင်းငါ့သိက္ခာကိုအစိမ်းလိုက် ဝါးစားဖို ့ချောင်းနေတဲ့
ရွှေအိုရောင် ကြက်တူရွေးကြီး……………
အမေရိက က Force Labor
ဂျိုးဖြူမနဲ ့ရည်းစားထားတဲ့
ခပ်ရင့်ရင့်လိမ္မော်သီးကြီးတစ်လုံး
ပြီးတော့……..
ရွာလေးတရွာက
Service မဲ့ Media များ
ရှိစေတော့…..ရှိစေတော့ ဆိုပြီး
အားလုံးကိုဂုတ်သပ်ချော ့သိပ်ရင်း
သင်္ခါရအဖြစ် နမ်းရှိုက်ခဲ့တာ
မနေ ့ကအထိ ရက်ပေါင်းခုနှစ်ရာကျော်ခဲ့ပြီပဲ……….
ဒီလိုနဲ ့…….
နေ ့ပေါင်းများစွာကိုကျော်ခွ
ကိုယ့်ကိုယ်ကိုလည်းချော့သိပ်
အတွေးစိတ်တွေကို ဘေးချိတ်
ဆေးလိပ်နဲ ့မှေးအိပ်ရင်း
လေပြေလေးတချက် ဝှေ ့မယမ်းမချင်းတော့
သည်းခံခြင်းနဲ ့Phone တလုံးကို
Remix လုပ်ပြီး
အသက်ဆက်ဖို ့ဆုံးဖြတ်လိုက်တယ်။

နန်းရှင်