စိတ်ပျက်မိသည့်အရက်ကြော်ငြာ

ကျွန်တော်ကပဲကြော်ငြာတွေကို အမြင်ကတ်နေသလား၊ ကြော်ငြာတွေကပဲ လွန်နေသလားတော့မသိပါဘူး။ မနေ့က အသိတစ်ယောက်ယူလာပြတဲ့ အရက်ကြော်ငြာတစ်ခုအကြောင်းမနေနိုင်မထိုင်နိုင်ရေးမိလိုက်ပါတယ်။ ကုန်ပစ္စည်း အသစ်ကြော်ညာဆိုတော့ ဈေးကွက်အတွင်း လူသိအောင်၊ ကိုယ့်အမှတ်တံဆိပ်ကို ထင်ရှားအောင်ထိုးဖောက်ရမှာပေါ့။ ဒီလိုထိုးဖောက်တဲ့အခါမှာ အောက်က အရက်ကြော်ငြာကတော့ ထင်းယုံမက ပြူးတောင်ပြူးနေပါပေ့ါလား။

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

အရက်ကြော်ငြာအများစုဟာ ဒီလိုမျိုးပြူးတူးပြဲတဲပုံတွေ၊ ကော့ကော်ကံကား ပုံတွေနဲ့ပဲကြော်ငြာနေကြတာဘာကြောင့်မှန်းမသိပါဘူး။ သူတို့စိတ်ထဲ အရက်သောက်သုံးသူဖောက်သည်တွေကို အကုန်လုံးတဏှာရူးတွေ ဟုယူဆထားပုံရပါတယ်။ ဒီလိုလူမျိုးက ဒီလိုစရိုက်ရှိတယ်ဟုတွေးတတ်သည့် stereotype အမြင်မျိုးဖြစ်နေပါတယ်။ တကယ်တော့ အရက်သောက်သုံးသူတစ်ယောက်စိတ်ဝင်စားတာက နံရံပေါ်က မပေါ့်တပေါ် ပိုစတာမဟုတ်ပါ။ ပုလင်းထဲကအရက်သာဖြစ်ပါတယ်။အရက်ကိုနှစ်ချိုက်စွာသောက်သုံးသူတွေကို စော်ကားခြင်း တစ်မျိုးဟုသာခံစားရပါတယ်။ ကြော်ငြာတာဝန်ခံတွေ အနေနှင့်အရက်နှင့်မြည်းဖို့ နံရံပေါ်ကပိုစတာကို မကြာခဏငေးတတ်သည့်လူဦးရေ ဘီယာဆိုင်၊ အရက်ဆိုင်တွေမှာ ဘယ်လောက်ရှိသလဲဆိုတာကို မသိမသာ အရင်စစ်တမ်းကောက်ထားကြည့်ကြပါလား။

ဒီလိုဆိုတော့ဒီလိုပုံတွေမကြိုက်ကြဘူးလားဟုမေးလာလျှင်တော့ သိပ်ကြိုက်တာပေါ့ဟုဝန်ခံလိုက်ပါမည်။ ဒီလိုပုံမကြိုက်သည့်ပုရိသယောက်ျားဒီကမ္ဘာပေါ်မှာ အင်မတန်ရှားပေလိမ့်မည်။ ဒီလိုပုံကြည့်ချင်ရင် အကုန်လုံးမြင်ရသည့် စာအုပ်တွေ၊ ဗွီဒီယိုတွေ၊ အင်တာနက်စာမျက်နှာတွေ ပေါလွန်းလှသည်ပဲ။ ဒါပေမယ့်ဒီလိုကြော်ငြာပုံမျိုးတော့ လုံးဝမကြိုက်ပါ။ ကိုယ့် အမေ၊ နှမ၊ သမီးနှင့် သွားရင်းလာရင်းမတော်တဆ တွေ့လို့မှမသင့်တော်သည့်ပုံတွေပါပဲ ။မြန်မာပြည်ကလုပ်ငန်းရှင်တွေ ကြော်ညာကိုအဆင့်အတန်းရှိရှိကြော်ငြာလျင်ဖြင့်သိပ်ကောင်းမှာပါပဲ။ နိုင်ငံခြားမှာကော အရက်ကြော်ငြာတွကို ဒီလိုပဲ ပေါ်ပေါ်တင်တင်ကြော်ငြာကြသလားမသိ။ ဒီပုံတွေကတော့ ပုံနှိပ်စက်ဖြင့် တရားဝင်ပုံစံမျိုးထုတ်ထားတာကတော့သေချာသည်။ စာနယ်ဇင်းဆရာတွေပြောပြောနေသည့် စာပေစိစစ်ရေးဆိုတဲ့အဆင့်ကို ဘယ်လိုဖြတ်ကျော်ခဲ့လဲစဉ်းစားစရာပင်။