CDMA 800MHz ဖုန်းတွေ အဝင် ခေါ်ဆိုမှု လိုင်းပျက်တောက် ( 8-9-11)

မြန်မာ့ ဆက်သွယ်ရေး လုပ်ငန်းရဲ့ CDMA 800MHz ဖုန်းတွေ ငါးသိန်းနဲ့ ချပေးတုန်းက ဆယ့်ငါးသိန်းပေးရတဲ့ GSM ထက် ဈေးနည်းတာရယ် …၊ GSM ,WCDMA ,CDMA 400 ဖုန်းတွေထက်ပိုပြီး …ရန်ကုန်မြို့တွင်း လိုင်းဆွဲအား အတော်ကောင်းပြီး ခေါ်ဆိုရ လွယ်တာရယ် ၊ ဟမ်းဆက်တွေ ဈေးကွက်ထဲ တန်ဖိုးနိမ့် ၊မြင့် ကြိုက်သလို ရွေးဝယ်လို့ရတာတွေရယ်ကြောင့် လူကြိုက်များခဲ့ပါတယ် … ။ ဖုန်းချခါစက နယ်မြေဧရိယာသတ်မှတ်ခဲ့သော်လည်း နောက်ပိုင်း ရန်ကုန်တမျို့လုံး လိုရာ သယ်သွားလို့ရတာကြောင့် (နယ်သယ်သွားချင်ပါက ဟမ်းဆက်လဲလိုက်တာနဲ့ အဆင်ပြေပြေ သုံးလို့ရတယ်)  … ရောင်းအား အကောင်းဆုံး ဖြစ်လာခဲ့ပြန်တယ် … ။ ထိုမှ တဆင့် နည်းပညာဆင့်ကဲ တိုးတက်လာပြီး အင်တာနက်ပါ အသုံးပြုခွင့်ရသောအခါ … ရောင်းအား ပိုမို တိုးတတ်လာခဲ့ပြန်တယ် … လူလတ်တန်းစားတွေတင်မကပဲ … အခြေခံလူတန်းစား အနည်းငယ်ကလည်း ဝယ်ယူ အသုံးပြုလာနိုင်ကြတယ ်… ။

တစ်လတစ်ခါ ဖုန်းရုံးသွား ဖုန်းဘေလ်ဆောင်ဖို့ မတ်တပ်ရပ်တန်းစီရတဲ့ ဒုက္ခကလည်း ကင်းဝေးတာမို့ .. အသုံးပြုသူ စိတ်ကြိုက်ဖြစ်လာခဲ့ပြန်တယ်လေ … ။ ဒီလောက် လူကြိုက်များပြီး .. လိုင်းဆွဲအားကောင်းနေတဲ့ CDMA 800MHz ဖုန်းတွေ မနေ့က ည 9နာရီကျော်လောက်မှာ … CDMA 800MHz ဖုန်းတချို့ ကမောက်ကမဖြစ်ခဲ့ပါတယ် … အဝင်ခေါ်ဆိုမှူလက်ခံမရပဲ … ဖုန်းပိတ်ထားတယ်လို့ ဖြေကြားတဲ့ အသံမျိုး ကြားနေခဲ့ရပါတယ် … ။ ညအချိန်တွင်တော့ ပုံမှန်အတိုင်း ပြန်လည် အသုံးပြုနိုင်တာကို တွေ့ရပါတယ် .. ။

သို့သော် .. ဒီနေ့မနက် ရှစ်နာရီခွဲခန့်မှ စပြီး … အဝင်ခေါ်ဆိုမှု လုံးဝ မရတော့ကြောင်း … သိရပါတယ် … ။ အဝင်ခေါ်ဆိုမှု မရတော့သော်လည်း .. တချို့ ဖုန်းများမှာ ပြင်ပသို့ ခေါ်ဆိုလို့ ရနိုင်သေးကြောင်း  သိရပါတယ် … ။ တချို့သော ဖုန်းများမှာ .. အဝင်ရော ၊ အထွက်ခေါ်ဆိုမှူပါ …. ပြသနာရှိပြီး … အသုံးပြု၍မရခြင်းကြောင့် လုပ်ငန်းနှောက်နှေးခြင်း ၊ အဆင်မပြေခြင်းများနှင့် ကြုံတွေ့ရကြောင်း သိရပါတယ် … ။ လိုင်း ပြတ်တောက်ရခြင်း အကြောင်းရင်းကို မသိရသော်လည်း … ကြိုတင်ကြေငြာထားခြင်း မရှိပဲ လိုင်းပြတ်တောက်ခြင်းကြောင့် ရုံးသုံး ၊ လုပ်ငန်းသုံး အသုံးပြုနေသူများ စိတ်အနှောက်ယှက်ဖြစ်ကြရသည် … အချိန်နှင့်တပြေးညီ ဖုန်းဆက် အစီရင် ခံရသော အလုပ်များ နှောင့်နှေးခြင်း ဖြစ်ပေါ်ခဲ့သော်လည်း … ယခုထက်တိုင် … လိုင်းပြတ်တောက်နေရခြင်းအကြောင်းရင်းကိုမူ မည်သူမှ တိတိကျကျ မသိနိုင်သေးပေ … `

(သိရင်ပြောကြပါ .. ဘာလို့ လိုင်းပြတ်နေတာပါလိမ့်နော် L )