ဖူးစာရှင်

ကဗျာတွေ ရေးစပ်ရင်း
မျှော်လင့်ခြင်းတစ်ခုနှင့်
သခင့်ကို ထာဝရ
ကျွန်မမေတ္တာရှိနေပါရစေ
တစ်ချိန်ချိန်မှာ သခင်ဟာ
ကျွန်မရဲ့ ကြင်ဖော် ဖြစ်လာနိုင်ကောင်းပါရဲ့
အဲဒီအတွေး တွေးလို့
သခင်နဲ့ တွေ့လာမယ့်
နေ့တစ်နေ့ကို ကြိုတင်စောင့်စားလို့
သခင်ရောက်လာမယ့်ရက်ကို
မျှော်လင့်ရင်း
ကာရန်မဲ့ကဗျာတွေ
အသက်သွင်းရေးစပ်နေခဲ့
အဓိပ္ပာယ်မဲ့နေတဲ့
စာသားတွေနဲ့အတူ
ခြောက်သွေ့နေတဲ့ ကျွန်မဘဝထဲ
တစ်နေ့ သခင်ရောက်လာမယ်ဆိုတဲ့
အသိတစ်ခုနဲ့
ကျွန်မ ရှင်သန်ခြင်းများစွာနဲ့အတူ
ရှိနေပါတယ်…..