မြန်မာနိုင်ငံ ငွေကြေးဖောင်းပွမှုအား အဆ တစ်ရာထိ လျှော့ချမည်

ငွေကြေးသုံးစွဲမှုသည် နိုင်ငံသားတိုင်း၏ အဓိကကျသော အခန်းကဏ္ဍတွင် ပါဝင်နေသည်ဖြစ်ပေရာ ကုန်ပစ္စည်းဖလှယ်ရာတွင်၎င်း ပို ့ကုန် သွင်းကုန်နှင့် အခွန်အခကောက်ခံရာတွင်၎င်း
လျှင်မြန်သွက်လက် ထိရောက်ရန် ငွေကြေးလျှော့ချမှုသည် မရှိမဖြစ်လိုအပ်သော
ဆောင်ရွက်ချက် တစ်ခုဖြစ်ပေသည်။

ထိုကဲ့သို ့ ငွေကြေးလျှော့ချမှုသည် လတ်တလောတွင် နိုင်ငံတော်၏ စီးပွားရေးအား ရုတ်တရက် ထိခိုက်နိုင်ဖွယ် ရှိသော်ငြားလည်း ကမ္ဘာ့ငွေကြေးဆက်ဆံမှုတွင်
များစွာအကြိုးသက်ရောက်မှု ရှိစေမည်ဖြစ်သည်။

ပြည်တွင်း ငွေကြေးကိုင်တွယ်သုံးစွဲမှုနှင့် ပတ်သက်၍လည်း အခိုက်အတန် ့အားဖြင့် အရှိန်အဟုန် နှောင့်နှေးသွားမည်ဖြစ်လင့်ကစား မကြာမတင်တွင် ခိုင်မာသော ငွေကြေးလဲလှယ်မှုအသစ်ကို ကျေနပ်စွာ ခံစားရမည် ဖြစ်ပေသည်။

လက်ရှိသုံးစွဲနေသာ ငွေကြေး၏ အချိုးအဆ တစ်ရာလျှော့ချခြင်းဆိုသည်တွင် မိမိတို ့လက်ဝယ် ကိုင်တွယ်သုံးစွဲနေသော ငွေစက္ကူတန်ဖိုးအား တန်ဖိုးသစ်ဖြင့် ပြောင်လဲသတ်မှတ်ခြင်း
ဖြစ်ပေသည်။

တစ်ကျပ်တန် ငွေစက္ကူအား အဿပြာ တစ်ပြားသို ့၎င်း

တစ်ရာကျပ်တန် ငွေစက္ကူအား ငွေသားတစ်ကျပ် အဖြစ်သို ့၎င်း

တစ်ထောင်ကျပ်တန် ငွေစက္ကူအား ကျပ်တစ်ရာ အဖြစ်သို ့၎င်း

ပြောင်းလဲသတ်မှတ် သုံးစွဲစေမည်ဖြစ်ရာ

ဥပမာအားဖြင့် – ယခင်ငွေကျပ်သိန်းသုံးရာတန်ဖိုးရှိ မော်တော်ယဉ်တစ်စီးသည် ယခု ငွေကျပ်သုံးသိန်းသို ့၎င်း

ယခင်ငွေကျပ် သိန်းတစ်ရာ့ငါးဆယ်တန်ဖိုးရှိ အိမ်ခန်းတစ်ခန်းသည် ယခုငွေကျပ် တစ်သိန်းငါးသောင်းသို ့၎င်း

ယခင် စားသုံးဆီတစ်ပိဿာ ငွေငါးရာကျပ်သည် ယခု ငါးကျပ်သို ့၎င်း အသီးသီး ဖလှယ်ပြီး ဖြစ်စေမည်။

ထို ့အတူ ငွေကြေးလဲလှယ်နှုန်းထားများသည်လည်း ပြောင်းလဲသွားမည် ဖြစ်ပေသည်။

ယခင် အမေရိကန် တစ်ဒေါ်လာ မြန်မာကျပ်ငွေ တစ်ထောင့်ငါးရာ ဖြစ်ခဲ့ပါလျှင် ယခု တစ်ဆယ့်ငါးကျပ်သို ့၎င်း

ယခင် စင်္ကာပူ တစ်ဒေါ်လာ မြန်မာကျပ်ငွေ ငါးရာ့ငါးဆယ် ဖြစ်ခဲ့ပါလျှင် ယခု ငါးကျပ်ငါးဆယ်ပြားသို ့၎င်း

ယခင် မလေးရှား တစ်ရင်းဂစ် မြန်မာငွေ သုံးရာကျပ် ဖြစ်ခဲ့ပါလျှင် ယခု သုံးကျပ်သို ့၎င်း လျှော့ကျသွားမည်ဖြစ်၍ မြန်မာငွေတန်ဖိုးသည် သိသိသာသာ မြင့်တက်လာပါမည်။

အထက်ဖေါ်ပြပါ ငွေကြေးတန်ဖိုး လျှော့ချနိုင်ရန် မြန်မာနိုင်ငံ ငွေကြေးဥပဒေနှင့်အညီ ဆောင်ရွက်မည်ဖြစ်သည့်အပြင် အဓိက လိုအပ်ချက်တစ်ခုမှာ အကျွန်ုပ်
 နိုင်ငံတော် ဝန်ကြီးချုပ် ဖြစ်လာရန် အရေးပင် ဖြစ်ပေတော့သည်။
အဟီး …

သို ့ပါ၍ အကျွန်ုပ်သည် နိုင်ငံရပ်ခြားတွင် သဘာရင့်ဝါရင့် အဆင့်မြင့် IQ ပညာရှင်များဖြင့် အပ်ချုပ်ပညာအား အပတ္တကုပ် သင်ကြားနေပေသည်။

သင်ကြားတတ်မြောက်ပြီးစီး၍ အမိမြန်မာနိုင်ငံသို ့ ပြန်လည်ရောက်ရှိသည့်အခါ နိုင်ငံတော်ဝန်ကြီးများ၏ အင်္ကျီများကို ချုပ်ပေးပါမည်။ ထိုအခါ အကျွန်ုပ်သည် နိုင်ငံတော် ဝန်ကြီး(အင်္ကျီ)ချုပ် ဘိုချုပ်ကြီး ဖြစ်လာမည်မှာ ဧကန်မလွဲတည်း … အီး ငှီး ငှီး …