သစ္စာတရားကိုရှာဖွေတွေ့ရှိခြင်း

သစ္စာတရားရှာဖို့ရာတွက်
ငါ…အင်တာနက်ပေါ်တက်ခဲ့တယ်။။
ဂိုဂဲလ်အားကိုးနဲ ့
ရသမျှမွှေနှောက်
အဘယ်ဝက်ဆိုဒ်
ဘယ်ကွန်ယက်မှာမှမတွေ့
ဂျီမေးလ်လည်းအားကိုးမရ
ဂျီတော့ခ်မှာကျတော့လည်း
မုသာဝါဒအတိနဲ့
သစ္စာတရားရယ်မရှိ……………..။။
ကွန်ပြူတာစက်ထဲမှာလည်း
ဒေါင်းလုပ်ဒ်ဆွဲမရ
ကော်ပီယူလို့လဲမဖြစ်
ဖိုဒါတစ်ခုလည်းဆောက်မရ
သစ္စာတရားရေမင်းဘယ်မှာလဲကွယ်…။
ဟော……..
တွေ့ပြီ
တစ်ကယ်တော့အင်တာနက်သစ္စာတရားက
လူမဟုတ်တဲ့ပရိုဂရမ်တစ်ခု
ခံစားချက်မဲ့တဲ့
လူတွေလိုအားမနာတတ်တဲ့
ဆော့ဖ်ဝဲတစ်ခု
တွေ့လိုက်ရပြီ…………။
ဟုတ်ပ
ယူဇာနိမ်းကိုစာလုံးကြီးနဲ့ရိုက်မိ
ဒေါ့နေရာမှာကော်မာရိုက်မိ
ပါတ်စ်ဝါတ်ကိုပြောင်းပြန်ရိုက်ထည့်
ဘယ်တော့မှမပွင့်…………….။။
အဲ့……………
အရွယ်လွန်ခါမှ
သစ္စာတရားရှာဖို့တွက်
အင်တာနက်ပေါ်ရောက်လာသူ
အမြင်မှုံဝါး
မျက်မှန်တစ်ဝင်းဝင်းနဲ့မို့
မင်းသာဆိုရင်……တော့
နားလည်မှုနဲ့အားနာပါးနာဖွင့်ပေးလိုက်မှာ…..
သူကတော့………
မရဘူးဆရာရေ့………..
အဲဒါမှန်ကန်သေချာတဲ့
ဘက်မလိုက်တဲ့သစ္စာတရား
ငါရှာဖွေတွေ့ရှိလိုက်ပြီ…………။။

(သစ္စာတရားဟာခန္ဓာကိုယ်တွင်းမှာပဲရှိတာအပြင်မှာတော့မူးလို့ရှူစရာမရှိဘူးလို့ပြောခဲ့ဖူးတဲ့
သူငယ်ချင်းတစ်ယောက်ကိုအမှတ်ရလို့………………….)

နေဝန်းနီ